幸屋

营业中

休息中

今日和朋友去咗灣仔「幸屋」lunch , 「幸屋」位於灣仔機利臣街，是一間充滿日本風嘅拉麵店，除了拉麵之還有丼飯，沾麵，小食等等的選擇…….小食冷豆腐………豆腐口感嫩滑，凍凍地咁食再配埋日式醬汁👍和風炸鷄………炸鷄即叫即炸，香脆可口，肉質鮮嫩👍樱花蝦味增拉麵🍜 配料有櫻花蝦和一隻溏心蛋………湯底濃郁又夠熱……..叉燒肥瘦均勻，味道不錯日本赤雞井……..雞件肉質嫩滑⋯⋯…跟醬汁溫泉蛋一齊拌飯幾好味！

放左工係灣仔附近，想食下日本野，又想食下d暖既野，就搵左間拉麵黎食下。佢哋嘅冷豆腐做為冷盤，又簡單又清新，d豆腐好鬼軟滑又好爽口，再搭配果d特製醬汁，真係好清爽怡人。芝麻手羽外脆內嫩，每一淡都有香脆既口感，再搭配埋芝麻既香味，令人回味無窮。櫻花蝦味噌拉麵湯底濃郁又鮮甜，佢果d櫻花蝦既鮮味同入面既噌味相輔相成，而拉麵又彈又爽。醬燒牛肉丼牛肉又軟嫩又多汁，醬汁香甜入味，搭配蓬鬆飯食係正既，每一淡都充滿滿足感。

-🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽-🥢櫻花蝦味增拉麵 $88 🆗湯底濃郁，味增搭配櫻花蝦，海味十足😋。麵條有彈性，吸收咗湯底嘅味道，食落去好順口。配料方面，溏心蛋同新鮮蔬菜都加分，整體來講，味道唔錯，可以一試👌🏻！🥢胡麻王 豚骨拉麵 $80 🆗胡麻王豚骨拉麵嘅湯底以芝麻為主調。芝麻佈滿湯面，香氣濃郁。豚骨湯底亦保持咗濃厚嘅口感，兩者結合得宜，令整體味道更加層次豐富😍，搭配豐富嘅配料，無論係叉燒定溏心蛋，都令整碗拉麵更加美味👍🏼。🥢和風炸雞 $45 🆙外表金黃酥脆，咬落去時，酥脆嘅外皮立刻散發出香味😳，裡面嘅雞肉嫩滑多汁，完全冇油膩感。🥢冷豆腐 $32 🆙豆腐口感順滑，食落去冰冰涼涼，令人好舒服。配上爽脆嘅青瓜絲，咬落去有一種清新嘅感覺，再加埋香味十足嘅蔥花，呢個組合實在無得輸😙。-🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽-

胡麻王豚骨拉麵 $80豚骨湯底味道醇厚濃郁有驚喜加入芝麻後多左芝麻香氣係另一番風味但同時都會蓋過豚骨湯底既味道櫻花蝦味噌拉麵 $88有大量櫻花蝦湯底蝦味突出味道鮮甜較豚骨湯底鮮美比較清爽拉麵既配料有叉燒、豚角煮、溏心蛋、木耳絲、椰菜、紫菜、蔥花等拉麵烹煮間啱啱好，質地爽彈、掛湯力強叉燒薄切、肉質唔乾柴豚角煮肥瘦相間、煮得入味、肉質軟淋溏心蛋呈半流心狀、橙黃色既蛋漿十分誘人和風餃子 $38餃子細細粒做到皮薄餡料豐富一啖咬落十分juicy 配搭面頭木魚碎、沙律醬同鍋巴一齊食鹹甜交雜味道同口感層次都好豐富芝麻手羽 $38雞翼炸得金黃香脆肉質嫩滑唔乾柴沾上芝麻後更提升香氣整體而言，香港難得一見既好味拉麵店舖頭裝潢日式食物味道亦唔差價錢唔貴絶對值得一試

