居食屋「和民」 (已結業)

第1次到和民食tea。好少會呢段時間黎, 無咩人, 幾好, 唔洗等!星期日既tea 原來要3 點先開始, 所以我地唯有散叫啦。我地4 個人叫左1)芝士年糕($34), 以為好似韓左年糕咁一塊塊, 黎到原來係一少缽的, D年糕係一餅野，係要自己拉開去的，份量極少，但味道ＯＫ，唔太膩。2)鐵板漢堡扒($42)，一塊漢堡，一隻炸蝦，一舊薯蓉，同一Ｄ配菜，味道一般，只感覺好油。3)焗帶子($32)，賣相唔吸引，味道普通，又係好油。4)明太子燒玉子($29)，呢個係我至愛，有４件，厚蛋，入面有好多明太子，正5)特上壽司盛合($54)，有６件壽司（灸燒海老壽司２件／吞拿魚腩壽司２件／照燒雞壽司２件）, 壽司新鮮, 細細件,灸燒海老壽司最好食。6)泡菜炒飯($42), 份量極少, 一人只可以分得2,3 匙, 材料十足, 但油份都十足。

今日去左和民食tea。好少會呢段時間黎, 無咩人, 幾好, 唔洗等!星期日既tea 原來要3 點先開始, 所以我地唯有散叫啦。我地4 個人叫左1)芝士年糕($34), 以為好似韓左年糕咁一塊塊, 黎到原來係一少缽的, D年糕係一餅野，係要自己拉開去的，份量極少，但味道ＯＫ，唔太膩。2)鐵板漢堡扒($42)，一塊漢堡，一隻炸蝦，一舊薯蓉，同一Ｄ配菜，味道一般，只感覺好油。3)焗帶子($32)，賣相唔吸引，味道普通，又係好油。4)明太子燒玉子($29)，呢個係我至愛，有４件，厚蛋，入面有好多明太子，正5)特上壽司盛合($54)，有６件壽司（灸燒海老壽司２件／吞拿魚腩壽司２件／照燒雞壽司２件）, 壽司新鮮, 細細件,灸燒海老壽司最好食。6)泡菜炒飯($42), 份量極少, 一人只可以分得2,3 匙, 材料十足, 但油份都十足。如果佢d 野無咁油, 應該會好食d!

同二少去太子食＜和民＞，講真我覺得唔差啊，佢就係咁話麻麻，話壽司少喎，喂，大佬，呢度係食熟食嘛，食壽司就食＜江川、元氣、一壽司＞啦！總括來講，唔錯！最好味係炸廣島蠔，唔腥，好脆，又大隻又好味～雞肉pizza都好味，脆卜卜咁，好特別～牛肉鍋都唔錯，不過豆凝太大舊，３舊又太多。創作壽司普通，食落去失望少少，因為個樣好靚，睇起身好似好好味囉！

5個人夜晚8點時份, 都等左幾耐位, 好在商場內都有d舖頭可以行下, 消磨下時間和民d碟頭不嬲都細碟, 所以今次叫左好多, 有pizza, 蒜香炒飯, 招牌海鮮冷麵,一口牛油帶子, 刺身, 壽司, 串燒, 秋冬特選~咖喱烏冬, 雞軟骨全部都ok, 都食到好飽, 每人都係$120呢期東亞做緊promote, 有d set有特價, 不過呢張卡太冷門喇

9月26日同兩個朋友嚟左太子始創,朋友話不如食和民,我們就嚟左呢度,見到渣打信用咭做緊加一元可多一款,好抵,所以我們叫左:一個和風沙律-好味喎,又大份,d汁都配撘得好好都幾多料,有雞,蕃茄,好多菜洋蔥,紙菜等等一個冷麵-呢個都幾好味及特別喎,d湯有些冷在裏面,保持住冷麵的溫度,麵好爽口彈牙我們另外叫左一客6年壽司,有兩件吞拿魚,兩件蝦,兩件雞,都好味喎,細細件,都幾新鮮呀.飲品每人叫左一杯特飲,朱古力曲奇,焦糖雲妮拿,本來我叫左一杯芒菓的,但等左好耐仕應先跟我說沒有芒菓糖醬,叫我叫第二款,我叫左焦糖雲妮拿,都好冷凍好飲呀.整體食物都幾好,但仕應的服務則一般,好難找到人,要叫好多次才有人理你..有待改善!!

