居廬 (已結業)

今日去土瓜灣專登搵下野食! 比我搵到間神秘咖啡店!哩度有outdoor 可以坐! 但真係太大風我都係係入面坐!cafe門面裝修不錯! 感覺舒服! 好快就衝左入去坐低!可能我去既時間仲早, 所以餐廳未有太多人! 入面坐位唔算好多, 但寬敞! 唔會有迫迫既感覺!餐廳燈光比較暗! 如果晚上黎氣氛應該唔錯呀!上網見到最多人叫既係香煎美國牛肉漢堡配竹炭包同埋草莓麻糬鬆餅!咁好快我就order左喇! 另外仲叫左杯玫瑰普洱茶! 其實真係好想試佢既coffee, 但係已經飲左一杯, 所以選擇飲茶! 美國牛肉厚切, 真係厚到呢....餡料仲有洋蔥、蕃茄、芝士！唔知係咪我自己本身好鐘意食burger有洋蔥既配搭! 覺得哩個burger好出色!, 另外 配好少見既竹炭包！美味呀！竹炭包好軟熟,切開佢既時候有點脆, 因為佢係烘過既!厚切美國牛肉肉汁鮮味好juice!喂,甜品時間到喇! 草莓麻糬鬆餅既賣相好吸引! 初時我唔知道麻糬係咩黎! 查左原來係麻糬係糯米製品 軟而有黏性 係日本傳統既小吃!鬆餅非常鬆脆！ 有麻糬係中間好煙韌呀！食落彈牙, 感覺好得意呀!加埋士多啤梨雪糕、新鮮士多啤梨仲有士多啤梨醬！仲有糖霜

今日約左好耐冇見既朋友出黎食飯...咁耐無見，梗係要搵個靜D既地方傾計啦 去開土瓜灣..比我係差不多盡頭果到搵到間CAFE~ 小妹好鐘意去CAFE的...所以一見到就入左去...一入到去就點左all day breakfast ,,, 入面有Black truffle scrambled egg, german sausage,baked bean,Potato wedges ,Croissant ,grilled tomato, olive oil assorted vegetable salad,黑松露炒蛋好香,,,,好滑..好大陣蛋味...食得出係日本蛋黎架...(讚好)之後佢將BACON轉左做午餐肉都有驚喜...食得出係外國牌子的 貴午餐肉黎架..茄汁豆夠哂腍，蕃茄同生菜們都好新鮮！HEHE-->薯角炸得岩岩好..,又脆又唔乾...金黃色但如果個牛角包再熱D就好喇..因為上到枱時其實都係凍架喇..我唔係咁鐘意...之後再嗌多左個香煎美國牛肉漢堡配竹炭包Pan grilled u.s ground beef with bamboo burger好大個,根本上大到手都唔夠握

去土瓜灣動物診所買野俾小公主 反正老公今日OT 咪自己搵食。咁岩見到隔幾個鋪位有個招牌黃色好sharp 咪去八掛下 原來係間新開既cafe. 好鐘意佢個名 叫Take a break, 生活迫人 真係好想take a break 所以俾佢個名吸引左入去。 餐廳燈光好柔和 播著音樂 好舒服。一個人的浪漫 唯獨是唔知點叫野食先好。 點了一個set dinner. 配左羅宋湯和蒜容包。主食係黑松露鮮蝦粉意粉。 份量適中。意粉煮得好好 係我鐘意的煙un feel 配料有什菌 而蝦的份量都幾多 略為清淡了少少 我一向食得清淡 所以覺得都Ok. 黑松露和蒜頭味如果再濃點會更好。但整體上 水準都不錯呀。食到一半見到人地食青口 自己又口多多想食。芝士洋蔥煙肉焗青口 即叫即焗熱辣辣 芝士好充足 洋蔥煙肉完全唔姑寒 雖然青口係冰鮮的 但處理得幾好 冇咩雪味 而且肉質都算彈牙。：）明明已經飽曬 但店員捧住個窩夫俾隔離對情侶 真是好香 遠遠都聞到 賣相又靚 即刻打左個電話問老公 今晚可唔可以執我手尾 得到佢批准 我即刻叫左朱古力香蕉窩夫。 呢個簡直係今晚既亮點 我

今晚專程找住土瓜灣嘅朋友吃飯相聚，同佢咁耐無見，當然要找清靜嘅地方談個痛快！朋友帶我來北帝街找找看，比我地喺差5多盡頭找到一間地舖cafe~take a break 好岩我地啵 happy friday 當然係take 個break為辛苦嘅一星期來個完結一黎到就影哂個餐牌同大家分享一下~~叫了一個all day breakfast，中意佢營養豐富，就像每天起身嘅好心情一般，店員將佢送上枱面，顏色豐富又大份，有紅橙黃青紫灰，彩虹色咁，吸晴耶~~~有雞蛋、茄汁焗豆、蕃茄、牛角包、薯角茄汁、生菜沙律、煙肉、德國肉腸等等，朋友都猛咁叫我分d俾佢牙雞蛋炒得算5錯，香蛋味無蛋殼，good la茄汁豆夠淋，酸香黃大豆，ummm~~ 蕃茄生菜們都新鮮，可加唷！薯角炸得夠脆，金黃色，熱氣都照食可也！煙肉乾左少少，似豬肉乾，但無乜油，亦5多白色脂肪粒，已經好不錯了！咬口都卜一聲，5需要點用力或切開~ 牛角包再熱少少同俾舊牛油來就好，而家隨意夾埋德國腸自動化身腸仔包，條腸煎得好香，每啖係咸肉同黑椒，好重德式風格甜品胃曼中意cafe店，因為實有一款岩你叫了士多啤梨麻糬鬆餅，送上來時以為到了某台灣甜品店吃，賣梳

