山頭火 (已結業)

星期日,打完Tennis,好肚餓,所以黎左‘山頭火’食!!好多人,要排45分鐘,但排到差唔多時,侍應拿Menu給我,叫我揀咗先,一入去便可以快D入單,於是我揀咗‘餃子定食’- 有白飯×1,辣麵豉拉麵×1,半隻蛋,餃子×6!!一入到去,侍應會給一杯凍水,然後覆柯打,跟住等.......嘩!一上枱,好多嘢食!首先,白飯係珍珠米,好香.餃子好juice,辣麵豉拉麵不太辣,但麵豉味好香濃,好好味,我連湯都飲埋!雖然好多人係出面等,但侍應都很好,沒有被趕住走的感覺!!但如果係綠茶便更好了!!

吉之島重開之後好多唔同食店，試完板長之後就到呢間由於好早去既關係，大約只係等左１５分鐘就有位，可能唔想顧客等得太耐，等位期間已經俾定餐牌落定 order ，咁樣入到去坐底無耐就有得食本來想要吉列豬扒定食，但侍應竟然話無，咁最後要左一個辣味拉面同炸雞定食(包一碗飯同細拉面)，最後梗係好快就有得食拉面黎講個湯都算濃，不過好好食又講唔上，整體黎講只係普遍環境就真係唔係好得，每張台既距離好近好迫，而且好似無冷氣咁，成餐飯根本食到成身出汗服務黎盥ｏｋ，店員會主動添水，不過好奇怪我隔離兩張台都遲過我入，店員都會好主動放低兩杯水俾人，最後都係要我自己主動問先肯俾杯水我總括黎講唔會再去食

看到OR的新店直擊，不其然被這間重返香江的日本連鎖拉麵店吸引著，今天晚上下班後馬上來試。來之前已有心理準備很多人在輪候，最後久候了1.5小時才有位。店子小小但感覺尚算舒服，三位日本師傅在後方拼命地泡製拉麵。在輪候時已下了單，因此甫坐下不久麵便上桌。開業初期還未有炒飯和冷麵等供應。自己要了辣麵豉拉麵加大，加大後麵的份量足夠男仔飽肚，微辣的麵湯香濃，淺嘗一口感覺不到油膩，還帶點清甜。麵條有咬感，絕不是一般即食貨色。加上肥瘦適中的叉燒，結論是值得一試的。服務方面，即使外面大排長龍，服務員還是不會給我們施加壓力的，而且還不斷添茶，所以服務是不俗的。在香港又多回一間有水準的日本拉麵店了。

同事仔Raymond極力推薦要食呢間山頭火，佢話之前喺銅鑼灣拉麵橫丁食過呢間拉麵店，佢仲話食過呢間就唔會喺香港食其他拉麵喎，咁就不妨一試啦!!12:20到達，大概等咗兩三個字左右就有位，可能因為佢新開，好多其他款都未供應，只有幾款拉麵同飯...所以啲人食完就走，流量好快...一入到去，被安排坐bar枱位，不過無論張枱同櫈都好寬敞，坐得好舒服。對住廚房，見到三個日本師傅煮麵，好有日本feel!!咁呢我就叫咗一碗辣麵豉拉麵，肥比就食麵豉拉麵，我哋再加咗一份叉燒同牛油粟米....初時見到人哋碗麵好似好細碗咁，都怕唔夠飽...點知我哋order咗之後，Raymond先響原來可以加十皮要大碗份量...碗麵一到，個湯啲香濃味真係聞到又睇到，之後再加埋啲牛油同粟米撈好之後第一啖湯~~~嘩好好味，好香，好濃，唔會過咸....再試埋麵....頭半碗都尚算彈牙，之後就可能浸喺湯耐咗，所以要食快啲....叉燒軟軟滑滑好味...。其實我都唔細食嘅人，不過細碗拉麵都滿足到我，所以如果要加大真係要三思!!