川滿居 (京都廣場)

营业中

休息中

黃金蝦球鹹蛋黃味濃郁，很香鹹蛋黃味，蝦仁大而彈牙，很厚實，超正！椒鹽魷魚鬚也是非常推介，酥香香脆，脆卜卜！小酥肉香鍋及牛肉香鍋的香辣味道很惹味，配菜也很豐富，有油脈菜、芽菜、薯仔片、蓮藕及蔥段等！川香鮑魚雞煲，點了半隻也很夠吃，內裡有4隻大鮑魚，味道也很惹味，菜單還可揀選少油少鹽，很貼心！紅糖糍粑是必點的，香脆的外層，內裡是糯米軟棉棉，再沾上紅糖來吃，很美味！午餐時段去吃，有主菜、白飯及飲品，還不用加一，感覺超抵吃！

銅鑼灣京都廣場川滿居，地鐵站一出對面就係目的地，交通非常方便，性價比高，服務員亦好友善。環境裝修古典優雅，卡位又坐得舒服。涼拌黃金皮蛋，BB辣，呢個前菜都幾清新特別。因為食辣嘢飲品就要搵啲解渴嘅，要左個酸梅湯同青島生啤。川香鮑魚雞煲$168，有半隻雞，幾隻鮑魚，好大煲，好入味😋水煮魚就食得多，今次食下水煮牛肉$158，因為太辣食唔到，揀咗BB辣，牛肉都好林。喜歡食水煮魚嘅朋友可以有好多唔同嘅菜式可以選擇。甜品當然就係紅糖糍粑，香脆外層包住內裡煙煙韌韌，配上紅糖食不停。

上星期落雨濕濕好想食辣野今次帶咗一位唔係好食得辣嘅朋友去食我好喜歡既麻辣香鍋位於銅鑼灣嘅人氣川菜店《川滿居》店舖以中國風同紅色做主調我哋去到8:30嘅時候仲係座無虛席幫朋友叫咗佢最鍾意食嘅酸菜魚估唔到百幾蚊竟然咁大盆裏面有好多滑滑既魚肉、萵筍、酸菜豆芽、薯粉朋友唔食得辣叫咗微辣上一次食大辣過癮好多我心心念念想食嘅麻辣香鍋配料叫咗脆卜卜腐竹、爽脆嘅小蓮藕、黑魚片、牛舌叫咗中麻辣、濃濃香香好正呢度嘅涼拌魚皮做得唔錯平時出邊嘅魚皮都大多只會放芫荽而呢度會有芹菜絲同蘿蔔絲撈埋一齊食分外清新辣子雞整得夠乾身10分香口下次要叫返大辣一定過癮

一班朋友聚埋唔知食咩好🤔？食辣幫到你😎🥵🌶滴吓汗再大吓啲fd唔敢食辣咁又開心一餐😂🤣呢間京都廣場上面嘅川菜入鋪冇諗過原來個位都幾寬敞幾好坐啲佈置都幾啱feel😀如果樓下麻辣風雲冇位上嚟都係個唔錯嘅選擇🤓🌶水煮魚由於啲fd真心唔食得辣所以嗌小辣😂但係小還小佢辣得都幾正宗幾有層次食到有兩三種辣椒🌶嘅香同埋花椒都夠多魚都幾香🐟同嫩滑有魚味，下面仲有幾好食嘅薯粉同萵筍墊底個人覺得唔錯 🌶水煮牛肉個辣椒都係🌶🌶照舊好香啦唔同嘅係佢呢個辣得冇咁刺激，偏暖胃舒服居多墊底嘅係芽菜，個牛肉比想像中好食同有鮮味牛片🐃嚟講真係算新鮮 🌶麻婆豆腐個豆腐係滑豆腐，肉碎冇炒過，又唔勾芡，又冇鑊氣成餐唯一失望嘅菜 🌶黃金炒枝豆出奇地炒得好食個鹹蛋黃好貼服咁痴左喺啲豆上面，啲豆本身又出奇地揀得好，好鮮甜脆口，成件事係諗唔到咁惹味😋 🌶孜然羊肉冇錯就係炒嘅孜然羊肉🐑個羊嘅羶味🐑同孜然嘅香味融合成新嘅一股鮮味本身炒得偏乾身但係羊肉唔鞋算合格有凸撈飯一流🍚 🌶紅糖糍粑人話嚟講姐係紅糖醬沾炸麻糬😄都幾得意第一次食外脆內軟再加紅糖甜甜哋做一餐嘅暖心happy ending一流👍🏼其實仲有個辣魚皮不過砌圖唔靚冇擺🐟不過都真係冇咩

