川滿居 (京都廣場)

营业中

休息中

病咗幾日，好想食啲香口野，上次嚟過京都廣場，見到有間叫「川滿居」嘅川菜，在廣告牌上見到菜式好似好可口，決定今日過嚟一試，發現食物味美，服務一流。👍🏻👍🏻因為午膳時間客人人數眾多，雖然我得一個人，但姐姐好好，開咗一間房比我入去坐，然後仲細心推介食物。餐牌所見，午市期間嘅食物好多，有大香鍋、酸菜魚、抵食嘅午市套餐，最後我決定叫咗個宮保雞丁（$78）、孜然羊肉配六張麼麼皮（$98），再配一杯熱檸茶（$18）。😋😋宮保雞丁香辣惹味，辣味緊緊包著肉質嫩滑的雞丁，仲有好有咬口嘅腰果，食過停唔到口，撈飯送飯一流！🥰🥰而孜然羊肉可算係我最愛！因為一路都好鍾意孜然味，而且佢嘅羊肉好嫩滑，孜然好入味，一啲都唔會騷，用麼麼皮包著黎食，非常香口！我一定會再嚟幫襯！😍😍川滿居地址：銅鑼灣駱克道491-499號京都廣場6樓

-🚩 川滿居 (銅鑼灣)銅鑼灣駱克道491-499號京都廣場6樓—————————————————————🤍餐廳推薦度：🤍🤍🤍🤍（4/5）❇️每人平均消費：$300 (Dinner）⭐️打卡指數：🦖🦖🦖🦖（4/5）🤡服務：🦖🦖🦖🦖🦖（4/5）🍭味道：🦖🦖🦖🦖🦖（5/5）最近食酸菜魚食上癮，今日搵埋朋友就去銅鑼灣，再試吓呢一間川菜餐廳。餐廳用QR code自助點餐，每一個小菜都可以自選辣度，質感。我哋叫咗舖頭最出名嘅酸菜魚，同普通嘅酸菜魚一樣，入面都係有薯粉，薯粉唔會太淋，非常爽口。蔬菜方面，我哋叫咗炒萵筍絲，雖然味道足夠，但個人認為欠缺鑊氣。小食方面，我哋就叫咗鮮椒田雞、夫妻肺片同埋魚皮田雞個人覺得份量較少，田雞斬到好碎，青椒太多，同埋味道比較淡。夫妻肺片味道比較一般，同埋切得太大塊，比較難入口。魚皮就係我想推薦嘅小菜，味道啱啱好，夠麻又唔會太辣，啱晒我又鐘意麻又唔食得辣既人，同埋魚皮超級爽，食到想encore🤤甜品方面，我哋叫咗紅糖糍粑，我同朋友都係第一次食呢款甜品，糍粑用糯米製成，再點紅糖漿，唔會太甜膩，食完都濃味川菜再食返比較淡味嘅甜品非常配合。今次推薦菜式：🤍魚皮，糍粑，酸菜魚🤍

第一次喺銅鑼灣食呢間川菜，味道質素都唔錯～香辣魚皮($68)辣度係小辣，魚皮好爽口，份量都幾多，配上紅蘿蔔絲同芫茜食好清爽👍🏻金湯酸菜魚($188)上到嚟都幾大兜，湯底真係金黃色，酸度好夠✨，魚肉大大塊，肉質嫩滑，冇骨，食唔到泥味，配料有基本嘅薯粉、芽菜等等，亦都有少見嘅冬菇、杏鮑菇，食到原粒嘅花椒，對我嚟講酸辣度足夠，好送飯👍🏻👍🏻京蔥羊肉($98)羊肉份量都幾多，唔會好騷，京蔥好香，炒得好惹味🤤🤤附上有6塊麼麼皮，可以包住啲京蔥羊肉一齊食，正～回鍋肉($78)啲菜好甜！唔會好辣，腩肉又唔會好肥，唔洗食到成口油～又大送飯之選，唔會太咸，好好味😋😋紅糖糍粑($58)第一次食，糯米團軟糯，面頭煎得金黃色，夠香脆，點黑糖漿食好正，好似有種魔力咁食唔停口✨

