川味美食

营业中

休息中

上個星期放半日後黎左荃灣辦事十五十六試新野定黎番呢度最後見呢度人多D成一點三四都仲有好多人排隊就決定番炒叫左海帶豬肚撈粗薯粉海帶有五件夠咬口豬肚份量不少切成幼絲又夠入味撈粗薯粉伴有花生炸醬豆芽同九菜份量唔少雖然薯粉比以前少但當物價高漲佢又唔加咁做亦無可口非

之前水準飄忽, 小麻辣變左唔麻同大辣, 湯底又唔夠味, 對上果次食經已係上個月.不過實在太掛住d 幼薯粉, 決定比多次機會佢, 照舊外賣撈幼薯粉小麻辣加腩肉海帶, 一拎碗粉上手既感覺係輕左, 應該係薯粉小左因為之前食完都會好飽, 今次就岩岩好, 不過寧願食少d 好過佢加價喇.講番碗粉, 改善左好多, 有麻同埋真係得少少辣, 雖然我加左水但係都重夠味, 唔似之前一加水就淡晒.睇黎下次可以食番中麻辣喇, 其實呢間野真係好抵食, 希望佢keep 得番水準啦.

一食完佢ge外賣又不得不立即俾食評~一如以往我又係buy佢ge外賣返屋企慢慢食,,今次唔同ge係我揀左久違了ge撈米線而唔係湯米線~記得對上個次食撈都成半年前~但真係唔好食..好淡,,,叫酸辣~點知唔酸又唔辣~disappointed...之後一直食湯米線~不過不失啦...今日興起,,見好耐冇食,,,又叫左碗酸辣牛柏葉撈米線(中辣多青)酸就唔多覺有=.=味都ok啦~唉!但可能撈ge關係'中辣真係辣得濟,,食到我眼水都出埋黎!!要溝d水sin可以再食~但又淡晒,,,可惜!!下次食撈都係叫番小辣算~湯就中辣都ok<<

對下ge係我ge食評,,,now又俾多篇先!!今次又buy左碗牛柏葉米線返hm食,,,叫左少辣ga ma,,但一d都唔辣,,so有d食得唔舒~AND個湯睇得出really好清==可想而知味道一般~佢d水準really愈來愈unstable!!!!!

呢間店本身想俾食評好耐!!因佢係千色店做個時我已成日幫襯...個時我係食撈米線多~(佢會幫人撈埋~用好多調味料..好認真~味道正ga!!)但搬左黎呢到d撈差左好多..調味少!又馬虎左,,一時太咸一時太淡==so我主要係食佢ge酸辣米線+牛柏葉...我次次都係外賣番hm慢慢食,,,我見過佢煮ge,,d酸辣佢臨時+..so唔可以要求係雲南米線個d湯底咁正ga la..但10令蚊大大碗酸辣米線都覺得幾好ga la...不過近呢幾個月真係每次食都覺得d水準大不如前...份量少左不得止(外賣計)...d湯ge酸辣度好unstable lor...有時冇咩味,,有時又好酸...唉!總之大不如前!!未必會再常常幫襯啦><

28/9今日放學突然想食好野,所以就拿拿臨搭車過黎食~~第二次食,還是點了濃湯河粉+豬頸肉(總覺得河粉比薯粉好吃..)也叫了一個小辣,嘩!!真係好辣,感覺上好似點了大辣一樣(上次沒有這麼辣啊!)辣得不得不點檸檬茶解辣,但是河粉還是一樣的好吃!不會過"淋"的!!(雖然愛點濃湯,可是不會喝的)是次點了"濃湯河粉+豬頸肉+檸檬茶=20蚊"真係經濟又實惠,一定會再來!!

今日放學好想食好野,所以就拿拿臨搭車黎食!!第二次食,這次又叫了濃湯河粉+豬頸肉(總覺得河粉比薯粉好食..)又點了小辣,但為什麼比上次辣了這麼多=0=?!辣得不得不點檸檬茶解辣,(雖然我不太能吃辣,但上次真的沒有喝水也不要緊啊~)雖然今次比上次辣O左d,不過對於一個學生黎講"濃湯河粉+豬頸肉+檸檬茶=20蚊"真係經濟又實惠,一定會再來!!

