帕莎新疆菜館 (已結業)

06/08/2005 20:15生日同女友慶祝，好奇怪想食中菜，不過要有特色o既，就揀左呢間新彊菜。帕莎位於銅鑼灣食街，同另外幾間食肆都係屬於同一集團，不過就各有特色。呢間餐廳裝修佈置都幾靚，但就有少少造作o既感覺，好似求其掛o的民族裝飾o係牆到就扮大漠feel、入門口前洗三下手又懶係入鄉隨俗咁.....講番食物，兩個人叫左：青瓜卷($35)、醬爆駝峰肉、烤小羊腿同串燒(每款$32)，飲品就叫左提子蘆薈($30)同新彊黑啤。青瓜卷用輕醃過的青瓜，卷著筍絲、甘筍絲及冬菇粒而成，醮麻醬食，味道清新，除作為前菜外，也是品嚐各主菜間清清味蕾的好選擇。醬爆駝峰肉配料有蔥、辣椒同鮮露筍，而主角就係都幾刁鑽o既駝峰肉，味道少辣帶有上海菜回鍋肉的影子。駝峰肉肉質爽脆，如果脆肉鯇是鯇魚的爽口版本，駝峰肉就係豬肉的爽口版本，不過有少少羶味。烤小羊腿烤得非常香但沒有太大的羶味，醃羊腿的香料本身已十分惹味，再醮上隨碟的淮鹽及辣粉更覺香口。串燒羊肉及牛肉各兩串，起初以為係泰式串燒的份量，點知上檯時都幾大串，早知叫一款就夠。開頭我倆都以為食唔晒，但咬入口不得了，肉嫩之餘肉汁仲完完全全保留到，當中又以牛肉比較出色。

不得不讚是此店員工很有禮貌,讓人留下深刻印象..當然對一間食店而言,最重要還是食物質素..三人行到此一吃,由於其中一位怕羶,怕辣又不吃牛,(挑錯地方吃飯!?..) 故無法盡嗜此店重點推介之菜式.. 有點可惜.點了一客烤小羊腿,烤鷄,海鮮伴麵片,駝峰肉.. 烤小羊腿和烤鷄烤得很乾身,同樣附上三色香料粉..味道可以,但鷄肉太乾,口感難免差..海鮮伴麵片,酸酸甜甜,濃烈廣東菜feel..駝峰肉最好,爽脆肉質加上惹味醬汁,令人回味.由於對新彊蒙古菜並無認識,不知吃得正宗與否, 但就整體味道而言.. OK吧.. 而且總算有特色..待搜集多些新彊蒙古菜資料,應該會再到,試試其它菜式.

the leg of lamb is real great. i like its herbs. the dining environment is good... its quiet. even the waiters work very silent. well.... its a real good place to taste xianjiang food!!

環境好好, 而且服務都好周到, 只係食物份量真係小左D, 特別係飲品. 我事前先打電話去BOOK位, 所以佢地留左入面D SOFA位比我, 好靜, 又舒服, 適合情侶去.食物方面, 我個人覺得羊小腿最好味(當然我無食晒MENU上所有野食LA), 唔騒, 而且好嫩~飲品方面, 我點左杯HOT COFFEE, 飲就好飲, 不過太細杯, 好快飲完, 唔夠飲, 又凍得好快, SO最後O個D唔好飲......整體上我覺得好正!

係銅鑼灣搵食, 友人話食街有間食新疆野, 就去試下。一開始就幾特別咁既, 又洗手, 0的waiter既制服又特別。坐低左睇到佢地張comment card好眼熟, 原來又係kingsgroup既, 不過都冇咩所謂, 總之好食就得啦。我地三個人, 叫左個芝麻羊肉卷, 羊肉窩, 烤餅, 一個炒麵, 烤雞, 三杯野飲; 碟碟都唔係好多, 所以我地當然可以掃晒啦。野食味道講真就一般普通啦, 我個人覺得個炒麵係最好食, 我叫左既金桔檸蜜就似梳打汽水多0的。但係0的waiter既服務我就不太滿意啦, 平常既點菜, 上菜都ok既, 但係佢地係特別對鬼佬好招呼囉, 有兩位外籍夫婦係埋單既時候, 對張單有0的問題, 要求睇多次個餐牌價錢, 佢地都非常之有禮貌, 而且笑容滿面。可惜到我地埋單既時候, 就有0的唔好啦, 因為我冇散紙, 所以就我俾左錢先, 找錢都係俾我, 咁0岩佢找錢時我講緊電話, 我又有一個唔知係好定唔好既習慣, 當我去到一0的要收加一既地方, 我係唔會再俾tips, 除非我真係覺得佢地service好好啦, 0個日我只係take剩兩毫子, 咁我就冇理啦, 但當我講完電話, 就發現張枱有個

事先聲明,我未去過呢間食肆,但我去過新疆旅行,食過當地o既羊肉串.Lulula 所講的羊肉串應該係,但以我o既經驗,新疆羊肉串應該係冇羶味,只有香料 o既味。我覺得只有西方人d羊扒先有羶味,羊肉串羶就好似怪怪地,聽講話只有唔新鮮o既羊先會羶....

