川滿居 (京都廣場)

营业中

休息中

因為好中意食辣 朋友帶左我黎食呢間川菜館係銅鑼灣區 雖然係小店 但野食好好食😋算正宗睇到香鍋又想食 酸菜魚又想食 烤魚又想食 好多小菜都想食 但係得兩個人 最後叫左三樣野冷盤：藤香雞睇佢唔似好辣 但食到入口凍凍地 夠哂麻 又香又麻 好好味😋 冷盤已經食唔停口小菜：鮮椒田雞作為田雞愛好者，食川菜必叫口雞 呢個田雞 又香口 又啖啖肉 又夠鑊氣 真係好好味 由紅椒青椒一齊炒 夠哂香😋 推薦👍🏻招牌香鍋 小辣🌶️加左好多餸：蝦、田雞、花甲、牛栢葉、豬頸肉、金菇、萵荀 炒埋一碟 夠麻又夠辣😋蝦大大隻 花甲夠鮮甜 豬頸肉牛栢葉同金菇都好入味 田雞啖啖肉 個香鍋好大鍋好足料兩個人基本上叫多左 但好好味 最後食得哂😋絕對有下次 帶埋屋企人 同埋 食辣愛好者一齊食😍埋單人均370 正宗又好食既川菜來說 不算貴👍🏻

銅鑼灣美食雲集，光是四川菜館也有很多選擇，這間在大廈樓上的四川菜餐廳，供應各款川菜小炒、酸菜魚、水煮魚等，味道正宗，價錢相宜。午市套餐均配上白飯及汽水飲品，午餐份量也很大份。酸菜魚大部份菜式都可自由選擇麻辣程度，這一大盤魚塊很多，片片切得薄薄的，很滑嫩、無骨。湯底酸麻香辣，越吃越辣，麻辣是底下還有大量的配菜，如菇菌、萵筍、薯粉等，全都很吸收湯汁。泡椒肥腸大腸切成條狀，煙煙韌韌，嚼勁十足。醬汁濃味，不過味道不夠麻。其他配料還有萵筍及雲耳，充滿口感。

川香鮑魚雞煲 (半隻)$168好味指數：9/10呢道菜上枱好有驚喜，因為份量都幾多，同埋好惹味香噴噴😌。鍾意佢用QR code落單嘅時候，可以揀多油少油，辣度🌶️麻度，濃味淡味，有好多個選項，可以揀返自己嘅口味而落單。今次我哋選擇咗香辣小辣，雞煲🐔好入味，唔會得啲骨，好多雞件都有肉。主角鮑魚竟然有四大隻，仲要每隻size都唔細，🦷咬落去彈牙有口感，一啲都唔韌。菜式仲用咗洋蔥🧅紅椒青椒粒🫑做配菜，用嚟撈飯🍚非常合適。清炒萵筍絲$66好味指數：8/10連萵筍絲都可以選擇少油真係好細心❤️，萵筍絲本身就係有咬口，所以我哋都非常喜歡食呢道菜，而且清清地，唔使太着重調味料已經好好食。凍檸茶$18好味指數：8/10飲品🍹正常發揮，對價錢嚟講偏大杯，食麻辣嘢唔叫返杯凍飲解吓辣點得啊😂。

📍川滿居 (京都廣場) (銅鑼灣)銅鑼灣駱克道491-499號京都廣場6樓平日5:40上到去已經滿座 而我好多內地人可想言之係有幾好食！（每項5💛為滿分）食物份量💛💛💛💛🤍食物種類💛💛💛🤍🤍性價比💛💛💛💛🤍餐廳環境💛💛💛🤍🤍鮮椒魚$198嫩滑爽彈無骨魚片 配紅薯粉係絕配片皮鴨$168/半隻 $298/1隻塊片燒得好脆 咬落真係脆卜卜籐香雞$66肉質鮮嫩 爽口彈牙 紅糖糍粑$58外脆内軟 食酸菜魚必食 飯後甜品一流一定會再去食

