川滿居 (京都廣場)

营业中

休息中

冬天的時候特別想食辣嘢～同朋友去左銅鑼灣逛一逛，然後發現呢一間川菜館。餐廳座位寬敞舒服，可以同朋友慢慢享用晚餐。$66 藤香雞這是一道冷盤，看似醉鄉雞，但其實係藤椒雞。藤椒的味道清香帶少許麻，不太刺激，味道全滲入雞內。一啖皮爽肉嫩的雞，帶少許麻嘅清香濃郁的藤椒味，滋味無窮。$98 孜然羊肉 配麼麼皮孜然羊肉，一口塞入嘴內，咬開皮薄嘅麼麼皮，滿滿嘅孜然味的羊肉，前者味道嘅淡後者味道嘅濃，配合得剛剛好。$188 金湯酸菜魚特別推介這道菜，2-3人份量，辣度可以自選，選了BB辣，朋友食唔到好辣。配菜用了多，當中有香菇、杏菇、白精靈菇、萵筍、白蘿蔔、酸菜和薯粉等。鮮嫩的魚肉是金湯酸菜魚的靈魂，酸中帶少許麻和辣，啖啖滑入嘴裡，好食到不能停口。開心提示，總有一兩舊魚會有骨，大家小心享用！一間有誠意嘅餐廳，材料選取多，但價錢不貴，在銅鑼灣非常罕見，值得一試。

今日星期一返工 即刻有同事好興奮行過嚟同我講介紹一間好好食嘅餐廳畀我 心諗有冇咁心急唔通真係咁好食 然之後佢就畀佢琴日影嘅相我睇 睇完啲相真係好吸引喎 說今日放工嘅時候 就即刻約埋男朋友過嚟食 果然真係喎食到流曬口水 真係非常之好食 果然冇介紹錯過到嚟見到環境都非常舒適 個感覺係好舒服嘅 有少少 好有親切感嘅屋企食飯咁嘅樣 嘢食方面我自己都非常之滿意 果然係有特色嘅川菜 呢啲菜係出面見唔到 金湯酸菜魚呢個就係我第一次見嘅金湯酸菜魚 點解叫金湯酸菜魚因為係啲湯真係金色 雖然我唔係好清楚點解可以咁金色 但佢聽日好好飲好好味 同埋因為用咗好多嘅酸菜所以令到與入面亦都有酸菜嘅味道孜然牛肉 $98        呢個係我朋友推介畀我嘅 果然係好推介    牛肉質亦都非常之好食。                               

今日放工同一班友人過嚟呢度食晚飯 大家做咗成日嘢相當之攰嘅時候 食到一間好食而且舒服嘅餐廳 其實相對於就係一個好好嘅休息呢間餐廳嘅鋪面好闊落 同埋五臟俱全 而且環境真係好舒服同埋優雅 再加上呢度嘅座位都非常之大 所以其實坐落去嘅時候都好舒服 可以好好地享受下佢哋呢度嘅餐點招牌香鍋呢個係佢哋呢度嘅招牌菜 呢個 招牌香鍋係可以自己點配菜 師父炒完之後就會放落去一個鍋入面 令到菜可以keep住保溫 所以上到枱嘅時候係熱辣辣嘅 而且唔使急住食因為佢個鍋係真係可以保溫金湯酸菜魚呢一個金湯酸菜魚 好香酸菜嘅味道 再加上好多魚 所以其實份量呢個我自己覺得都好足夠 味道嚟講我自己覺得都幾高分

平時只食酸菜魚嘅酸菜😆今次…今次食埋酸菜魚嘅魚呀🤪好少好少會食魚，一嚟驚有骨😩二嚟驚唔滑🥺所以食酸菜魚都只會focus酸菜，用嚟撈飯真係一流😌啱啱喺銅鑼灣食咗川菜晚餐，真心好食😛雖然食客好多，但服務態度都好好🤣最開心就係店員問🍚夠唔夠食，使唔使𢳂多啲😂不過講真依度份量絕對夠食😎💛金湯酸菜魚💛小辣 $188酸菜同埋魚嘅份量都好足夠(2-3人食都得)🐟鱸魚肉超級超級嫩滑，冇骨真係好正😛湯底唔油膩，酸酸辣辣好開胃😳食到一半先發現底部仲有大量薯粉同菇菌類，好豐富💕🤍孜然羊肉(配6隻嬤嬷皮)🤍 $98嬤嬤皮就係片皮鴨嗰啲皮呀，透薄帶煙韌口感，包住孜然羊肉🐑真係食多打都得呀！孜然嘅味道配肉類就最啱，加入羊肉惹味又唔會蓋過羊肉香🤤鍾意食羊肉一定要嗌✨💚手撕包菜💚 $72成餐都係肉，當然要食返啲菜菜balance 下😏醬汁惹味帶微微香辣，又係好啱用嚟撈飯🤣所以食2碗飯都唔岀奇🥰其實佢除咗酸菜魚仲有烤魚、雞煲😳價錢又唔貴下次食埋其他菜式先🤩📍川滿居 📍銅鑼灣駱克道491-499號京都廣場6樓

