幕多

营业中

休息中

我非常喜歡吃拉麵坊間有不少出名的過江龍也未能得我歡心！早前吃過一間非常用心的本地小店，品嚐到店家用心的真材實料好味道。拉麵店位處尖沙咀漆咸圍內的幕多！擁有超養眼的紅色店面行過絕對不會錯過的。這天下午兩時許來到仍然全店滿座！幸運的是未有人龍所以等了約10分鐘便可入座，期間店員先給我們餐牌點選食品，餐牌內容非常簡單絕對是吃專注。店內設有十多個座位於拉麵店來說算坐得挺舒適，放在檯面的貨櫃紙巾盒也勁可愛啊。拉麵店每日也有精選美食這天有蟶子及貴妃蚌，實在太合我們口味一於全點上。不消一會所點美食全部來到我們面前！肚子已經非常雀躍地打鼓我們也不客氣要大快朵頤了。精選海鮮小食各$38/份全以醬油來調味！貴妃蚌和蟶子也沒有華麗賣相，看似簡單但吃下爽口彈牙加上幽幽的醬油提鮮是好吃的。拉麵獨孤一味只售醬油蝦濃湯麵$118但足以令我回味無窮。拉麵上檯的時候會在席前淋上自家提煉的蝦油！紅彤彤的色澤非常亮麗有了它能增味添香不可多得的小確幸。先呷口用上超過40斤的蝦來炮製的濃湯！濃稠的口感令嘴巴充斥幸福感，超鮮香確實真材實料是沒法輸味道。溏心蛋$16/隻浸得夠入味蛋香也迷人！橙紅色的蛋黃流心程度挺合我們心意，雖然不

每日街市新鮮蝦熬製濃底，唔落一粒鹽，真材實料！鮮蝦仲要已經剝哂蝦殼，啱哂我呢D懶又為食嘅人。每次放隻經過都大排長籠，咁啱平曰2點排左5分鐘就入得，超幸運！🦐醬油蝦濃湯麵 $118 💫9/10呢個價錢，呢個質素係超哂班！上枱仲會淋一圈蝦油，令到個蝦味更突出！第一啖湯，真係完完全全係蝦，仲有好多櫻花蝦，超鮮，飲落唔會覺得膩，忍唔住Keep住狂飲，難怪見到好多人都飲到清碗！拉麵還好，我覺得佢係配角，最出色都係個湯，下次會想試埋刀削麵！去殼蝦有3大隻，蝦頭有膏，蝦身食落啖啖肉真係好爽，夠哂爽彈。🌊是日精選海鮮蟶子 $38 💫10/10每日唔同，可以向店員查詢。蟶子超肥美大大一條，入口係勁勁勁鮮嫩帶DD爽甜，大大條食落真係巨爽！醬酒味道剛好，唔會蓋過海鮮本身鮮味，有提鮮作用！食完馬上叫埋蠔黎食！🌊醬油生蠔 $38💫9/10生蠔兩大隻，好飽滿白雪雪，入口三個字大滿足！生蠔鮮甜，一D腥味都冇！食完其實想再叫埋個鮑魚食，但真係有D食唔落，唯有留番下次！🌟總結：鍾意食蝦嘅一定唔可以錯過，湯底絕對令人回味三分！另外一定要點佢地海鮮，唔洗諗，可叫哂！

今日專程去咗尖沙咀「幕多」，試佢哋醬汁蝦濃湯拉麵。預咗要排隊，果然門口等咗大約2張枱，需時半個鐘左右，算係預期之內。好彩入到去冷氣夠凍，即刻舒服晒。主角醬汁蝦濃湯拉麵真係冇令人失望！個湯底一上枱已經聞到好香，色澤深沉。飲一啖，濃郁到不得了，蝦嘅鮮味非常突出，仲帶有醬油嘅鹹香同層次，真係好味，掛喺麵度食更加正。麵質算係中意嘅偏硬身，爽口。雖然要排一陣隊，但係碗湯嘅質素同味道，加上入面坐得舒服，我覺得係值得嘅。下次會想再嚟。🍜

🦐Cappuccino-texture soup with rich shrimp flavor, yet the sakura shrimp and shrimp oil leveled it up. Fabulous!🦐House-marinated shrimps were super springy, and umami with the tail shell removed. Delicate!🍜Chose sliced noodles 刀削麵 yet it's a bit thick and can't hold much soup1️⃣ Focus on one item, attracts loads of supporters 👬👭Young and energetic team with a handsome vibe

