峰 (已結業)

平時次次經過峰都人山人海,難得今日不用等位, 所以便入來試一試.今日我地叫左1. 炸雞軟骨: 第一次食到甘啖啖肉既炸雞軟骨, 真係一食就停唔到口.  (一定要叫店員比沙律醬)2. 黑醬油拉麵 : 湯底美味, 不過最愛都係佢既厚X燒及糖心旦(酒香). 3. 九州拉麵 : 不得不推介黎個湯面比大家, 一碗拉麵食到好BALANCE既味道.     而且最有驚喜係佢湯上面既綠色食物有點像紫菜但又有點像海藻.     食過甘多次日本拉麵, 第一次食到黎個食材.     個種美味係非筆墨可形容.

早前慶祝屋企人生日~由於我係住太子加上我屋企人係鐘意食日本菜~所以誤打誤撞試下呢間啦～雖然要等約三十分鐘，不過入到去d職員好有禮貌~加上由於入座ga時候有職員見我地有BB車駛入就即刻sell好一個空間俾我地(真係好窩心)~食物方面真係幾好食，我就好鐘意個帶子同燒魚~主食有豬軟骨煎蛋飯同冷烏冬~仲有d三文魚同燒雞翼~甜品係柚子雪葩係我欣賞ga~因為個味道係好新鮮~最後一個幾得意ga地方係店鋪外係有部汽水機~機內買ga全部都係日本ga飲品~飲品價錢就見仁見智啦～

搬咗嚟太子之後, 不斷咗區內覓食! 太子區嘅餐飲業不得不說係百花齊放! 今日又開心大發現咗一間相當有素質嘅日本餐廳, 位於花園街街尾嘅 - 峰。我覺得佢嘅小食做得好有水準, 而且選擇亦多及價錢合理, 非常enjoy揀嘢食嘅過程。 特盛峰拉麵 - 好香濃嘅拉麵豬骨湯底, 麵底硬度適中, 叉燒半肥半瘦, 而最感動到我嘅係半熟蛋! 半熟蛋嘅蛋白滑滑的, 蛋黃呈膠著狀態, 像滷水的鹹香味! 質素直頭好過老銅嘅一蘭拉麵!火焰日本甜蕃薯 - 好有氣勢嘅甜蕃薯! 上菜時, 甜蕃薯面頭個舊咸牛油會著哂火咁出場, 相當有範! 暖烘烘嘅咸牛油溶化且包圍著甜甜嘅蕃薯, 又咸又甜, 但出奇地配合! 蕃薯口感厚實, 係非常好味嘅前菜! 不過兩個人食就覺得有點太飽肚。炸薯絲沙律 - 進擊的巨薯絲! 好大份! 香脆嘅炸薯絲份量相當多, 口感爽脆! 炸薯絲淋上沙律醋, 再配住蘆筍、青瓜、蕃茄, 食落口"索索"聲, 即刻中和咗炸薯絲嘅熱氣感! 幾乎成個沙律都係我食嘅! 吞拿魚薄脆 - 真係要彈起身講句: 「好好味啊!!!!!!」吞拿魚碎加上酸酸嘅蛋黃醬及芝士魚子醬, 低層係一塊脆口到爆嘅脆脆, 嗯.... 好

已經第5、6次來這間吃日本菜，不過第一次試他們的午餐，點了個豬軟骨飯lunch set。味道適中，五會太鹹或太甜，豬軟骨幾'林'，碗飯都幾大碗！個餐包飲品同湯。不錯不錯！

每逢星期六，抛開工作，習慣以運動減壓，飆飆汗把負能量帶走。每次去運動，經過這間「峰」，傳來的香味都令人十分好奇，今天終於受不住引誘，決定灑完一身汗後光顧峰來補充體力。Openrice上峰料理的食評不算很多，也沒有特別值得一試的菜式，大概是新開張的原故吧，決定今次隨意地點菜。大概七點半到，已經有大概兩三張枱的人在等候，登記後再外面看看餐牌，門口的裝修跟其他日本料理無異，參照日本特色的居酒屋。幾特別的是右邊的汽水機，售賣的並不是可樂忌廉橙汁的簡單，而是在香港較為少見的日本果汁和汽水，不過價錢不非，至少一罐也要十五元，不過有興趣的還是可以買罐會喝。汽水機隔離擺放三組不同的料理模型，逼真得令我垂涎三尺，希望快點到我吧。我們被安排到吧檯的位置，在門口等待時已經想好吃什麼，所以坐下後便立刻點菜。墊枱紙是海賊王的主題，圖中路飛一群人不停地「鯨呑」山治做的拉麵，碗上印有峰料理的標誌，相當有心思。吧檯的台階擺放了不同人物公仔，店舖不算很大，枱櫈也有規則地擺放好。值得一讚的是位置十分闊落，中間空出一條通道，感覺尚算不錯。先來的牛油粟米($19)，雖燒到表面乾身，一粒粒粟米粒送到口中仍十分有爽脆和有水份，渣