《 😋晴晴港飲港食 #misshcfoodie 》一聽到川菜可能係諗起水煮魚同啲好辣嘅嘢但對於唔食得辣嘅我 其實都有好多選擇呢間川菜每道菜都可以揀辣度好貼心😲幾個月前嚟食lunch 今次就嚟食dinner位置方便之餘 價錢又抵啲嘢又好食加上店員仲好好服務 今次食完都會再嚟片皮鴨 (半隻) $168 （配10張麽麽皮 ）👍好開心可以食片皮鴨😍😍平時要多人先食到但呢度可以叫半隻所以2個人都食到☺️仲要價錢好抵份量又多片皮鴨一定要趁熱食 鴨皮好脆又有油香 鴨肉就好嫩滑配埋京葱、烤鴨醬同青瓜食口感豐富不過我唔食葱同青瓜 鍾意就咁食🤭🐟烤加州鱸魚 $298近年興食烤魚 熱辣辣 食完條魚又可以好似打邊爐咁落唔同配料我哋揀咗醬香係唔辣 啱哂我條魚好大條 食極都仲有😂魚皮煎香過脆脆哋而魚肉就又滑又入味本身已經有蓮藕、薯粉、木耳、腐竹等做配料我哋再加咗新鮮鮑魚(4隻）$68真係好新鮮好大隻 夠哂咬口午餐肉 $36土豆片 $22油麥菜 $26酸梅湯 $18 👍呢度嘅酸梅湯原來係自家製用冰糖煲無咁甜健康啲酸酸甜甜 非常開胃人均價錢: $350味道: 8.5/10環境: 7.5/10服務: 8/10回頭率: 8

最近經朋友介紹之下，來到了這間川菜店舖，嘗試吓精美的酸菜魚.一碟美味的酸菜魚，最重要就是魚肉及湯底的濃度酸度合適，加上廚師控制火候也是重要的因素.餐廳就是在地鐵站對面，一出站口經看到，店員也十分熱情地招待，加上座位與座位之間的距離也比較闊落，用餐十分之舒適.酸菜魚終於上枱了，香氣已經充滿了餐廳的角落，酸菜魚也能夠自由地選擇辣度，送飯簡直是最美好的配搭，魚肉十分之細滑.鮑魚雞煲就是朋友的最愛，大大隻鮑魚十分之爽口，加上雞肉充滿了肉汁鑊氣十足！水準之作.在炎炎的夏日最好，不過就是冰涼的汽水及清熱的教加多寳了.至於即炒的四季豆，鑊氣十足香辣味道剛好👍🏻.

上次食完覺得價錢抵食又好味，今次再黎食都依然keep到水準香辣魚皮自從第一次食完香辣魚皮後，之後見到餐牌有呢味菜式都會叫黎食，揀咗少麻，BB辣，口感非常爽脆惹味，真係要試吓👍🏻金湯酸菜魚今次揀咗唔辣，但都有十分輕微嘅辣，啱晒唔食得辣嘅我，裡面有好多魚塊，又大片又滑溜，仲🈶好多酸菜、萵苣、薯粉等等嘅配料，好抵食片皮鴨半隻雖然今次個皮燒到有點兒黑，但都冇影響到個口感同味道，鴨皮唔會太過油膩，食落十分香口紅糖糍粑炸到外層好香脆，裡面煙煙韌韌，點上紅糖食，真係好好味😋大樽裝青島好大枝好抵飲，仲好夠凍，飲落酒味比較重桃之夭夭叫咗少奶，少甜➕走冰，好啱我飲，飲落清甜，仲有粒粒爆珠

今日同個嗜辣朋友行街，食晚飯就梗係要搵間川菜食下係京都廣場就有一間性價比高既樓上川菜館值得試試餐廳裝修以中式古典建築為主，店鋪細細，但都設有大量卡位，令食客坐得舒服而且職員殷勤有禮，態度好客，非常窩心餐廳主打各式正宗川菜，選用來自四川的香料，如酸菜魚、水煮魚、自選麻辣干鍋等等，適合嗜辣之人食物方面:藤香雞 : 涼菜用上雞髀肉加入籐椒令到雞肉帶有一種獨特嘅麻香味，清香濃郁，麻而不辣金湯酸菜魚 : 用黃燈籠辣椒醬加南瓜蓉制成湯底，營造出金黃色既效果，魚片厚薄適中夠曬嫩滑，再加入多款菇類、酸菜、萵荀及 Q 彈寬粉，酸酸辣辣，味道辣到上癮，白飯都食得幾碗京蔥羊肉 (配六張麼麼皮) : 選用新鮮羊肉，炒得嫩口有鑊氣，羶香濃郁，再用麼麼皮包住一啖食，又唔會太油膩紅糖糍粑 : 糍粑即叫即炸熱辣辣，香脆外皮包住煙韌的糯米團加上黃豆粉和紅糖漿，必吃的的四川傳統甜品桃之夭夭 : 個名勁搞笑，原來係桃味梳打加桃味爆珠粒粒，味道清甜，冰凍解渴百香果檸檬茶 : 味道酸甜清爽，生津解渴，食辣野一流