睇咗上網一啲Youtuber的介紹所以過嚟食又話平時會排長龍諗住一早過嚟唔使排隊我嚟嘅時候約下午5點真係唔使排架但係食物嘅質素非常一般首先講下全店得一款拉麵可以選擇拉麵面底普通一啲都唔煙韌同埋完全冇味湯底原本係我最期待嘅嘢點知得少少蝦味一啲都唔濃碗面面頭有三隻蝦 不過一咬落去係凍嘅追加食物有糖心蛋，鮑魚，蠔及蝦但係剛剛開舖～蛋又冇鮑魚又冇最後叫咗$38的蠔～呢個叫合格整體嚟講不太推介～好彩唔駛排隊如果10分滿分我比5分

由於呢間舖頭實在太出名，太多人推介，於是bookmark咗一直都未去。今日咁啱有嘢做出開尖沙咀，於是乎一點前就去咗舖頭排隊，本身以為有排等，點知等咗10分鐘左右就有位入去，不過夏天，覺得餐廳入邊冷氣唔係好夠，舖頭淨係得一個食物，就係蝦湯拉麵，仲可以加醬油海鮮，不過因為怕自己食唔晒就冇嗌到。但係上網睇，醬油海鮮都係佢哋嘅主打，亦係靠醬油海鮮做到開舖頭，有機會下次會想去試吓。不過都係建議平日避開高峰時間後會比較好，咁就唔使排隊啦。

每次經過見到這食店都排長龍，今日中午12時許見前面都有七至八個人，比之前晚上見少啲，於是就決定試中午，相信總比晚餐排隊更長，天氣炎熱，食店很窩心，排隊時送上飲用水一樽，值得一讚。之後排到第六七個位置時，店員開始派餐牌選擇，簡單直接易明，而且還可循環再用，比寫餐紙更好。店舖面積細細，但由於每位都是以吃拉麵為大前提，所以番枱時間未算太久⋯⋯店外門口寫著當日精選，要留意一下，只收現金。加推小食，每款$38，首次到來，我們試了是日精選帆立貝、鮑魚以及𧐢，三款追加小食雖然底味一致，但由於每種海鮮質感不同，也帶出不同的個性，三種都令人吸引，三款項目之中，筆者最愛鲍魚，大隻又夠爽彈。𧐢是後來追加的，我們只是見到鄰座點了，賣相夠吸引，肥嘟嘟，於是決定追加，這道菜如果能夠作為下酒小吃一定不錯。蝦拉麵~主角出場了，蝦麵架勢地端上枱，看見樣子已覺吸引⋯⋯之後店員會在你面前倒”蝦醬油” 在拉麵上，很有儀式感。湯底質感厚身，味道濃厚，吃得出花了很多心機熬製，每碗拉麵有三隻蝦，細心一看，蝦🦐殼中央部分已剝殼了，真細心，令食客吃得容易，而且感到很窩心。整體來說心思的食店，值得一試回味中，難怪如此多人排隊。

幕多，食日式拉麵。星期六下午六點去到，已有顧客在店外等候，店內滿座時，想幫襯的人便要乖乖在店外排隊，沒有籌號派發，但有支裝水和可愛酒杯仔裝的桃味果酒供應，招待方面算大方，另又有工作人員來吹下水, 感覺餐廳重視客人。等約半小時，有位，但人未齊，等到齊人已是晚上7點，是日精選蟶子已售罄lu食物選擇不多，基本有個醬油蝦濃湯面作底，可另加蠔、鮑魚、蝦、溏心蛋，那我們每項點一款試試。店子充滿蝦的香氣，拉麵一上枱，未食已聞到濃濃蝦湯味。飲啖湯，嗅覺與味覺是一致的，很有質素，很實在，湯不過鹹，食面飲埋湯都無難度。面方面，不論刀削麵定拉麵都彈牙，好食😋蠔（飽滿點更好）、鮑魚…嫰滑易咬，有適當的調味，蝦肉爽彈，很讚。很享受這一餐，有在日本食到的拉麵質素。

Visited this ramen resto in Tsim Sha Tsui, suggested by my friend, for dinner tgt. .We both ordered the Shrimp Soup Noodle. For the noodles type, one can select between ramen and sliced noodles, and I chose Ramen. The broth was simmered with a generous amount of shrimp, creating a rich and flavorful base. Before serving, the waiter poured shrimp oil into the broth, intensifying the taste of the already thick and creamy soup. Each bowl featured three large soy sauce-infused unpeeled shrimps, whic