今次帶太太黎到呢間幸屋試試佢嘅拉麵，首先講下湯底先，湯底感覺都較鮮甜。而帶子同雞湯濃郁得黎又融合得度岩岩好，鹹甜比例恰當，每一口都吸收左湯汁的精華。雞胸肉嫩滑多汁。！！之後帶子和雞胸的配搭都為整道菜增添了層次,與配菜形成了絕佳搭配。每一種食材的特色都發揮得幾好,整體黎講口感都非常不錯！！！最後呢碗帶子鰹魚湯雞胸拉麵算係一道相當唔錯嘅拉麵，而配料都很新鮮,整體口感可以接受,是一道唔錯值得品嘗的美味佳餚。

位於灣仔嘅小店，入面樓底高空間感大，左邊係四人枱，右邊係高枱，個feel都幾日式。芝麻手羽$38店主極力推介佢嘅雞翼，咁就一於試吓佢。又真係幾好食，雞翼外層嘅皮炸得好焦脆，少少甜，又好香白芝麻味，肉質嫩滑juicy，值得⼀試日本黑豚丼$83見佢相入邊個presentation幾靚仔就俾佢吸引咗。雖然上菜同佢相有啲唔同，不過味道都唔錯。黑豚肉煎得啱啱好，應該加咗蜜糖令到喺肥膏嘅位置有少少脆邊，連埋溫泉蛋同埋蔥花一齊食，好食。

呢日喺灣仔同朋友一齊行咗入橫街嚟咗呢間拉麵店諗住簡簡單單食個 early dinner🤣$38「和風餃子Japanese style dumplings」：大大隻有啲豬肉喺裏邊$88「櫻花蝦味增拉麵 Sakura Shrimp Miso Ramen」：有兩片日式叉燒同埋脆脆哋嘅櫻花蝦，麵條軟腍腍，口味大眾化$108「鹿兒島赤雞沾麵 Kagoshima Red Chicken Tsukemen」：沾麵汁非常厚身，好掛麵$38「芝士年糕 Japanese Style Rice Cake with Melted Cheese 🧀」：日式年糕嘅煙靭快快脆脆簡簡單單食得飽飽嘅一餐👍

黑武士拉麵 - 豚骨湯底加上黑蒜油同埋山藥，味道香濃加上配料豐富，有肉碎粒粒、叉燒、豚角煮同埋溏心蛋，豚角煮脂香十足，大滿足！同埋好鍾意佢哋復古風滿滿嘅龍碗（不得不講，拉麵配啤酒係一流——🍻 ）醬燒牛肉丼🐂 睇落細細碗咁估唔到原來係勁飽肚，肉嘅份量夠多而且肉味甘香肥瘦均勻唔會柴，估唔到拉麵店都有咁高質嘅丼飯佐酒小食和風餃子皮薄又酥脆，加入菜菜嘅內餡食落口感比較清爽開胃仲有夏天最愛嘅蟹籽沙律🥗由青瓜絲、蟹籽、蟹柳撈勻沙律醬，兒時口味永不出錯口味貼合港式，食物唔花巧，價錢夠實惠，唔係下下要排成個鐘頭嚟食百幾蚊一碗麵仲要蛋都無隻，簡簡單單嘅一餐都可以好滿足~「如果沒有這種小確幸，人生只不過像乾巴巴的沙漠而已。」

同朋友係附近想食拉麵，最後見評分挺好選了這家沒讓我們失望啊我地2人叫左，櫻花蝦味增拉麺Sakura Shrimp Miso Ramen可以選湯的濃郁度，我選了粗面 口感更加有嚼勁 ,湯汁好掛麵朋友叫左醬燒牛肉井 Beef Donburi with Soy Saucen 牛肉片很香 很大一塊 也挺厚的小食叫左和風餃子Japanese style dumplings 蔬菜餡很足料，外層煎得很香脆好吃另外芝麻手羽Sesame Chicken Wings 都超級好食，必須要試，很好吃，油炸得金黃香脆，雞肉很滑一點也不會乾

黑蒜浓厚山药豚骨面，或称黑武士，浓汤厚肉，不见山药，肚饿时见到令人食指大动，吃完感觉好饱，其他风味有辛武士金武士等，袋泡茶淡如水，跟浓汤面形成反差，坐面墙吧台，座位偏窄，举手易碰到两边的人，只能夹着肩膀用餐，餐桌多提供给双人以上，巷中店窄门长身，少窗位，自然光线不足，午餐收现金或八达通，吃完不想多呆，出来晒大太阳，门口尚有人排队等。但觉：浓厚有余，回味不足。

