帝廷酒家 (已結業)

今天下午到此酒家飲茶，職員態度十分惡劣，多次呼叫整理檯面亦無人理會，要客人自行清潔。食物方面，其中一個午市點心， 椒鹽豆腐粒，淡而無味，質感十分粗劣，相比鄰近食市差距太大。不過環境尚算不錯，交通亦算方便，但不會再光顧此酒家，希望此酒家能改善。

本想到8咪半七樓飲茶，中午十二時去到已經有二、三十人等枱，那麼唯有轉場吧！記得附近有間帝廷，印象中不用等位的，大熱天時，不想多等，就去試一下吧！去到居然只得十分一的食客，心想中伏吧！但也決定在此午餐。五大一小叫了個四人餐，婆婆怕不夠吃，叮囑我要叫多一點，所以點多兩個點心。這裡大、中、小點都是18.8。四人套餐真的很抵，$238有四個燉湯、油菜、炒飯、叉燒拼盤及四個點心。 燉苦瓜瘦肉湯少少甘口，尚算清甜。 燒味拼盤叉燒很瘦，估不到很軟腍。 而豉油雞味道也不錯，雞也算滑。 不知為何燒味拼盤會有中華沙律油菜很大碟，不過賣相一般，但食落很爽甜。黃金炒飯用鹹蛋黃炒飯，再加上椒鹽帶子， 口感豐富 ，味道不錯。中規中矩的豉汁鳳爪小籠包皮不算太薄 ，但內裏也很多汁，味道不錯。金錢肚賣相一般，但很腍滑， 分量太少。叉燒包皮太厚，味道也沒有驚喜。蓮蓉煎堆熱辣辣的， 也很煙韌，芝麻味很香， 不錯啊！五大一小埋單三百多元，味道中規中矩， 不想等位的話也是一個不太差的選擇呢！

今日下午要到荃灣開會，早一點到達荃灣食lunch，本想到新領域廣場的名苑飲茶，點知執咗看到樓上有間酒樓便上去試試。酒樓的裝飾是以婚宴為主，走歐陸式風格。有一人餐單，全包宴都是$48，又幾吸引烚生菜，份量適中點心拼盤有蝦餃、燒賣、潮州粉果、菜苗餃味道同一般酒樓一樣，略嫌粉果及菜苗餃皮太厚。鳳爪排骨蒸飯份量足夠一人份，排骨沒有雪味不錯$48蚊有菜、點心、蒸飯，還有甜品，當然質素不能要求高，但真係幾抵食

​完全唔明何解呢間酒樓何以立足。有日禮拜六​去該處飲下午茶，三點幾，室內幾乎無人，當時感覺都有啲驚賴嘢，但都費事煩，飲茶衰極都有個譜。好，叫點心，例牌蝦餃燒賣鹹水角。個碟蝦餃仲衰個係便利店買到嘅微波爐叮叮點心，皮非常齜牙，餡肉就只有味精。我已經唔記得實質叫個啲咩。每一碟都搵到可以詬病嘅地方。一直以來都頗討厭同桌人一路食一路嫌棄食物質素／餐廳侍應接待嘅態度，係度怨啲嘢食唔會好食咗，而聽者只會受罪。但係呢間酒樓冇得頂，破晒我嘅原則（我已經無咩原則可言）

孩子真的長大了，首次與同學們一起上中式餐館去吃晚飯，通常後生輩都是喜歡吃中餐以外的餐店嘛！ 孩子把吃剩的食物打包回家，我們得有機會吃一吃部份帝廷的出品 ...首先要講一下帝廷的餐後甜品，笑口棗及合桃酥，食落都有滿滿的鹼水苦味，就算現在我的舌頭都被灼傷的嗱嗱痛 那兩件沙律海鮮卷，炸皮腍掉是正常吧，反而內餡只得撈了沙律醬粟米粒及蟹柳粒而已。  炒飯炒得頗乾身，可見到粒粒分明，有翠玉瓜，蛋白碎，蝦肉，香蔥作餡，不油膩兼幾清爽!蠔皇鮑魚菇扣鴨掌 ... 鮑魚菇厚肉彈牙，蠔油汁全入味； 鴨掌大隻亦炆得入味腍滑，指骨關節位的筋節已被炆至起膠；西生菜是甜美而爽口！以食物味道來說，給一個OK臉算是過得去吧 ~

今日在這家屋企附近飲過下午茶(約2點幾)，幾好食，又在檯上發現一些優惠套餐.....................6人 $428 ; 十人 $528，好抵食，不過安全起見，我們問一問部長是否全日供應，他說是，包括今日星期6。但我們還未決定。到了5點幾，我們決定到這兒吃飯，打了電話訂位，不過，他們既職員說不用訂，walk-in上黎都一定有位。於是，我們一行十人去到，他們只開了一半大廳，現有食客5-6檯，心知不妙.....................不過算啦，試下先知，可能地點唔就腳冇咩人知啦。去到，好多人服待啊，服務很好，當然，sell我地食貴價餐啦，但我地只係一心想黎食小菜。結果，搵唔倒今日飲茶張紙，問佢地，佢地又扮唔知係咩黎，又話冇云云。最後，找到了。真係有的，不過收埋左................ 之後冇咩人走過黎，我立即影底張相先啦，一陣唔認數，(d相起手電度，唔識點upload上黎呢樹) 其實係有定冇架？我地問。佢地遲遲唔答，最後個部長過黎話夜晚冇禾！我地當然唔開心啦，明明今日問過你話有，今晚就冇？咁奇怪既？之後仲話，你地係咪打黎問架，可能你地聽錯禾！我地當然即刻話係

