峰 (已結業)

我很喜歡行花墟，每次看到色彩繽紛的花朵時心中會有一種喜悦！在花墟附近有很多食市，選擇很多，今天選擇了這店，門口裝修得不錯，很地道的日本小店格局，午餐時段沒有套餐供應，可能是星期日的關係，因為我記得早幾天行過是看到的。看完菜牌叫了吞拿魚刺身及鰻魚飯，等了十多分鐘終於來了，這裡冷氣太凍！等十多分鐘也覺漫長吞拿魚刺身一般，跟一般的連鎖店式沒兩樣！很久沒有食鰻魚飯了，這個賣相也不錯，除了鰻魚外還加了蛋絲，蛋絲味道比較淡，勝在切得大條，但是主角鰻魚實在太差勁！超腥無比！由於我太餓及不想浪費食物，辛苦地食了半碗，結賬時忍不住告訴店員這是我食過最難食的鰻魚飯！

又到左我地每個禮拜一次o既太子 lunch time 媽媽星期五晚己經打黎話今日係要黎食 " 峰 "我以為係講緊連鎖o個間 " 峰壽司 " 其實佢同同事星期五 lunch 先食完 , 覺得唔錯極力推介炸薯絲沙律 , 話要星期六就帶我去食喎黎到時都有唔少人等緊位 , 睇一睇 menu , 呢度主打係食日式端爐燒 , 拉面 , 小食等另外仲有香港較少地方有得食o既茶漬飯 , 果然同我諗o個間截然不同, 唔係重點食壽司o既1. 炸薯絲沙律~ 賣相好靚 , 炸薯絲好幼 , 疊得高高的 , 下層配料排得整齊有露荀 , 蕃茄 , 紫椰菜 , 羅馬生菜 , 色彩分明 , 沙律汁偏咸 , 無由頭淋落去 , 保持薯絲o既香脆 , 但就令到浸o係底o既菜蔬太過濃味 , 又酸又咸蕃茄爽甜肥腴 , d 菜都好爽脆 , 但露筍就有少少苦澀2. 黑豚露荀卷/ 黑豚荔枝卷~ 露荀卷無乜特別 , 都係覺得有少少苦 , 豚肉燒得幾香~ 荔枝卷好好食 , 估唔到味道可以咁夾 , 黑豚包圍住粒荔枝可以封住荔枝o既肉汁 , 燒o既時候荔枝o既清香味又滲入豚肉唔需要點任何汁醬 , 一口成粒食落去就會滿口鮮荔枝汁 , 正 !!3

之前嚟食主打都係拉麵同串燒，事隔大半年竟然多咗好多嘢食，又壽司刺身，煱物等等，食客都好似多過以前，不過D人手就好唔夠，落得單嚟又執唔到枱，上菜得嚟又埋唔到單，呢方面要改善吓。裝修同一般日本料理店無咩分別，不過門口出面有部飲品自助售賣機，多咗份日本街頭嘅感覺。其實有好幾款拉麵，但睇嚟睇去都係叫峰拉麵: : 有帶子, 蟹肉棒, 叉燒等材料豐富，湯底味道無以前咁濃，不過都算OK，因為唔太油，麵就普通咗D，好似超級市場都有的買果種。芝士什箘春卷: 之前未食過呢個配搭，感覺新鮮，春卷皮唔厚，好香胞，D餡又唔會太多太少剛剛好，活赤貝刺身: 3小片，唔太鮮甜，賣相又唔得三文魚沙律: 超級普通，三文魚又少

午餐：串燒定食加桂花蜜，主餐牌上主打菜是串燒及麵食，所以試試。門面：清潔、易認。環境：清潔、整齊、舒服，冷氣太凍，後來侍應開細了。服務：週到、有禮、細心，個人意見：待應可以減一至兩個，熟手三個已夠。時間：等食大約十分鐘，食物一次上，如果先上沙律和湯，客人不會覺得久等，又可以先吃一部份食物，返枱次數便多。價錢：午餐四十元左右，算合理。串燒正價平均二十多元，以這質素便太貴。飲品：桂花蜜桂花味剛好，蜜糖太少。食物：沙律- 汁太少，吃時有一半生菜沒有汁。味道普通。 麵鼓湯- 味道普通，昆布多。 飯- 可以接受。 帶子、八爪魚串燒- 沒味道，給這個價錢便給這種成本的貨。燒汁太稀，食物沾不到，原本無味的食物更加不夠調味。 牛油粟米- 味道不錯，可惜冷了，如果每道菜分開上，便不會有這個發生。 鮮冬菇- 無剪脚，有沙，應該無洗。 碎雞肉串- 調味可以，燒焦了一點點，有少少苦味。奇怪雞肉裏混合雞軟骨。廁所：清潔、有皂液、抹手紙。廚房：清潔、整齊，砧板位啤水流到滿地水，非常危險。評語：管理不錯，如果食物水準高點，這個價錢算合理。