銅鑼灣地鐵站最就腳最地道的四川菜館 - 川滿居正因為朋友係銅鑼灣放工，佢既同事話食過佢地個招牌酸菜魚覺得超級好食，我朋友一直都想親自去試好耐，咁岩經過銅鑼灣的分店又肚餓，我一於就陪佢去試吓啦。咁我地一共係叫左3道菜同2款飲品既，分別係騰香雞﹑酸菜魚麵﹑尖椒牛肉﹑凍檸檬水﹑酸梅汁。騰香雞:因為我地兩個都其實幾唔食得辣既，所以就無叫到更多人叫既口水雞，而係叫左騰香雞，不過唔好以為呢個比較少人叫就唔好食呀，餐廳好貼心幫客人起哂雞皮咁濟，客人輕輕一挑就可以將雞皮同肉分開，岩哂我地呢d怕肥成日要上鏡影相拍片既model啦 ! 肉質鬆軟，陣陣香氣四散，食肉大增 !酸菜魚麵:咁酸菜魚方面，其實客人可以配飯或配麵類如紅薯粉既，呢道菜酸酸地幾開胃，魚雖然經過長時間烹調，但肉質仍然唔會一夾就散開，而且非常彈牙得黎又有咬口，再加上用特製湯料煮過，魚肉好香口鮮甜 ! 必試的一道菜 !尖椒牛肉:試過左之前兩道唔辣既菜，黎食川菜唔叫番一道辣菜真係對唔住自己既，所以我地叫左個得一條辣椒既菜 - 尖椒牛肉 (3條辣椒係最辣)，第一啖咬落牛肉度以為會辣到噴火所以只係小小一口，結果令我意想不到既係竟然道菜一d都唔辣既，經

銅鑼灣平價好味川菜今日同朋友一齊去銅鑼灣行街，天氣凍想食食吓啲麻辣暖胃，好耐冇食酸菜魚，又驚太貴。搵到呢間川菜價錢唔貴，而且小辣都唔會好辣，適合我呢啲食辣初哥過下癮餐廳座位舒適，乾淨企理。平日晚上人不多，另設午市套餐，提供紙巾🧻、水，另收加一服務費#金湯酸菜魚 $188餐廳出名酸菜魚和水煮魚，酸菜魚湯微酸魚味濃唔腥，好惹味。麻味香濃，少辣。魚片入味而且肉嫩，小心有骨，適合初食辣者。湯底還有彈牙的紅薯粉、蘑菇、酸菜等配菜，很吸辣。#藤香雞 $66食雞有雞味，肉質嫩滑，淡淡麻香味，份量多，幾抵食。有很多花椒但唔會辣，喜歡💕推介#蔥椒小肥牛 $88炒至香口的肥牛，牛味濃郁，送飯一流。白飯 $15#加多寶 $15涼茶，降火必備服務質素：7/10環境舒適度：6/10ᶘ ᵒᴥᵒᶅ個人口味評分：8.5/10

今日去咗行街，好開心可以同朋友聚會，然後我哋當然要搵一間啱心水嘅餐廳食飯啦！最後喺林林總總唔同種類嘅餐廳入面，我哋揀咗呢一間川滿居😎餐廳喺OpenRice度見到好多人介紹，望到食麥記買相幾靚幾吸引，而且價錢好合理，所以就過咗嚟呢邊試吓！首先叫咗一份招牌香鍋，呢個係我覺得好特別嘅一個菜，因為佢係一個鍋，然後啲配料都係我哋自己選擇嘅！所以我自己都揀咗好多種唔同嘅材料，然後加埋醬汁一齊炒，一上菜就係熱辣辣嘅麻辣香鍋啦！非常惹味👍🏻😊另外亦都都叫咗一份大盆花菜，呢一個菜好特別，入面有好多唔同嘅香料！而且成個感覺亦都非常健康，加咗少少麻辣嘅香味，令到成個菜式都更加香濃！

