山東餃子館 (已結業)

一行3人好肚餓,入到去即叫紅油抄手,西紅柿先!紅油抄手--醬油太少,叫佢加番D就正喇!!可以再辣D!!正!!番叫之選!西紅柿---砂糖蕃茄,夏天必叫!!白菜馬碲水餃.--最好味啦.!!爽口馬碲右多汁!!蕃茄豬肉水餃--呢款皮比較厚喇.餡料少D,沒有蕃茄味!香芹豬肉水餃.-個人對西芹一般,不過友人似乎好滿意!!最後要左豆沙鍋餅,熱辣辣,3人分食唔會膩!其實可以ORDER 2溝,我地都係後來先知,即每樣5隻!!平時多數食手打麵,真係幾正, 煙煙UN,UN係我最鐘意食既麵呀!酸辣湯一般,個人喜歡辣一點的!!豆漿也不錯呀,!!有豆味!!平日食元洲街綠林甜品旁邊那間,食完再去綠林食糖水,仲正!!!!

第一次來,試了津白豬肉餃子麵$16: 手拉麵條煙韌,好鍾意食這種味道及口感的麵,反而餃子則普通

媽媽到達綠林後，Make a phone call to me：『細佬呀，你食唔食餃子呀，我頭先食完幾好味wo，個間叫唔知咩咩山東餃子，不如我食完糖水買俾你呀？』聽到山東大名，加上位於深水埗的，小弟肯定這是各位好評的山東餃子館，明知自己吃完綠林pudding後一定吃不下，但知道此餃子店價錢便宜，而且想暮名嚐嚐，所以答應買下了。來個津白鮮肉餃吧。津白鮮肉餃＄１７：打開外賣盒，叫了出來：『嘩，洗唔洗呀，＄１７成打呀，呢局實食唔洒1／３啦。』＄１７大約十粒餃子，便宜得很！未吃餃子已給小弟打好印象，因為正宗山東餃子是蒸的，而不是湯餃，這點它做到了，好！吃一口，更見正宗，因為正宗山東餃子是皮厚厚的，這點它又做到了，加上此店師傅做皮做得不差，厚得來不會實，煙韌！咬到涵的時候，正宗到爆呀，因為正宗山東餃子是湯汁小小，涵料多多的，這點它做得好，肉涵不太咸，肉嫩，味道不錯，它更給我一點驚喜，原以為津白會是淋淋的，此餃內卻是脆脆的，當咬到津白的是時候會流出少少的汁液，令肉變得更滑，果然不錯。唯一要彈的是，這店師傅不算多，卻不少，吃完會有少少口渴的，便沒有師傅，味道亦會打了折，所以小弟接受。（又係到雞蛋挑勁

見個食評咁好，於是試下：點左一個白菜馬蹄鮮肉餃拉麵（＄１７），白菜餃唔錯，不過麵就極之細碗，夾兩啖就食完！一個芹菜餃拉麵（＄１８），一般．一個蔥油千層餅（＄１０），熱辣辣，好脆，好味！不過個侍應阿姐好冇禮貌，黑口黑面，一句多謝都冇，唔係諗住口碑好就奉旨掛？！！冇下次！

蕃茄鮮肉餃麵(淨餃10隻, 跟麵就5隻餃) $18蕃茄餃, 看上去紅色的, 一吃下去味道像小籠包, 多肉汁, 很重芫荽味, 可口, 但完全沒有蕃茄味, 那和其他餃又有甚麼分別? 對於這點比較失望, 像瘦板上海麵的麵有彈性, 但無味. 枱上一卷厠紙任取, 那些細節反映細心, 好過茶餐廳不給紙巾.

