常滿百家菜

营业中

休息中

平價任食火鍋店性價比來講佢真係叫比較高，因為佢有得任飲任食點心、火鍋以前中學嗰時成日都會去食，因為冇乜錢，但價錢有咁低可以食好多嘢聽日返去再回味下$168就可以任點點心同埋火鍋，仲唔係平價之選！今日叫咗佢個鴛鴦鍋，分別有沙嗲湯底，同埋豬骨湯佢個豬骨湯都真係有好大舊豬骨火鍋料都係嗰啲啦，肥牛個份量都幾多，而且唔會話太瘦。佢嘅魚都爽口嘅之後呢就要推薦一下佢個點心，最鍾意係食佢嗰炸饅頭。夠趣，而且加埋啲面奶味道非常之好。

樓上地道火鍋店如果想搵一間任飲任食又抵食嘅火鍋店，一定要嚟喺荃灣大鴻輝廣場上面嘅常滿呢間以點心為主打嘅餐廳，無論係星期日定星期日都係咁多人我今日星期日去已經係去到八點，一樣要等一陣先有位冇計啦，因為佢真係好抵食嘅。平日$168 就可以任點佢嘅點心誠心推介佢個燒賣，因為太大粒而且口感非常之好。另外，佢個小籠包好好食。小籠包勁多汁，所以食嘅時候真係要小心啲另外，出邊都有好多小食可以拎，例如豬紅薯角等等，不過食埋嗰啲就太飽，所以我都冇真係食太多火鍋就正正常常啦 點心比較出色

朋友同我講左好耐好多次想試呢間食店，今日噤啱大家在附近做完嘢，就一齊過去食返餐試吓先18：30去到已經有人入座，而且陸陸續續越來越多人坐低睇餐單都幾多點心款式和火鍋配料任點任食，點心就選左我至愛嘅：蝦餃、燒賣、小籠包，火鍋湯底就選左佢哋新推出嘅椰子燉雞湯，選完後就出去自助bar睇吓有d乜嘢熟食、點心、火鍋配料、糖水甜品和飲品啱先鮮蝦腸粉：新鮮出籠，大大碟，腸粉內有好多隻大蝦，入囗彈牙蝦餃、燒賣、小籠包：同樣熱辣辣出爐，大大粒，好好味椰子燉雞湯底：好香濃椰子味，飲落口好清新鮮甜海蝦：可以任點，新鮮彈牙，入囗唔梅菜苗餃：好足料，內裏全部都係菜牛肉拼盤：牛展和牛脷，有咬口，牛味濃魚頭、魚件、鮮雞件：嫩滑可口，新鮮美味今晚真係食到飽飽，唔使$200有牛、海蝦和啤酒，任飲任食，一個字低

點心方面認真一般 比起其他我食過既酒樓質素完全唔掂 例如 炸饅頭唔夠脆 有D點心嘅貌相一舊舊爛晒咁 睇見都唔安樂火鍋方面 我叫嘅係雞煲 我冇食過完全冇汁嘅雞煲 今次係第一次 另外，火鍋料得一行 唔多選擇 D料全部都要點醬先有味熟食方面 又係唔好食 有啲又油又鹹 有啲就冇乜味只有嘢飲同埋雪糕好飲好食 因為係買返黎😂火鍋+點心本來就唔夾 重要嘅係 兩樣都唔好食先係問題價錢黎講百幾蚊唔係好貴 但係都唔想食啲咁嘅嘢曬錢Aaaaaaaaaa

今日同朋友黎到荃灣食點心火鍋放題。自助區有少量熟食和多款火鍋配料, 配料包括豬紅, 魷魚, 鯇魚, 鵝腸等等及各款蔬菜入座的時候, 經理話呢度主打點心, 所以我地就先食點心後食火鍋雖然點心的款式唔算多, 但勝在即叫即蒸。我地試左蝦餃, 燒賣, 小籠包同蘿蔔絲酥餅。蝦餃的賣相雖然唔好, 但size就超級大, 有四指闊, 蝦肉爽口彈牙燒賣就正常同有冬菇味小籠包尚算湯汁飽滿, 正正常常至於蘿蔔絲酥餅蘿蔔絲算甜, 唔會苦, 但略嫌太大件同外皮太厚, 會有油膩感點心方面整體都算唔錯。火鍋方面, 湯底叫左沙爹湯, 味道個人覺得麻麻, 唔係平常食開的沙爹味而食材款式亦不多肥牛肥瘦適中手打墨魚丸墨魚質感彈牙火鍋整體就不過不失啦, 以呢個價錢來計, 性價比都算中上, 如果大家有興趣任食平價點心火鍋都不妨一試

