幕多

营业中

休息中

過嚟幾次都食唔到，次次條龍都鬼死咁長今日決心4.45就到～ 已經有4枱坐低左終於成功食到。真係好食😋店舖哥哥非常友善，抵讚，亦抵佢生意好！我試刀削麵，男朋友食拉麵～ 再加生蠔、鮑魚個人覺得刀削麵好食，鮑魚大大隻👍

4.7/5⭐️ 蝦湯界天花板🦐 神級蝦湯系列 🍜 招牌蝦湯麵 - 湯底超濃- 配已剝殼大蝦 懶人恩物- 追加海鮮超值，海鮮甜味撞蝦湯絕配 一碗蝦湯見證小店初心，由街坊食堂變成必食名物！

【濃厚順滑。醬油蝦湯麵】這家小店只有一款湯麵、 每天排的人源源不絕，在香港是難得一見。排隊是可以坐在外面的一排長椅，等待時店員有免費送水。店裡空間不大， 約二十幾個座位。 當天約2點前到達，排了30分鐘就安排入座。❈ 醬油蝦漉湯麵 HK$118 ❈ 溏心蛋 HK$15麵條可以選拉麵或刀削麵，蔥可以選多蔥，適中，少蔥或走蔥。溏心蛋是流心的，淡淡的蛋香味。上桌時店員會現場淋上秘制蝦油，增加香氣，儀式感滿滿。湯底濃厚順滑，還加了櫻花蝦，令湯底更豐富。每一口麵也掛滿了很濃郁的湯。3隻蝦不用剝殼可以直接吃，醬油豐富了蝦的香甜，口感彈牙。 註： 只收現金

為咗唔使排好耐，我哋11:40就到餐廳結果排第一位餐廳好好，會每人派一枝水畀埋餐牌我哋畫定每碗麵有三隻蝦上枱時職員會淋上蝦油好香，好濃，好掛汁我哋兩個都覺得拉麵比刀削麵適合鮑魚同蠔都非常大隻好有口感配咗豉油加少少辣椒但因為蝦湯麵好濃味再食呢碟時係有啲淡味時日精選係青口原本冇諗住叫，後尾男朋友話都想試埋估唔到！咁好食！好大隻青口，粒粒啖啖肉同埋，食完蝦湯麵再食佢都仲食到佢嘅鮮味最抵食係呢度可以加麵所以絕對唔使驚唔夠飽

並非浪得虛名的排隊小店大概23個位5pm點開半，530pm到店已經前邊有10幾個人等位了排左大概半小時可以入座最期待係佢啲海鮮🤣餐牌只有一款蝦拉麵蝦食得出係新鮮蝦，仲要剝埋殼連埋條尾俾你我揀咗多蔥啲蔥喺新鮮切爽嘅麵條唔會太腍海鮮到我叫嘅時候候已經冇晒鮑魚好可惜所以我叫咗蠔，蟶子，青口全部海鮮都好新鮮，一啲都冇腥味醬油味剛剛好唔會太鹹明白點解佢會成日都排隊喺外面好少食到呢一種海鮮煮法價錢唔會太貴菜式特別，又有心機值得支持一下

星期六6點開始排 7點幾終於入到座一路排隊既時候 店員會keep住派水同酒好貼心我地叫左蠔同鮑魚餐廳話今日既蠔比較細隻 所以補多隻比我地呢個位再feel到佢地對質素好有要求講下個醬油海鮮先蠔同鮑魚都勁大隻蠔食落好甜好鮮個鮑魚就好彈牙而且每款都係三十幾蚊 都係好抵食好欣賞佢個海鮮 另外拉麵就一般般蝦味唔算濃 湯底味道淡左啲湯底比較似擔擔面 有花生醬既味道而且佢蝦油都偏重花椒面而唔係重蝦味所以有少少失望不過料就都幾足成碗有好多櫻花蝦不過會果湯底要濃啲會更好