酸菜鱼的鱼肉不新鲜，吃起来宛如是从超市买的包装酸菜鱼，额外加点配料。价格和品质相差很大。拍黄瓜的黄瓜也不新鲜，黄瓜吃起来没味道。最不爽的是，客人刚吃完就拿着刷卡机过来刷卡赶客人离开，服务态度很差。

難吃的外賣，foodpanda外賣員準時送達，炒牛肉用嘅係碎牛，片皮鴨似係炸嘅，個醬好似溝左水咁，冇食過咁稀嘅醬，真係長知識啦… 得個蝦球可以接受，係接受到，但唔可以話係好食囉，冇下次

京華中心整棟充滿食肆,店舖外表以中式風設計而味道絕不平庸.店員更加殷勤服務🫶🏻質素高於價值!整間鋪人來人往非常好生意✨值得推介～招牌金湯酸菜魚($188細)酸菜魚魚肉非常嫩滑而且並無細骨.鍋底中配料有萵筍,菇菌類,仲有煙韌粗身薯粉.雖然呢個係細份量,但用料好足,魚肉非常多!!一d都唔細!!而湯底辣度麻度可以因應自己而調配多少,非常適合有高要求人士～涼拌花甲($78)出邊比較少有嘅菜式而且非常有驚喜!花甲大隻而且鮮甜,乾淨完全冇沙.麻辣多蒜味道😋非常開胃霸王蝦球($128)蝦球非常巨大!辣度唔會掩蓋蝦肉新鮮度肉質非常爽口而外皮脆口😋啖啖肉～秘製拍青瓜($42)清爽開胃,分量亦非常之大紅糖糍粑($58)表面香脆內裏軟糯,即叫即炸,伴黑糖食非常滿足餐廳菜式非常多!亦有雞煲同烤魚~連特色啤酒都有~而午市套餐亦非常經濟,大概$52起眼見隔離枱幾個套餐份量都唔少～下次一定要試埋麻辣香鍋同片皮鴨✨🤩

川菜起香港都好吸引，見網上食評介紹銅鑼灣地帶的川滿居不錯！剛好去行街順便試試！服務員態度都不錯，餐廳還有房子，環境設計有川味感覺！店長推介小炒菜式，金湯酸菜魚必試，如果酸菜味再濃多啲就更加好，朋友連個薯粉都食晒😋魚肉好滑好味！籐香雞套餐仲可以配薯粉或飯，飲品，價錢正常！還可以叫個小炒蓮藕仔炒牛肉，因為蓮藕仔係香港買唔到，所以特別想食，酸脆的口感！辣子雞更加要試試，可能叫左BB辣，所以感覺差啲辣味！適合三五知己一起食！

今日同朋友放工係銅鑼灣食飯, 朋友話想食正宗嘅川菜, 一諗就會諗起京都廣場上面6樓 一間親民小店, 店舖懷舊裝修, 天花掛滿燈籠, 好靚 ,好有親切感。內裡有好多卡位, 坐得舒服, 職員都非常有禮貌, 仲係QR code落, 單非常方便, 次次都食到大滿足而回。招牌香鍋 - $202 (價錢視乎你揀嘅食材)我本身就喜歡吃香鍋, 這次香鍋我點咗魷魚鬚🦑 ($46), 豬頸肉($48), 蓮藕($28), 腐竹($28), 娃娃菜🥬($26)。我地叫咗麻辣微辣🌶️, 香辣味都充分的融入到了菜品當中, 麻辣你會品嚐到佢嘅麻香, 由其係腐竹, 吸哂啲麻辣香, 超級入味, 真係會食到唔停得口。片皮鴨(半隻) - $168烤鴨就是要吃皮, 不愧是片出來的, 皮又香又脆, 加上嫩肉蔥段, 青瓜🥒, 加埋一些甜麵醬, 用麵餅夾住嚟食, 非常的開胃, 一氣吃了多件呀! 麵餅皮要快食, 放得耐咗, 餅皮邊會乾就唔好食啦! 其實係比藉口自己快啲食多啲…😋👍🏻👍🏻紅糖糍粑 - $58甜品點了我至愛嘅糍粑！外面香脆裡面軟糯🍡, 煙煙韌韌, 伴黑糖吃甚是滿足。店員話佢地係採用高級紅糖製成糖漿, 糖漿唔會好甜,