這晚與友人到演藝學院欣賞舞台劇，於是便找找附近有沒有好吃的餐廳晚餐，發現這間有多個好評的日式小店，有齊拉麵、丼飯、小食，好啱心水，一於試試！餐廳裝修充滿日系feel，晚市時段坐滿客人。🌟黑蒜濃厚山藥豚骨拉麵拉麵可選幼麵或粗麵、軟硬度、湯底濃度、香油濃度等，啱晒自己口味。🌟蒲燒鰻魚丼有兩大片鰻魚，醬汁配以珍珠飯好好味。🌟和風餃子呢個餃子好出色，煎到脆卜卜，餡料豐富嘅。🌟 芝士年糕熱辣辣兼且煙煙韌韌，更可做出拉絲效果，不錯的小吃！

喺OpenRice睇到有七百幾個評價，所以星期六同老公試吓嚟食裝修幾靚，但係坐得唔算特別舒服，可能係因為坐高枱服務態度幾好，啲侍應都好有禮貌主動問你要唔要水嘢食就一般般我同老公一人叫咗兩個拉麵我叫咗黑蒜山藥豚骨拉麵湯底冇乜味拉麵質感還可以老公就叫咗魚骨沾麵重點嚟啦，佢竟然食到有蛋殼味道就一般，因為啲豚肉有啲嚡唔算特別好食，又唔算特別難食不過下次嚟灣仔應該都唔會特別食佢

黑蒜濃厚山藥豚骨拉麵黑蒜味都幾香 成碗湯底都係黑鼆鼆有一塊軟腍嘅豚肉同埋糖心蛋 紫菜 椰菜都幾有日本正宗口味廣島蠔沾麵 呢款沾麵嘅拉麵就比較粗身 粗身嘅拉麵可以容易掛濃郁嘅湯底熱辣辣嘅湯底充滿鮮味廣島蠔，大隻又新鮮加啲檸檬 更添風味有隻幾靚嘅糖心蛋心同埋大量嘅蔥同椰菜另外仲叫咗兩個小食吉列蠔 熱辣辣炸出嚟 外脆內軟生蠔有新鮮海水味和風餃子有啲紫菜煎得幾香最靚就係個餅呢度除咗拉麵，仲有日式飯有座枱亦都有吧枱平時午餐時間好多人

在灣仔行完展覽後去附近覓美食，小巷中紅色幸字燈籠份外搶眼，抵不住入去。店舖牆身佈告版貼有熱播的日本影視作品海報，特別有一份親切感。我地叫左兩款麵食，胡麻王芝麻湯底豚肉拉麵，芝蔴味撲鼻而來，豚肉沾上整碗麵精華，湯底一口入魂，溏心蛋同紫菜堪稱畫龍點精，一口一口美味無窮!鏗魚出汁冷撈麵，鏗魚汁新鮮可口，爽而不油膩，配以蒜蓉醬中的蒜油，帶出陣陣清新芳香!小食叫左和風餃子，外皮如章魚燒皮薄般金黃爽脆，餃子有菜及豬肉，兩者配合得天衣無縫!手羽先外皮酥脆之餘肉汁極為豐富，小食佳品!

灣仔的「幸屋」一直是我wish list入面其中一間係香港想吃的拉麵店。上星期終於有機會來，點了招牌「櫻花蝦味噌拉麵」「魚介湯豚骨沾麵」，以及兩款小食「和風餃子」和「和風炸雞」。-櫻花蝦味噌拉麵這碗拉麵一上桌，櫻花蝦的鮮香氣息就撲鼻而來。湯頭濃郁，味噌的鹹香與蝦頭的鮮味超match，喝起來非常過癮。麵條的硬度適中，口感Q彈有嚼勁，還有叉燒同流心蛋也很對版，每一口都是滿足。-魚介湯豚骨沾麵沾麵控絕對不能錯過！魚介湯底濃郁香醇，個人很愛湯頭的厚度。將QQ的粗麵條浸泡在湯底中，每一根麵條都裹滿了濃郁的湯汁，口感豐富。沾麵的口感有嚼勁，簡單好食。-和風餃子、和風炸雞兩款小食都表現得相當不錯。和風餃子皮薄餡多，皮也脆脆的，內餡飽滿多汁。和風炸雞外酥內嫩，雞肉鮮嫩多汁，好食好食。