常滿百家菜

营业中

休息中

每位$178+10%點心及火鍋放題 （包飲品及啤酒）琴晚8號風球落波後，涼涼地，難得搵到間酒樓有開，仲要有得食點心，同埋打埋邊爐，小編即刻去咗試。街坊酒樓裝修，如果坐窗邊，有少少夜景睇。點心紙有10幾款點心選擇。以呢個價錢來講，質素可接受。🫖蝦餃有三隻大蝦，皮薄，勁大粒，抵食🫖牛柏葉入味，分量大🫖其他點心流沙包、咸水角、蘿蔔酥餅皮較厚；炸饅頭外皮脆一點更好。有一個counter可以攞熟食，如雞軟骨、串燒、青瓜、雞翼等。打邊爐肉類可用點心紙下單，蝦、魚、滑不錯。蔬菜可在counter攞，質素不過不失。我叫咗個椰子雞湯底，入邊有隻雞脾，湯底較清。用OpenRice訂2位晚餐仲有得每人送半隻乳鴿。飲品種類算多，有幾款啤酒、熱凍樽裝維他奶、以及其他飲品。整體而言，以這個價錢，又可以食點心，又可以打邊爐，抵食。

上網搵到呢間，下午茶點心任食，每位$100再加一，10月8日到來試試，首先，門口的服務員態度很差，問多兩句，都不耐煩，叫我哋自己入去揀位坐，我們兩位選了窗口的四位枱，服務員說不可以，因為晏些可能會有很多人，其實最終都係很少人坐；說回食物質素，這是我食過最難食的，勁多味精及千年油炸的食物，本人對味精是有反應的，食了約10分鐘，後頸及手臂，便已開始麻痹，胃好唔舒服，我飲了很多很多水，這感覺至晚上，才慢慢消除，另外，食物用料是很差很差的，明白$100任食，不可以要求太高，但都不是這樣的；還有，任食是兩小時，但點心出得很慢，當時只有十多張枱的，要求服務員跟進，她說，你自己睇吓嚟緊架車仔，有冇你的點心先，就立即行開，這是什麼態度呢！🤣

今日收工收得早同事即興約食打邊爐於是收左工就一齊去荃灣任食邊爐估唔到呢度除左邊爐任食之外連點心都係任食感覺好似賺左上到去即刻嗌左個椰子雞湯做湯底之後就嗌我哋最鐘意食嘅牛然後就出去拎蔬菜類拎左好多金菇、粟米、娃娃菜等蔬菜類都算新鮮店員fill得都算快👍🏻我地嗌點心都嗌價錢比較高嘅蝦餃估唔到蝦餃皮薄餡多一隻蝦餃居然包住三隻蝦我地即刻再畫多幾隻🤣🤣🤣🤣🤣食食下突然見到熟食檔有人排隊原來係出爐熟食當然我地唔執輸去排埋一份拎左口水雞、薯角、紅豆沙等返去食今餐真係食得好滿足最驚喜係蝦餃！下次我諗仲會再黎幫襯一次過滿足我三四個願望！💕💕💕💕💕💕💕💕💕常滿百家菜 (荃灣)荃灣眾安街55號大鴻輝(荃灣)中心12樓

突然好想吃點心又想吃火鍋在OpenRice見到這家酒樓晚市兩樣都有於是放工便約同事一齊去吃火鍋+點心吃到飽六點上去人流不算多所以取食材時不用排隊這次選了椰子雞湯做湯底想吃清一點但又不想清湯椰子雞湯就最適合因為有點心任食所以火鍋料沒有選太了只點了滑牛和牛拼盤還有手製鯪魚球、手製墨魚丸等手打鯪魚球和墨魚丸有驚喜有點後悔沒有多叫因為又彈牙又滑重點是肉質新鮮不會死實還吃出魚鮮味手打製果然不一樣！牛肉非常鮮嫩放入滾湯煮十秒左右就剛剛好吃下去不會粗柴滑嫩無渣👍🏻👍🏻👍🏻👍🏻👍🏻到我最期待的點心點了燒賣、蝦餃、牛肉球等雖然等候時間有點長但因為即叫即蒸新鮮的話等是值得的蝦餃真是令我驚喜萬分因為size比正常的大一倍原來是因為裡面包了三隻蝦！！！本以為皮要厚一點才能包得住沒想到皮薄！！幸好點了四粒！吃到賺到💝💝💝💝💝💝💝📍 常滿百家菜 (荃灣)荃灣眾安街55號大鴻輝(荃灣)中心12樓

是日晚餐朋友提議食點心，我又心思思想打邊爐，機緣巧合之下比我地搵到呢間又可以食點心又有得打邊爐既任食放題，於是二話不說就去食。黎到餐廳都幾多人排隊等入座，畢竟百零蚊食到甘多野食都真係抵食既。點心推介豉汁鳳爪比大家，好入味，而且大大隻。至於蝦餃都一樣唔好錯過，入面既蝦唔止一粒，而且皮夠薄身。火鍋方面，點左鴛鴦湯底，特別讚下沙嗲湯，好濃郁，而且好夠香，可以唔洗蘸豉油都夠晒味。配料一樣都好新鮮，特別肥牛有花紋，唔會鞋拾拾，仲有海蝦，大大隻，抵食！