當日去食飯好彩唔使排太耐，大約等咗三十分鐘左右，等位期間餐廳仲主動派水同酒，感覺好貼心，令等候都冇咁悶蝦湯雖然唔算超濃味，但勝在鮮甜，飲落好舒服，唔會膩。麵條都好掛湯，每一啖都食得出湯底嘅精華。最驚喜係蠔，真係好新鮮、好鮮甜，完全冇腥味，啖啖肉好滿足，令人一試難忘。餐廳環境比較細，坐得唔算特別舒服，不過見到外面咁長隊，食完都唔好意思坐耐。唯一美中不足係收錢方式，原本問咗侍應可以用支付寶，點知最後老闆話只收現金，要我行去櫃員機攞錢。幸好有好心食客即刻借錢俾我用PayMe還返，真係好感動。建議餐廳可以喺門口寫清楚收款方式，方便大家準備定現金。整體嚟講，食物質素高，希望下次可以試埋佢嘅蟶子！

當日嗌咗一個麵加咗帶子（是日精選）Feel到老細真係每一日揀最新鮮嘅食材蝦肉彈牙，新鮮啱啱好熟。佢哋煮錯咗麵俾我，之後免費送返一碗刀削麵（醬油湯底）拉麵同刀削麵都好好食下次經過會繼續支持

Bookmark 咗呢間拉麵店好耐，今日去開尖沙咀就一於過去試下！本身都預咗要排隊，所以去到見到一條長長嘅人龍都唔太驚訝。最令我哋驚喜嘅係排緊隊嘅時候老闆會出嚟親自請我哋飲sake😳仲要倒到勁滿杯，睇得出佢每一位客人都好重視同埋唔會斤斤計較，有酒飲所以我覺得好快就等完位到我哋入去食了🤤醬油蝦濃湯麵 $118餐廳得一款麵，所以出餐都好快，一入到去等一陣就食得，個湯底十分濃郁，而且食之前店員仲會幫我哋淋多一圈嘅蝦油，更突出蝦嘅味道，麵條都煮得彈牙，濃郁嘅蝦湯掛住係拉麵條上面，食極唔停口呀😳😳上面有3隻大蝦，蝦肉彈牙，而且餐廳仲好貼心咁幫我哋剝哂蝦殼，對於我呢啲懶人嚟講，有人幫我剝埋蝦殼係特別好食嘅😝醬油蠔 $38/隻佢啲蠔勁大隻同超肥美，用醬油醃製感覺好fresh，有少少辣辣地但又唔會太勁，好有驚喜🤩.總括嚟講，呢間小店雖然選擇唔多，但係質素非常之高，唔怪得知咁多人排隊啦，一定要encore 再encore😍

尖沙咀嘅幕多專注於一款醬油蝦濃湯麵，可以揀拉麵或者刀削麵，仲有幾款小食可供選擇，包括溏心蛋、蝦、蠔、鮑魚同是日精選小食醬油蝦濃湯麵我叫咗一碗拉麵同一碗刀削麵，每碗麵都有三隻大蝦，湯底好濃郁，入面仲有唔少櫻花蝦，好鮮，令我每啖都感受到海鮮的鮮甜。拉麵的彈性同刀削麵的滑順，兩種口感都非常吸引精選小食我仲叫咗蠔同大蜆（是日精選），蠔有兩隻，肉質鮮甜，搭配湯底更添風味。大蜆就係好鮮嫩多汁同好大隻等位體驗果日落大雨，我哋要等位，但旁邊有張長凳等，職員仲好貼心，拎咗一大支水比我哋，仲有紙巾比我哋抹乾，服務真係幾周到

特別預早一點前到店舖食午餐，拍好前面只有兩枱台客人，等了10分鐘就可以入座，店員10分貼心地派支裝水給排隊的客人，另外亦會預早派點餐紙，讓客人預早食乜好。店內只有幾張枱，枱與枱之間十分狹窄，適合午餐快食快走，不適宜朋友聚會。除了招牌蝦拉麵外，另外點了一個糖心蛋及一隻蠔。蝦湯底非常濃郁，而且食完唔會覺得口渴，咸度剛剛好。店員放上枱時會淋上一圈蝦油，整個湯底都很濃稠，三隻蝦都彈牙，拉麵煙靭有咬口，配上湯底很好味。令人驚喜的是蠔又大隻又鮮甜一點也不腥，可惜溏心蛋稍為過熟有點失色。

#幕多 😋😋😋hmmm this is very famous place food is ok but overall not ok.1) queue up at back lane with dirty water drainage smell for 30mins.....2) they dont serve ice water for ramen, just free bottle water.3) table small4) the door wide open, air con heavily not enuf, just dont come in summer.food.1) ramen is typical one, very normal2) soup is strong shirmp taste.3) topping woth 3 shrimps, very good.overall better than 一幻， env. not good.wont come back. bye.