今日又要加班🥲，同事話要充下電，想起附近有間“川滿居”，於是約我一齊去食個飯先返屋企😆。店舖裝修有幾分中國🇨🇳特色，座位安排得有點密，但坐下來又感覺尚算舒適。餐牌📔有不少選擇，雖然以辣味🌶菜式為多，但不辣的仍有不少可以選擇。餐廳用QR code落單，除了可以選擇辣度🌶外，最特別可以選擇少油少鹽🫢，幾健康🥰。川香飽魚雞煲 $168個煲🥘一上枱已經好吸晴和好香☺️，這個價錢有4️⃣隻鮑魚同半隻雞🐓，價錢相宜份量十足。鮑魚和雞都煮得軟腍入味，味道鮮中帶辣🌶，非常惹味😋。片皮鴨 (半隻) $168鴨皮🦆沒有太多脂肪，燒烤得幾香口，肉質軟腍有肉味😋，配上青瓜、京蔥絲同甜醬包著薄餅一起食，真是絕配💯。霸王蝦球 $128蝦肉🦐質感爽彈有蝦味，外層炸漿好薄，蝦球🦐大大隻，炸得非常香口，再配上大量指天椒回鑊翻炒，十分惹味😋。熗炒土豆絲 $66土豆絲🥔炒得好有鑊，質感脆嫩爽口，味道甜中帶鹹香，好食😋。總括而言，食物味道同食材都非常好，又可以選擇少油少鹽，比較健康😁，再者價錢親民，店員服務勤快，餐廳位置方便，下次和老婆去崇光行街後，可以帶她來食多次，今次一定要試下餐廳出名的招牌香鍋🤭。

早幾日又去咗食酸菜魚，呢間都係第二次嚟🍲金湯酸菜魚💰$188要咗少辣，少少麻嘅感覺，好多魚肉，夾埋酸菜食好正🍲招牌香鍋💰$234好大鍋，可以自己揀配料，有唔同種類嘅肉、菜等等我就要咗豬大腸、娃娃菜、牛柏葉、肥牛、蜆有辣有唔辣，因為酸菜魚已經係少辣啦，加上身邊另一位唔可以食太辣，所以今次要咗完全唔辣嘅醬油味，唔食辣嘅朋友都可以試吓，味道一樣好食惹味娃娃菜好甜，蜆都幾多，全部配料都好食，索咗汁好夠味🥢紅糖糍粑💰$58必食甜點，口感煙韌，外脆內軟🥤百香果檸檬茶💰$36🥤金桔檸檬茶💰$28🚩川滿居 (京都廣場) (銅鑼灣)📍銅鑼灣駱克道491-499號京都廣場6樓

招牌香鍋 $26(少咸，少油，少鹽，微辣，麻辣)+牛肉片$46＋牛舌$46+鴨血$32+花甲$48+薯粉$22+娃娃菜$26好大兜啊黎到嚇親🤣🤣同朋友嗌自己想食嘅餸 之後就炒埋一大兜 每樣都有啲 牛肉片同牛舌俾咗好多 食到底都仲有 幾抵食 娃娃菜好好食吸晒湯底啲汁 又辣又惹味😋片皮鴨（半隻) $168可以兩食既片皮鴨 整個湯同埋炒個菜都得 但我哋驚太飽所以就無叫到～片皮鴨肉質不錯 啲皮都好有油香 份量多啲仲姐干扁四季豆(bb辣) $66四季豆炒得幾脆身 份量都多 少少鹹幾濃味👍🏻桃之夭夭(少甜，走冰) $36見到桃味 唔知係咩嚟就叫左🤣原來係蜜桃爆珠梳打 好重蜜桃味 又有啲爆珠咬下幾過癮😆金桔檸檬茶(少冰，少甜) $28檸檬茶再加左金桔 幾清新🤓

