川滿居 (京都廣場)

营业中

休息中

呢排好耐無食過酸菜魚，突然有點掛住了行開工展會就決定搵間銅鑼灣店黎試試！川滿居感覺較小店，價錢在銅鑼灣黎講亦相對較實惠！用藍色盤裝住嘅酸菜魚，感覺都特別好味！金湯酸菜魚$188 可選辣度選左小辣，仲有萵荀、菇菌、酸菜、薯粉等大量配料。魚肉份量好多，而且無骨仲好厚肉，口感非常嫩滑！酸菜魚有大量薯粉，口感keep到煙煙韌韌，吸晒酸酸嘅湯汁，超正！京蔥炒牛肉 $88除左京蔥仲有大量洋蔥增加口感，加入芝麻更香口！牛肉用嘅係肥牛部分，脂肪唔算多有肉味，送飯一流！藤香雞 $66用藤椒浸涼盤！麻得過癮唔會覺得太辣，幾特別！唔洗成日都食醉雞同口水雞喇！

去開銅鑼灣，食麻辣嘢嘅癮又發作啦，搵到一間樓上鋪嘅小店，主要都係食川菜為主，有辣有唔辣嘅餸菜，仲有片皮鴨供應，諗起都想食😋🤤，不過午飯時間就冇叫到。環境 - 雖然屬於小店，但係都有好多座位，茶餐廳格局好多卡位，都坐得幾舒服，可以同朋友聚餐傾偈。食物 -由於係下午時間，有午市套餐供應，分量少啲但係好抵食，有辣有唔辣嘅選擇。💚金湯酸菜魚 (午市套餐跟湯或飯 & 汽水)我哋叫咗BB辣，湯底金黃色好濃郁，果然係招牌菜，酸酸辣辣好惹味好啱送飯，湯底好味過我之前食另一間川菜。夾出嚟都有十幾塊大大片鱸魚片，份量好唔錯！魚片無骨嫩滑，配料仲有萵筍、雜菇、薯粉;薯粉好淋吸晒啲湯汁。雖然個樣好似唔辣，但係有啲後勁開始食到出汗，正！😋😋😋😋💚孜然羊肉 (配6張嬤嬤皮) 正價餐牌上到枱非常之香，孜然味撲鼻羊肉好香口配埋炒洋蔥，用嬤嬤皮包住嚟食，羊肉唔騷，碟底唔會油淋淋，不過羊肉份量就比較少，只係得大概6-7片羊肉，大部份都係洋蔥，正價餐牌來講就真係比較細碟，但係調味方面做得好唔錯，好食！食物：⭐️⭐️⭐️⭐️總結 - 食物質素都幾高質，價錢不貴好味！職員細心，主動提供暖水。食物種類繁多，下一次過嚟一定要試吓個片皮鴨，

近排發現有好多新嘅四川菜餐廳 自己之前都想食好耐 今日終於都有時間可以過嚟呢度食嘢 入到嚟嘅時候見到餐廳嘅環境都好舒服 個感覺都好乾淨 我自己覺得非常之適合同朋友一齊喺呢度聚會 而且我認為呢度嘅員工都非常之用心體貼 呢樣嘢我覺得值得稱讚一下 環境嚟講我自己就覺得呢度都幾適合同朋友聚會😘烤鱸魚 $298首先等我介紹下呢度嘅主菜 呢一度有一個烤爐魚 首先嚟講下呢個爐魚 呢個爐魚係非常之大條嘅魚 再加上去都好少骨 所以其實食嘅時候基本上都係啖啖肉 再加上去因為佢個湯底非常之入味 所以令到個魚真係好好食👍👍藤香雞 $66 呢個雞都幾特別 平時食口水雞就食得多 不過呢個口味真係比較少食 但係我自己就偏向鍾意呢個口味多啲 因為呢個口味係有一種好獨特嘅麻辣味道👍👍