本來跑去順寧店吃的，誰知道７月２４那天公休！門上貼著"請客人移玉步到元州街總店"，走了好幾條街終於找到！這店沒順寧道的乾淨，因為附近的房子都很舊，而且這家店離地鐵站有點遠！不過味道比順寧道的好哦今天點了麻醬麵及蕃茄鮮肉餃，沒點豆漿因為知道會吃不下．．．麻醬麵：QQ的麵條加上充滿花生香味的麻醬，上面再加上青瓜絲，如果是冰的麻醬麵應該會更好吃蕃茄鮮肉餃：咬開有新鮮蕃茄，最喜歡它是自家製的水餃，新鮮沒防腐劑再打包了一打馬蹄及韮菜鮮肉餃回家孝敬媽媽^^

在這裏出入的時候不曾幫襯，到不常來的時候又特地來幫襯。這裏是車房街的一角，的士、小巴的交更點。最深印象的是它好天時放在門外的機爐，證明蔥油千層餅和蒜蓉千層餅都是新鮮即製。要的是蔥油千層餅和涼拌西紅柿：是日的蔥油千層餅的麵餅不是即製，但至少即煎- 食到一層層，酥酥的，也多蔥，揉得足，不俗；涼拌西紅柿比較失色- 是即製的砂糖蓋冰櫃蕃茄。雖然蔥油千層餅比想像中細，但就味道、功夫而言，值得一試。

$13 麻醬麵: 香但不夠濃，伴以青瓜絲，青新不膩 炸醬麵: 比較一般，與其他地方的差不多$15 酸辣湯麵: 辣!足料!$20/10隻鮫魚餃好滑，但味道普通羊肉餃和回香餃: 好濃烈、特別的味道，Good!$5 涼拌西斤: 清甜脆嫩，是拌食好菜~~overall, 是有心機的店~~相片:http://photos.yahoo.com/eatgdfd

叫左紅油抄手同麻醬拌麵,餃子好好味,皮好薄..饀好味!不過個麵就ok啦,有少少淡!ps.我係睇"飲食男女"介紹而來的,我覺得以後佢寫d野起碼要過濾5成先...

一切純屬整定.是日近黃昏要入太古城做點事,之前約定個身處中環的朋友晚飯,之前本著因利成便,索性在華蘭路食函館拉麵,在電話內聽到友人之語氣又似乎唔多願.手頭上事情辦妥,再致電友人,友人已在老尖.在老尖接合後,在新港柴娃娃打左個轉,大家正在研究Fred Perry搭Garcons的Polo有幾唔抵,同時又見到撞色撞得幾靚,都要成六百幾一件的Lacoste polo.比起年前用一半價錢買入的藍間polo,感覺很貴.離開乏味的I.T後,腦海竟然無idea今夜食咩好,友人強烈要求唔要韓國菜,求其諗幾間又唔係幾吸引,最後提議番去長沙灣吧,好想番"鄉下").長沙灣近年已經多左很多有特色的食店,今次目的,就係想試試山東餃子,未料去到東京街老店,原來周一休息.不過有分店在昌華街,一場來到,唔爭在行多十分鐘路程,由細到大,都覺得在東京街行去昌華街,路途實在遙遠的說.位於元州街近昌華街口,對一個曾經蒼海在長記的人來講,要搵絕對無難度.地方細細,典型小店.坐唔得多人.山東大包就吃得多,以山東打正旗號的餃子,又真係未食過.極其量同北京水餃相若.兩個人要碟番薯苗,茴香餃,同羊肉餃.番薯苗貌似菠菜,碧綠的葉比後者大

叫一個炸豬扒麵和一罐可樂，等了足足十五分鐘。完全唔明點解，得兩檯客，有四個人做野，但都要等咁耐。十五分鐘後，炸豬扒麵終於到。不過豬扒並唔係炸，而且仲凍既；麵就一般，但好細碗。好彩返屋企有湯飲，如果唔係就要去第二度食多一餐呀！

2個人叫了7款食物:羊肉餃,茴香餃,麻醬麵,麻醬四季豆,軟炸茄盒,貓耳朵,荵香千層餅,+汽水一罐.~~餃子水準OK,好多肉汁,每隻都脹卜卜,十幾蚊十隻,好底食! (個人最愛羊肉餃&茴香餃,因為夠濃味.)~~麻醬麵係自己至愛,因為夠多麻醬,其實食落口都幾羔,不過我喜愛,加埋d面頭d青瓜絲,食落感覺都好好.~~軟炸茄盒第一次食,係用好多炸粉包住件茄子,茄子入面仲有d肉碎,都幾特別,炸到脹卜卜,好香口,試一次無仿,不過個粉醬真的太厚身了.~~貓耳朵其實係炸餃子,炸到個餃子的2邊角豎起,有d似貓耳朵,我覺唔係好似,而且味道一般.~~荵香千層餅又真係好幾香,好鬆脆,不錯不錯.今天已是2個月來第四次幫襯,食物方面,感覺好似東京街個間好食d,如果想幫襯,我建議去東京街那間,邊d亞姐服務態度都好d.