今日朋友話想食酸菜魚，係open rice見到評價不錯，食物款式都幾多下，加上位於銅鑼灣京都廣場，交通非常方便！餐廳設計中國風格，用面譜為主題，連餐桌都係面譜，好特別！座位坐得舒服，而且店員都好有禮貌好親切，服務一流！♡金湯酸菜魚 $188招牌菜之一‼️超足料，新鮮魚片厚肉、大大片，魚肉鮮甜嫰滑，無腥味，口感鮮味滑溜。配料有芽菜、辣椒、花椒、酸菜、萵筍及薯粉，金湯酸菜湯底又不會太油膩，飲落好香，酸酸辣辣，又不會搶喉，味道好惹味。♡回鍋肉 $78豬腩肉爽口，辣味到位，餸飯一流的一道菜式。♡干煸四季豆 $66干煸四季豆有一種特殊的香味，清脆爽口，令人吃了一口又一口。♡涼拌黃金皮蛋 48黃金皮蛋晶凝通透，爽口開胃的涼拌菜，酸酸甜甜又帶有點辣，好惹味！♡紅糖糍粑 $58紅糖糍粑是用紅糖、糯米製作的一道傳統小吃。紅糖營養豐富，釋放熱量快，營養吸率高，香脆美味,外酥裡嫩。♡加多寶 $15♡桃之夭夭 $36內𥚃有一粒粒粉紅色嘅爆珠，咬落去爆汁，係蜜桃味，好特別！

有一段時間無食烤魚，呢日放佐工上網搵下銅鑼灣有冇邊間有烤魚好食，最後鎖定佐川滿居。餐廳位於銅鑼灣既中心地帶，非常易搵，平日大約7:30到達餐廳，坐滿大約8成人，最後店員為我地安排佐喺房食。餐牌勁大本，有選擇困難症既我揀野食都需要一d時間。凍檸菜 $18首先黎到既係飲品，$18 一杯，大大杯，合理。麵筋條 $26肥牛 $48五花肉片 $42接著來到既係烤魚既add on，每一碟既份量都好足，令我更期待烤魚既來臨，因為始終今次既主角都係烤魚。紅糖糍粑 $58比較surprise既係甜品無後上….下次應該分開order會好d，因為主食都未食，甜品已經黎到，不過唔緊要，既然已經黎佐，又唔想變凍，決定改一改次序，食佐甜品先。糍粑新鮮炸起，絕對係外脆內軟，而紅糖亦都唔會太甜，份量岩岩好。干煸四季豆 $66炒四季豆有3款唔同既煮法，我地揀佐比較mild既干煸同埋bb辣，佢炒得好香好入味，而辣度就真係好mild，下次應該會挑戰中辣應該會更惹味。烤魚 $298烤魚有4款揀，包括鉗魚，加州鱸魚，桂花魚，同埋沙巴龍躉， 後2者要一天前預訂，而鱸魚既魚肉應該都幾多，所以最後揀佐烤鱸魚。口味有5款可以揀，其中酸

是晚到銅鑼灣川滿居吃川菜。晚上7點半來到，已有9成入座，相當受歡迎，還好有訂座。餐牌上選擇非常豐富，麻辣香鍋、酸菜魚、水煮系列、小菜等一應俱全。用手機QR Code下單，亦可選辣度及要求如多麻走青等，非常方便。是晚想多試一點不同菜式，選了一個前菜，一個香鍋及一碟小菜。涼拌黃金皮蛋: 黑色的皮蛋吃得多，黃金色的還是第一次見。黃金皮蛋白比黑色的更有咬口，像啫喱糖一樣，中間的溏心很美，皮蛋味濃，加上麻辣的涼拌汁，清爽開胃，是不錯的前菜。招牌香鍋: 有多種配菜可供選擇，最少5款起炒。怕太辣，選了香辣bb辣。餸菜選了牛柏葉、花甲、牛舌、萵筍、蓮藕及薯粉。熱辣辣上桌而且份量十足。想不到花甲的份量也不少，$48最少有20隻，雖不大隻但勝在隻隻無沙。萵筍及蓮藕新鮮爽脆。牛柏葉亦爽口。牛舌片加添了一點肉味予整個香鍋，亦是爽口有牛味。薯粉確是必點，吸盡香鍋精華，惹味得幾乎不夠吃。友人還說應點2份薯粉才夠過癮。雙椒雞: 原本想點辣子雞，但見餐牌上有雙椒雞，決定嘗鮮。雙椒是紅綠辣椒，加雞丁及蓮藕丁炒成，微辣，炒得非常惹味，雞丁嫩滑，蓮藕爽脆，帶來雙重口感，非常下飯，送酒亦一流。難得中菜地方也有生啤，點了一杯S