有無諗過食點心之餘仲可以同一時間打埋邊爐，以前我都唔知道，直至朋友帶左我黎常滿百家菜食先知真係work.價錢方面其實都幾抵，二百蚊有找就食到二款菜色。而且選擇都好多，總有一樣岩口味。點心方面，即叫即蒸，上到台好熱辣辣，而且唔會話任食而偷工減料，點心質素有水準。特別推介蝦餃同燒賣，啲蝦好大粒，真材實料。火鍋方面都唔輸蝕，配料選擇多，而且仲有埋海鮮同肥牛任點，真係十分之抵食。飲品方面除左汽水，仲包埋支裝啤酒，約埋三五知己淨係黎啤啤佢都已經值回票價啦！

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃朝早好多人黎呢道飲早茶，因為𝘴𝘵𝘢𝘧𝘧 唔多，所以加水我基本上都係自助。佢既炸鮮奶堅係好食，外面沾滿晒杏仁片，內裏就係甜甜既鮮奶，然後係半固體狀，一咬落去仲會爆汁。好好味。另外，點心拼盤亦大得嚇人! 佢中間有個巨型雞包，我諗有4個普通雞包仔，一個人一定食唔晒要同人𝘴𝘩𝘢𝘳𝘦，仲有蝦餃、鮮蝦豆苗餃、水晶包同燒賣，認真豐富。味道亦都唔錯。📍常滿百家菜荃灣眾安街55號大鴻輝(荃灣)中心12樓

已經第三次黎食，今次同老公去食晚市，我地揀左打邊爐+點心，一個人大約$200有找，任飲任食無限時，都好平，宜家好少任飲任食仲要無限時，係黎個價錢～點心方面：我覺得不過不失，質素一般，五會好好食，亦未去到難食，佢係大件夾抵食個隻，論食物新鮮，我覺得好睇彩數～打邊爐方面：佢凍櫃都有菜，菇，腸，麵，嚮鈴，豬紅，牛柏葉，粟米，鮮魷片，丸類，仲有其他，五夠仲可以用紙點自己鍾意嘅食物，有蝦，烏冬，鮮牛，肥牛，丸，仲有其他～但我見到坐格離枱(已埋單)，有客人食剩d生嘅肥牛/鮮牛，職員收拾時，拎番個客剩餘的生肥牛同鮮牛入廚房，雖然黎d情況，係打邊爐任食嘅酒樓是常見動作，本身如果間酒樓咁做，係五多ok，但宜家疫情期間，就簡直五合衛生，不過去得黎d地方，就要有心理準備～熟食+甜品方面：熟食有幾款食物，但我只有食魚蛋，都ok，甜品款式都算多，有雪糕，豆花，啫喱，布丁，桂花糕，西米椰汁糕等等飲品方面：有汽水，酒，果汁，茶，仲有酒樓自家煲嘅飲品～整體衛生黎講，真係好痳痳，會見到細隻小強係地下同牆壁走黎走去，仲有死左嘅小強係牆邊附近d地下，枱底好多垃圾，聽老公講男廁沒有洗手液提供，女廁就有洗手液，但廁格很迫夾，只

係OP發現喱間餐廳有點心同火鍋任食，而且價錢仲好抵😂即刻拉埋朋友去試下😆一坐低即刻叫佢既點心試下因為喱度既點心係即叫即蒸😋係等待既時候可以出去大排檔拎野食住先🤣個大排檔有好多類型既野食，講得出既都有咁濟😎仲有野飲任飲，間餐廳好貼心會助熱d野飲👍🏻岩曬要飲暖飲既女士☺️即叫即蒸既點心出籠😍😍😍點心既選擇都算多，性價比好高而且好足料，蝦餃既蝦大大粒👏🏻食完點心已經飽飽地😹但都叫左個椰子雞火鍋試下😚仲叫左d牛肉同稻庭烏冬牛肉正正常不太差重點係有稻庭烏冬😆😆😆

任食火鍋和任飲點心，點樣揀？小朋友才做選擇，呢度可以二者兼得，平日$158晚市任飲任食，性價比甚高。其實都係要揀，單是火鍋湯底超過10款，仲可以揀雞煲添，火鍋料好似唔係好多選擇，但其實除了剔張紙外，還有大量蔬菜和配料可自取。質素方面都唔錯，夠新鮮。我最愛魚頭、本地滑牛和手打雙丸。點心更是驚喜。常滿蝦餃皇果然名不虛傳，皮薄煙韌，一粒蝦餃有兩隻彈牙蝦仁。另外蘿蔔絲酥餅又係必吃。估唔到火鍋點的點心比出面的點心專門店更高質。任食的不單只有火鍋和點心，還有其它炸物和前菜，例如串燒、藥膳雞腳、咖哩豬皮等。飲品又係花多眼亂，除了一般汽水果汁外，啤酒和支裝維他奶都有，還有滋潤涼茶呢。唯一揀唔落的是雪糕，不知名牌子唔想揀，而且我已經好飽了。

