常滿百家菜

营业中

休息中

餐前小食及炸物可以接受，即叫即蒸點心需時，但可以接受，我點咗：燒賣/蝦餃/鳳爪/山竹牛肉/蒸排骨，點心味道幾好唔錯！尤其燒賣/山竹牛肉/鳳爪。火煱我叫雞煲中辣，食完剩返小小加湯打邊爐，可能我好少去飲茶，食點心可能食多咗......打邊爐我只可以叫咗好少野食。整體感覺滿意，價錢合理。門口部長有禮貌，侍應及點心姐姐服務態度良好，下次帶朋友一齊再去試下。

香港最有歷史價值嘅食物當然就係飲茶，古往今來飲茶都係一種慢活嘅消遣，又可以放鬆吓心情休息返一盅幾味，確實係男女老幼都可以快活一番嘅時光。同佢相反打邊爐反而成為左快靚正嘅代表，尤其是放題嘅時候就會見到狼吞虎嚥嘅情況😂😂荃灣最出名嘅商場—大鴻輝真係可以同旺角放題有得揮，基本上成個商場都會見到一大堆嘅放題專門店。日式放題同韓式放題亦都經常接觸，見到有點心火鍋放題打孖上當然要試吓有咩唔同😎😎入到去基本上同平時嘅酒樓差唔多，不過人流就當然會多啲，同時亦都見到一大堆點心擺喺餐車度等客人隨便攞。 當中長得最快嘅就當然係蝦餃燒賣呢啲平時出去食好貴嘅點心。 蝦餃除咗晶瑩剔透之外真係包到好多餡，隻隻都夠晒飽滿，至於燒賣亦都採用瘦豬肉，呢一個係個人最喜好嘅燒賣（有啲肥脂肪嘅話咁好影響整體嘅口感😓😓）再嚟仲有唔同嘅腸粉，新鮮熱辣嘅牛肉腸就成為咗腸粉之王，粉漿味香而且米白色嘅粉皮顯得更軟糯，要配合豉油呢個最佳拍檔先提升到牛肉嘅鮮甜💪💪食完點心滿足之後就開始快節奏嘅打邊爐，每碟肥牛夠晒薄切，夠晒紅潤亦都證明有一定嘅， 另外打偏勞當然唔少得豬紅同埋牛柏葉，兩者嘅份量亦都夠大而且係完整一大塊，視覺上已經可以飽覽新鮮食

簡直就係垃圾中嘅垃圾，以後連个名嘟吾想听到，更吾好話再去，服務及衛生都唔得， 上嘢又慢等到常半個鐘先上嗰一個菜，簡直就係浪費時間。 價錢亦都唔係十分實惠， 簡直就係嘥錢嘥時間嘥心情！

咁都出品得俾客人，服務員話蒸過時有咩問題，你估真係唔洗俾錢咩！個服務員 將晚餐枱都寫501，啲野食就嚟曬一邊枱，另一邊就無得食，等咗好耐問佢，原來兩張枱張單都係寫501，重好意思話我改嚟改去，

已經黎過幾次啦，經openrice訂位更送每人半隻乳鴿火鍋料除左外面有蔬菜，丸，麵拎外，仲有紙仔可以劃，有肥牛，魚，鮮蝦等等飲品除左果汁，汽水之外，仲有一支支啤酒任飲，連黑啤都有 打邊爐前叫左點心試下 即叫即整，黎到熱辣辣炸饅頭，超足料蝦餃，燒賣都好推薦訂座送的乳鴿，雖然唔係好大隻，但都皮脆肉嫩，送啤酒一流最後叫左豬骨湯底，大大舊豬骨火鍋肥牛，鮮蝦的確不錯魚又夠鮮價錢平，平日基本冇限時，服務ok，食物可以接受，最適而一班朋友，吹水

對於我哩d成日三心兩意既人黎講一次過可以滿足曬我2個願望哩個idea真係唔錯🥰而今次可以滿足既~就係▶️打邊爐+點心哩兩樣啦~▶️平日晚市$158/位~任食2小時坦白說~我對佢食物質數既期望唔係太大~不過~我覺得係期待以上既~😚😚打邊爐我揀左椰子燉雞湯哩個湯底~講真~有驚喜!!!🤩🤩🤩🤩🤩湯底既味道比我想像中濃~椰子味勁香濃而且都同佢既介紹一樣~真係可以先飲湯後打邊爐架~至於火鍋配料紙上可以order既好似唔太多款式~不過其實佢有唔少好似丸類~菜類等等都可以係出面拎~至於點心~其實款式都唔少架~全部都大大粒咁~食落感覺有d似老牌傳統酒樓出品既點心~🤤🤤另外~出面仲會有少少都熟食可以拎~間唔中~仲會有片皮鴨可以排隊拎架~飲品最正既係有支裝可樂飲👍👍👍整體黎講～我真係食得好滿足😋😋