因為太鍾意食川菜😋今晚又約左朋友去發掘好食川菜。見到呢間餐廳有好多好評，一定吾錯👍🏻餐廳裝修好有特色，一出lift就見到中國風的磚牆，餐廳入面掛滿’川滿居’的燈籠, 一面牆掛滿紅色紙扇，好有四川風彩🎭涼拌花甲$78第一次凍食花甲，好好食😋粒粒花甲都好飽滿冇沙，粒粒都開晒口。川式風味加左芫茜辣椒，小小辣，超級惹味開胃。京葱牛肉(配6張麼麼皮)$88呢個超級好食😍牛肉大大片幾厚身，重牛味，幾淋。京葱份量好多，加埋一齊炒得好有鑊氣🤤再用麼麽皮包住一齊食，可以解左少少油膩感，個皮煙煙韌韌，好有口感。6塊吾夠食，可以另外再叫，都係$10有6張👍🏻糖醋蝦球$128呢個蝦球一食好驚歎，好彈牙！而且好大隻，炸粉好薄，好似有成8，9隻。個汁吾會太杰，酸酸甜甜，剛剛好。配菜都多，因為好鐘意食洋蔥，感覺好滿足🤤金湯酸菜魚$188 餐廳招牌菜之一，果然令人好滿意😍好大碟，性價比好高。魚片大大片，厚身好滑，份量好夠。金湯好好飲，好多香料，飲完吾會好頸渴。配菜份量超級多！有萵苣，白菇，炸左的雞脾菇片，酸菜，薯粉。薯粉好滑好掛汁，但實在太多，食吾晒🤣桃之夭夭$36 金柑檸檬茶$28 桃之夭夭個名好盞鬼🤪好好飲，係

男朋友好鍾意食川菜，經朋友介紹我就帶左佢黎依間位於銅鑼灣既川菜餐廳喇～餐廳環境有別於慣常見到既川菜餐廳，裝飾精緻，環境幾有特色有不少大枱，岩晒一家人／同朋友黎聚會呢！餐牌選擇非常之豐富呀，有酸菜魚，烤魚，鑊氣小炒等等，可惜兩個人叫唔到咁多野食啦天氣炎熱當然即刻叫返杯凍飲啦～啤酒好抵飲呢! 食川菜真係要啤啤佢XD凍檸茶有不錯的水準清炒土豆絲好大份量既土豆絲唯~口感非常爽脆！因為廢事每一道菜都係辣，所以就簡左清炒～但都好好味架！京蔥羊肉上盤時已經聞到超香的羊肉味及洋蔥味！！仲會配６塊麼麼皮的，可以包住黎食羊肉非常嫩滑，十分惹味！油脂感豐富！夾埋洋蔥食可以去一去油膩感～金湯酸菜魚主角的酸菜魚完全無令我地失望！湯底夠濃郁，調味適中不會過酸或過咸魚肉好嫩滑，不過落單時可以自己選擇，鍾意脆身Ｄ既朋友可以簡魚肉脆身Ｄ餐廳真係非常細心照顧不同既食客呢！佢仲有Ｄ紅薯粉係底架～索晒Ｄ湯汁非常YUMMY黃金蝦球炸得金黃酥脆既黃金蝦球，蝦身沾滿咸蛋黃再去炸，食落真係超惹味！蝦肉脆滑彈牙，咸蛋黃味令人食得好滿足捧住個肚離開餐廳，食得非常愉快既一餐，食物質素完全無令我地失望！下次要見埋朋友一齊黎食多Ｄ野先得！！！

餐廳坐位都算多但7點已經全場滿座證明餐廳好多支持者, 側面反映實力!!金湯酸菜魚 BB辣酸菜惹味開胃而且魚片數量超佛心!!配料仲有薯粉, 吸晒湯汁咁食仲有大量既菌令湯底鮮味大爆發京蔥羊肉 BB辣包住餅皮食, 有D似食緊片皮鴨咁羊肉羶而不搶, 搭配京蔥清爽可口份量亦相當合理藤香雞係涼菜藤椒氣味獨特清香, 入口麻而不辣雞件肥美而且嫩, 同藤椒非常夾!桃之夭夭好飲而且有爆珠口感百香果檸檬茶清新解辣之選下次要番黎試埋其他款式既菜!!