小朋友的其一最愛食物便是日式拉麵。是日他又點名要吃，小弟自然會儘量滿足他所求的....太太工作的地方就在附近。自從搬竇以後是有更多機會過來太子這一地段搵嘢食，而且在可見的將來內都是這樣....在這一帶有甚麼店子可以有日式拉麵提供呢 ? 在花園街內的這間"峰"便可以有得點了....天氣大熱，要我吃一碗連熱湯的麵自然是遭老罪的。故此來一碟中華冷麵，似乎是唯一的出路....愛湯拉麵的小友，一碗最基本最原始的叉燒拉麵已可滿足到他。這裡的湯底亦是最常見的用豚骨熬的，味道算是夠濃甜。小友一喝便無法制止，但多飲始終對他沒大益處，到了某一程度便要叫他暫停....叉燒雖切得不太厚身少了點咬頭但勝在肥瘦均勻，識貨的小友自然對之愛不釋囗；麵條是正正常常的呈微鬈曲的掛湯力一般；除了主角叉燒之外還有不少其他菜蔬如粟米、筍、甜豆及紫菜哥，也算豐富....姍姍來遲的太太匆匆忙忙的趕來，當然沒有細暇去想要叫甚麼。隨囗便叫了一碗甚麼味蛋拉麵。湯底、麵條和配菜都和前述的叉燒拉麵一模一樣，唯一的不同是這麵內的那只蛋是有用煙燻過而蛋黃也是有醃味的；另外肉方面它是呈粒狀的，和一片片的叉燒是大不相同.....整體而言味道也是還不

可能時間早的關係，太子花園街食的人未算多，所以有很多位，6：30進入峰的日本拉麵店，店員第一時間告訴此店限時1小時半，原來花園街而家旺到咁。OK就試吓此店拉麵，味道還可以，但沒怎麼特別，魚生都OK。反而最欣賞是小食，一碟芝士飯焦餅及清酒煮蜆烹調得很不錯，餅焦不太乾又有點醬油及芝士，基本上已不錯，我還假想如飯焦可以飄出米飯香我要再來一碟打包走😋；而清酒煮蜆好味在主要蛽肥味新鮮，清酒味及清湯調配得很好味，值得一食再食。

首先呢3個菜不太欣賞壽司個樣無光澤，乾乾咁，好普通雜菜鍋最好係d薯粉豆腐扒，無mug特別，而且上碟水汪汪次後講正既部分｀還記得櫻花正開 還未懂跟你示愛日本既櫻花開得如火如荼，我怎能在香港先趁趁墟，相約一班老友鬼鬼sakura一番，下個月再親身到大阪玩轉。今次book左八位，安排坐o係較有私人空間既卡位，傾大聲小小都唔怕人地聽到我地既秘密。薯絲沙律薯仔絲堆到滿滿上碟，視覺效果震撼，食落好脆，夾埋d菜同帶芝麻醬汁既沙律菜很配合，感覺一d都唔油膩，反而胃口大開一口蕃薯個牛油著住火架，好kawaii....蕃薯好清甜，個牛油就咸咸地，兩者在口中混和既感覺可為天衣無縫。芝士飯餅係芝士味重既旺旺飯焦，正燒魷魚筒燒得恰到好處，唔老唔un燒汁唔會遮左本身魷魚既鮮味櫻花蝦鳥冬係一個熱盤黎既，店員叫我地快d趁熱食否則痴埋一起我地就唔客氣，一人一撮，速速清左。d櫻花蝦乾脆脆，而且一堆灑在熱熱既稻座烏冬上，迎著鼻黎既係蝦既香氣，烏冬入口感彈牙滑。屬櫻花季節必點既菜。魚生拼盤鮮、甜

今晚同爸爸去食峰呢間日本野，幾次嘅水準都一樣keep住，環境乾淨，係值得再去嘅餐廳。😙個人黎講我好中意南瓜，而呢碟煎南瓜無咩特別，屋企都整到，不過不失。🙎唔太中意食蠔嘅我都比呢個吸引到！上面果層鹹鹹甜甜嘅味噌醬好濃好香，但同時唔會遮左蠔嘅味而互相襯托，好味到連汁都舔埋😛。好似我呢啲芝士愛好者一定唔可以錯過嘅芝士薯波！外層香脆，內裡係熱騰騰、融入左芝士嘅薯蓉，足以拉出一縷縷芝士絲。淋上適當份量嘅甜醬、沙津醬，再灑上芝士粉同木魚絲，滋味溶入心扉。😌👍牛舌係一樣偉大發明，加上烘過嘅芥末，本身刻骨銘心嘅攻鼻消失左，淨返清清淡淡嘅芥末味，我先知芥末係禁香口！呢個青芥牛舌好值得試！😋雞翼嘅做法多不勝數，點整亦都好食，而呢款就好少見。塗上醬油嘅表皮烘得微燶，香甜味更突出，加上檸檬點綴，但非常清新嘅味覺享受！☺️最後叫左個煎鵝肝蛋飯，無咩特別，只係將太陽蛋、鵝肝同飯放埋一齊😅。  整體我都好滿意，大家可以一試💁。