聽同事們這間說"汁燒牛肉定食"都算唔錯, 係個飯"淋"左d, 所以今天Lunch就去試吓,汁燒牛肉,日式沙律和粟米都ok, 幾好食, 唯一要改善的地方, 就是"飯"從沒有想過, 珍珠米, 可以煮到一"Pat Pat", 所以叫左待應拎d豉油俾我, 諗住多d汁, 會易d入口, 個待應仲好好咁, 問我要唔要"燒汁", 但加了"燒汁"但個飯依舊難食, 最後, 請不要怪我浪費, 因為我唔係咁食d 一"Pat Pat"慨飯, 整個飯沒有食, 只吃了餸便算了.另外個同事就用d餸, 包住d飯食, 佢話咁樣易入口啲喎.我想像唔到, 如果個飯爛成咁, 佢點做壽司?希望佢地改善吓咧~雖然公司係附近, 但...短期內, 我唔會選擇再食囉!

今日本來想去那個米芝連一星食店一點心食野，可是人山人海，即使是一個人也要等數張枱，在有限的午膳時間之下，唯有轉移開餐地點了，米芝蓮星級食店真的威力無窮，很多人都被吸引到來光顧，希望質素不會因為人多光顧而下降啦。一點心附近其實都有很多餐廳，今次到了一間叫峰的日本餐廳，食的是爐端燒，主要是串燒另外加一些拉麵和丼之類，午餐大約四五十蚊，而串燒大約十多二十元，在旺角來說不算太平，這次要燒牛肉飯，其實是燒栗米加牛肉和珍珠米白飯，牛肉和栗米都燒得好，不會燶又軟滑，而且個燒汁幾配合味道唔錯，比較欣賞的是那一碗日式沙律味道都不錯，環境是一般的日式裝修，服務算是有禮貌，有入店到離開都會歡迎前歡迎後，總括是可以一試的餐館。http://icuteee.mysinablog.com/index.php?op=ViewArticle&articleId=2747349

去花墟前吃中午飯，看見門面幽雅，於是入內。地方細細，環境清靜，没有空枱，我們被安排坐bar枱。3人要了3個定食，分別是滑蛋豬扒飯、咖哩雞扒飯和天婦羅飯，各有湯、菜沙律和汽水跟。豬扒下有洋蔥炒滑蛋，但滑蛋不夠多，豬扒很淋，味不錯。雞扒亦很淋，日式咖哩只有味，不香不辣。最後到來的是天婦羅飯，最後到的最好味，有2隻爽身香脆的中蝦，還有冬菇、青椒、南瓜和茄瓜。除中蝦外，青椒厚身，咬落滿口青椒清甜味。味噌湯鹹味適中。飯較削身，本身是日本米，水份應減少。套餐有汽水，加 $3分別換荔枝凍茶、桂花凍茶和龍眼凍茶，全部都很清淡。附近有很多食肆，以中午時段來說，這間食客算人多。

星期六晚約fds食飯，6點去到，全場無人，我地係第一台。原本諗住呢度會靜d同可以坐耐d。但結果唔係囉，可能我地叫好少野食，坐jor 1 hr之後，侍應就問我地d野黎齊未，問仲有無野加，如果無野加，就俾個9折我地，想我地埋單走人。我地都通氣，算數，埋單走人，去第二度再食過。我地叫jor 一個天婦羅烏冬同雜錦拉面，再加個炸雞軟骨。炸雞軟骨份量偏少，不過炸得幾香脆唔太油膩。天婦羅烏冬，烏冬唔錯，好彈牙。湯底就好遜色，無特別，係味粉湯。天婦羅炸得幾油，幸好脆漿不厚，但隻蝦已經係"o拿"到無晒味。雜錦拉面ge拉面唔彈牙，偏淋，無鹼水。湯底較烏冬ge好，比較濃味。料有半熟蛋、蟹柳、帶子、荀乾、豚肉，算多料，不錯。食物款式好少，飯只得三款，烏冬同拉麵就多d。最衰唔可以坐得耐，同其他