川滿居在銅鑼灣備受贊譽。這家餐廳主打四川菜餚，菜餚口味地道，味道辛辣可口，同時也有一些清淡的選擇。特別推薦他們的麻辣火鍋，麻辣湯底的味道很棒。此外，服務也是好評，服務員熱情友好，態度周到。總體而言，川滿居是一個不錯的餐廳選擇，特別是對於喜歡四川美食的人來說。川满居在銅鑼灣备受赞誉。这家餐厅主打四川菜肴，菜肴口味地道，味道辛辣可口，同时也有一些清淡的选择。#eatwccinhk #cass_cwb #cass_銅鑼灣

2023-03-01麻辣風味十足嘅餐廳🤗同朋友去咗銅鑼灣食飯😋朋友帶咗我去食間四川菜🔥去到餐廳聞到香濃嘅麻辣味😋餐廳裝修有粵劇嘅掛畫擺設🖼主打食香料水煮魚同招牌香鍋🥘仲有每款麻辣鮮香嘅小炒😋可用手機落單📱金湯酸菜魚，188蚊盤💰好耐無食酸菜魚，份量真係好多，兩個人食例牌啱啱好，配料相當多款，有萵筍，金菇，薯粉，辣椒，酸菜同魚，魚肉口感好滑溜，無魚腥味無骨，湯底都夠香濃酸甜，一值讚係唔洗另外加錢有咁多配料，值得一試高質酸菜魚☺️鮮椒田雞，138蚊碟💰好少餐廳有得食田雞，田雞係朋友最喜歡嘅菜式， 田雞鮮嫩可口，同鮮椒一齊落鑊炒，鮮美十足，炒到好惹味，夠哂鑊氣，聞到小炒香味食慾大增🤗夫妻肺片，66蚊碟💰點咗個夫妻肺片嘅冷盤，材料有牛展，金錢肚同紅蘿蔔絲，重口味人士必點，調味夠哂辣度作為冷盤前菜小食夠哂開胃😋百香果檸檬茶，36蚊杯💰百香果有甜香味，茶味夠濃，入口好冰凍清甜😀整體環境坐得幾舒適，大量卡位😀店員姐姐好服務親切☺️食物份量夠哂大份，味道同辣度都一流，會再幫襯😁

一入餐廳已經聞到香濃嘅川菜辣味, 我哋兩個被安排坐卡位, 都幾闊落, 值得一讚係呢度嘅店員服務態度好好👍🏻！大部分嘅菜式都可以自己揀辣度同麻度, 怕辣嘅朋友都啱食！鐘意食川菜嘅朋友唔好錯過啊ꕀ👍🏻小炒 - 京蔥羊肉推介呢款鑊氣小炒！羊肉片帶點羶味, 但又唔會過重, 調味適中, 京蔥份量好足夠, 超級惹味！配埋口感軟熟又帶點煙韌嘅麽麼皮, 包住嚟食別有一番風味呢！👍🏻蕃茄炒蛋微酸嘅蕃茄配上滑嫩香甜嘅炒蛋, 令人開胃, 一口接一口好好食😋！雞蛋同蕃茄嘅比例同濃稠度恰度好處, 能盡興食到炒蛋🥚～ 炒蛋重蛋味而且仲有蛋汁, 番茄柔軟入味, 番茄嘅味道同炒蛋完美融合, 又係一個我會推薦嘅菜式！ 𓌈˒˒ 水煮田雞有大量田雞、水晶薯粉、雲耳、金菇等等, 湯底以辣椒、花椒丶蒜蓉、乾䓤等多種調味香料熬製而成, 每款食材都索晒湯底嘅麻辣味🌶️𓌈˒˒ 冷盤 - 籐香雞用咗籐椒、秘製香料炮製, 雞肉肉質嫩滑, 有一種獨特嘅藤香味, 麻而不辣。 𓌈˒˒ 清炒萵筍絲一款偏清淡嘅小菜, 萵筍絲口感爽嫩