今日工作有點忙，放咗工好想食D濃味食物，腦海不期然諗到呢間上到去都仲有D枱，唔想諗太多就叫咗呢幾樣凍盤嘅鷄件除咗有熟悉嘅醉鷄外，川菜中就有呢客籐香鷄 ($66)籐椒粒放於鷄件上，鷄件”浸”得相當入味，咸中帶少少籐椒香，而且鷄肉都幾滑。再來就有京蔥牛肉 ($88) 配6張麼麼皮係其他地方食就只有主角，呢度有埋麼麼皮，將佢地放入皮上再包住食濃味醬汁再加上爽口京蔥，牛肉夠大塊，食起黎相當滿足。壓軸出場有金湯酸菜魚 ($188)，一大盤份量都夠2-3人食。有得選擇辣度，要咗小辣。先食件魚片，肉質超嫩滑，無細骨啖啖肉。金湯味道酸辣唔會嗆喉，仲有其他配料如酸菜，菇菌及薯粉，相當有睇頭。三款菜式都係配白飯嘅”好材料”，叫埋杯可樂加冰底，爽爆呀!

✔️金湯酸菜魚 $188魚片份量十分之多 仲要每片都係無骨嫩滑🥰湯底嘅酸味同辣味都好balance 麻可以再重多少少 我哋嗌咗小辣 大概係譚仔五少左右🤔底下仲有好多酸菜萵筍薯粉同埋雜菌 推薦👍🏻✔️泡椒肥腸 $118呢個好好食 炒得好惹味🌶️ 而且肥腸清洗得好乾淨 但仍然都好厚有嚼勁🤤 另外佢嘅萵筍好爽脆 超正🥰 講唔停覺得食得辣嘅可以試吓中辣~✔️口水雞 $66呢個就普通 雞皮爽彈但係雞肉可以再嫩滑啲 紅油嘅麻味亦都可以再重啲🤔✔️百香果檸檬茶 $36呢個配搭好特別 冇諗過都幾夾😳 不過建議大家叫返少甜應該會再清新啲☘️

這天晚上我約了家人在銅鑼灣吃晚飯，我們來到這間川菜餐廳試一試，店內環境清潔衛生，餐廳十分細心，提供無線上網給客人使用金湯酸菜魚($188)芝麻粒灑面，茹爽口微彈，冬菇爽彈鮮美，魚稔香軟彈，非常新鮮，而且冇幼骨，非常適合小孩和老人食用，份量非常多，十分抵食紅糖糍粑($58)糍粑非常煙韌，配上紅糖來調味，用花生黃豆粉灑面，十分特別黃金蝦球($128)食物是即點即炸，所以食物的温度保持得很好，咸蛋黃的外層很酥脆，蝦球十分爽彈鮮美干煸四季豆($66)豬肉碎稔香軟彈，四季豆爽口微彈，十分新鮮百香果檸檬茶($36)百香果微酸，十分解渴整體來說，食物的質素非常高，食物的份量非常多，食物的用料非常新鮮，食物的選擇非常多，食物的賣相非常吸引，食物的定價相對合理，而店員亦有良好的服務態度，所以我認為這間餐廳是值得再去惠顧

我又嚟川滿居啦！好掛住佢啲酸菜魚呀！涼拌黃金皮蛋$48黃金皮蛋好小見，配上涼拌醬汁，十分惹味。金湯酸菜魚$188金湯香濃，魚肉大大塊，而且又夠滑,魚肉份量又夠足，配菜有紅薯粉，酸菜，萵苣，健康又美味。黃金蝦球$129濃濃嘅鹹蛋醬汁，包裹住炸得酥脆嘅大蝦，100分嘅邪惡，100分嘅美味。大盆花菜$68我每次嚟都指定食呢個，福花微炸，配上五花肉，辣椒，大魚快炒，香味充滿整間鋪。紅糖糍粑$58食得酸菜魚我一定會嗌埋呢個，炸到外皮好脆，熱辣辣再點紅糖，非常滋味。凍檸茶$18、柑桔檸檬茶$28呢度可以揀走冰，好少地方會咁大方，佢會倒到成杯滿曬，茶味濃，配上檸檬，柑桔，十分清爽。