去荃灣探親戚，之後跟佢去大鴻輝中心打邊爐。嘩！整幢樓冇十間都有八間都係任食火鍋，間間都係百幾蚊，咁點解要帶我去呢間常滿呢？親戚話去到你就知。原來是火鍋加點心，百幾蚊任食一樣都抵啦，而家仲兩樣打孖上，啤酒汽水果汁任飲，糖水雪糕任拎，等候水滾和點心期間還可以自取熱食和炸物，例如拍青瓜、薑醋、炸雞翼等，真係一入坐就即刻可開餐。火鍋湯底選了椰子雞，夠滋潤，火鍋料很新鮮，例如魚頭、海蝦、手打丸、手切牛肉都好吃。之後即叫即蒸的點心來到，蝦餃燒賣大大粒，鳳爪排骨夠惹味，新鮮熱辣，不輸於點心專門店。雖然裝修普通，但座位闊落，員工勤快。因我之前想食的薑醋蛋已冇晒，曾詢問其中一員工，之後新添一大煲時她竟然記得走來通知我而家有喇。食足兩個鐘，好食又抵食。

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃餐廳位於商場12 樓，因為部lift 係透明既，所以搭既時候可以順便欣賞埋荃灣市景先飲茶。8:30 am黎到已經食緊早市既第二round，呢道既點心有好多出面唔到既野食，例如杏片炸鮮奶，炸蝦角、百花釀魚肚等等，全部都好吸引。今次食左佢既炸蝦角，非常足料，真係有成隻拳頭咁大，入面真係滿滿的蝦，炸得焦脆既外皮，點埋沙律醬真係好好食。魚湯水餃有4隻，水餃皮略厚，但內餡落左菠菜同蝦，而唔係大部份坊間用開既豬肉，美味。牛肉腸粉都幾滑，裏面既料都幾多，好有風味。📍常滿百家菜 𝐒𝐡𝐞𝐮𝐧𝐠 𝐌𝐨𝐨𝐧 𝐂𝐡𝐢𝐧𝐞𝐬𝐞 𝐂𝐮𝐢𝐬𝐢𝐧𝐞荃灣眾安街55號大鴻輝(荃灣)中心12樓12/𝘍, 𝘌𝘮𝘱𝘦𝘳𝘰𝘳 𝘗𝘭𝘢𝘻𝘢, 55 𝘊𝘩𝘶𝘯𝘨 𝘖𝘯 𝘚𝘵𝘳𝘦𝘦𝘵, 𝘛𝘴𝘶𝘦𝘯 𝘞𝘢𝘯

常滿百家菜平日（星期五）食午市點心放題食物：湯羹粉麵類 - 無乜點食，淨係試左兩款湯羹，唔掂，得個咸甜品類 - 榚正常，但偏淋身，其他糖水唔掂，感覺真係得糖同水點心類 - 蒸點心麻麻，蝦餃蒸到淋晒，但奇趣地下面d蝦又ok爽口。牛柏葉碎濕濕。燒賣算比較好。鳳爪排骨正正常常。炸野都係偏淋。小食類 - 油炆筍無味。茄子正常。青瓜海蜇頭出嚟比率係95%青瓜。醉雞正常味，但刀功一流，切到超薄片，完全無咬口。叉燒勁乾勁鞋。環境：多人，迫，枱與枱之間好窄，平日晏晝都超多人。服務：無乜服務可言，成個場得兩個阿姐，做到氣都無得唞。價錢：96蚊位加一係抵玩既，兩個人埋單211

荃灣其實好多嘢食，有時候放工晚上諗唔到食乜嘢，就喺附近搵吓有冇啲平靚正嘅嘢食，荃灣眾安街有幢大廈叫「大鴻輝(荃灣)中心」有去過嘅朋友應該知道一到食飯時間就堆滿人，要等上升降機都要等幾個字。見到宣傳寫住$138可以任食點心加火鍋，然後九點後入座中再減-$20(即是$118）。其實當初見到呢個價錢對食物質素都唔敢有太大要求同期望😂😅 可以話係貪佢平平哋，又有點心食，又可以食下火鍋。除咗點心唔錯之外我叫咗嘅飾物最滿意就係墨魚滑，係新鮮，同平時喺街市買一細盒都要3、40蚊😊食兩盒都覺得番本。同佢飲品有果汁先生飲，以呢個價錢來講我俾個like佢！

今日朋友話要請食飯，佢係budget客，搵親都係抵食夾大件，咁我當然奉陪到底啦。今日佢就訂咗荃灣大鴻輝嘅常滿百家菜，任食火鍋點心放題出，點心加火鍋再加啤酒汽水任飲，真係坐一晚傾偈都有排傾，今日湯底叫了椰子燉雞湯，湯底料十足，一嚿嚿椰子肉，湯底好清甜，點心先嗌了一籠燒賣一籠蝦餃一籠蒸牛肉球，再加一籠薑蔥牛柏葉，最特別蝦餃燒賣可以一粒粒叫，絕對唔會浪费。火鍋料叫了海蝦，都好新鮮，再無限任食蔬菜，大滿足的一晚。