峰壽司 (已結業)

上次食都成兩個月都有了.沙田區食壽司冇乜選擇, 但好采質素都不差!因為女友已冇再陪我食晏, 所以午餐食壽司也少了.今日有兩朋友又想出來三期食, 所以便上了來.1點來到, 不用等, 正呀.回想一年前係要排晒隊, 已好了好多!.希望不是食物質素下降吧...今期特賣的有辣吞那卷; 仲有"蠔情卷", 嘩, 聽落好像豪情夜生活果種豪情, 好順耳, 襯豬豬女友不在, 也偷偷叫了!另外叫了沙咀天婦羅, 帶子壽司等.一友人看看menu, 然後扁晒咀, 原來她不食生野的, 本來她是想叫烏冬或冷麵, 但這裡都冇~ 辣吞那卷其實都不辣, 好少辣. 可能係塊瓜太大, 又脆, 味道蓋過辣味吧, 但大家都好喜歡.沙咀天婦羅係剛整起的, 勁熱勁脆, 一流!帶子壽司自己一個食, 冇心肝豬在身邊, 味道硬係差少少... 蠔情卷漏左單, 朋友又嚷著要走, 冇得豪情夜生活...(女友實話邪不能勝正~~~!!!!)2人食了6碟剛好100蚊. 其實, 雖有兩友人陪, 始終冇女友在身邊係第一次來這間食壽司呢.下次再帶她回來搏殺啦!

火灸盛 $25 - 三種壽司也燒得不錯, 醬汁也幾惹味三文魚壽司 $12 - 完全沒有脂肪也算了吧..竟然連三文魚的味也沒有! 還附上怪怪的蔥在上面...吃了兩碟已沒有心情吃下去...於是埋單走了...

2/10(四) 7:30pm再一次喫"峰",說是"再",畢竟堂食屬首回.位於沙田新城市的"峰"人氣度不及其他分店,相對地候座的時間也較為短.是次以三文魚$9,厚燒玉子$12,醋鯖魚$12,池魚$12,鉢目魚腩$15,鹽海螺$15,軟殼蟹手卷$20,海膽$25及三文魚麵豉湯$15作試金石.強力推介軟殼蟹手卷,將仍冒煙的軟殼蟹手卷噬一大口,肉汁滿澎湃的!三文魚麵豉湯也是另一良品.另方面,乏善可陳之作也有若干;厚燒玉子水準依然不太樂觀,鉢目魚腩色如鯛魚,味似吞拿魚,味道踏實.此外,海膽呈啞色,其鮮度是可預料的.如無意外,該會是"峰壽司"的過客,而非常客...

久聞峰壽司大名, 今日放工後經過見唔使排隊就試下啦因為要返屋企食飯, 只係叫左3碟sushi:1. 帶子唔係幾新鮮, 食落有少少腥 2. 三文魚唔知點解跟onion上, 三文魚味道比起Taste o既仲要差...3. 峰蝦本身幾大期望, 點知食落係冇味 冇下次啦, 呢個價錢絕對唔值

之前食過銅鑼灣個間覺得好食所以試下沙田黎間，但係有D失望囉！味道就差唔多，但係size就相差一半，碟刺身size簡直不可想像，好似俾人食左一半咁，又薄，攞起透光架；仲有，當你坐係bar枱位抬頭一望，個招牌邊都係厚厚嘅塵，真係好影響食慾。

尋日等左半個鐘就有得坐低喇!第一次食峰壽司餐板上ge價錢好似平過其他壽司店wor~食左三文魚,魷魚,芥辣八爪魚, 帶子,海鰻,三点(鰻魚,三文, 帶子),甜蝦,赤貝,北寄貝salad, 蝦卷 除左三文之外,樣樣都好好食因為唔知why d三文就完全冇脂肪=.=變左一個瘦肉咁......一d紋都冇....其他樣樣都好好食!!!絕對有下次~~~~~~~~~~澈讚ge野就係~落單冇漏,d野好快!!!

冇來幾星期了本想食第二d 野, 但心血來潮, 上來三樓, 看看爆唔爆.又馬上有位播...今期有特別野, 要了旬三昧, 即: 鰹魚,希靈魚,天使蝦仲有 辣味吞拿魚卷. 其他都是一般的軟殼蟹手卷, 沙咀天婦羅壽司, 費城卷, 海膽等.軟殼蟹手卷好新鮮, 仍脆的, 不油.沙咀天婦羅壽司也是, 有水準.海膽新鮮, 冇溶到, 正!辣味吞拿魚卷ok, 不太辣, 其實. 好像落了些少 tabasco 咁囉旬三昧反而一般, 鰹魚唔新鮮. 已不是紅色, 啡左...herring 也是.為何天使蝦壽司, 有個橙色, 熟左的蝦頭既...