話說都聽聞依間野好耐，幾個月前曾經到此買過一盒餃子番屋企打邊爐。結果我個半唐番朋友食完之後大讚好味，所以都要番黎再試。同老婆一齊試左: 茴香肉餃, 素菜餃, 番薯苗及兩個小食，感覺的確唔錯，餃子皮厚薄算適中，味道亦可口。$14 十隻餃，亦幾抵食。番薯苗又想像不到地清爽。食完唔多夠喉，加多左碗"加辣"担担麵，上既時候都幾吸引，幾香，紅油滿麵，但可能食慣其他辣野，入口之後原全唔覺辣。算啦。麵質的確唔錯，夠咬口，不過如果淋番的咁多就Perfect啦。總括來講，真係幾好。舖面又係細d既，的確坐的唔舒服，不過對於追求好味既人，都唔應該介意太多，何況好多好既食肆都未必間間坐得好啦。

3-10-2005 1732在下一站長沙灣被人打完之後，要食番少少野補充體力。地點一早選定近SSP的分店，但去到時先記得該店逢星期一休息，只好行遠少少到近荔枝角的另一分店。得一條友，咁緊係試佢既招牌菜餃子，這裡也有十二款可以選擇。根據當日既menu有白菜馬蹄鮮肉、津白鮮肉、韭菜鮮肉、香芹、金玉滿當鮮肉、蘿卜蝦肉、西洋菜鮮肉、茴香鮮肉、蕃茄鮮肉、蕃薯苗鮮肉、青素及京蒽羊肉，部份餃子因時令或貨源問題有機會被另一款代替，唯起來都唔少呢！一碟價錢由14-18蚊，每碟有10只，煎就要加兩蚊。貪心既我咁當然係想食曬每一樣，我心諗冇可能一碟可以一隻一款，正當諗緊試邊款好，點知阿姐話可以十只也可不同款識，咁當然立即話好啦，咁製作需時，當時舖頭得我一個客，去旅行既doc又未影印，附近有得影印舖，攞埋的貴重物品去做的重要野先。返到黎及等左一陣後，就有得食，個個樣都一樣但味道就截然不同，當最令我深刻係茴香、羊肉、蕃薯苗，好強烈的味道，反觀其他的味道可能清淡或落料比例，香味會比較差少少，尤其係蕃茄鮮肉，但並不代表唔好食，一條友試到咁多款，加埋阿姐講係邊款時，仲想點喎！十款不同款既煎餃子22蚊，連有少少渣既豆漿

話過再黎就再黎, 事前已收到風, 話呢度雖以餃子做招牌, 但其實麵先最值得試, 今次就試個擔擔麵啦~~個麵一上檯, 真係有d驚, 事關賣相實在有點核突. 好彩, 標榜自家手打既麵, 真係幾正, 煙韌得黎爽口, 吸左帶酸辣既湯, 非常醒神. 無錯, 話就話係擔擔麵, 但個湯帶酸味, 唔麻, 雖然唔太似平時食開果d, 但又真係幾好味, 話咁快清晒成碗.飲品就當然要番豆漿啦, 但面口非常cool既阿姐, 大熱天時竟然同我講凍豆漿賣晒, 得番岩岩煲起既熱豆漿. 幾經掙扎要左一杯, 擺到食完碗麵都飲唔到, 於是同阿姐講話打包拎走啦. 佢雖然繼續木口木面咁, 話佢地既外賣杯裝唔到熱豆漿, 但就即刻幫我換位, 話後面張檯響正風口下面, 無咁熱喎. 飲完出去埋單果陣, 阿姐仲笑著問我"飲完喇"咁, cool得黎又幾有人情味喎~~惠顧前請有心理準備, 夏天時間鋪真係得最入面果兩張檯係涼既, 其他位置, 真係有桑拿感覺; 仲有筷子非常殘舊, 搵唔到一對係無裂痕既.