巧得鍋 (已結業)

凍凍地約齊三五知己，緊係食雞煲火鍋觀塘工廠實在有太多隱蔽食肆，只靠門口有個易拉架、牆邊一張poster，主要靠口碑及價格吸引顧客「巧得鍋」聽得多，今晚才第一次試。平日嘅全場幾乎坐無虛席，我地先點半隻雞煲再點火鍋配料。先食赤海蝦刺身等個鍋滾，肉質好爽之餘，最欣賞佢連炸蝦頭上，炸得好香脆，手仔全部都食得雞煲滾起，我地揀左小辣，不會太刺激、醬汁亦無杰噠噠，雞肉好滑身！食完雞煲就即刻加湯！試下個肥牛，部位偏瘦但好有牛味亦有肉汁，岩晒我這樣怕肥嘅女士，可以盡情享用。仲有其他配料都好新鮮，當中最鐘意就係黑色墨丸同黑松菇，市面少有

前幾日約完個FD出黎打機之後,又到左要係觀塘"覓食"既時間啦...黎到呢間好多人推介,但門面唔係好顯眼既"巧得鍋 ",本來以為唔會好多人,......點知行埋去一睇,原來已經滿人咁滯(笑哭)。呢間餐廳張點菜紙雖然得果兩版,但已經多野到令你好難落手簡邊樣。因為佢可以揀打邊爐,又有熟食,仲有埋刺身可以食...所以一定要有個目標先!湯底味道香濃,丸子肉質都唔錯,有咬口,而且環境OK, 最岩三五知己一齊過黎吹下水,打下牙制。

雞煲無特別，d汁甜甜地，唔惹味！和牛貴唔抵食，得超薄嘅五塊仔，味道衰過啲普通肥牛！手打墨魚汁墨魚都好普通自家鮮蝦水餃都唔好食 ，一陣鹼水味其他火鍋配料都係普普通通侍應態度都係一般般，叫錯左野叫佢地幫我地換一換，都好大聲比聲音我哋聽。雖然係叫錯咗，咁都好過食唔晒放喺度浪費了食物？！諗住去下啲工業中心試新嘢，間野都好偏僻我自己就覺得唔係咁抵食，不過抵食都唔係重點 ~係唔好食～

依排天氣凍左好多，出街食飯一定會揀打邊爐！今日我同幾位朋友就揀左依間巧得鍋，發現原來係特色高質火鍋店。叫左好多野食，最深刻都係依幾款椒鹽白鱔球 $128依個白鱔球係小食，椒鹽好惹味，爽滑既白鱔鋪著薄薄的脆漿，外脆內軟，齒頰留香，必食推介！自家鮮蝦水餃拼手打墨汁墨魚丸 $98依度既水餃皮薄餡靚，滾熟後的水餃能夠從薄薄的皮透出裏面飽滿的餡料，餡料十分新鮮，蝦肉完整爽口彈牙。本地手切牛頸脊 $198依款牛肉牛味好重，油脂分佈平均，肉味好濃，滾熟後一啲都唔鞋，爽口無比。

早前日本興食芫茜，所以火鍋我地都決定清清地點一個皮蛋芫茜鍋，上檯時芫茜散滿鍋面未人齊，我們點了椒鹽九肚魚，炸粉夠薄入口唔油，九肚魚一開數份，剛好做到一口一舊，好鬆脆蝦刺身每隻都好肥美，好厚肉而且蝦頭油炸至脆卜卜手打三色丸，有墨魚丸，蝦丸和墨汁丸，最欣賞是墨汁丸，整粒都是黑蚊蚊，每款入口好彈牙頂級本地手切鮮肥牛牛頸脊，入口牛味好重，最重要係無咩牛油脂，女生們完全放心食用我們還點了黑松菇，外形好獨特，滾了好一會兒，黑松菇口感依然爽口火鍋最後一道菜怎少得粉麵，紅薯粉煙靭無比，最後我們點了兩份

我們選了巧得鍋的雞煲做湯底, BB辣, 色彩豐富, 與平時食開的麻辣雞煲不一樣, 沒有花椒八角,一隻雞的份量有很多, 好像食極都唔完, 雞的肉質很滑有雞味,之後我們想吃得清淡一點,換了芫茜湯,上菜速度很快, 甜蝦刺身和炸蝦頭也是免費的,刺身大大隻,炸蝦頭卜卜脆!炸響鈴吸收了湯底的味道, 好味~手切牛有牛味,脂肪分布平均,不太硬,黑松菇的樣子像鉛筆,爽脆,水餃8隻,味道一般,粟米芝士丸入面是流心的,像忌廉粟米湯的味道

