幸福班戟 (K11 Musea) (已結業)

身為九龍人見k11 Musea 新開左間happy pancake 當然要一試la ,之前係銅鑼灣食完之後一試難忘去到東京都要特地食多一次由於新店開幕左幾日就去試，見店內位置有限得二十個位左右分別係店鋪外同𥚃面，排之前係無諗過要等咁耐，有諗過轉take out但等左一個鐘先轉真係好難決擇🤯take out 買的人龍係收銀機旁邊，人龍不算長，大約得十幾人左右，排隊等的時候已經見好多人食梗美味pancake 😍等等等，等左兩個鐘終於有得食😍尖沙咀分店的pancake 係平左20蚊左右，原味係$80左右食pancake 一定要試原味😍用紙盒裝係有啲失息😖入口即溶食左好多空氣🤪再加上麥盧蜂蜜和牛油味一流😍再黎就係抹茶味抹茶唔係假抹茶，甜中帶茶味不錯👍🏻整體而言，極度建議選擇take outorder 完行個圈再番黎食個美味甜品🤔九龍人有福la 以後行完尖咀又多個選擇😍😍😍

等位時間長，安排不妥，不時出現其實有檯但又要人排隊的情況。pancake遠遠不及日本的鬆軟，無蛋香味，所有餐具都係即棄的，十分不環保。以＄80一份來說，份量偏少，堂食的整個presentation亦令人失望，不會考慮再來。

今日黎到新開既k11 musea本身諗住睇1點鐘個場movie但最後冇得睇 睇3點 咁有2個鐘 就試下去試呢間新開既pancake啦 1點幾去到差不多排左一個鐘 餐廳好細可能坐到20個人左右 叫左一個matcha pancake同一杯茶 差不多等到50 分鐘先有得食完全kitchen係跟唔到單 本身都預等得耐 但冇諗過要差不多一個鐘 5分鐘都唔洗就食晒 味道好一般 食到成肚氣 仲要108 蚊 加埋杯50 蚊茶 如果真係好多時間 可以排一次 我就應該無下次

上月喺熊本食過幸福pancake 覺得幾幸福，所以今次喺香港都想搵返呢種味道。星期六朝早10:30到K11 新店，已有人排隊，鋪好細，有幾張檯擺咗喺鋪外即商場，諗住要排好耐，又唔係喎，15mins 就有檯，一坐落就知點解咁快有位，原來係快餐mode , 出去先俾錢order ，仲要全部即棄餐具，感覺急促之餘完全唔環保。order咗好快就有野食，應該5 mins都唔使，點咗latte 同mocha , 都幾細杯，聞落香，飲落就普通。點咗煙肉蛋pancake ,似五花腩多過煙肉，不過煎得好香，如就咁食鹹咗啲，但mix pancake 就差唔多，啲菜都幾新鮮。另外仲有一個係奶茶pancake ,都幾好味。overall其實味道係幾好嘅，但所有野加埋性價比就唔高了

九月七日 早上11點幾，已經要排隊不過等左5分鐘都入到座算系咁潮聖li回事，食過就算系好味的，但不算好大驚喜，性價比也不算好高，應該不會有下次值得讚的系食物整得好快，而且職員都有禮貌

一開幕果日黎試左，抱住滿心歡喜帶埋女女黎食，諗住可以喺九龍都可以搵到“幸福”,黎決心一試，味道係可以接受既，但係佢用嘅野拖低左個性價比，叫得用咁既價錢去嘆“外賣”我又未必會願意，下次都係去返銅鑼灣😂😂真係感覺未夠grand，爭少少

見新開張，而且之前去過利園分店覺得不論環境同食物都很好，所以今次見到要排長龍也照樣排，豈料結果很失望。排了約三十分鐘，店員並冇通知pancake 只用紙盤盛着，熱茶$48只以紙杯小小的一杯送上枱。排完三十分鐘仲要再去收銀排隊再自己落單！！餐牌寫明pancake 需等候20分鐘，結果等了40分鐘！估計同餐廳同部處理堂食同外賣的order有關，一大堆客人站在門口等外賣，安排不妥善。食品飲品賣相比利園分店差遠了，完全不值得等候。

有去日本食過，所以諗住喺香港試吓，而且係新商場新店。去到要排隊，覺得在所難免，一排就個半鐘。其間見到有不少人買外賣在旁邊食。個半鐘後終於入坐，誰知waiter說要自己再去收銀處再排隊買嘢食，水吧可以自己去拿水飮，結果又去排隊！回座位等食物期間，外賣的客人也不少而且不時入店內問及程況，及到水吧拿水飲，而waiter也不時大叫外賣號碼。半個鐘後，Pancake 送到枱上，居然係用紙盤，及紙杯。Presentation 已經對食物質素打咗折。杯花茶是可以的，Pancakes 蛋味還可，但蜜糖份量比較少。成件事都是我期望太高，唔應該用日本比較，早知我就食外賣，用快餐店來比較可能感覺好些。

