山東餃子館 (已結業)

第一次接觸山東水餃呢個名詞, 係睇谷德昭的食評, 不過我一直都唔知佢同北京水餃有乜分別.日前第一次幫襯此食肆, 看看餐牌, 上面都係白菜豬肉水餃, 韮菜豬肉水餃...... 好似同北京水餃冇乜分別, 不過唔緊要啦, 最緊要好食.不過我對呢度的水餃有少少失望, 平時我食水餃最少可食三十隻, 最多試過食五十隻, 但嚮呢度我只食左二十隻, 就已經冇興趣再食落去. 試左幾款餃子, 亦沒有一款係令我留下深刻印象. 另外, 這裡的衛生亦麻麻, 幾多蒼蠅, 我杯豆漿亦有不潔物......收費算幾平, 二十隻水餃再加杯豆漿, 都只係$31, 但"苦臉"仍然要比.

本來諗住去順寧道果間總店,但原來總店逢星期一休息,於是行左過黎呢間分店;7點左右不太多人,兩個人叫左蒜香酥餅$8/4小件---不錯!酥餅幾香口,外脆內軟;茴香餃麵$14---有5隻餃,可能茴香味太濃,個人吾系甘接受倒,麵系上海幼麵,一般啦!可以再煙韌點.羊肉餃併蘿蔔蝦$16/各5隻---雖然自己不食羊,但都試左隻,羊肉不太羶,內裏還有冬菜,味道可以接受;豆漿$5---十分大杯,豆味極濃且冇渣,個人認為比過公和及人和還要好!小棠菜$8---幾大碟,菜冇沙且挺鮮甜!食到肚都漲埋都系$54,好過自己煮!唯一要改善既抽風系統,店舖非常大油煙味.

剛搬來長沙灣住, 由於附近就最近麵店就是這間, 就一連來了兩天! 試了九菜餃同金玉滿堂餃, 兩款都幾鮮味, 麵應該是手打的, 都幾有哨頭, 湯雖然普通, 但也沒有太多味精, 似是屋企煮的湯咁!

早陣子到長沙灣辦點事, 未到晚飯時間卻又有點餓, 剛好經過這小店, 便進內光顧. 餐牌以餃子及麵類為主, 但只想來點小食, 於是要了蒜蓉千層餅. 所謂的千層餅其實類似蔥油餅(另有蔥油千層餅), 不過更加酥化, 看上去像有多層似的. 即叫即製, 等了好一會兒才上檯, 熱辣辣的已經不會很差. 蒜蓉下得很重手, 可能是這緣故, 吃到最後好像有少許苦味, 有點油膩也是意料中事. 不過整體來說, 八元一客是吃得過的.飲品要了豆漿, 餐牌上雖標明是自製的, 但對坊間一般的豆漿都不寄厚望. 這個卻明顯不是行貨, 豆味當真很濃, 不過賣五元一杯, 不應錯過.有機會一定再試其他食物.