依間已食過好幾次! 今次可以寫一寫食評服務 禮貌真唔錯, 侍應好NICE, 叫人一叫即有人來, 加湯收碟即叫即來...今晚是我介紹朋友來食晚上八點幾到達2人所以選1個雞鍋.鍋裡面d雞唔少,肉質非常嫩滑，辣既味道完全同雞溶為1體,夠晒入味!!仲有好多洋蔥同蒜，一個字~掂 ！不過有個美中不足既地方係,加左湯之後,味道會變淡囉所以建議每次加湯逐漸加少少...否則湯底會太淡火鍋配料中，牛極力推介，品質不俗，肉味較濃大愛也，但不能淥太耐，怕會韌，一碟都有D唔夠喉!響鈴打邊爐之前先將響鈴入鍋煮幾秒，響鈴索晒d湯汁精華撈起勝在濃郁惹味，好味就是這麼簡單墨魚丸 - 唔爽! 幾硬下 ~~其他火鍋料則一般貨色，最重要夠新鮮店子裝修環境當然不會是豪華地方簡潔感覺平凡之中帶著街坊情懷

第二次來這家店食，水準保持一樣咁好，侍應服務態度好，10人食，原本叫4sets 2人餐，會温馨提示食物份量可能叫太多，未必食得曬，結果叫3sets再加其他食材剛剛好，他們亦會在前菜和甜品俾得稍為手鬆少少，盡量令大家都試到。每次都喜歡先飲湯底，花膠竹絲雞和胡椒咸菜豬肚湯都係令人回味的湯頭，材料十足少少不足係帶子和生蠔上枱時結曬冰，放入爐的時候難以肯定幾時熟，結果便煮耐左，另外酒精飲料只有細支裝，如果喜歡飲的話，叫細支價錢便很可觀了。總括而言，絕對值得再來~~

依間巧得鍋之前經過過 覺得好想試吓今日終於有機會同男朋友兩個人黎試試佢兩個人決定叫個2人餐 咩都包晒有菜有肉有海鮮有丸有餃子有甜品同飲品前菜有麻辣雲耳同涼伴蓮藕湯底揀左滋補花膠竹絲雞鍋湯底清甜有兩大條花膠 膠質豐富半隻竹絲雞雞肉嫩滑 撕開一絲絲刺身拼盤同牛肉拼盤二揀一揀左牛肉拼盤 雪花都唔錯 有肥牛 牛肉片 同牛舌牛肉肉質嫩滑 配蔥醬一齊食 好味海鮮拼盤有扇貝、蠔、貝等海鮮但可惜扇貝有一隻唔新鮮 墨魚丸同蝦丸蝦丸好味 但墨魚丸有點變味了韭菜牛肉餃子、羊肉餃雜錦蔬菜樣樣都有 有瓜有菜有菇鮮果特飲奇異果汁底配上鮮雜果 唔會太甜豐香紅顏用菠蘿、木瓜同甘筍 微甜很好最後既甜品 我地都太飽食唔落所以都冇叫到 但都好滿足好飽

觀塘工廈有好多餐廳，今次一行人黎到巧得鍋食晚餐，地理位置都叫近地鐵站，就返附近住的朋友。雖然係工廠大廈但係唔使搭lift只係上半層樓梯算係方便。坐底一睇餐牌乜咁貴ge，當堂唔係好想食， 不過一班人約咗冇辦法啦咪試吓囉。叫左雞煲，幾香口好食ge，之後加湯邊爐，叫左啲牛啊豬啊咁，一食落口就明白點解要呢個價錢，因為真係好食，牛同豬都明顯靚野。蝦滑啊墨魚滑果啲都好好食。其實間野食物整體高質，但我食慣平野，成三百蚊碟牛肉我會覺得唔抵，我亦都接受唔倒108蚊一碟手打三色丸，得9粒咋陰公。結論係呢間係高質低CP 值火鍋。我唔會食多次。

其實成日經過成業街都想試因為見佢係靚材料，又多好評最近天氣變凍岩哂打邊爐叫左四川麻辣火鍋極上羊肉手打墨汁墨魚滑脆骨腩水魷魚自家牛肝菌羊肉餃中辣既湯底好多料有蓮藕，有豆卜，有芽菜椰菜吸收哂d汁好入味羊肉好鮮好嫩好薄身 滾幾滾就食得脆骨腩啖啖肉好脆好爽 食得好滿足自家牛肝菌羊肉餃好驚喜包到漲卜卜好欣賞佢入面放粟米多了一份爽甜感無論味道定口感上都十分好食手打墨汁墨魚滑好彈牙，又係推介佢個檸檬青蘋果特飲好colourful顏色已經好吸引飲落唔太甜 好開胃岩哂打邊爐 清清口腔既油膩感推介巧得鍋比真係想食真材實料樣樣新鮮有質素既朋友