坐落於尖東K11 MUSEA 終於開幕了, 本人不是一個走在潮流尖端的人、但亦未能抹去八卦之常心，在一個平靜下午趁著香港繁忙都市人返工時段來了這一所屹立在瑰麗酒店與洲際酒店中央的新型商場逛逛｡｡｡由科學館以及半島酒店而過已清晰可見, 進駐的名牌/ 戲院與及食肆亦陸陸續續進駐、今日當然先去便是在九龍區內第一間分店(幸福pancake~)由於是平日到步時間差不多是(中午十二點左右)已經坐無虛席，幸好排隊在我之前只是4、5個人以言，所以大約等約10分鐘便可以入內~店外是採用自己先購票而送餐的形式運作，所以在店員安排好入座枱後便要自行走出櫃位付款、等待其食物,店內採用一系列環保即棄餐具、自己就認為大大地貶低咗整間餐廳之格調，餐具亦早已放好在枱上、自助區亦設有冰水供應給客人自己取用，等候pancake當日大约15~20分鐘~以玻璃設計烤爐製作全是一覽無遺,其實當日製作流程亦不算等候多耐、玩玩手機看看牆上的壁畫，食物已送上跟前~時令鮮果pancake Hk$108. 這張圖片是絕對沒有為拍照長久等至萎縮的場面,而是一上枱已經看到(萎縮場面)、別先講賣相餐牌上的時令鮮果餡料包含:菠蘿/ 蘋果/ 西瓜

今日同中學同學去咗一間位於尖東既新商場，行下見到有間出名既pancake店，於是買咗嚟食，因堂食實在太多人關係，所以外賣。但抹茶味pancake 己售完，所以叫咗朱古力味，拎完牌等侯時間要15-20分鐘。在等候其間，已經聞到濃厚既香味。等了20分鐘終於整好，即叫即整十分吸引，睇得出用心製作，試下味道先，口感係軟琳琳再配合朱古力好好味，甜度又適中好啱健康人士食。因lee間店last order至到晚上9:00，如果大家想試請留意時間。

新店開張需要店內食的要相隔一條電梯排隊，排隊並不是問題。但眼見兩次都有外賣的客人取了食物後見到有空位就坐下來，員工完全不夠又忙完全沒留意。等外賣的人在店門等侯多麽的混亂!不知道需要排隊的客人見有空位就坐下安排人流實在很差!食品相對日本分別不大，倒是叫了奶茶味道一點都不好喝，反而藍莓珍珠soda很好喝。

今晚經驗令我大開眼界，要第一次要寫食評！網上已訂位，我早咗五分鐘到達，一去到見到門口好多walk-in客排緊隊堂食同好多人等外賣，但餐廳一早已預留座位可以即刻安排入座，呢樣係全晚唯一讚嘅地方...然後同外賣客人一齊排隊叫餐，叫餐後已講明繁忙時間可能要等40分鐘，好的，新店多客我接受，堂食外賣同樣都用紙盤上我都接受(過百蚊一客班戟都係用紙盤)... 但餐牌寫住“甜蜜香橙茶”用壺上，售價原價為$48, pancake 加點飲品價為$28，我叫左但送到見到係用水機細紙杯上，我真係即刻呆咗好難接受囉😨😨 如果比隻似樣少少或平時咖啡紙杯我都仲接受，唯有即刻同店員反應，店員回覆：餐牌日本同事翻釋錯，呢個係可以自己refill熱水...我好想講咁細個杯想我自己行去斟幾多次呢？完全唔覺得呢個杯好失禮嗎？48蚊杯... 唔係餐牌寫會壺上我都唔會叫，所以我要求換過另外杯野飲，跟住店員都算有禮貌話可以，但話我要自己出返去再排隊void單再落過order!! 我已忍住我勁想爆嘅情緒，笑住話麻煩你就咁換過杯，如有多錢剩都唔要... 最後先換咗杯同價皇家珍珠奶茶 。主角Pancake，本來想試新店限定抹茶味但今日

幸福班戟自去年在銅鑼灣利園三期開設首間海外分店後，終於在香港開第二間分店了選址更是尖沙咀新開幕備受矚目的K11 MUSEA內二樓商場似乎仍未正式開業，但場內已經很多人入到商場沿著扶手電梯上兩層，左手面便是店舖了今次店內裝潢好少女啊喜歡打卡的少女又怎能不到此一遊？新店以玉米製的環保食具，更首推外賣，那麼大家不用再排隊排太耐了吧？（希望）最愛原味「幸福班戟」的吉蒂今次試了一客新推出的「宇治抹茶濃厚慕斯班戟」及「時令鮮果班戟」宇治抹茶濃厚慕斯班戟，相比去年銅鑼灣店開業時期間限定推出的抹茶紅豆班戟味道來得香濃用原味班戟配上白朱古力製忌廉，宇治抹茶慕斯，香脆核桃，黑蜜，全部一次過入口超級配合，二百分吉蒂就非常喜歡，唔知大家口味呢？鮮果班戟賣相美，鮮果夠新鮮。這款卡路理或許低一點，怕肥可選這款欣賞他們讓大家可以仔細觀察整個烤班戟過程，明顯日本人做事很乾淨衛生，食都食得安心是次店舖雖小，只有30個座位，但是因為有外賣供應，所以少d座位大家都唔怕食唔到啦👏🏻👏🏻👏🏻總分90/100 餐廳26/8下午一點正式開業，大家記得試喇！