之前同朋友嚟咗荃灣大鴻輝打邊爐 搵到一間任食又抵食仲有點心放題嘅餐廳👍🏼火鍋晚市都係$168 仲有唔少湯底選擇 任食點心選擇亦好多 提一提有啲點心係一件件咁點 可以因返份量嚟點點心叫咗必點蒸燒賣 首先賣相已經唔錯 大大料好豐富 咬落一啲都唔散 豬肉同蝦味突出蝦餃嘅大細同平時茶樓見到嘅蝦餃比較係非常大粒 但佢嘅皮都唔會太厚大粉 反而係落足蝦肉係入面蒸小籠包都好食！小龍包入面熱辣辣的 配埋啲湯好食 而且小籠包皮都係唔會好厚 火鍋方面 出面有自助火鍋配料同飲品攞 款式好多 有水魷 豬紅 蓮藕 各種丸類蔬菜類（例如生菜、白菜、娃娃菜）等等 仲有一啲熟食例如鳳爪 炸物可以食 非常豐富 味道亦不錯湯底叫咗沙爹湯底 味道則唔算太濃 叫咗打邊爐必點肥牛同牛肉拼盤 上菜一啲都唔吝嗇 起碼有十多片肥牛係碟上 而且肥牛都唔算太多肥膏 肥瘦適中 唔錯牛肉拼盤則有牛脷 牛展 同肥牛 牛肉味道出 亦唔會太韌多根 總結嚟講呢間餐廳嘅任食邊爐好抵食 仲有好多款式比你選擇👍🏼

在Open rice 搜尋到一間火鍋店，營業時間至00:30，於是在綱上booked 10:30，段估食到00:00走，都有個半鐘，點知一到酒樓，已經心知不妙，伙記已收拾一切，自助櫃檯，已經執緊返厨房，但整體上，他們都安排我坐低，係有招呼我們。但係唔夠15分鐘，就叫我埋單，因為收工，但都可接受，佢叫我有什麼想吃，就落最後一張單，慢慢食。我都唔介意，明白嘅! 揾食唧，最緊要開心，免人難做。到11:00，又有個女伙記，走來問我枱上食物仲要唔要，話11:30關門，驚我無時間食，伸手想收嘢😡我問佢唔係00:30收舖咩！佢話唔係呀! 好心就唔好係Openrice個綱整到咁夜仲可以book枱啦! 一係就通知客人，咁夜唔做生意。免得一場去幫襯你，攪到客人一肚氣😡😡😡

其實我真係超鍾意食點心㗎，今次嚟到荃灣，唔單止可以任食打邊爐，仲有點心食，仲要超平！點可以唔係呀！佢既點心真係要讚，超足料！我最鍾意嘅係燒賣同蝦餃，隻蝦簡直大大隻蝦餃入邊有兩隻蝦！超爽彈，食返幾籠都已經夠晒回本！當然唔可以淨係識佢啦，牛肉拼盤都超正，打邊爐一流，脆肉鯇魚都唔錯，夠晒脆！另外，手打丸都係必食嘅推介，我自己最鍾意食蝦丸，每一粒都咁彈牙，我都覺得有蝦味！仲有最特別嘅係，竟然又熱維他奶，連隔離枱都問我哋喺邊度拎！睇嚟維他奶都係一大賣點

”任食”呢個字真係好有魔力，唔限時、仲有點心供應梗係要呼朋喚友一齊去試下啦! 雖然係一般街坊酒樓嘅感覺，但係嘢食嘅種類都唔少 當然我最關心嘅就係點心嘅質素啦一嚟就嗌蝦餃燒賣，試下啲必食項目，睇相都知佢勁脹卜卜，咬落去就見到一粒蝦餃包咗三粒彈牙大蝦燒賣都好真材實料就連個火鍋湯底都好足料㗎， 我哋叫咗椰子雞湯。一拎到枱就聞到好大陣椰子味仲有成大隻雞髀喺裏面添最後食啲雞肉都仲好滑捋捋。 其餘嘅火鍋料都好新鮮 appreciate佢個脆肉鯇真係好鮮，好脆，唔多骨☺☺ 啱曬我呢啲懶人最後令我好surprise嘅係可任用飲維他奶，仲要係支裝添冷熱都有!!