🐟金湯酸菜魚 $188招牌菜之一！好大ge 一盤😍 魚肉鮮嫩，而且夠厚所以好容易夾…湯底唔會太酸，配料豐富，有豆皮，寬粉，🍄…配料都煮得好入味👍🏻 🐔 川香鮑魚雞煲 $168 未上菜已經離遠問到香噴噴😋 有4隻鮑魚咁多，口感唔會煮得太韌😎 雞件斬得好容易食，而且有肉汁😋 餸飯一流🧈 紅糖糍粑 $58炸得金黃外皮香脆，口感煙韌👍🏻配埋黃豆粉同紅糖醬絕配！記得趁熱食☺️ 🥗酸辣木耳 $48開胃冷盤，酸辣程度適合大部分人😀餐廳食物質素同性價比都好高😍 店員好熱心，會主動介紹菜色👍🏻見佢午市套餐好抵食，下次encore 試試😎

今日黎到銅鑼灣搵食，近近地搵間鄰近地鐵站位於京都廣場六樓的「川滿居」，一嘗嗜辣正宗川菜。餐廳裝修懷舊，天花掛滿燈籠🏮裝飾，設有卡位雅座，坐得舒服😌同朋友相聚一流，而且用上QR Code 下單，方便快捷又環保♻️。金湯酸菜魚：可自選辣度，咸度、麻辣程度，咩都有得簡。我地叫左BB 辣，毫不吝嗇的無骨滑嫩魚片鮮味十足，仲有大量蒿筍菌類配料，點少得煙韌薯粉，呷一啖湯頭，整體好有層次，麻香撲鼻，仲有花椒八角香葉贊油香氣。火爆魷魚酥：份量好足的魷魚酥，每一條都蘸上豉油，用上干辣椒爆炒香口到好想飲酒🍻😆食得出是新鮮魷魚🦑，特別爽彈。涼拌黃金皮蛋：唐心餡有流心效果，黃金皮蛋本身帶有咸蛋黃香，用上蒜香🧄芫茜醬，點點醋味，酸酸甜甜帶點辣，好開胃。口水雞：雞件滑溜，大大啖雞肉連埋爽彈雞皮脂肪一齊食，好有層次口感，辣汁令人垂涎欲滴，一食要食。香辣魚皮：好耐無食呢種潮洲式魚皮，爽口口感加上辣油，好滋味。清炒蒿筍絲：以為清清地炒個菜，點知都好有功夫，好夠鑊氣，蒿筍好爽口！紅糖糍粑：新鮮熱辣出爐，外脆內軟不止，糯米軟糯香甜，蘸上淡淡香甜紅糖，飯後甜品一流。酸梅湯：解一解辣同解膩，酸酸甜甜，加埋冰仲正！總結：嗜辣者必食

朋友話想食川菜好耐, 咁啱會黎銅鑼灣, 就發現左京都廣場既川滿居, 7點鐘到已經唔少人, 入到去餐廳的裝修都中式既，舖唔大, 但卡位坐得舒服, 講番有咩野食先。今次食既係叫片皮鴨川滿居招牌香鍋, 紅糖糍粑, 烤魽魚。 片皮鴨($168)樣算ＯＫ,但肉多左DD, 如果多啲皮就會好好食啦。鴨味濃, 夾膜配埋青瓜、烤鴨醬同京蔥卷起黎食, 都幾惹味。川滿居招牌香鍋($350) 總共有40多種配料選擇, 好有鑊氣, 味道以麻辣為主,我地叫左田雞、土豆片、麵筋條、蝦球、肥牛、芝士腸、牛舌同花甲, 每樣配料都好入味。烤魽魚 ($298)原條香炸烤魽魚, 上面舖滿了大量酸菜, 微辣 , 烤魚口感滑, 煮左陣酸菜味慢慢變重，令烤魚嘅配料更加入味。食到飽一飽~黑糖糍粑 ($58)最後必食推介, 黃豆粉再加黑糖漿, 配炸糍粑, 口感好好, 有唔同既層次, 好彈牙, 作為甜品好滿足啊!