香港地真係一個充滿唔同國家菜式嘅地方，我自己覺得喺香港可以食得到好多唔同種類嘅菜式！其中一種我自己好鍾意食嘅就係中國菜，特別係川味風格嘅菜式真係好吸引❤️❤️今次就嚟咗呢一間係專門食四川菜嘅川滿居👍🏻之前一直都有收藏開呢間餐廳，今次終於都有時間可以過嚟啦！大盆花菜 $68呢個大盤花菜真係好好味，因為入面已經用咗好多唔同種類嘅香料，所以令到成個菜都非常入味！涼拌黃金皮蛋 $48幾特別嘅就係呢一個黃金皮蛋，呢個黃金皮蛋份量好多，而且非常開胃，仲要係因為涼拌嘅烹調方式，所以更加惹味水煮魚 $188呢一個水煮魚嘅份量好多，我自己非常滿意，同埋水煮魚亦用咗好多材料去烹調而成，所以非常入味！望到滿滿嘅魚肉就真係好開心❤️                               

天氣漸涼，想食d辣味但我地都唔係好食得辣😅發現銅鑼灣有間川菜都唔錯。可以選擇既菜式都好多，有辣有唔辣。睇完菜單，我地食左個京蔥牛肉有六張麼麼皮，食得出佢落咗好多唔同嘅調味料炒得好香！另外叫左酸菜魚💰188無諗過黎到咁大碗，仲有薯粉多種菇類大大片毛骨嘅魚肉👍🏻👍🏻👍🏻上網見多人推薦佢地既藤香雞，下次再去一定會試#川滿居 呢間餐廳值得推薦，人均💰150👍🏻👍🏻👍🏻👍🏻👍🏻

到銅鑼灣京都廣場和朋友飯聚，發現場內新開了一間川菜館「川滿居」，假日特地帶爸媽來一試。餐廳內裝修簡約，設計以京劇，大戲人物作主題，座位闊落坐得舒服，餐牌內烤魚，小菜，香鍋，雞煲，片皮鴨，水煮魚，炒麵，炒飯都有，好肚餓呀～晚飯時間，差唔多每枱都點一盤烤魚，有魽魚，鱸魚， 桂花魚， 沙巴龍躉可選，味道有香辣，麻辣，酸菜，醬香選擇，仲有唔同配菜可以加餸，成日食鱸魚，今次試下食魽魚。香辣烤魽魚 $298慢工出細貨， 等左一輪，香噴噴既小辣鉗魚烤好上枱，魚身脂肪豐富，香滑中帶點焦香，亦帶點泥味，配菜有蓮藕，木耳，腐竹，青瓜，芹菜等，粉條入晒味，唔食得辣既朋友都食得到。籐香雞 $66青色既籐椒，味道比花椒清香，雞肉熟度控制得恰到好處，香軟油滑，清新又唔辣，好味。秘製拍青瓜 $46青瓜仔入口微微酸辣，清爽又開胃。辣子雞 $98增香既花椒，辣椒唔算太多，雞皮，雞肉炸得皮脆肉嫩，花生同樣炸得酥香，送飯送酒食都唔錯。蔥椒小肥牛 $88京蔥，洋蔥，牛肉，加上少量辣椒爆炒，肥牛量多，入口香甜又惹味。京蔥羊肉 $98 （配6張麼麼皮）配料同樣係京蔥，洋蔥；羊肉份量較少，入口嫩滑帶點羊騷味，用配既麼麼

總店係荃灣一間唔起眼嘅小店果然😂一殺入銅鑼灣就會有多啲人氣😂見網上好評不斷 所以嗰日就拉埋個「原來總店就喺佢樓下佢食過幾次都唔知自己食過嘅friend」帶佢嚟試下佢認為嘅「新嘢」☺️🤍金湯酸菜魚($188) | Rating: 8.8/10湯底夠濃味已經贏咗一半我哋嗌咗中辣 啱啱好 辣同酸平衡到夠香得嚟又唔會太油！魚片係偏大塊的 肉質鮮嫩夾起又唔會易散入面都算多配料 有萵筍 白蘿蔔 雜菇 薯粉等唯一真係唔鍾意嘅係薯粉煮到有啲稔which我係煙韌派但呢個價呢個質素嚟講性價比算好高!!🤍孜然羊肉($98) | Rating: 8/10配六張嬤嬤麵皮 包住羊肉一齊食羊肉同樣嫩口 有羊味得嚟唔會太膻調味適中 以惹味小炒嚟講都唔算好油🤍藤香雞($66) | Rating: 8.5/10川菜舖通常都係口水雞棒棒雞咁呢個係喺香港比較少見嘅涼菜雞嘅口味只有好少好少嘅辣 但超級麻！真係會成個口痺曬嗰種😂藤椒香味十足 用上雞髀肉 滑得嚟都好入味/整體係一間幾高質嘅川菜餐廳性價比高 環境乾淨企理 只係啲枱有啲窄