上次食過覺得都幾好食,所以決定食多次今次一行6人...星期6都係book"木台"穩陣d點知去到都要等多20mins叫左味噌燒蠔,燒牛舌,鍋仔烏冬,牛肉飯,味噌燒飯團,三文魚燒飯團,芝士飯餅,油甘魚鮫,炸立魚,菠蘿/巨峰/蜜桃乳酸soda味噌燒蠔-真係必食味噌燒飯團,三文魚燒飯團,芝士飯餅-就真係唔好試啦油甘魚鮫-好重魚油味,好正soda都好好飲,不過什果味就唔好試啦不過sevice就唔係幾好啦..係咁收我地d野..問你地仲有無野未黎..問左起碼5次以上..係咁吹你走好討厭

感覺良好的門面, 高高的樓底, 乾淨的環境, 店的硬件是不錯. 致於食物, 也不失色, 款式多, 價錢不貴, 點了:蒜頭漬 - 爽口, 味道咸, 不錯 溏心蛋 - 入口蛋黃纏舌, 蛋白爽口, 好 燒蠔 - 身型ok, 陪焗的味噌汁甜甜的, 跟蠔也襯, good 燒花魚- 有細骨, 看上去乾硬, 吃下倒是嫩, 細肉, 味咸, 少似有汁的魚乾 燒物 - 五花腩, 肥的部份入口汁濺, 瘦的部份可接受; 雞翼正常; 梅子雞肉, 梅子幾好雞麻麻湯烏冬 - 湯甜, 個人麻麻, 烏冬普通 總括食物算是幾好, 兩人或朋友聚會皆可的小店.

幾好食...d牛肉好薄..感覺好軟棉棉...個湯都夠濃...正~不過個麵就有少少淋...d waitress 態度nice...

最近在太子找到了一間日本料理店 - 峰 (太子花園街217號地下)，味道不錯，值得推介。以小小的日本料理店來說，這裡食物的種類比想像中多，真的估不到有お茶付け (茶漬飯) &焼おにぎり(燒飯團)。在HK很小地方可以吃到，但我本人很喜歡食這兩款日本料理。今次試了明太子燒飯團，不過不便宜呢，一個要$38，幸好味道不錯，下次一定要試茶漬飯。要推介的就是味噌燒蠔，很好味！一定要試！另外要了個九洲拉麵/ 清酒煮蜆/ 雜錦Tempura/ 燒雞翼 & 雞軟骨串燒。拉麵 & 串燒不過不失。雜錦Tempura的炸蝦可叫做真材實料，不會只食到炸粉。而清酒煮蜆略嫌salty了一點。總括來說，味道是很不錯，2個人吃了大約HKD150-200，是食普通日本料理的價錢，但這裡比很多日本料理店出色，有機會會再來食。

補寫聖誕節食評~0個日同老公仔行街, 老公仔突然想食拉面, 但又唔想去味千 (因為d湯底好味精), 跟住就週圍行下睇下, 行到去花園街0個邊, 見到有間新開0既日本嘢, 又行到好累, 所以諗都唔諗就入左去可能新開0既關係, 成日舖連埋我地得3枱人 (其中一枱就一個人, 第二枱就10幾個人0既家庭聚會), 我地嗌左一個九洲拉面, 一個叉燒拉面, 兩串燒雞翼同一串牛舌個拉面唔錯, 個湯底唔會話飲完好口渴要即刻飲水, 我係面連湯成碗清晒至於個雞翼就普普通通, 反而牛舌好正, 不過一串都差唔多成30蚊, 雖然係聖誕節啫, 但係都唔想老公仔荷包咁傷埋單200幾蚊, 都算中間價錢

行過見到佢有日本自動販賣機响門口有罐裝湯賣, 好凍呀, 3個都見餓, 入去食埋晚反先~佢地話開左冇耐, 位唔多, 而且坐得好舒服~ 新開好門面好乾淨~日式串燒好多野揀, 先叫左....牛舌, 中翼, 豚頸肉, 雞串, 羊架, 鵝肝......等牛舌/豚頸肉都好爽, 冇雪櫃味, 正 羊架剛熟, 4眼師傅你真好野中翼夠乾身, good~之後叫了3個拉面, 1個野菜salad, 1個凍番茄, 1個芝士米脆暫時得豬骨湯底, 日式叉燒有4mm厚, 好有味,又唔散, 正~豬軟骨得一件, 不過大件過我隻電腦mouse, 又係好入味~ d湯好似奶好滑, 唔似出面d"XX拉面", 飲多兩口都唔口渴! salad同番茄新鮮, but個汁無乜特別3人每人$110埋單, 唔貴~ ( + $13 x 3罐日本即飲湯, 飽到嘔....)