Pasha算得上是頗有特色的小館﹐侍應都穿上民族服裝﹐裡面裝修成蒙古包似的﹐進店前還會用一個大銅壺幫你洗手﹐說是寓意吉祥。說到服務﹐不能說它服務差勁﹐但就缺少了FoodKing 所說的人情味。一早訂了臺﹐但裡面十多長空桌﹐侍應卻安排我們坐一位非常狹小的臺﹐旁邊是兩張舒服卡位﹐臺與臺之間很近﹐坐下去覺得非常不安。剛巧其中一張卡位結賬離座﹐我們便問可不可以座過去﹐侍應又說已經訂了座。要了以前食過的烤餅配雞心豆茸、烤羊肉串和牛肉串﹐和清炒波菜。雞心豆茸沒有之前那麼香口﹐而烤餅亦不新鮮﹐來到時已經不熱了﹐涼了食十分硬。羊肉和牛肉串味道依舊﹐羊肉好像沒有以前那麼羶﹐但它的買點就是羊肉夠羶﹐所以覺得不論不類。整體上﹐可能幾多人幫親﹐所以將人客和臺排到好密﹐但這樣令人坐得不舒服﹐而侍應亦不會為你安排﹐覺得整個餐廳冷冰冰的。

29.12.2004 一行8 人（7 大1 小），一同為本人愛妻慶祝生日，不負所望，味美而盡興，菜式如下：芝麻羊肉卷2 份：香、脆、肉嫩*羊肉串8 串：香嫩、惹味*醬爆駝峰肉：爽口、彈牙*雞心荳蓉薄餅：清香、薄餅煙韌烤羊脾：肉味香甜烤羊小腿：肉嫩、汁香*香酥羊排骨：肉質香滑、酥香可口吐魯番羊煲：美味、羊爽滑羊肉抓飯：不油、好味家常醬炒羊肉拉麵：醬美味、麵爽滑煙韌*拔香蕉：清甜、脆漿香脆、拔效果佳*拔蕃薯：同上*金瓜豆沙餅：都幾好特飲杯花茶一壼註：有*者，下次必再吃該店裝修富民族風味，侍應服務殷勤，讚！

一定要試，好香芝麻‧羊肉唔蘇，暖暖的不會太燙口，入口即溶‧......溶了我吧........ 不過我唔係禁鍾意個羊腿‧

睇到OpenRice 食評, 對帕莎新疆菜館咁開心字數, 心諗一定要試下. 今晚與三個友人去品嚐, 結果係失望o既.d service 好唔掂, 個部長安排我們坐近門口, 但無諗過佢竟然將二張二人檯分開再加一張椅給我們, 然後安排一對情侶坐其中一張二人檯. 嘩! 又唔係全店滿座(仲有好多吉檯) , 咁細張檯, 點坐得舒服同食得開心呀. 友人即時同個部長講: “咁迫, 唔食啦" . 個部長好無奈就範. 後來竟向我們解釋, 只是安排我們暫時坐住先, 會轉另一張檯比我o地. 哈, 咁o既解釋好牽強, 當我o地白痴咩!叫o左三杯水, 追了一次, 無反應, 算數. 但食完晒竟自動自覺比三杯水我o地, 抓晒頭.叫了羊肉串, 燒南瓜, 芝麻羊肉卷, 蒜茸炒時菜($40) , 薄皮包子(羊肉), 羊肉抓飯($60), 烤小羊腿($95), 一杯提子梳打冰和一杯哈密瓜梳打冰($30) .提子梳打冰–好似FANTA 汽水(提子味)哈密瓜梳打冰–有哈密瓜梳粒, 都ok 啦羊肉串(2串) –唔覺有好多香料灑在羊肉面, 有d羶味但可接受, 肉質幾juicy , 唔錯. 不過份量真係好少(得8 舊仔