豬仔又係觀塘覓食依間巧得鍋之前經過過 覺得好想試吓但戈次同朋友已經約咗其他餐廳所以就話下次先嚟 但同朋友一直都約唔到今日豬仔就決定同男朋友兩個人黎試試佢兩個人決定叫個2人餐 咩都包晒有菜有肉有海鮮有丸有餃子有甜品同飲品前菜有麻辣雲耳 微辣好開胃涼伴蓮藕帶蒜味 好清爽湯底揀左滋補花膠竹絲雞鍋有兩大條花膠 膠質豐富半隻竹絲雞雞肉嫩滑 撕開一絲絲湯底清甜 帶桂圓紅棗味刺身拼盤同牛肉拼盤二揀一打邊爐梗係揀牛肉拼盤啦 好大盤呀 雪花都好靚 有肥牛 牛肉片 同牛舌牛肉肉味濃 肉質嫩滑記住唔好煮太耐呀海鮮拼盤有扇貝、蠔、貝等海鮮仲有墨魚丸同蝦丸韭菜牛肉餃子、羊肉餃等等兩個人樣樣都試到 好豐盛雜錦蔬菜都係樣樣都有 有瓜有菜有菇有營又健康飲品可以揀特飲一杯揀左鮮果特飲奇異果汁底配上鮮雜果 加上薄荷葉唔會太甜 唔錯唔錯另一杯揀左豐香紅顏有菠蘿、木瓜同甘筍鮮果製作 清清微甜 豬仔幾喜歡最後既甜品係自選啫喱杯由頭食到落尾 好滿足好飽呀

收工果時男朋友話想打邊爐，咁岩今日係果邊上完堂就搵左呢間試下。上網睇話４個人仲有刺身送，即刻打埋比２個朋友約埋佢一齊黎。本身book左845pm，我同男朋友早到少少，職員好好比我地坐住等，環境幾好，枱同枱之間有足夠距離，行出行入唔會好易撞到人，而且４人枱都好大張，好闊。朋友855pm先到，因為9點返有85折，就問個職員係計唔計，佢叫我地9點先落單就可以。我地4個人叫左2個$268/位的巧得SET，再單點其他食物，同埋叫左巧得一($228)同巧得三($158)。點完餐就先黎左一客４隻蝦刺身及炸物，刺身鮮甜爽口彈牙，頭部以炸物來處理。再上枱就係巧得SET套餐包括前菜﹑鍋物﹑主食﹑配料﹑甜品及飲品。前菜係麻辣雲耳及涼拌蓮藕，我本身已經好鐘意食雲耳，再加少少辣，好好味。朋友就話蓮藕都好爽，唔錯。之後主食二選一，我地揀左牛肉拼盤，好大盤，睇落都好新鮮，又有冰底。包括金錢牛𦟌、牛脷、牛柳粒及牛頸脊，每個部位口感不同，食落牛味濃郁，真係好好味而鍋物我地揀左最滋補既是花膠燉竹絲雞鍋，完全係真材實料，花膠好大舊，仲有半隻烏雞，味道夠哂濃郁，滾起左之後男朋友同朋友都忍唔住飲左一碗。配料有拼盤及蔬菜盤，拼盤

10月底，友人報喜成功找到工作，深知對方是火鍋控的我當然要找家火鍋店慶祝慶祝，觀塘工業區現在已經變成特色餐廳集中地，今晚去的店也是在地鐵站附近的工廠大廈裡面。我們被安排坐在門口的桌子，餐具擺放整齊，而且設計特別，很有石器時代風。桌面上的醬料小壺放在一個九宮格內，小巧可愛，而且可以自己自由配搭，不限份量，又不用好像任佞火鍋一樣要到外面拿。弄好醬料，等了大概十分鐘，終於有服務生拿餐牌給我們。選擇眾多，光是湯底鍋物每一款都很吸引，看到原來是有二人鍋的，正好適合我倆。友人愛吃魚，自然選了巧得招牌烤魚鍋，魚身烤得非常香脆，魚肉卻很嫩滑，烤魚很少可以掌握到裡面是不乾身的，出色的是我們點了微辣，又是煎烤，通常鍋面已經厚厚一層油，看到沒胃口更遑論等下要放其他料下去煮，這個烤魚鍋居然只有輕微的油，實在驚喜。原來可以一邊吃火鍋一邊燒烤的，前兩天我們才吃完燒肉，所以不打算使用。前菜兩小碟有涼拌蓮藕跟麻辣雲耳，蓮藕切得夠薄夠爽身，滿口是清爽味道。個人比較喜歡麻辣雲耳，麻辣度適中，非常夠味，越吃越開胃。吃完魚就開始火鍋時間，主菜巧得牛肉拼盤上桌，裡面有山東騸牯牛的肉眼邊、安格斯牛頸脊、一口牛肉粒、牛展和牛舌，全

唔明點解噤多好評，見好評多專登去試，好失望！雞煲無特別，刺身又少又唔係好新鮮，碟$198牛肉得幾片，套餐唔底食，散叫仲貴，款式唔多，連個湯底都冇味，結果要新靠食烏東填飽個肚！人頭$350埋單都食唔飽兼冇野食