川味美食

营业中

休息中

之前因長期等位, 移師到分店食多次惜水準不一, 粉時冧時硬琴日順路返黎總店食6:45pm唔洗等位睇返總店0既餐牌先發現辣係有分麻同唔麻愛麻0既朋友要留意嘞有麻0既真係好食好多不過咸咗少少下次我會叫少咸加上呢邊d阿姐好好多好有禮貌分店個長註阿姐不停好大聲咁傾閑計&家事(係用開concert既分貝 - 務求全場聽得清)其實真係好滋擾希望佢地改善下

從前都只係因為食雲貴川先會行入呢度..自從越開越多川味食店後都無幫襯雲貴川好耐只因有比較之下原來雲貴川只係一般而已.而且比較之下又貴過人Ｄ阿姐又寸真係大把選擇重得閒食佢地呢間咩....講番呢間川味美食今日落荃灣想食辣睇open rice荃灣區揾嘢食睇到幾多好評就試試先都幾爆場吓,,試咗寬薯粉碗粉已有肉碎.笎茜等配料..每樣餸只係加3蚊超抵.要腩肉..豬肚.雞翼..份量足雞翼3蚊有2隻嘩好抵..腩肉不是半肥瘦個種而係好似回鍋肉既口感都ok..豬肚就最好食..呢度Ｄ寬薯粉好滑係正宗四川寬薯粉平日食四川菜都係呢種口感但老公碗幼薯粉就唔係好得la~~..唔同平日食開個Ｄ幼薯粉呢度個Ｄ係彎彎曲曲咁好難好似香口膠咁..但整體Ｄ食物係的確ok又平Ｄ阿姐都幾好態度..原來呢度有間平靚正店唔怪得今日係星期日8點幾雲貴川竟然無人排隊啦.以前10點都重排緊隊呀..越開越多好味食店真係大家之福..起碼唔使獨市生意無選擇之下要食貴嘢見川味美食隔離又有間四川小店但無川味美食咁旺.但都好有興趣試.試完再分享好唔好味

今晚想食酸辣嘢,經過川味好多人,想可能都會好食, 叫了一碗中辣金菇腩仔薯粉, 想叫大辣,但亞姐話怕我食唔到, 先叫中辣,唔夠可再加辣, 好彩啫, 真係已經夠辣, 好好味, 而且好大碗

今個星期,食0左川味美食兩次la!~點解我依家先寫食評,目的係想試下幼粉同寬粉,冇湯同有湯0既分別先寫呀。第一次同男友食..我叫了有湯寬粉...男友就叫米線湯底比較酸..因為有酸菜...餸呢我就叫0左魚皮餃,腩肉同牛柏葉。男友呢有牛丸,豬頸肉同竹笙。我0地交換0左d..竹笙因為吸0左d湯..變酸了...不太好食..腩肉雖然賣相唔係太靚..但我覺得幾好食..牛柏葉都好夾ga!~其他0既普通啦..冇咩特別..寬粉好似粉皮.但較有咬口...就好似大型火鍋店"蒙古羊"入面0個d羊寬粉呀!~好滑..所以好難夾...第二次同媽咪去叫了冇湯腩肉,牛柏葉醬爆丸幼粉....而媽媽就要有湯0既豬脷..腩肉寬粉...佢話寬粉幾特別..但較難咬開..我0個個一上枱...幼粉好似粉絲..但粗dd....嘩...好香香料味..但又係好似"蒙古羊"d香料味...我夾了媽咪d豬脷試..好d un呀..醬爆丸好味...總括:我覺得冇湯好味d...而粉呢我則喜歡寬粉多d..所以下次仲要試冇湯寬粉呀!~

琴晚同d同事來o左呢間店到食米線,由於太多人,所以要坐o係街食,不過咁仲好,涼涼地,仲有風味,叫o左個三餸湯米線都係$24,超平,d米線好煙韌,佢d包心丸一定要食,唔錯,其他丸類就同其他店o既差不多,不過佢o既湯底好好飲,下次如唔想o係隔離排餐死o既話,呢間店係一個唔錯o既選擇!