四川菜愈開愈多，但係要正宗又好食嘅就好難搵. 呢間餐廳 ,平日夜晚都滿座, 質素應該會幾唔錯。.涼拌花甲($78)雖然係前菜, 但係份量都好足, 唔會淨係得返啲殼, 調味好惹味, 主菜未嚟已經忍唔住清晒。.水煮牛肉 ($158)四川點可以唔食水煮菜式, 見到滿滿嘅辣椒就知道好惹味。我地揀咗BB 辣, 開胃得嚟又唔會太辣, 牛肉片好嫩滑, 仲有配埋吸汁的薯粉同金菇好正。 .招牌醬香鍋 ($26)+ 小酥肉 ($48) +魷魚絲 ($38) + 海蝦 ($56) +牛肉片 ($46) + 萵筍 ($28) 除咗傳統嘅麻辣口味，仲可以揀醬香，啱晒怕辣嘅朋友。我哋就揀咗醬香 ，雖然唔辣，但依然好惹味。香鍋好有鑊氣，5種配菜都好出色。海蝦同魷魚絲都好爽口。小酥肉有微微炸過，食落甜甜地好滋味。 推薦。.酸梅湯 ($18) + 金桔凍檸茶 ($18)酸梅湯同金桔凍檸茶都係自家調製 , 所以唔會太甜。

喺銅鑼灣血拼完 天氣凍凍想食d辣野😉就嚟到好方便 位於京都廣場既川滿居一入到舖頭已經好有風味 環境清潔舖頭食物種類多好啱一大班朋友嚟試晒佢🤩我哋選擇咗酸菜魚同埋香鍋👍🏻酸菜魚BB辣 湯底香同鮮味魚都好嫩 重要冇骨🤪可以安心食用再配搭埋煙韌嘅薯粉 好入味又唔會太咸都相當開胃😋另外 最令我刮目相看嘅 就係香鍋😍喺芸芸配料中揀選五樣就可以炒起一個香鍋我地揀咗肥牛 海蝦 花甲 雞軟骨 蓮藕🥳辣度揀咗微辣醬香好有鑊氣 好惹味! 😝將所有嘢都好入味 配合得好好 配白飯一流有意外驚喜嘅居然係蓮藕! 好爽脆 再鎖住啲醬汁 令我地讚不絕口😆其他配料都好新鮮 肉類又嫩口 全部水準都好高😇另外再加咗個回鍋肉都依然係好入味 份量亦都好大 🤪最後叫咗清炒時蔬食咗好多肉類 食返新鮮蔬菜平衡返😊總括嚟講 成餐飯大家都食到好滿足 讚不絕口🤩都會再光顧 試埋佢其他款嘅美食😝川滿居 (京都廣場) (銅鑼灣)銅鑼灣駱克道491-499號京都廣場6樓

今日喺銅鑼灣shopping 周圍逛吓有咩好食 有朋友之前講過有間酸菜魚做得幾好 食酸辣嘢最開胃 於是今晚嚟試吓嚟到侍應安排在我哋坐卡位～見到好多枱都有叫酸菜魚 我哋都試吓 另外點咗籐香雞 同清炒土豆絲 有個朋友唔食得辣，於是我哋全部都叫咗BB辣～籐香雞有籐椒香味 少少辣好香口 雞肉份量都唔少 清炒土豆絲熱辣辣上枱 夠爽脆 招牌酸菜魚大大一盤 好多配料 有香菇 酸辣粉 萵筍等等 魚片鮮嫩彈牙 因為係BB辣所以唔辣 不過酸酸地好開胃朋友最後都想試埋個京蔥羊肉 羊肉好夠羊味 炒得夠鑊氣 本身已經好飽，不過又想食甜品 於是叫埋紅糖糍粑 滿足的一餐