食埋今次,我諗以後唔會再去,仲記得第一次朋友帶我去,真係覺得好好食,特別係撈薯粉,好煙韌,絕對係會上癮,點知三四個月前,質素已經變差,成日煮到好林,以為係煮既時間問題,就叫佢地唔好煮咁耐,後來發現可能係來貨變左質..而且個撈底係勁咸勁味精,食完好口渴,真係可惜,佢做唔返以前既水準

其實我由呢間鋪一開張我就開始幫襯，因為佢實在太好味。但係自從煮粉既廚師轉左係一個後生仔之後，佢地既質素真係無況越下。正如之前一位朋友所講, 無次小辣既辣度都唔同, 唔係差少少, 而係差好遠。而個湯底真係比以前差左好多，香味淡左好多，但味精多左好多。真係好懷念川味最初的味道。

相信我係呢度第一個俾呢間食店劣評響呢度食野有差唔多一年時間, 記得初初食時, 真係驚為天人(我係食酸辣米線, 雖然最多人食薯粉, 都食過, 但麻麻地鍾意), 覺得個湯底好特別, 辣得來吃到一陣好特別既酸味, 有別平時食開既酸辣米線, 而且更難得既就係湯底唔油, 而且十分清, 食完都唔會口喝. 加上價錢平, 可以話係同區平之霸, 食左第一次就成日想嚟食, 好似上左癮咁, 有時一星期會食2左右但最近呢幾次就發覺味道變了, 唔知關唔關廚師事, 因為由不同既廚師負責, 最初係一個肥叔, 依家就變左一個後生仔, 有時會係個阿姐負責煮味道好飄忽, 小辣次次都唔同辣味, 而且湯比以前咸同多左味精, 食完好口喝, 要不停飲水; 次次要多酸, 以前真係會幾酸, 依家係一d都唔酸囉開始對佢失望, 減少光顧既次數

真係好抵~我第一次黎食,係中午時份,都幾熱,但聽朋友話好平就都去左食。都會幾多人(店細),但等左一陣就有位(可以早落單,入到去就有得食),但多人就無辦法要分桌子坐(限一桌4人)。叫左撈粉皮($11本身都有d配料eg.花生,少少炸醬,芽菜etc.)+wings($3,x2),係少湯,不過絕唔會dry,唔加其他(另加的wings x 2)都會飽,不過都幾多芫茜,唔得就要走,因為係非常新鮮(味道十足),and有好多芽菜。我個fd細食,only食到d其他另的配料(他有3種)就夠飽。我另外d fd就食湯河,就話粉皮個d抵食d and 佢地個湯有點(真係少少only)咸。去食那天我個口有點傷,食粉皮就有d玩自己(怕整濕,可能食薯粉會好d),不過好味抵番($11+3+5夠抵la)。外賣要+$1drinks+5(汽水,豆漿)雖然細店人流多，但都唔會話地下濕,而且收碗幾快(唔會話你一食完就收走咁趕,都會有禮貌同你講左先)但人多食完就無辦法坐耐d(知道人地忙呀,又有人等)

Very spicy but I like that!Although there is not enough seat, it's not hard to find one.Anyway nice food!

好好味, 又扺食. 尤其乾no更加正.

我一個月食左6次啦...真係好好味.. 我次次食都係食湯幼薯粉. 因為之前帶mani 同daddy 黎食粉皮同埋米線都覺得不及幼薯粉. 每一次諗仍想吃呢....

點了無湯熱紅薯寬粉, 配菜點了金菇跟豬頸肉. 味道OK, 有莞茜, 炸醬, 還有...我非常喜歡的花生. 薯粉非常滑, 筷子是一般大排檔的草綠色膠筷子, 非常難夾, 一件白色恤杉, 就此遭殃...竹/ 木筷子應更好.據店內的Poster 所講, 薯粉含有大量纖維, 像為了証明似的, 有很多穿著美容院服式的人幫襯!