近排差不多每次開著電視機都見到呢個廣告，搞到我呢個為食貓🐱又心郁郁想去食，有時有D嘢又真係好奇妙，我心入面想睇下邊一日去食，過了幾天。竟然有朋友同我講話卜咗枱同我去食，唔通佢又係睇到電視廣告想去食🤗個天好似知道我個腦入面諗緊乜嘢，所以做人真係要感恩，世事就是這樣奇妙😃——————————-🤗🤗🤗🤗🤗任食火鍋➕點心➕任飲➕88元又可以食埋片皮鴨↘️↘️↘️↘️↘️片皮鴨：引死人嘅片皮鴨👍👏👉🏻💦💦流口水😂個皮又香又脆又好味😋我都真係好鍾意食片皮鴨，呢到個師傳又真係幾好手勢，燒得隻鴨咁正🥰😍—————————↘️↘️↘️↘️↘️惹味雞煲：辣度又可以自己揀好入味，好好食，雞肉又夠嫩滑👍—————————↘️↘️↘️↘️↘️任食點心：多款點心我也只點了部份吃：1⃣️蝦餃：呢到D點心真係殺死人，蝦餃晶瑩通透皮薄彈牙，入面隻蝦🦐大到漲爆，扺食超值大蝦🍤餃😂2⃣️燒賣：再嚟燒賣，想點呀大佬😂大大粒燒賣彈牙爽口又多蟹籽卜卜脆，真係點忍到唔食🤣3⃣️鳳爪：鍾意食骨嘅我，又點會唔食鳳爪😀惹味🤗4⃣️炸饅頭：即炸嗰種面頭脆卜卜的外皮，饅頭內咬落入口軟熟👍5⃣️叉燒腸：即拉腸粉熱辣辣，叉燒又軟熟😊6⃣️小籠包：裏面又係裝滿湯嘅小籠包…👍7⃣️奶皇包：奶皇包呀奶皇包，

放工同朋友係荃灣揾野食,見天氣涼左打邊爐就最適合,但朋友又想飲夜茶...點好呢?經過眾安街大鴻輝中心,見到12樓常滿百家菜任食火鍋+點心放題..正丫😍就上去滿足下我地2個!🤭🤭有雞煲,魚鍋及多款湯底選擇,食材夠新鮮,有我最喜愛嘅肥牛,手打墨丸,鯪魚球夠彈牙,海蝦新鮮爽口!..推介要點鬼馬釀百花食...油炸鬼包住蝦膠食落有2種口感..更有大排檔式火鍋配料自助區,有成十多種火鍋配料任夾,蔬菜類都有7-8款任選!而熟食區有椒鹽豬扒,酥炸雞亦,生炒骨,女士大愛嘅豬腳姜等等任君選擇,還有甜品糖水!...可自行選擇自已喜愛火鍋食材及熟食😊另有多款精美點心任點任食...蝦餃大大粒彈牙又爽口,懷舊馬拉糕蛋味濃夠軟熟,流心包軟綿綿,姜蔥牛柏葉夠入味,咸水角脆卜卜!還有啤酒氣水可任飲🍺...最重要係不限時段,可三五知己食下傾下 chill下慢慢嘆!爽丫!!