唔知係咪因為之前去食，我食得少薯粉定我好彩，食唔到d "痴埋一舊"的薯粉。今次，我的那碗麻辣無湯粗薯粉，我食到了幾次有"兩條痴埋一舊"的薯粉；萬一吃到了，記得即吐出來，因為會很硬的。同埋今晚不知是否因為多客，剛好去到時廚房其中一位幫廚也正值外出，煮得比較匆忙，送來的那碗薯粉偏硬，不如以前好吃了；猶幸薯粉，和碗中各項配料(芫茜、芽菜等等)的味道，包括我最愛的花生，都keep到水準。是的，這裏的花生炸得很好，用料新鮮，放在有湯水的薯粉了，就算放得久，到吃至碗底時，依舊香脆。本來一碗中的份量也不少了；不過如果你非常愛吃花生，可以要求要多一蚊花生(今天發現鄰枱如此做才知道的) ，甚至要5蚊花生外賣回家送酒吃也不錯。這裏的汽水也便宜，才五元一罐，各式可樂、忌廉等都有。整體來說，這兒的東西份量大又便宜(加了兩樣餸才$19)，係抵食的；不過水準就會有些上落了；下次人多時，還是吃不用煮那麼久的粉皮，或者幼薯粉，會比較穩陣....

(24/11/08)今晚突然想買野回家吃,諗起呢間店多時都有番咁上吓客流。主要係食紅糬粉。有很多「款式」選擇,我攪不清楚每款有什麼分別,款款都係炸醬+芽菜+花生+酸菜+紅糬粉。Anyway,我要了一碗撈的,沒有要任何餸。回家打開,嚇左一跳!大豌得很!如果吃光,一定滯到不得了!炸醬有很多肉碎,又夠味,跟本不用再配餸。味道很有四川「麻」的味道(因為我選了唔辣,所以不是麻辣),尤如在吃四川的肉乾那種醃味。本身不「好」四川口味,對牛彈琴,都識讚,味道正宗。

也許我不喜喝太多湯，我每次來都是吃無湯的薯粉。其實就算叫無湯的，吃到最後都是會有一點 (我想因為這薯粉是放在湯裏煮的)，我覺得這份量剛剛好了。必吃的配料只有魷魚。其他是一般貨色。魷魚相當新鮮，份量也不少。 (不過注意，我這人是不吃內臟又不吃豬紅豬耳等奇怪部位的，嘿)薯粉其實不錯的，煙"un"有咬口，配上炸得脆脆的花生 (這也解釋了我為何不愛太多湯，嘿)，口感好得不得了。薯粉是放在湯裏煮的，已汲收了湯的鮮味，就算你點無湯的粉，也是能嘗到湯的鮮味。我是能吃辣的，不過除非非常寒冷或者遇上甚麼非常大壓力的事情，否則我都是吃中辣而非大辣 -- 還是留一絲餘地好，辣得適量，才能吃出薯粉的鮮味

原本見到小店一間，不覺得有個特別，只見到很多人吃，於是在沒有大期望下，抱著一試的心態入來進食。由於我是一個嗜辣的人，於是叫了一碗大辣熱撈紅薯寬粉，勁好味！紅薯寬粉彈牙有咬口，大辣真係唔講得笑，我想下次還是叫中辣好一些。而且份量頗多，一個女仔真係食唔哂！