最近我覺得食川菜嘅餐廳越開越多 種類越來越多 自己都睇到眼花繚亂 因為我自己都非常之鍾意食川菜 所以我成日都留意川菜有啲乜嘢好食 所以今日就上網睇下有咩新嘅川菜餐廳可以食 所以就畀我發現咗呢一間 呢一間餐廳之前喺荃灣都有嘅 喺荃灣嘅口碑都幾唔錯而家喺銅鑼灣開咗分店 所以梗係要過嚟試下水煮魚 $188 加大$288 🐟首先要介紹下呢個水煮魚 呢個水煮魚佢哋都好貼身有得叫唔同嘅 size 適合唔同嘅人過嚟食 要唔要我自己覺得非常之貼心 之後就形容下啲味道 個呢個水煮魚出嚟嘅水煮味道 係非常之香口嘅一種辣味 而且佢亦都有好多魚 啲魚全部都係冇骨頭嘅所以食過去嘅時候都非常之放心👍🏼👍🏼👍🏼孜然牛肉 $98 🐄然之後就要講下呢個牛肉 呢個牛肉真係好好食嘅牛肉 牛肉雞肉質亦都非常鮮嫩滑 同埋佢係用咗孜然嘅味道配合 所以牛肉嘅味道更加有提升

今日同男朋友行街 所以我哋就嚟咗銅鑼灣行街shopping shopping完之後有啲攰攰哋 使唔使打算搵個位食飯 然之後我就上網睇下有啲乜嘢食 望咗好多唔同嘅social media 然後就發現咗一間又荃灣進駐過嚟銅鑼灣嘅餐廳 見到呢間餐廳係食川菜嘅 都好啱我口味 所以我哋就決定過嚟呢度食飯環境空間嚟講 呢度見到都好舒服 可能因為啱啱順著過嚟 所以裝修都好新淨 畀人一組好乾淨嘅感覺 所以令到我哋對食物更加放心 然後我哋睇下餐牌有啲乜嘢食 發現佢個餐牌其實都幾多嘢食 所以都睇咗一段時間 睇完之後 就由我男朋友發板涼拌黃金皮蛋 $48首先講下呢個小食嘅黃金皮蛋 呢個黃金皮蛋都係用咗皮蛋 不過佢係用咗有啲酸酸地嘅感覺 同平時出面食到嘅皮蛋有少少唔同 不過呢個孫呢其實係好開胃嘅蒜香拍青瓜 $38呢個係 蒜香拍青瓜 用咗好多蒜香嘅味道 我自己覺得呢個蒜香拍青瓜好好食 因為佢 因為佢用咗好多蒜香 所以食落去亦都係一個非常之開胃嘅小食水煮魚然後就到咗今晚嘅主食 就係呢個水煮魚 呢個睡著了以後唔同嘅size可以叫 啱曬有唔同人數呢都可以叫到嘅餸 呢個湯真係好好食喎 個湯係直頭可以撈飯 然後去嘅亦都好

冬天就想食啲暖笠笠既暖下胃，四川嘢就啱曬同個frd講開想食酸菜魚即約！餐廳環境寬敞唔擠迫，撞啱廚師出黎仲推介下啲小菜，我地叫咗個金湯酸菜魚、騰香雞同埋蔥椒小肥牛，先講講酸菜魚，叫咗微辣，一上菜便聞到撲鼻嘅酸菜香，佢地採用鱸魚，食落滑捋捋，而且唔係入口即溶，煮到啲魚肉好爛嗰隻，係有微微嘅嚼勁，撈湯底仲有好多薯粉以及唔同嘅雜菌、蘿蔔、酸菜等令到成碟餸口感好豐富，騰香雞則有好濃郁既花椒味，雞肉非常嫩滑滑，雞皮去毛又去得好乾淨，個種麻得黎又唔辣既味道真係好刺激，葱椒小肥牛連埋大量洋蔥同紅綠辣椒一齊炒，十分之惹味，撈飯食簡直一流，肥牛足料，午市套餐佢地都只係60幾蚊，食到正宗四川味道，抵👍