閒日6點45分已經見到多人排隊，但等30至45分鐘就可以入座，都接受到，因為蝦濃湯太吸引。天氣開始熱，網上見人講店家提供水，太貼心啦。驚喜位係店家好大方，請大家飲酒（唔飲酒都有水），白桃好香易入口，微微酒味，傾下計飲下野，好快等到位入座，而且近門口都有少量位俾排前方客人坐。餐牌好簡單，小店賣一款醬油蝦濃湯麵，可揀拉麵或刀削麵，可加錢要海鮮，見到其他客人食的蠔同鮑魚超吸引，不過我地太遲，剛好售罄。醬油蝦濃湯麵 $118店員會係客人面前加蝦油，好有儀式感。加左蝦油，湯頭味道會更香，先飲一啖湯，有濃濃蝦味，質感濃調厚身，有櫻花蝦、3隻去殼蝦、蔥。我揀左刀削麵，更掛汁更滑。男友揀拉麵，感覺日式，都掛到湯汁。蝦肉大大隻，鮮味爽彈，蝦味突出。是日精選海鮮 蟶子$38，超大隻，蟶子皇咁，好鮮味好爽脆。當晚已售罄糖心蛋、鮑魚、蠔，下次要早d去。💪最後，如果未飽，店員話可以加替玉（即加麵），不過唔知幾錢，因為我都飽飽地，但男友剛好。

OneNight Camp is a hidden gem that specializes in shrimp ramen, and it truly shines in this area. The broth is rich and flavorful, infused with the essence of fresh shrimp that elevates the entire dish. Each bowl is generously topped with plump, succulent shrimp, perfectly cooked to maintain their tender texture.The noodles are cooked al dente, providing a satisfying chew that complements the savory broth. The attention to detail in presentation adds to the overall experience, making it as visua

去尖沙咀睇戲，唔知食咩好上網睇到人哋推薦，黎到發現果然好受歡迎條隊有啲長，但隊排得唔算耐中途店員仲會派水俾我哋飲，覺得有啲貼心因為排隊排期間一早有餐牌俾我哋揀，所以一入到去無耐，其實拉麵已經準備好，職員會係面前幫我哋加蝦油🍤其實就咁睇已經好吸引，鍾意食蝦嘅我，對於剝殼都覺得好煩，點知隻蝦近睇下係係殼架，超貼心幫手剝咗殼，仲要有味道，唔係普通白灼放上去🍤覺得驚喜連連🫢個麵同湯都好好👍麵係軟硬適中、湯好creamy 💕 我平時唔飲湯都飲哂咁滯

離遠見到大排長龍 以為會排好耐 點知大概半個鐘左右都入得～翻桌時間都算快👍🏻本身對碗拉麵好有期望 因為知道好多人都話好好食食落其實好重蝦味 我都忍唔住係咁飲湯😂只不過食完之後口渴左好耐要keep住飲水⋯應該唔會有下次了🥲

在以前細舖，還叫植幕宵的年代，那時光顧了幾次，蝦麵的蝦味驚為天人，為什麽會這樣好味呀?為什麼蝦味這麽濃?那時一個人，不需要等太久便可入內。之後細舖轉去對面大舖，名子改為幕多，人手多了，老闆也轉了，叫一碗蝦湯麵，加上蝦油依舊蝦味濃厚，味道很好，但已經不見了那種獨特而又令舌頭爆炸，久居不散的蝦味，話雖如此，仍是上乘之選。醬油蝦或蠔或鮑魚必須要點選，是日精選今次光顧是蟶子，全部外型都很大隻新鮮肉厚，加入醬油很有鮮活的味道，作為男士一碗蝦麵的份量剛好飽肚，叫多一碟海鮮更勝一籌。

夜晚六七點嘅時間好多人喺門口排隊，店家好貼心喺出面擺咗長凳比排隊嘅人可以坐低等然後有時不是出嚟派水俾大家飲 service 100分今次同朋友一人叫咗一個蝦湯拉麵+1隻溫泉蛋、$38 加多一份貴妃蚌，不得不說佢哋嘅海鮮真係好新鮮好甜重頭戲就係蝦湯拉麵個湯，飲一啖會忍唔住飲晒成碗，而且拉麵入面嘅蝦係已經剝晒殼，蝦頭好鮮甜下次一定要再encore