x打卡加一蚊多一款美食~ 7點已經好多人叫左本格拉麵 ($42): 冷麵黎既, d麵好彈,煙煙unun, 有幾粒冰係個碗度可以keep住咁凍, 夏天食最岩, 但份量少d lo, 配菜有只半隻蛋, 紅蘿蔔絲,青瓜絲,泡菜加一蚊要左廣島燒餅: 面頭個汁甜既, 有d木魚片係上面 "樣下樣下", 跟鐵板上熱辣辣, 個餅有d豬肉,蛋, 蘿蔔絲, 係好飽肚~鮭魚刺身($49): 有8塊, 唔大塊, 又唔肥, 不過尚算新鮮~鮭魚菜米卷($39): 越南x日本fusion, 用左米紙包住一小塊鮭魚刺身+大量椰菜+芝士+沙律醬, 比左d泰式辣醬點, 個米紙煙煙unun, 成個米卷好fresh, 點泰式辣醬又唔錯~柑桔綠茶($16)買一送一, 要埋柑桔紅茶: 好鬼大杯!! d柑桔已經幫你篤左, 酸酸甜甜好開胃, 好抵飲!!! 但紅茶好飲d, 因為綠茶太淡~ 趁有優惠去多d

十二點就放lunch，今次選了和民。時間早，無咩人。set lunch 有六款，還有每天之選。我就揀咗每天之選，當日係thursday，天婦羅飯 + 湯烏冬 + 熱柚子蜜。熱柚子蜜都係用現貨即沖，無難度。唔會姑寒，有好多柚子，雖然大杯都唔會淡味。天婦羅飯天婦羅放在飯面，再淋上醬油。天婦羅有蝦、茄子、同蘆筍。款式唔多。炸醬夠薄，剛好包住食材。炸得好香脆。蝦新鮮，爽口。大概有一碗飯度，珍珠米煙韌。個湯烏冬嘅湯底好清淡。烏冬份量比預期的多。有少許彈牙，只是少許已矣。跟手打烏冬還有一段距離。食埋碗烏冬就真係好夠飽。

七夕和元宵节都被認為是中國的情人節。 七夕之所以會成為中國人的情人節,在於牛郎和織女的傳說使凡人能夠與心愛的人勇往直前而不怕困難。今日係中國情人節, 可以同自己心愛既人一齊度過當然最溫馨不過. 晚飯, 我們選了和民. 來到太子, 時間尚早, 所以不用等位巳可以直接入座.呢間和民環境不錯, 祇是座位間距離太近, 雖然沒有什麼空間感, 但相信當情人眼中祇有對方時, 應該都沒有太大影響. 我們選了OR食家一致推介的豬扒鍋, 本來想要廣島燒餅, 但男友自從在另一家食過成團粉的燒餅後一直有陰影, 唯有叫鐵板尤魚燒 , 另外要個冷麵, 芝士明太子玉子燒, 三文魚刺身.豬扒鍋係有個爐滾住, 我地見佢有湯本來叫個侍應加個烏冬, 不過佢好心咁提醒我地, 話個豬扒鍋加左蛋入去後的湯汁會收晒, 所以唔可以加鳥冬, 其實豬扒鍋是吉列豬扒放在湯汁中滾, 跟住打隻蛋落去, 好快就會見到汁收晒, 豬扒出面塊粉好厚, 但入面塊豬扒唔入味, 覺得一般, 而且味道咸了少少.個鐵板尤魚燒同廣島燒餅差唔多, 祇係餡味唔同, 可能汁太多又係太咸.芝士明太子玉子燒係咸既, 同埋無咩芝士味, 可能我食慣甜的玉子, 所以呢個唔啱我味

這個食評是比較遲了一點寫的了, 差不多是一個星期之前, 跟仔仔去了和民刷了一餐勁的! 柯打了一碗 "和風石鍋拉麵", 一條鯖魚燒, 一碗白飯同一杯朱古力芭菲呢 和風石鍋拉麵最大的特色係湯同麵係分開上的, 而且湯係用一個據說係弄熱了的石頭鍋盛, 作用係令客人食每一啖麵都可以熱辣辣的食, 把麵逐注加入湯中食, 我的感覺係: 不外如是! 因為其實味道一點都唔好, 係無味的, 淡得很, 而且麵因為分開了上桌, 反而變成凍冰冰的, 就算浸入熱湯都唔會熱得去邊, 這個湯麵可算是一個失敗之作 鯖魚燒就好好食, 啖啖都係肉, 肉質又鮮甜, 好彩有這個補番數 至於個朱古力芭菲都好, 大大杯, 又有朱古力又有雲呢嗱雪糕, 大堆頭的甜品, 很少會令人失望的! 兩個人食, 份量都係差唔多, 已經夠飽了!