之前曾經o係到買過外賣食..覺得好難食但我認為係外賣o既問題加上網上食評寫得峰壽司很好很好我今日終於試左堂食啦同我想像中差好遠三文魚的飯很熱而面頭的蔥令到舊魚ge味好怪....我已經整走哂d蔥先食ga啦,但都覺得唔掂可能係我問題啦...我唔食蔥的吞拿魚盛3件入面只得大拖羅係好正好肥其他兩件無麥特別朋友叫了火灸盛 佢話好正wor!唔敢再食落去啦好失望真係...d豉油都好難食希望愈大失望愈大><!

星期六lunch排o左15mins到就有位~~~即刻點單~~~好多壽司想食...結果叫得太多~味道....一dd好味~~~有D就麻麻~~~~不過整體算唔錯啦~~但唔係咁好坐呢~

前兩天,峰壽司的食品被評為擦膠因此今天跟mama去一次.我們點了7碟壽司,其中包括:1.蟹棒壽司:面上的醬汁與壽司很夾,好味道2.花旗之xxx:可能是因下午茶時間,中間的蝦是新鮮炸的.眼見師傅熟練的手勢,不一會兒就做出美麗的加洲卷.入口時炸蝦仍是微暖的,涼涼的醬汁跟它形成了對比,還有彩色脆脆在上面,必吃啊!有空要再去呢~

晚餐時間, 等了廿分鐘位左右吧。可choose 坐壽司bar，但要人齊先可以入座既.好好食既有芥末octopus, 玉子, 火炙帶子 and 火炙鰻魚!!! 天婦羅手卷就oily左少少, 但都ok既.蟹棒有普通version 同火炙蟹棒，都很好吃, 但要oder就要特別叫, 因為餐牌上冇既.....價錢ok, 唔貴。服務很好, 人都很sincere同有禮!

公眾假期前一天，和babe來吃晚餐。大約等了半小時，聊聊天還可以吧。幸好安排坐壽司bar，order檯那些摺椅有點太可憐了，而且就像在吵吵鬧鬧的路旁吃壽司一樣，也太辛苦了吧?點了三文魚、火炙三文魚x帶子x鰻魚、帶子、天婦羅蝦卷、加州卷、蔥粒吞拿卷物、蟹棒等，都很鮮美，價錢又十分okay。驚喜是峰玉子，厚切的口感豐富，蛋味十足，還有微微暖意，中間夾一點飯，很喜歡!服務不錯，侍應都有禮又主動。

之前向旺角分店食過一次都覺得好正，呀媽睇見我影嘅相都流晒口水話想試下。17/5星期六就同咗佢入沙田分店試下，成2點幾去到都仲排晒長龍，地方好細，等咗好耐先係入一、二枱。好彩之後話有2張order枱唔使等，而排我前面嘅人又唔坐，咁我就梗係即刻入啦，雖然係細摺枱，不過唔使等就算啦，而且我見坐bar枱都幾迫下。三文魚刺身 $35海膽壽司 $25三文魚子壽司 $25帶子壽司 $25三文魚壽司 $9火炙盛 $25 (火炙三文魚+火炙帶子+火炙海鰻魚)軟殼蟹卷 $25整體上都好幾，呀媽話海膽壽司最正~不過我覺得旺角分店好啲，刺身新鮮啲同厚啲啲，賣相又靚啲

今晚來到呢度食飯，峰壽司無記錯好似幾出名不過第一次試﹗九點幾先來到佢話十點last order，點左幾隻壽司，樣樣都好新鮮﹗三文魚壽司最基本野就咁睇色水已覺得好味，刺身又夠大﹗入口夠肥美好有魚香，九蚊雞一碟已是水準之作﹗峰蝦壽司蝦好香好甜，肉好實淨，全晚覺得最好味係呢件野﹗帶子壽司creamy程度同口感都不及板長不過一分錢一分貨三十蚊入口即溶已算交足貨﹗係坐得唔太舒服，食物質素都好好﹗我鍾意佢0的碟，顏色悅目食都食得開心0的﹗

係銅鑼灣食過，印象唔差，係沙田見到新店嘛，就帶埋母親大人去試試。坐低加茶，dee茶包冇味，母親大人都話係。豉油又冇味，樣樣都冇味，以為自己有病啦。母親大人再話dee豉油真係冇味，屋企個支仲好味，先知係佢地既問題。跟住食峰蝦壽司，隻蝦都係冇味仲凍冰冰添。其中一舊池魚壽司仲有陣特別味道，但我已食左啦。當日，只有帶子壽司比較好味。Dee壽司飯比較酸，dee魚生好凍，食起黎唔好食。下次唔去啦。臨走母親大人話壽司店的好食，媽呀!我都知好食架，等我儲多dee錢再帶你去食啦。(真係多得峰唔少喇!)