酸辣木耳 $46爽口的涼拌菜，大大一碟打開我的胃～香辣魚皮 $68麻辣味的魚皮，魚皮很爽口，辣辣的很過癮！黃金蝦球 $128每次來都要食的黃金蝦球 ! 就算是外賣也都很好吃!黃金流沙鹹蛋黃包裹著每一個蝦球，味道香濃惹味，每個朋友都大讚！片皮鴨(半隻) $168連片皮鴨都有的川菜館，片皮鴨燒得香脆，配上摩摩皮，減肥是甚麼來的？鮮椒田雞 $138田雞先泡油再炒，很喜歡鮮椒的香味，微辣又惹味！員工很友善，與每枱客人也談天說笑的，很有家的感覺！

朋友邀約我到銅鑼灣，位於鄰近港鐵站的京都廣場六樓的「川滿居」。掃描二維碼下單，還可按個人選擇少辣/麻/酸...等，簡單方便。❣️ 黃金蝦球黃金蝦球表面脆醬不厚還帶脆，蝦球體積大而爽口。金黃色的鹹蛋鹹香惹味，沒有一點油膩感，滋味非常。❣️ 金湯酸菜魚金湯酸菜魚賣相漂亮。一股酸爽鮮香的香氣撲鼻而來。金湯酸辣味道剛好，不會嗆喉。新鮮魚塊大大片，魚肉新鮮嫩滑，沒有絲毫腥味，吃起來鮮美滑溜。酸菜酸香爽脆，開胃十足。還有脆爽的萵筍和很多不同種類的菇菌，餡料豐富。富彈性的薯粉跟酸辣的金湯一起吃，豐富味美。❣️ 川香鮑魚雞煲上菜時，整個川香鮑魚雞煲熱氣騰騰，醬香氣味四溢。川香鮑魚雞煲可以點全隻或半隻雞份量。我們只有兩人，便點了半隻雞，但份量很多呀。雞肉非常入味，醬香味道香口。還有四隻鮑魚，爽口彈牙。整個川香鮑魚雞煲很有鑊氣。🍹百里香檸檬茶甜甜的百里香味道，加入新鮮檸檬茶，甜甜微酸味道帶清爽口感。🍹 酸梅湯酸酸的味道解渴，又可解辣。

銅鑼灣覓食，來到食市琳瑯滿目的京都廣場，立即鎖定川菜-川滿居。招牌香鍋可以任選配菜的川菜好少見，有幾十款餸任君選擇，但至少要選5 種餸起，更可以自選香辣或麻辣、辣度、酸度、調配一個最合適自己的味道。香鍋是用一個砂鍋熱辣辣的端上，由花蛤，鸭血，豬大腸，雞軟骨及萵筍堆積而成，我只點了五個餸，但份量很多，特別喜歡吃鴨血及萵筍，鴨血大塊而厚實，吸收了麻辣的精華，而且味香濃，萵筍片薄薄的十分爽脆，而花蛤很新鮮，有海水的鮮甜味。水煮田雞難得有田雞可以食，那就不再選水煮魚或者牛肉。 田雞啖啖肉，很滑溜, 而且有不少的紅薯粉及金菇菜，因為可以自己調配酸辣味道，點了個多酸的水煮田雞，令到吃紅薯粉好像變了吃酸辣粉一樣，十分開胃美味。紅糖糍粑58元有8件，好抵吃。每次吃完川菜都必點的甜品，因為很喜歡吃它外脆內軟Q彈的口感, 這里的糍粑也不遑多讓，金黃香脆的外表上灑滿了香滑的黃豆粉，沾著紅糖漿來吃，甜而不膩，解辣又消濟。