冇諗過原來喺尖沙咀同樣地段，共有三間嘅龍蝦湯拉麵，呢個競爭咁大嘅地方，居然有一間專做蝦湯拉麵嘅店舖係排晒長龍咁等。門口有一排長凳轉系比客人坐，等嘅時候店長真係好細心，會派支水俾食客邊飲住水邊等，而且仲派咗一張卡可以俾食客圈出心水食材做配料。入到店內，店舖雖然細，但係裝修感覺置身於日本拉麵舖。講到味道，龍蝦湯嘅湯底係用新鮮蝦熬煮而成，上菜嘅時候店內嘅職員會幫我淋上蝦油。好奇咁問佢點解會咁樣呢，原來係店長嘅心意，咁樣唔單只有儀式感，而且佢珍惜每一滴蝦油，蝦油淋上面香噴噴，份外清甜。我覺得最好味係個主角大蝦，蝦頭好香好濃嘅蝦膏，而且蝦身已經剝咗殼，唔怕蝦殼會慘口。拉麵配咗個湯底好易入口亦好味😋另外點咗一個小食，就係蟶子啦，咪睇蟶子好似煮到好硬咁原來好清脆軟滑配上店秘製醬汁，有帶少少酒香同埋清甜，完全帶出海鮮嘅鮮味。如果再揀一定會揀呢一間拉麵店再食過。。

即興老婆的朋友帶我們過來，等了約半小時入座。店內只賣一款產品，醬油濃蝦湯，可選拉面或刀削面，可另加$38加生蠔等小食。如果期望很重蝦味的朋友可能會小失望。醬油，蝦湯，葱蒜香，是我對湯底的總結。葱蒜味稍重，整體是好吃的，只是不是很合我口味。老婆點的拉面她說沒有什麼特別，所以我建議大家點刀削面。拉面店提供刀削面選擇，想想都知肯定有幾分把握。如無意外，刀削面很Q很厚很掛湯，十分好吃。別問我怎麼知道，這刀削面應該是台灣的，在香港少數粉面專賣廠才有賣，成本不比烏冬便宜。在這層面看，比點普通拉面划算太多。大蝦三隻，上來時有點冷，用了花椒輕輕的調了一下味，應該是急凍大蝦所以稍稍辟一辟味。比黃埔某店大蝦只有一隻，用櫻花蝦炸漿炸得大大的來吸引人打卡，幕多又再顯得良心得多。

呢間好似開咗好耐，一直嘗試，諗住等啲熱潮過去先去食，點知一去都要等成半個鐘。但係超級窩心，因為排隊嘅時候佢哋會出嚟派支裝水俾大家等，真係未試過排隊有咁好服務。其實佢Menu剩係得醬油蝦濃湯麵，面款都係得兩種，拉麵同刀削麵。我哋就揀咗拉麵。亦都可以揀配菜減少食追加，我哋一定唔可以Miss咗個小食追加，今次就有蟶子同北極貝，每份$38／1隻。有時Menu咁專，就證明佢可以做得更加專注更加出色，成個拉麵佢個staff會出嚟倒啲蝦油，要口感有要表演有，但其實小店真係好用心，地方好細好逼夾，但係就feel到嗰種人情味，同埋小店店主同客人嘅交流。呢個亦都可能係佢開咗咁耐都大排長龍嘅原因。拉麵口感好好唔會太腍，亦都彈牙，蝦湯真係超邪惡，非常香甜非常惹味，食完未至於太口渴，可以接受嘅。但佢嘅海鮮其實真係好正，反而係意想唔到，因為始終唔係佢嘅主食，亦都冇諗過個海鮮係凍嘅，但係佢好似用酒醃過，亦仍然可以保持到個海鮮鮮味，而且口感仍然爽口唔會過分老，真係要一定技巧。總括嚟講，小店嘅嘢食質素真係冇得批評，當然個價錢會有人去討論值唔值，就咁睇價錢可能係比較高，老實講，我都覺得$100個拉麵好似有啲貴，但係諗返佢