今日補賀父親節，父親選擇了帝廷，7pm去到得1檯客，心打個特，叫了鮑魚魚翅套餐和兩款小菜。鮑魚魚翅套餐$138一位，鮑魚如匙羹大，好韌。魚翅連一條翅都冇，只有小量蝦粒，成碗都係生粉獻。西芹斑塊的西芹很老，多根，斑塊是急凍，冇厘味道。蛋白炒飯中規中矩。兩款小菜，其中黃金蝦應是用鹹蛋黃炒蝦，但送來的係椒鹽蝦，當客人唔識野，死未?另一款係家鄉釀豆付，好鹹。果盆係西瓜併哈蜜瓜，前者清甜後者淡。最後送上免費綠豆沙，滿是昆布臭草，好香，值得一讚。埋單$460亦算合理。總括來說係不會再幫襯。到離開的時間都係得兩檯客，生意如此淡靜，遲早等執。

昨晚本身諗住去中染個間意大利野食飯,但勁多人wo, 跟住度度下就是但求其來呢間食飯啦。其實"帝廷"呢個集團既酒樓之前去過食, 都ok既, 咁諗住差唔幾就上去食la。我地原本諗住叫"238"個個鮑翅set, 但肯定食唔晒, 所以散叫d 小菜, 每個約48蚊等食個陣枱面有碟似"椒鹽豆腐" 前菜食落除左咸d外, 都ok既跟住等左3個字, 先有第一樣野食:1. 班腩豆腐煲ok好味, 全部顏色剛炸到金黃色, 味道可以ga2. 蜜桃川汁炒雞球配合都ok, 但油左d, d雞有埋雞皮,肥d3. 味菜炒象拔片味菜較甜, 片都ok 既跟住等左好耐都冇人理我地, 跟住叫埋單先拎生果同埋糖水紅豆沙勁甜, 但起沙總體成間野冇咩人, d人都係周圍行, 見到野要人叫先做呀咁lor, 好就好在香港人lor....可以傾到計既, 價錢、份量都ok既, 好多48蚊揀

太公是日補假，就扮乖陪娘親飲茶；見新領域新開了一家帝廷，就走去試試。抵達時已屆12時多，可也只零零落落地得幾枱客；同區其他茶樓這個時間，好歹也有三成滿；已感有點不妙，當時在想：也許此店太新，大家對其認知度不足而已。隨即拿起筆來點食物：午市又大中小點劃一價$13.8，這對精打細算的母女當然好搏盡的要大點，結果，送上來的食物如下： 咸魚肉餅飯 - 只有細細的一盤，滲了咸魚咸香的肉餅都算鮮美，可惜用的豉油不夠香 上湯浸娃娃菜($18) - 上湯沒有很鮮甜，但勝在夠大盤和沒有奇怪調味，抵過自己買餸煮。 葡汁鮮竹卷 - 腐皮硬實得嚇人，餡料鮮味不彰，味道都被那怪味葡汁蓋過了。 叉燒腸 - 腸粉皮也是又硬又實，叉燒也不夠鮮香，鼓油更是不用說了。 鮮蝦鳳眼餃 - 餃皮也是偏硬，所謂鮮蝦一點也不鮮，不好吃。雖然，兩個人要了四個點心一個菜，連茶芥都只需$99即可落樓；但五碟食品，除了最basic的上湯浸菜和蒸飯外，其餘點心都相當難食 ；實在很難有再光顧的意欲！無怪乎，12點幾也只得幾枱客；無怪乎，1點半我們離開時，也只得十多枱客 - 門庭冷落，原來事出有因

琴晚同左成家人去o左呢間酒棲食飯,叫左個半圍o既套餐,成為$788,有七碟小菜(連炒飯同伊麪),一個翅,講真八樣野,冇樣係好食o既,係一樣都冇,最好已經係個翅,但都係冇乜翅,其他果d簡直係唔多想食,而且每碟o既分量都好細碟,以條魚為例,六個o既餐,條魚只有一斤,勁細條,仲要唔係班,一人百幾蚊,食都食唔飽,又唔係好食,我認為係好離譜!!

睇咗廣告去食, 話明鮑翅餐, 個碗金湯海皇生翅, 只係黃色, 一條翅都無跟住隻鮮鮑魚仲細過只瓷匙小菜好油, 而楊枝金露變咗紅豆沙有被欺騙感覺

噚晚一家人去食團年飯, 諗住係團年飯, 就叫左個七位用的鮑參翅+八個小菜的套餐($738)!一般普通家常小菜, 小菜亦比較細碟, 每碟份量真係唔多夠七位享用, 但味道都ok.不過最最最離譜係個"鮑參翅", 仲衰過街邊碗仔翅, 水汪汪, 無味, 好好好難先搵到一條所謂的翅! 肉絲, 木耳絲, 什菇絲...就勁多囉!! 真係非常唔掂! 早知叫另一個八位普通小菜套餐($418)仲無咁嬲呀!!! 而家多成三百幾蚊食個咁差o既所謂翅!!!