屋企人話想食點心，我又想打邊爐，於是就黎左呢間任食火鍋同點心的餐廳試下，$158/位都幾抵。▪️我地揀左中辣的雞煲，之後再加湯打邊爐，CP值高。雞煲醬夠惹味，雞肉都幾入味，肉質幾滑。-仲有點左好多碟本地滑牛，牛味都幾濃。豬肉片同樣點得好多，肉質新鮮同薄，入口軟嫩。▪️點菜紙上嘅有十二款火鍋配料，仲有自助區食物，有丸類、炸響鈴、各款蔬菜、公仔麵等。仲有其他煮好的熟食，有豬腳薑、避風塘魷魚、咖哩魚蛋等。▪️點心都有成十幾款咖，味道都接近酒樓出爐嘅質素。蝦餃蒸煮時間控制得好好，皮唔錯太硬太淋，帶煙韌，蝦肉彈牙又爽口。燒賣大大粒，口感都幾紮實，咬落帶嚼勁。▪️打完邊爐仲可以食甜品！除咗有奶凍+中式糕點，仲有不同口味雪糕！我拎左雲呢嗱味黎試試，都幾香滑。▪️仲有幾個雪櫃，有玻璃樽維他奶、多款可樂汽水同埋冰凍啤酒，都係任飲咖。

首先因為遲到關係，所以被安排坐係路邊位，但因係自己遲到所以都冇辦法。一坐低即叫咗雞煲，黎到10件雞都冇，味道亦只得咸味。衛生真係好一般，出面嘅火鍋料真係攞唔落手。而剔紙仔嘅火鍋料只係叫咗牛肉同魚片，亦係唔多新鮮嘅食材。之後叫嘅點心比火鍋好食10倍，，但其實亦都只係正常嘅點心，並唔係好味。而全晚最，最，最好味嘅係openrice訂位優惠嘅乳鴿。真係未試過任食會35分鐘就離坐，仲要搵過另一間再食過，真心唔明點解會有咁多好評。

今天去此處食自助火鍋，都是因為看了食評，但發覺味道與事實不乎，十分失望，讓我解說：湯底方面選了雞煲，味道一般，之後點的火鍋配料，等了很久又不齊，出面取的麻辣雞是冰冰的，還未溶晒雪，猪腳薑差不多只有骨及千年薑，熟食及D點心味道一般，蝦餃和燒賣好大粒，味道一般，蝦餃外皮十分鬆散，不是其它食評所講的水準，有做媒之嫌！周圍環境噪吵，全店都是上了年紀的大叔大媽，坐我隔離的2位大叔不停粗言穢語，救命，沒有下次！

同幾個朋友到常滿打邊爐兼食下點心。透過openrice訂位，每人獲送半隻乳鴿。朋友未夠7點到達，餐廳當時已經幾乎坐滿晒人。我哋獲安排坐近門口、對住收銀處嘅枱(坐落之後發覺原來有3邊都係通道位，人來人住，每當遇到推車仔送食物/執枱就要起身讓路，坐得極唔舒服嘅一餐飯)。贈送嘅乳鴿好夠味，仲要係炸起無耐先送嚟，所以熱得嚟皮係有脆嘅效果。至於我自己就係衝住啲點心而嚟，所以叫咗幾樣試下。咸水角同蘿蔔絲酥餅似係即叫即做，好味道過好多酒樓、薑葱牛柏葉好夠熱，調味亦足、蝦餃好大隻，入個全部係大蝦，好滿足；我覺得比較差嘅點心係小籠包，塊皮好厚好乾，豬肉餡唔多夠味，而且又無畀醋。火鍋料都唔差，雖然只收每位$168+10%，肥牛都唔似係街市賣最平個隻而係貴一個價錢嗰種。滑牛都唔錯，真係幾滑口。手打丸(墨魚丸同鯪魚丸)好爽好有咬口，味道亦好。脆肉鯇魚好脆，兼且一啲腥味都無。牛柏葉、水魷、花膠(棉花雞嗰種)、豬紅、雜丸、各式蔬菜之類就喺自助區攞。仲有其他食品喺自助熟食區供應(可能天天不同)，我去嗰日就有鮮蝦腸粉、豬皮魚蛋、碗仔翅、片皮鴨、糖水等等。不過我哋幾個都無食，唔知咩質素。飲品都有十幾款，仲有啤酒都係任飲

第一次越食越火鬼滾，未食完就比個差評佢先。一入到去，一地口罩紙巾無人清理，餐具洗左等於無洗，有飯有油漬。我係食2小時點心放題，有1小時都係坐係度等，追佢係咪漏單追左幾次都無回應，個阿姐仲係度fing水壼，淋水落我腳度。最後叫個經理過黎，佢連check返落單記錄都費事，叫我再落單，然後上菜上雙份。我以後都唔會再幫襯啲咁嘅垃圾餐廳