The food was flavourful, yet not too salty or oily, as this type of Chinese food sometimes can be. The cold steamed chicken with sze chuan pepper was quite good. The chicken was tender and the sauce had the perfect amount of bite to it without being too spicy.

今日聽朋友介紹推介呢一間餐廳 抵食得嚟又好味 所以相信係就今晚放工落埋佢一齊過嚟試下 食完之後果然係 好唔錯 食完心情都靚啲 係呢個我今日都高度推薦畀各位首先講下呢間餐廳 呢間餐廳 後尾我先知原來之前喺荃灣已經好出名 出名係因為佢真係做得出好四川菜嘅四川菜 所以今日就過嚟呢度 發現佢真係keep到個質素                        過到嚟見到環境都好舒服 再加上佢真係好多嘢菜式 廚餐牌其實都幾厚 有少少睇到眼花繚亂 好彩喺我朋友嘅介紹之下 先至做得到個決定 我哋就叫了水煮魚呢個水煮魚果然係我食過最好食嘅水煮魚 分享到呢真係有啲驚嚇 佢真係用咗好大盤嘅 再加上佢嘅 用咗好多魚 而且啲嘢仲要係感覺好新鮮嘅魚 我諗可能唔係雪藏魚 因為真係好好食 但係又冇骨真係超級爽涼拌黃金皮蛋 $48    呢個皮蛋你都係非常之開胃嘅小食 因為佢係大少少酸味嘅 酸係有助人開胃。               

最近做完一個project 我有個習慣就係每做完一個project就會去享受一次 今次就選擇食一間靚嘅嘢去享受 所以就聽朋友介紹過咗嚟呢間餐廳 試一試呢間餐廳嘅出品嘅質素 睇下呢間餐廳好唔好食先 事關我真係好鍾意食辣嘢 所以 川菜嚟講都非常之適合我"烤鱸魚 $298    過到嚟坐低睇咗一陣餐牌我就決定要食呢個 因為佢張相真係超級靚 我見到超級大條魚 之後我就叫咗呢個 呢個烤鱸魚 上嘅時候同相片一樣    真係好吸引 完全圖文並茂 再加上去嘅魚真係好大條 肉質嚟講亦都好好 因為最怕大條嘅魚出到嚟嘅肉得唔靚 不過呢個月嘅肉質亦都好好 好多肉之餘亦都好嫩滑 坦白講就算直接食條魚我都願意 再加上佢個辣汁 配合埋簡直就係天衣無縫嘅設計。                                                           

喺銅鑼灣地鐵站口一出方便到爆炸嘅一間川菜館， 職員態度友善，餸菜款式種類繁多，有香鍋，有香炒，款式應有盡有， 仲可以嗌返幾杯啤酒，暢飲暢食 水煮魚白滑魚肉好香好滑 ，冇咩魚骨， 而且麻麻辣辣 ， 食到停唔到口，仲有薯粉底， 油麥菜芽菜黑木耳等配菜，盡吸湯底嘅精華， 鍾意食辣嘅人一定十分喜歡 涼拌黃金皮蛋皮蛋晶瑩通透有冰花， 唔單止賣相一流 而且仲，好似天鵝絨般一樣軟綿綿，蛋黃係糖心，皮蛋黃入口即溶 孜然牛肉配嬤嬤皮熱辣辣鑊氣十足嘅孜然牛肉，香味十足，熱辣辣嘅麼麼皮包住，孜然牛肉另有一番風味， 而且孜然牛肉滑口彈牙， 未上碟已經都流曬口水 回鍋肉用新鮮鮮甜嘅椰菜，加上豆豉爆回鍋肉片，熱辣辣香噴噴， 用個鼻聞都感受到啲鑊氣，鹹香味十足，用來佐酒一流