許久都沒有跟父母吃飯了, 難得駕車經過, 母親見到燈箱寫著新疆菜, 說要試. 我們就在附近找個停車場把車子泊好過來.我們點了以下的菜式:雞心荳蓉烤薄餅-- 薄餅數件, 吃時塗上雞心荳蓉, 味道不濃但幾有風味涼拌麻辣牛肚-- 金錢肚絲早已浸於麻辣汁當中, 幾辣, 不嗜辣者少吃為妙羊肉春卷-- 羊肉份量少, 幾乎吃不出有羊肉, 蘿蔔反而多的是烤小羊腿-- 火喉控制得宜, 外面烤得有點脆, 肉地都幾嫩, 膻味唔算好濃烈, 碟邊附上調味粉供食客蘸上來吃醬爆駝峰肉-- 駝峰肉好爽口, 醬汁惹味而適中蒜蓉豆角-- 豆角青綠, 炒得爽而香新疆拌麵(雞肉) -- 濃稠的醬汁已混入麵中, 有點茄蓉味, 但不酸, 伴上雞肉碎和洋蔥絲, 味道不俗但雞肉較少南瓜豆沙餅-- 三件上碟, 熱騰騰的, 外層香而煙"un", 麵粉搓上南瓜蓉, 南瓜味道不太特出, 已給豆沙的甜味蓋過.店內裝潢具新疆特色, 地毯掛牆的裝飾品少不免. 侍仔們亦打扮成新疆人的模樣, 頭上一頂回教帽子, 怪模怪樣的! 服務都尚算可以, 他們總會為你介紹菜式; 上菜亦很快, 不一會我們的檯上已放滿了食物! 不過想多坐一會的最好先預訂位子.

的確是吃羊的好地方，一打開餐牌，不少菜式都跟羊有關，結果呢餐真係由頭羊到落尾。點菜時樣樣都好像很吸引，結果兩個人點了：芝麻太多，好彩每碟的份量唔算大，最後都差唔多食晒。個人覺得羊肉串同新疆奶茶最好味，長長的羊肉的串味道好濃，正；而咸味的奶茶還是第一次飲，又幾好飲bor。另外芝麻羊肉卷都唔錯，羊肉餡好香。不過跟新疆薄餅其實差唔多，都係肉餡餅，早知二選一好了。至於環境亦好特別，加上新疆音樂，氣氛真的十分不錯。最後兩個人埋單食左4百幾，都幾貴，但值得一試呢!

簡直是全港最好的"羊食店".羊排,羊肉,羊腿......什麼都好食.我曾經在大陸食過正宗的超正羊肉串,之後在香港找不回那種味道....唯一在這裡找到!這裡的羊肉串亦是超正,能燒到羊肉外層小小脆,鎖住肉汁,羊肉十分juicy,再加上特製香料,那種香料完全是草原風味.一串又一串,不能停口.正正正正正正正!

行開銅鑼灣, 兩個人想試下新彊菜. 約莫兩點十五分到, 之前聽朋友推介話佢\地d羊肉唔錯, 叫羊肉做主題既菜方式. 芝麻羊肉卷($50 見圖), 芝麻好香外皮鬆化, 碎羊肉好有羊羶香味, 口感唔錯, 可以同九龍城清真牛肉餅比較~ 烤羊肉串($30), 羊肉串外好多香料, 蓋\過左羊肉本身羶味, 雖然羊肉串係烤出來, 但肉質仍十分滑~ 意猶未盡再叫烤羊小腿($95), 肉質同樣香滑, 而且三隻香料孜然, 辣椒, 粗鹽都分開碟上, 可以自己跟口味去嚐試. 另外叫左一杯百香果梳打冰($30), 幾大杯, 小小果甜味, 都唔錯.地方環境幾特別, 牆身都用地毯裝飾, 天花有d似蒙古包設計, 半圓形梳化位幾舒服, 服務亦有禮貌~(lunch 2:45pm last order, $160 開瓶收, house wine $30)

平日黎食飯，成條食街都唔會太多人。睇下個菜譜，好多人都話，乜咁多上海、北京菜架？咁又係，新疆菜邊有咁多野食丫，同埋同一個集團都有阿拉廚房，補充下菜譜上的不足囉。商務午餐，$148，可供兩至三個人，都幾抵食。因為唔怕食羊，所以叫左全部都係羊，有羊肉春卷、牙簽羊肉、羊排骨、羊肉捲餅、羊肉帕爾木丁、杏仁卷蛋。可以話係改良的新疆菜，同係上環個間新粵新疆餐廳幾唔同。都好好食，只係唔夠上環個間咁有新疆口味。呢度服務都幾好，都有經常添茶、換碟，仲會問下意見咁，都算好好~雖然呢度都幾細，但裝修都幾有特色。