好耐冇食酸菜魚，朋友介紹呢間川菜好味同埋地點好就腳，喺銅鑼灣站一出就見到啦，所以放完工唔想行太多路就上左黎食。環境方面座位寬敞舒服，有房仔，多人嘅話可以book一間房，私隱度較高。食物方面藤香雞 $66雞肉鮮嫩，有點點麻的感覺，好開胃，唔係好食得辣嘅人都可以食到。金湯酸菜魚$188我地叫左微辣，對於食唔到辣嘅朋友仔可能有點辣😂食得辣嘅覺得好爽😂份量好大，4個人食都得，材料十足，魚片鮮滑，配料有菇，酸菜，甘筍，彈牙又好味嘅薯粉，係我鐘意個口感😍黃金白玉菇 $72外脆內軟，口感十足，鹹蛋酥皮包裹著白玉菇，鮮炸酥口，超推介，必食！

今日終於到咗星期六 星期六就係一個可以休息嘅時間 難得去到週末時間梗係要約朋友一齊出嚟嘆世界 所以特登選了一間我好鍾意嘅餐廳 可以好好享受一番 其實生活咁忙碌所以都好想搵一間適合嘅餐廳可以同朋友一齊傾偈呢間餐廳已經嚟過好多次 因為自己真係好鍾意食呢度嘅口味 呢度嘅口味感覺好正宗 真係有少少四川嘅感覺 所以我真係好鍾意過你呢度食嘢過到嚟呢度員工都認得我 所以服務態度呢講我當然覺得好好 我覺得員工記得人嘅感覺真係會變咗好友善坐低之後叫咗一個我自己覺得非常之好食嘅烤鱸魚 $298呢一個烤爐魚係用咗好大條嘅鱸魚 鱸魚的肉質亦都非常之好 皮係炸過嘅所以係有啲脆口 但係入面嘅魚嘅肉質仍然係非常之 嫩滑 同埋咁大條魚真係有好多肉 加上魚亦都唔係好多骨金湯酸菜魚 $188 加大$288然後朋友就睇中咗呢一個 金湯酸菜魚 金湯酸菜魚真係有金色嘅湯 果然係名副其實 上到嚟嘅時候真係會見到啲湯真係好似發光咁嘅樣           

返工返咗成個星期 難得今日大家同事收工嘅時候都有時間 而我的有咁啱做完一個大project 所以大家都想好好慶祝一下 嘗試就介紹咗一間好好食嘅餐廳畀我哋 所以今日就嚟到呢一間餐廳 呢架車喺我哋公司附近 一樣都係銅鑼灣附近 所以我哋係步行過嚟嘅 不過行過嚟其實都係用咗幾分鐘時間 證明咗呢度嘅地理位置真係非常之靚 非常之近地鐵站 食完仲可以搭地鐵返屋企呢度係搭𨋢上嚟嘅 你們一開之後見到個裝修都有啲驚奇 係呢度都幾靚 所以都幾好喎 而且一開門員工就會過嚟問你幾多位 反應超級快 所以我都好滿意過到嚟就跟曬上司決定要食啲乜嘢 因為佢食過佢介紹得嘅一定係ok嘅 金湯酸菜魚 $188 加大$288呢個係佢食過最好食嘅金湯酸菜魚 佢同我哋介紹係因為呢個湯真係金色嘅 所以就叫咗呢個名 食落去嘅時候真係好有酸菜嘅味道 再加上魚係冇骨嘅 所以啖啖肉超級正水煮魚 $188 加大$288    之後就講下呢個 水煮魚 水主要亦都係非常之好食嘅水煮魚 個湯都係完全係紅色嘅 辣到我覺得啱啱好唔會好辣 但係又適中嘅辣度 一樣啲魚係冇骨嘅 所以兩個唔同嘅魚 一個酸菜魚一個水煮魚 但係出呢個感覺唔同嘅 不過兩個都好好食 