這間店我認識了很久 , 我仲幫趁過分店 , 不過這間旗艦店就無正式幫趁過 , 通常都係陪老婆食。今日下午終於試過了 ! 今日我叫了撈紅薯寬粉 + 魚鮫 + 豬利 , 老婆就叫了米線 + 豬潤 + 腩肉.+ 雞翼尖 .... 不過我無試過 ! 講番我果碗 , 我要小辣 , 不過真係好辣 ..... 撈的東西 (總之不是湯) 會很辣 ..... , 仲有旗艦店真是辣過分店很多 ...... 高多一級左右 ! 不過碗野很大 , 很多紅薯寬粉 , 食到我很飽 (其實我很大食 , 不過都收左我皮) , D 紅薯寬粉真是很煙 un , 好有口感 ..... 不過比起我係深圳食開果間就 ...... 無得比啦 ! (絕世紅薯寬粉, 無人能及) 不過係香港來說 , 他都算係數一數二出色的了, 呵呵 ! 都係果句啦 , 睇到食評你都知這間店有番甘上下食力 ! 不過下次再來 , 我唔敢叫辣了 !

紅薯寬粉唔係度度有得食所以呢度既薯粉有一定既吸引力order 了一個熱湯紅薯寬粉配鮮腐竹走辣湯底味道調得很好有點酸酸的味道朋友order了一個小辣的turn out太辣紅薯寬粉一定要配熱湯才好食因為order撈粉就會錯過了熱湯的美味也會有乾啃的感覺希望遲d除左荃灣之外會有其他賣紅薯寬粉既分店啦

大約大半個月前同朋友去食.....而家先記得寫.....牛柏葉,腩肉寬薯粉(酸辣)：＊牛柏葉>>幾爽，ｏｋ～＊腩肉>>係瘦肉，又無咩味，同食普通肉絲無分別．．都係四川麻辣米線好味ｄ～＊寬薯粉>>第一啖幾特別，因為我無食過，而且煙煙ｕｎ　ｕｎ～但係．．食多幾啖就覺得好辛苦，好似趙緊香口膠咁．．．口感麻麻．．魚腐豬肚薯粉：朋友話無咩特別．．．．＊＊＊＊＊值得一提．．．．．ｌｅｅ間ｇｅ酸辣只有酸，仲係好好好酸！！！但係唔一ｄ都唔辣！！我已經落左２次辣油，都只係小小辣～～

這裡打正旗號以紅薯寬粉作主角，但就是煮不好主角，真是大嘴巴。紅薯寬粉有一定厚度，寬寬的，煮得好絕對是煙煙韌韌的。這兒的主角，煮得過淋，吃不得。配角們也是一般水準，腩肉不夠味，酸菜則太酸，怪怪的，湯底也稀稀的。滿是失望的食物，哪有Encore之理呢？

開店時食過一、兩次，印象中亦唔係太突出，但實在太多人排隊，拍得住雲貴川，於是早兩晚得一個人吟晚飯，收工果陣見無乜人，就走咗去食。腩肉、醬爆丸、生菜酸辣紅薯粉條……本身幾喜歡食粉條，所以覺得唔錯，粉條不會過淋，幾彈口，酸辣湯都幾好，酸道適中，辣味很輕，所以啫辣者不妨加小辣或中辣。腩肉個樣一般，但食落都有味，又唔會好’鞋’……生菜浸咗酸湯後唔好食……醬爆丸無驚喜 (街市隨街都有果 d)。幸好侍應態度都唔錯，相對咁多人等位，期待太大，所以失望更大！但滿意係感覺唔到落了味精……以我咁膚淺既普通市民，唔可以好肯定佢有冇落，我自己就覺得無乜囉，幾好！！幾好！！

亂咁行竟然又會俾我搵到佢估唔到原來係o係條巷仔望落好抵，加埋一個餸都係同譚仔一樣價錢但黎到真係嚇左一跳，好大碗呀 !!!早知同老公 share 一碗啦我地分別叫左酸辣紅薯寛粉同幼粉我就比較鍾意寛粉老公鍾意幼粉 ( 但其實我係食幼佢食寛 )仲叫左腩肉同豬紅腩肉好似係一片豬肉而唔係出面既又肥又肉既腩肉，但都好好味好好食豬紅唔係落左勁多味精，難得，good !估唔到一碗麵已經飽到我地再食唔落任何野了 今次叫小辣唔算好辣下次要試下麻辣