2點多時經過大鴻輝，因為家人見到有點心放題， 所以提議一試，但到座後才知道原來只有2 張點菜紙，而且又沒有我自己想食的點心， 已想轉回單點，可是家人勇士上身， 非試不可， 唯有陪同試伏🥲🥲所有可點的點心𥚃蝦餃算是正常，但水準不穩定，叫了3轉， 有2 轉蝦餃皮都極淋爛， 蒸到淋曬，但蝦肉大且彈牙， 不要期望有任何鮮味。叉燒包跟蝦餃一起上，叉燒很少，醬多，偏甜，包鬆軟燒賣漏單多次， 最後跟經理催單才上了一粒，味道正常， 大件， 沒有其他評語。唯一一個比較吸引我的牛柏葉， 但一入座時已跟我們說罄，但入座前沒有說。牛肉球雖大件， 但並無任何竹枝或其他材料墊底，所以痴底， 感覺很求其，沒有牛味，很淋蒸排骨，其實我們沒有點，但上錯了，沒有羶味，很肥，口感較淋較爛蒸饅頭有點乾馬拉糕底是濕了，爛撻撻的金蒜蒸翠玉瓜，皮刨得乾淨，但也蒸得太淋，蒜頭不見踪影小籠包，我沒有吃，家人評語，不難吃，沒羶味炸物是唯一他們上菜毫不手軟上菜的品項除了炸饅頭是即炸外， 其他炸物全部都不熱但炸饅頭炸不夠時間， 一點也不香脆春卷中間爆餡，但好可惜是凍的咸水角除了是凍的，也太黐 太淋不煙韌， 不過跟春卷一野， 中間餡料肉碎多。

今日朋友帶我去位於荃灣大鴻輝中心（常滿百家菜）食火鍋加點心放題，每人大約$200已經食到好飽，入到酒樓環境寛敞，坐得舒服！點心即叫即蒸大約有20款，基本點心的款式都有齊，可以按件數去點，所以每樣都可以食小小，炸饅頭包皮好香脆，其餘食物新鮮味道都不錯👍火鍋方面除了餐紙上的火鍋配料，外面亦擺放自助區可自由選擇，有雞肉，豬肉類，蔬菜類，丸類等….還有熟食，甜品及飲品👍非常豐富。我們先點了一個鴛鴦湯底，其中比較喜歡沙嗲湯底，沙嗲味道香濃又惹味，食物方面手打雙丸（鯪魚丸和墨魚丸）由於係手打所以食落鬆軟彈牙，口感不錯！海生蝦，蝦肉新鮮爽口彈牙，我們都食咗兩轉😋最後當然要留肚食甜品同糖水啦🥰

向來不喜歡限時限刻咁食餐飯，聞說「常滿百家菜」晚巿沒有時限，那就一於來試試。酒樓以「點心火鍋🍲」為主題，用OpenRice 訂座有乳鴿送，直至結賬時才醒起，店員沒有送上乳鴿啊，由於太飽，所以都沒有追問了。由於星期日的關係，酒樓高朋滿座，自助區域的食物一掃而空，補給比較慢，點心就係填紙order， 種類還可以😌，蝦餃超大隻，有成3隻蝦🦐在內，脹卜卜👍🏻肥牛同手打墨魚🦑丸都好好食😋，甜品還可以😌，有雪糕🍧🍨，馬荳糕，桂花糕，啫喱，布甸🍮等。服務員💁🏻很少，見她們不停手地執枱，落單，但態度都好好👍🏻

平價食餐點心放題！八號風球後嘅一個紅日，想去飲個茶！黎到荃灣美食集中地嘅大鴻輝12樓常滿百家菜 由於今日係紅日，點心放題要$96加一任食內容就可以睇番以下兩張紙仔，如想任飲汽水啤酒就要再加$12/位 點心種類唔算多，基本點心都有嘅，還有炒粉麵飯之類。睇番呢度單點價錢大中小點都$23.8/碟 特點$26 每人食5碟都已是放題價錢了。入紙大概坐10分鐘左右，點心就到喇！蝦餃 皮唔厚、內裏有2-3粒大蝦，質素算唔錯燒賣都同樣大粒，蝦肉豬肉都紮實。同出面食到嘅質素差唔多！豉汁鳳爪 有成8隻之多，調味不錯！牛肉球 食落大粒紮實唔會爛，茜味濃，底層仍有山竹。小籠包皮唔厚夠熱有湯汁，合格。蠔仔粥 蠔仔肉好多夠飽滿，值得一叫！以下就係中伏唔好叫系列！炸物點心類碟底部全都係油淋淋，蘿蔔絲酥餅粉好厚，咸水角也是！ 雪菜肉絲炒年糕 完全係無調味，整碟都無味楊枝甘露唔知點解個味好奇怪，一定唔可以用好食黎形容，但你絕對唔會想食多啖！