因為宣傳易 所以真係想嚟試吓睇吓會唔會中伏？入到去個場都幾大雖然環境就係一般酒樓咁樣 同預期差唔多 不過嘢食真係有驚喜。鴛鴦火鍋湯底好足料 最正就係點心都可以任點任食 蝦餃燒賣鳳爪排骨小籠包炸饅頭流沙包叉燒包乜嘢都有 平時出去食一籠點心都二三十蚊 喺呢度食返幾籠真係贏咗。而且佢個蝦餃真係好有驚喜 有四粒大大粒蝦係入邊好爽口 我哋都encore左三四次 仲有個排骨鳳爪牛百葉都正。至於火鍋配料都多選擇 最驚喜就係大支裝啤酒都係任飲 加埋一$200都唔使有呢個質素 真係收貨。

飲茶食點心真係一一個夠晒傳統嘅傳統，雖然而家飲茶真係好方便周圍都有，但食下食下咁就百幾幾百蚊其實都有啲肉赤。曾經諗過究竟會唔會有點心放題可以遇到，點知真係一一完我嘅願望荃灣嘅大鴻輝真保係另類嘅旺角放題，成幢樓都有唔同嘅放題任君選擇，不過今次都係要試吓究竟點心放題係有幾特別。價錢方面又真係唔貴，百幾$ 200同附近嘅放題其實都係差唔多價錢，但一諗到可以瘋狂咁樣叫蝦餃燒賣呢啲高價錢嘅點心諗落都幾抵事不宜遲梗係食我最鍾意嘅蝦餃先啦，大大粒入面已經可以睇到有幾隻蝦包住左喺入面，仲要每一隻都係完完整整㗎喎，熱到亦都足夠，完全唔擔心擺得耐。另外仲有薑蔥牛柏葉可以推介一下，諗起牛柏葉就論到屋企樓下嘅魚蛋檔一串牛柏葉都要$ 10，而家喺呢一度就瘋狂食，諗落都真係幾抵。感覺就好似食刺身嘅話散買好貴，所以咁先係食放題嘅原因。呢一度除咗食點心放題之外亦都有傳統嘅打邊爐放題，材料除咗有必選嘅肉類之外另外仲有自助吧，但最重要都係圍繞新鮮兩個字，仲要每一樣食材都大大份唔會散修修，如果再多幾樣野選擇就Perfect啦飲品居然有好懷舊嘅支裝維他奶，真係童年嘅回憶，同可樂一樣始終都係支裝嘅先係味道，喺現今社會下可以懷舊

🌕Hello我係Moon🌕除咗日式同埋韓式都有放題之外，而家連中式食物都可以加入左放題元素，😍點心放題既有特色而且有保留左傳統，而且亦都有慢慢嘆茶變到戰鬥格，🥰不過主角依然都保持上承嘅質素💕以下就有幾款點心係經過我篩選出嚟覺得最好味嗰幾款🤪天津九不理，😜每一粒都包含着大量嘅餡，除咗晶瑩剔透之外更加係好似一個大禮包咁樣。😌食材當然要新鮮，每隻蝦都大大嚿，夠晒肉地又新鮮😋鮮蝦燒賣王，😊作為點心必要嘅常客，係我角度好嘅燒賣就要包含幾乎零肥肉嘅感覺。😇非常驚喜除咗有蝦之外入面包住嘅有冬菇同埋豬肉呢啲比較新鮮而且滋味嘅配搭，加咗冬菇之後整體就減少左純豬肉嘅過度肉味，🤣從而就中和到各方嘅味道可以連繫埋一齊。😎另外仲有各樣炸物、🤩例如春卷同埋炸雲吞亦都係新鮮製造冇購食到嘅係熱辣辣並非一早預熱。😤呢一度其實仲可以要買火鍋放題㗎，😳同樣都係超值嘅價錢，😛但千祈唔好以為品質一般，😙連每一碟牛肉都即叫即切夠晒血色，就知道對食物嘅要求唔會隨着選擇多而降低左。 🤪一個價錢可以享受到兩種放題，😍食點心亦都唔再區限於只有朝頭早先可以做嘅事😌🌕最後MoonMoon真係好滿意依度呀🌕

任食火鍋加點心，只係$158/位，忍唔住要試下。-點心多達十幾款，味道有酒樓質素！燒賣大粒又有嚼勁，口感扎實，蝦餃蒸得剛剛好，鮮蝦爽口彈牙。-火鍋方面，可以先揀雞煲，再加湯打邊爐，非常扺食！雞煲揀左小辣，都幾惹味，雞肉都幾嫩滑又入味。-本地滑牛牛味都濃，食幾碟都回本。豬肉片都肉質軟嫩，都算新鮮。-除咗點菜紙上嘅火鍋食物，仲有自助區食物，有丸、響鈴、公仔麵、雞肉等，任君選擇。另外仲有多款熟食，如豬腳薑、咖哩魚蛋等，令你食到飽-甜品篇有餐廳自家製奶凍同糕點，仲有幾款唔同味道雪糕！我試左奶茶味，好香濃又滑。-飲品篇有多款汽水、啤酒任飲，最驚喜係有維他奶！-又有點心又有得打邊爐，不論係同朋友黎食，定帶長輩黎食都啱口味！