星期日午飯時間，路過依間鋪頭，見環境唔錯，就決定試下。叫左兩個烏冬，一個是稻庭烏冬，一個是普通烏冬辛口鍋仔黑豚肉稻庭烏冬: D湯有少少辣(如果鍾意食辣，根本稱唔上辣)，比另一個烏冬湯底濃。味道OK啊，但唔知點解湯碗入面有菜，仲要另外有分開的菜，有少少奇怪。鍋仔烏冬: 個湯比較清，但勝在多料，有炸蝦，有蛋......中規中炬，不過不失

星期六到花墟買花，好彩揾到車位順帶食埋晚飯，揀左成條街最四正呢間峰曰本餐廳，估唔到有莫大驚善，店小但舒適，等左ニ＋分鐘，算快，後面源源不絕有人登記，雖然Ｘ枱紙寫明逢週三、六築地返貨，放棄食魚生轉攻串燒。燒牛脷，本人至愛，有水準，四塊其中一塊厚切非常美味，其他稍嫌薄左Ｄ。燒豬頸，燒得恰到好處，豬肉味濃。牛肋肉，一個字，正。燒雞串選了山葵及梅，都係精采之作。是日厨師推介，紅酒雞肝，下酒良伴超超好味，雞肝剛熟又甜又滑。清酒煑蜆，鮮、甜、肥美，老公同仔不停用蜆殼畢湯底飲。亞仔鍾情豬骨湯拉麪，要左個海鮮拉麫，配料丰富，虾X2，大蜆X4, 蟹肉及菜，全部包括湯通通報銷亞仔個胃。填肚叫左個梅茶漬，比以前食嘅呢個綠茶湯底係超水準之作。老公話柚子雪葩好好味但真係食唔落，最大驚喜，價錢相當合理，一定会再黎過。

又係食生日飯呀！是晚到朋友太子屋企附近既峰。初時以為係連鎖餐廳，原來只是名有相同。朋友先到兼入座了，我到達餐廳時見尚有吉枱，可能係星期一吧！看了一下餐牌，都有相當多既選擇啊！我地點左1. 八爪魚醋物- 很不錯既前菜，夠凍但稍為過酸，除有八爪魚片，還有海帶及青瓜，好開胃！2. 燒牛肋肉- 樣靚但燒得過火了，頗韌！3. 燒免治雞肉串- 好味但正常既標準！4. 鹽燒五花腩- 至愛五花腩，夠香口又唔覺肥！5. 櫻花蝦稻庭烏冬- 還以為係冷烏冬，上桌見佢冒煙才知係熱食，味道有點像吃蝦子撈麵，都ok既！(但是晚本想吃冷烏冬嘛！)6. 芝士飯餅- 出奇地好味，夠芝士味飯餅又香脆，正！7. 菠蘿雪芭- 好Fresh 既生果雪芭，有果肉，好想 encore!!!8. 綠茶雪糕- 奶味重過茶味，不過夠滑，都好味既！整體味道很不錯，下次會再來試其他食物及蘋果雪芭！

六點半去到，冇咩人唔洗等位。諗住試下，點知做真係好失望，有點被的感覺。叫咗五樣嘢，唔係特別快。冇鰻魚飯但有鰻魚蛋飯，價錢一樣，都試下啦。最火就係埋單嗰時，埋單同我講鰻魚飯加咗價但未改MENU，但一開始落單又唔講加咗價，有被騙的感覺。

蚧籽沙律等左20分鐘有多唔追唔出,其他飯,火鍋都出左....最激氣係個湯烏冬.30分鐘都出唔到.其他客人遲來遲叫都有得食.問D侍應就話同我追追幾次都係話等等就出.問佢幾耐都係話就出.等左40分鐘一話唔要.就立刻拿出來.叫佢找經理就話冇經理.比錢走人就有個白色上衣的人行出來.話佢自己係負責人同佢講佢就咁樣一定唔會再去食囉

尋日準時放工, 同朋友去到都係6:10pm, 唔駛等位~不過有限時1.5小時用餐我們叫左相同的拉麵, 個名唔記得!不過o係拉麵個頁, 寫住"必食" 見到碗拉麵, 個碗大大地都幾豐富!食落d麵質真係正! 好彈牙 < 呢點值得highlight湯底okay!另外叫左碟菇同雞翼, 雖然份量唔多, 但係都好野味!賣單$190