早前天氣開始轉涼，特別想吃點辣的。即時上openrice找到此處可以即晚訂座，且滿$300減$20，決定一試。我倆均想吃香鍋，點了6款餸菜。另點了一份夫妻肺片及一碗白飯。不消一會先來了前菜夫妻肺片，內有牛舌及牛肚。調味麻麻辣辣，牛舌及牛肚份量十足，作為前菜完全打開胃口。接著香鍋亦來了。餸菜點了墨魚餅、牛舌、牛柏葉、花菜、土豆及豆皮。份量同樣滿滿，大推墨魚餅，非常彈牙且有鮮味，另外土豆綿糯，亦是必點之選。當晚香鍋上菜的一刻同時上白飯，上菜的叔叔一句:”兩個人只係食一碗飯夠唔夠架?!” 原以為他想詢問是否需要再加一碗，誰不知叔叔話剛說完就拿起白飯入廚房盛更大一碗給我們，充滿人情味。食物質素及服務俱佳，想吃川菜定會回頭！

好難得又可以食到我最愛嘅酸菜魚🥰🥰同大家介紹吓呢一間係銅鑼灣嘅川菜館，個名好好記叫做川滿居，係好多餐廳集中嘅京都廣場到。金湯酸菜魚😋😋呢個都真係好啱我口味，酸酸辣辣，個湯真係金金地色好正，魚片夠滑嫩爽甜，份量亦都好夠！蔥椒小肥牛💗好夠鑊氣，平時屋企都真係煮唔到，所以出街食一定要說有鑊氣嘅菜式，呢個香得來又有少少辣，非常之送飯😋藤香雞係凍食，啲雞肉好滑好多汁，麻椒令到個嘴有麻感，唔錯呀！

今次已經第二次過嚟呢度用餐呀 我已經鍾意過嚟呢度係因為佢呢度嘅裝修環境靚得嚟又有格調 啱曬同朋友過嚟一齊食飯超下 再加上去嘅地理位置呢個亦都非常之好 就喺正銅鑼灣嘅中心地帶 地鐵站出嚟行一分鐘就已經可以到達 過嚟呢度嘅時候真係非常之方便過到嚟見到個環境都好靚 再加上員工嘅服務態度好好 佢哋係會帶有笑容咁樣問你想食啲乜嘢 如果當你個面部有疑惑嘅時候佢都會有適當嘅介紹 所以我今次就叫咗一個好鍾意食嘅嘢水煮魚 $188 加大$288我叫呢份水煮魚嘅原因係因為我覺得呢份水煮魚真係超級好食 如果自己都好鍾意食臘味嘅水煮魚 呢個水煮魚用咗好香嘅辣 而且魚嘅份量亦都好多 真係一啲都唔小氣。大盆花菜 $68        呢個用咗好多菜嘅大盤花菜 用咗好多椰菜花 椰菜花亦都非常之好食 煮得啱啱好唔會好晏亦都唔會好冧 所以口味呢個係啱啱好嘅 再加上去用咗好多調味 所以令到啲菜生色不少。       

