峰壽司 (已結業)

晚上7點多, 排隊等位等左20分鐘, 佢地位好少, 因為是開設於美食廣場內的關係, 唔知有無廿幾個呢?!佢地點維本呀!講番食物, 好精美, 幾大件, 唔貴. 新鮮.我食左北海盛, $35 有三件. 又食左手卷, 三文魚等壽司. 因為我地都唔肚餓, 只係口痕想食下峰壽司, 所以好失禮, 食左好少野就走. 三個手卷, 三碟三文魚, 二個一碟有三件的壽司. 食了一百五十幾蚊.下次去要試下:$25 /2件的峰鰻魚壽司.$35 一件的唔知乜野巨型三文魚壽司(好長好長架)$15 的6 粒小卷$9 味增湯byebye

友人因為男友討厭日本菜及自己深居簡出既關係, 居然對未探訪過近期再興起既各大迴轉壽司. 本人向來都係板前同埋一壽司既big fans, 不過因為沙田無呢兩間, 行過西田又見到咁多人排隊, 所以都專登排隊去試...7點幾到, 排左個幾鐘先有得食. 呢間舖頭店員充足, 而且個個都快手快腳, 只不過因為場地有限所以輪候時間先會要咁耐......唔知係唔係我既主觀問題, 我一打開餐牌我就覺得可選擇既野食就唔多... 不過之前企係到等位既時候見d人order左d野好似幾好味就試下. 確實個軟殼蟹手卷係幾好味喎. 佢有一set 3 件既火燒壽司都好食. 不過個火燒特大海鰻既鰻魚同板前&一壽司比既話個size又細左好多喎! 食左個炸墨魚咀, 超~~~~~~ 唔得囉, 炸到過晒放落口都唔知自己係到食緊乜野. 同d呢間d師夫可能功夫未到家... d飯經常散既, 食到我走既時候集豉油碟全部都係飯. 係我最後既定論係:板長>板前>一壽司>峰壽司>元氣

在銅鑼灣有食過，不錯，就推薦我母親大人試試啦。坐低開始加茶包及水，dee茶冇味，連母親大人都啖出來。再黎dee wasabi冇味，母親大人又都啖出來。壽司飯好多醋，都好鬼酸呀! dee魚生剛從雪櫃攞出來，冰的。峰蝦壽司都係冇味。好失望呵!母親大人話壽司店的好食喎，搞到我下次要儲定多dee錢才可帶佢食好野。唉!!!

之前都係去銅鑼灣白沙道果間, 星期六路經, 原本諗住去"元氣", 但竟然眼前出現至愛的"峰", 便毫不考慮便衝左入去, 點知...入去時十一時半左右, 但係d壽司好似唔多夠新鮮咁, 連招牌峰蝦壽司都係咁轉係咁轉, 唔夠鮮甜; 個海膽壽司又有d"聲"; 個咩蝦卷隻蝦同個d相的size原全差成個碼... 唉~~ 最保持水準係果個九蚊的三文魚壽司.早知行多兩步去元氣.

其實未有沙田分店之前已經想試,不過一直沒有機會與伴。是次見下午茶時段不太餓加上不太多人排隊,便來試試。很快便有位。甚少食迴轉壽司,也不習慣此方式。輸送帶上的壽司不多,不過一樣會吸引人去拿,心思思想食多碟。不知不覺兩人食了七碟:三文魚壽司($9)x3:三文魚壽司是輸送帶的常客。蔥花、洋蔥絲鋪在三文魚上,三文魚新鮮,砌得薄長,不夠肥美,不過呀媽覺得好食,從輸送帶上拿完一碟又一碟。飛魚子壽司($12):寫單點的,即叫即製,紫菜脆口,飛魚子新鮮。醋鯖魚壽司($12):都是寫單點的,同樣即叫即製,不過這碟就麻麻,飯一夾即散,有一件的醋鯖魚都是散了,味道酸酸,鯖魚ok的峰蝦壽司($20):後來才在輸送帶上見到。蝦新鮮爽甜。火炙盛($25):共三件,火炙三文魚、火炙帶子、火炙鰻魚。火炙三文魚,半生熟,面熟底生,一般,油香欠奉。火炙帶子,帶子肥美帶鮮味,也帶火燒香味。火炙鰻魚,鰻魚表面燶了些,帶火燒香味,食落幾香口入味,稍嫌蒲燒汁不夠多。望著輸送帶,又望到頭暈眼花。剛來時輸送帶上的壽司不多,但反而後來人客少了,輸送帶上的多了不同種類的壽司。食畢,由頭暈眼花變成睡意。相比樓下的元氣,個人認為食味、新鮮度

落左堂即興地出沙田行街食飯,大家又想食壽司,當然去峰壽司啦!2個人食左..軟殼蟹手卷x2三文魚壽司x3火炙三文魚壽司x1吞拿魚沙律壽司x1炸蝦(3隻)x1炸八爪魚x1蟹棒壽司x1最好味係炸蝦,次次食都新鮮熱辣,蝦爽口,外層極脆,不過要小心d食,如果唔係會燙親個咀!軟殼蟹手卷好似冇之前咁好,一咬落去感覺太油,隻蟹都不算好脆,有點遜色,三文魚壽司味道普通,不算很肥美,火炙三文魚壽司我一直覺得板前比峰做得好好多,板前果d入口即溶,成口魚油好滿足,但峰做唔到,吞拿魚沙律壽司既紫菜好脆!!正呀!!炸八爪魚普通,唔推介!蟹棒壽司大大件,甜得黎又幾有蟹的鮮味,令我呢個唔鍾意食蟹柳既人都主動拎黎食!總括而言,好味!但唔算好好味!