近來信用咭優惠都頗多, 例如某銀行推出買一加$1多一款食物, 十分著數。 不過, 晚飯等位需時頗長。午餐和晚餐都試過此優惠, 最好味是豬扒鍋, 燒餅醬汁太多, 食完很滯。 沙律一般, 可以一試。 其餘兩款會找機會再試。 豬扒鍋與正常份量一樣, 加上蛋後關火, 滑蛋豬扒鍋就完成了, 有飯或烏冬會更好。 每人廿多元就可埋單, 如個別再加一兩款小食的話, 每人只需四、五十元, 十分便宜。 和民價錢一向是中等, 但今次的優惠認真超值, 大家有這張信用咭可以一試。 記住優惠期只到九月底。

兩個女仔去到和民食晚飯, 唔使等, 即刻有位坐, 可能和民分店多了, 所以唔使再排隊先有得食了叫左個和風海鮮cream pizza, 鰻魚壽司, 我仲叫一杯芒果益力多個pizza 好好味, 海解有帶子同蝦, 成個pizza都佈滿了海鮮, 不過個批就唔係好脆, 但係啲cream 就好好味!鰻魚壽司一客兩件, 啲鰻魚汁好甜, 鰻魚肉好厚好大塊, 仲有雞蛋絲, 都幾好味杯芒果益力多一般, 好杰, 似奶昔多過似飲品, 又太甜, 印象麻麻侍應有好多都係掛住個part-time牌的, 佢地啲服務真係麻麻, 落單會漏單, 但唔知係唔係公司的rule, 都唔知點解唔用筆同紙記低客人的食物..更何況我地只係叫四樣野, 都會漏一樣, 無得食個牛肉鍋..唉

其實已是飯堂一樣，只想食多點唔同類型東西，佢既新MENU冇野嗌得落手，最後0係平時個MENU度叫左明太子玉子卷，豬扒鍋，泡菜窩飯，燒鯖魚，燒雞翼。明太子玉子卷，好溜既感覺，淋PAT PAT，我食一件都食唔落就成碟冇食，頂唔順。其他野都係一貫水準啦！要一提既係燒鯖魚都幾好味，仲超抵食，四十幾蚊就大條到我地唔信呀！平時去開日本居酒屋食燒魚既你，唔可以錯過，係新發現黎架！

同老公食和民已是家常便飯，因為位置方便，０係諗唔到食咩日本野既時候，落到去好似乜都叫做有Ｄ，唔駛諗去邊度食。其實入面既餐牌野食選擇唔多，大部份野食都差唔多試勻晒！今次叫左：芝士年糕－－－－－芝士年糕煙靭好味串燒盛合－－－－－入面真係冇樣得，食到老公話叫唔好夾硬食！真係好唔推介你地叫！棒棒餃子－－－－－都正常質素，唔差啦，都煎得幾野味既牛油帶子－－－－－唔怕油既話，呢個依然係推介，雖然帶子細粒，但都好惹味豬扒鍋－－－－－幾時都咁好食，但今次份量大縮水，0個幾舊豬扒只可以叫"幾粒豬肉"海鮮炒飯－－－－－好香口，都好好味！推介最後佢送左個雞軟骨，完全唔得，肥到入唔到口，送既野都係冇好架喇！唔食都冇損失！依然係0個句，唔好EXPECT太多，但都質素中上既！

睇返d相.....我先知我最後一次食和民....已經係半年前=.=" 好耐......可能因為黎黎去去都係果d野, 自己又成日同朋友去食, 開始有d厭今日下午茶我地又揀左黎呢度食, 冇乜人....好free....叫左幾樣野....星鰻天婦羅卷 <----呢個係次次都會叫既, 真係好味!我唔食鰻魚都食....正!煎餃子 <---男友叫既...我覺得麻麻地...雞軟骨 <---用千年油炸, 好多油.....有少少油溢味!海鮮炒飯 <---呢個最正!!清晒, 份量太少喇....兩個人食....邊夠!!

焗芝士年糕，牛油焗帶子，豬扒窩，蝦天婦羅，以上幾樣野都好好味，可能味道太咸，但真係唔係人地講得咁差喎！我突別鍾意個焗芝士年糕，好煙ＵＮ，味道好好！真係食到唔停得口。牛油焗帶子講唔上好味，可能又太油了，但都好易入口。蝦天婦羅隻蝦好大，又夠熱，都唔錯呢！豬扒窩有得自己加蛋又好好玩，都好好味丫！總括黎講，比我想像中好味呀！