【一齊食辣👭🏻】襯男朋友唔喺度…最啱就係約friend食辣!呢餐真係滿足到我!! 因為我好鍾意食<<酸菜魚>>🥰最正係有時叫一大盆…食完佢就唔使食其他嘢~~呢度lunch set 有得叫一人份! 只係$68咋!! 有得揀飯/麵!麵類有得揀薯粉! 真係完全唔使諗🤤果然冇令我失望🥳薯粉煙韌滑捋捋!魚片冇骨，標準滑度👍🏻如果厚身少少會更有口感，仲加分😙配菜有萵筍、菇菇、金菇…全部都好入味😋當然唔少得酸菜啦!! 酸得過癮🙃<<素食香鍋>>($58)都係我哋考慮緊叫佢嘅招牌香鍋時，驚份量太多而揀番一人份嘅lunch set 之一🙂又OK喎!! 好多款蔬菜喎!!油麥菜、萵筍、蓮藕、菇片、花菜、土豆片….炒得乾身又入味！味道濃郁，川香味十足🤗不過講到最有驚喜一定係<<麻婆豆腐>>($52)呢樣餸唔suppose有咩驚喜啦~都係睇佢有幾辣同豆腐滑唔滑啫~但係佢個驚喜位就係⚠️佢有花椒油味⚠️真係第一啖就食到佢嘅麻😳麻婆豆腐最緊要係咩？係 麻 啊！٩(˃̶͈̀௰˂̶͈́)و$52-$72一個小菜加白飯加罐裝汽水!性價比頗高🙆

今日都畀我食到一間好正宗嘅四川菜 喺香港小食到一間正宗嘅四川菜其實都唔係咁容易 因為我都係一個四川人 去食四川菜幾時去真係食咗出香港嘅四川菜同四川人食嘅四川菜係真係有分別不過今日就畀我食咗一間真係幾正宗嘅四川菜 作為一個四川人哋講其實都幾開心 因為係香港都可以食到家鄉嘅小食 食咗家鄉嘅菜過到嚟呢度見到環境都幾靚 坐得嚟講都幾舒服 因為我見佢啲櫈都好大張 所以喺位置嚟講係舒服嘅 真係有好多真係四川菜嘅名 所以好有歸屬感                 烤鱸魚 $298呢一個烤爐魚 好大條嘅魚 再加埋佢嘅辣汁 下面仲有唔同嘅配菜 魚好大條肉質亦都好好 食完條魚都有少少滿足 如果覺得唔滿足就可以叫啲配料 突變咗好似打邊爐咁樣 但係呢個湯底打邊爐一啲都唔輸蝕 一樣都係超級好食嘅藤香雞 $66    呢個 感覺有類似口水雞 異曲同工之妙 但係佢嘅辣係同口水雞完全唔同 佢係有少少麻辣嘅感覺 我自己覺得呢隻雞嘅雞味道好濃 所以其實係好好食嘅一個雞 再加上呢個價錢好平                           

川菜幾時係香港變得咁受歡迎?!  要係呢區搵川菜食絶對多選擇，今晚呢間係由駐銅鑼灣扮工人士帶我去嘅主打冷盤/香鍋/海鮮類/小炒等川式食物，仲有午市套餐供應先叫個冷盤食下先，呢客藤香鷄 ($66)，賣相似醉鷄，分別在於鷄件上有條藤椒鷄皮下無多餘脂肪，食得健康; 鷄肉嫩口，調味入晒鷄肉入面，食到藤椒嘅香味但唔辣嘅，食時可以再沾多D汁先食，提升爽麻風味，仲好味道!主角金湯酸菜魚 ($188)出場，呢客足夠2-3人食，辣度除你喜歡，要咗小辣。材料都幾豐富，除咗主角，選用鱸魚，仲有酸辣粉條，咸酸菜，菇菌類等魚肉超嫩滑，食唔到細骨，配以酸菜一齊食真係好正!  見湯底唔算太油膩，飲咗幾啖湯，酸辣度好岩胃口，下次可以挑戰中辣!成客連埋酸辣粉條都食晒，口感煙韌，最佳拍擋~濃味有菜又有肉係呢客回鍋肉 ($78)惹味醬汁將椰菜炒得爽甜有口感，仲有辣椒同蔥段，顏色配搭紅黃綠都有D豬肉係切成薄片，少少肥膏位，調味得唔錯，用黎送飯真係咪講笑，KO一碗絶對無難度，係偷飯賊黎架!叫罐可樂一齊飲，爽呀!!今餐呢餐川菜食得人滿足，侍應招呼有禮，卡位都坐得舒服，價錢合埋，可以回頭喎!