雖然天氣依然好凍,但係峰壽司入面依舊鬼死咁熱。塊面熱到紅哂,跟住食到流哂汁添。兩個人食左十二碟壽司,因為太熱喇。都係水準之作。食左三文魚、油甘魚、炙燒三文魚腩、炙燒物(帶子、鰻魚,有三樣O野,不過唔記得)。軼殼蟹手卷。值得一提嘅係條壽司帶轉O黎轉去都係三文魚、蟹柳、蛋........要食其他O野就要自己寫紙。啲鼓油應該好多味精,食完要飲好多水。

之前新開時來過一次，那時因為尚沒有太多人知道，約只需等三十分鐘就得了。前天再到這裡，已經是六時十五分去到，條龍看落去不太長，但是想不到到頭來要七時四十五分才到我們，足足等了個半小時，超耐。始終座位少是一大問題。食物便宜，質素滿意。

2月14日，等了一個半小時的晚餐。吃的食物和前幾次的都差不多，只想說說這次新嚐的幾味。鹽海螺︰很爽口呢﹗加上鹽就是絕配。池魚︰魚味不重，味道很淡，覺得一般而已。甜蝦︰明明照片上是很肥美的，不過實物卻差多了，而且肉質也比較腍，不大新鮮吧。其餘的也不過不失，也許昨晚太多人吧，師傅們都應接不暇。身處food court之中，到處都人聲鼎沸，環境而言，是一點也不浪漫。可是，在這天能與另一半度過，又夫復何求？

我o地坐food court 位, 買o左兩盒壽司外賣,我倆都大讚帶子壽司又鮮甜又大件,魷魚都好新鮮, 唔會有黏口o既感覺,三文魚同蟹棒都有一貫水準, 唔錯唔錯!

午餐無時間,近近地去市中心吃算了.十二點無太多人,等一陣便有位.今天上菜幾快!芝士波原來幾好味!

我已經黎過呢間餐廳3次.. 3次都食得好高興同好滿足! 我覺得呢間餐廳唔算貴,價錢都幾平均...而食物既質素亦有返咁上吓!!! 我最鐘意食既係香蔥碎吞拿魚同佢D炸蝦壽司..真係好好味嫁!! 同我覺得唔坐迥轉位仲好..坐佢個D普通位可以即叫即整咁..感覺上好似新鮮D...食壽司就最緊要衛生同新鮮..佢D款都OK多選擇..壽司都幾有水準同都幾新鮮..非常值得一試..P.S. 我鐘意食蔥..所以我好鐘意佢D有蔥既三文魚壽司..如果你地唔鐘意食蔥,可以叫佢地唔好落嫁麻!!但真係登你地D唔鐘意食蔥既人唔低...有蔥既三文魚壽司真係好好好好..味嫁!!!! 呢間都可算是我最喜歡既壽司店啦!!!

最喜歡火炙列同埋手卷, 軟殼蟹手卷好新鮮! 迫左少少啦!

第一次食峰壽司,可能呢間比較細,下午六點已經出現人龍。好在同家姐冇唸住一定要坐迴轉壽司枱,如果唔係真係有排等。total食左十二碟壽司咋。因為啲鼓油實在太喊！返到屋企仲要飲多兩大杯水！！！！！啲壽司都不過不失啦，三文魚手卷塊紫菜係脆嘅，唔似得元氣咁「淋」哂！！！！芥辣三文魚都好新鮮、三文魚籽都好鮮味、帶子、響螺都好爽口。但係熟帶子就有啲失望，雖然係熟啫都唔係凍冰冰比我食吓嘩！！！不過舊帶子就超大。仲有墨魚天婦羅居然下面有飯嘅？都係第一次食。特大炸生蠔都唔係特大，不過真係一啲都唔ｕｎ，熱辣辣，但係要小心會整親個咀。侍應都好多，唔駛叫就自動幫你斟茶。啲食物都ｏ黎得好快。

聖誕節,選擇左呢度食個下午茶,因為上一次晚上十點剛好last order左,依個時間又唔使排隊.坐低第一眼見到的,是迴轉帶上的壽司沒有蓋好的,一向十分講究衛生的我,立刻呆了...算吧!反正落order會即時整,不會太離譜.朋友告訴我吞拿魚好抵食,都order左一客,都幾新鮮,不過d飯由於係手握的,大大小小差好遠,仲有,一夾就散!失敗!成個豉油碟都係飯lu...我諗d師傅手藝未到家呢~~其他order左油甘魚,醋鯖魚,wasabi八爪魚...都好一般,食完發覺仲有個穴子壽司未到,waitress再落order,等等等...點知再黎的,都係先前食過的壽司u_u" service...唔得等的期間,見到d師傅整壽司,有d不敢恭維,我諗我仲卷得好過佢,邊有人會將d野求其放晒入張竹度,塞番個型出黎>.< 又張d魚生嗱來嗱去...