這夜來土瓜灣探朋友, 於是就係附近搵野食。行行下見到呢間cafe 門面幾靚, 應該坐得幾舒服, 就決定呢間。晚上供應set dinner, 我叫左碟紐西蘭肉眼扒配紅酒磨菇汁, 不過磨菇汁賣晒, 換成黑椒汁，都OK。我喜歡比較生的牛扒，所以叫左6成熟, 上碟好大塊, 夠厚切!肉質好淋, 有口感, 不錯呀! 仲有薯條、西蘭花同紅蘿蔔伴碟, 幾均衡營養。我個set dinner 加左20元換了杯紫薯latte!哇, 有靚靚的拉花, 加埋我最愛ge紫薯, 好香紫薯味, 甜甜的又不會太OVER, 加埋奶味配搭好溫暖呀!!最後我地叫左個甜品share 食"草莓麻薯鬆餅"，又係D紅色粉色系列，個Waffle 好脆，每一件都上面的士多啤梨都擺放到好整齊好靚，個雪糕好香甜，混合waffle 一起吃是絕配!估不到在土瓜灣都有咁高質素，又坐得舒適的餐廳，值得推介。

在土瓜灣上班，這條北帝街的食肆食得有一點膩之際，竟看見街尾有這間隱世小cafe，正正被工作所煩擾，決定進去take a break。進去人不多，選個隱敝位置，店內環境給人寧靜感覺，與友人點了一個牛肉漢堡配竹碳包，在叫了一個普通set lunch，一杯cappuccino及非常吸引的草莓麻糬鬆餅。先來一杯cappuccino，欣賞其溫度不會過熱，無破壞咖啡中的酸度，當徐徐吸了第一口後放心起來，這裡是間有質素的cafe。再來是主菜美國牛肉漢堡配竹碳包，上菜時友人亦嚇一跳，因其份量非常足料，而且竹碳包外型吸引，是為驚喜，在旁伴菜是非常喜愛的脆薯皇，作為漢堡食家本人對此邪惡之物有非常高的要求，牛肉必須要賣相企身，咬口要鬆而不散，且芝士需呈半融狀態，這個漢堡絕無欺場之意，乃是誠意之作，可稱為此店鎮店之堡。而脆薯皇炸得香脆，伴隨漢堡入口，是非常好的拍檔。惟友人所選的set lunch龍利柳則並無特別驚喜。主角來了，這個草莓麻糬鬆餅售價$78，其size與出面較出名的餐廳比較更大，價錢亦更便宜，先切一小塊放進口，立即被煙un的麻糬口感壟罩口腔，鬆餅外皮微脆，質感鬆軟，並有淡淡的蛋味流出，配上草莓雪榚

閒時想與朋友聚首一堂聊聊天，Cafe會係一個好地方。黑松露野菌義大利飯味道好正，未食就已經有好強烈嘅黑松露香味，每一粒飯都好入味，每一口都充滿濃濃嘅黑松露味。休閒時不少得就係甜品，呢個草莓麻薯鬆餅都好食，每一格都有半塊草莓，每粒草莓都好甜好新鮮，再加冰凍嘅雪糕一齊食，冷熱同一時間發生，口感十分特別突出。

如果唔係朋友約, 平時好少去土瓜灣原來呢頭都好多嘢食呢間CAFE有西餐有甜品裝修亦都好啱我哋呢班偽文青口味我要咗是日SET DINNER - 香煎比目魚配香草牛油忌廉汁($138)魚肉幾滑, 唔鞋, 唔太老, 同個忌廉汁都幾MATCH美中不足係有啲凍, 相信HOT DISH 啲會更好味個薯角炸得好香脆配菜嘅蕃茄西蘭花都好新鮮跟餐可以加$20轉特飲我要咗HOT CARAMEL CHOCOLATE甜度適中, 好味另外不愧係推介甜品, 真係好食STRABERRY MOCHI WAFFLE ($78)麻薯格仔餅, 煙煙韌韌, 再配上士多啤利雪糕, 正! 

趕在新年前跟朋友們聚聚，聞說土瓜灣開了好多餐廳，朋友推介呢間cafe已久，環境不錯，很適合兩三好友食飯聊天，很是寫意。可能是在土瓜灣，所以價錢也不算太貴，set dinner都系138，但飲品要另加。我點了杯green tea latte,味道頗甜，綠茶味也很濃郁，不錯！朋友點的是焦糖latte及cappuccino，簡單的拉花，焦糖不太甜。不錯。我們點了一個set dinner,美式雜扒，餐湯系忌廉南瓜湯，好彩我們是share，不然一碗會有點膩。鐘意南瓜湯的朋友應該會喜歡，南瓜味都幾重的。這個火腿哈密瓜，唔試都唔知原來火腿同哈密瓜系咁match！哈密瓜超級清甜，火腿薄薄一片，火腿的鹹味夾著清甜的哈密瓜，互相沖淡，大家的味道恰到好處！真的是很贊！雜扒到了，裡面是有薯條、雞扒、豬扒、腸仔，雞扒外皮還有點脆，肉質鮮嫩，豬扒肉質也嫩滑，腸仔不錯，是我很喜歡食的德國腸但薯條炸得不夠脆，有點硬。當然我們三個女仔點會食咁少，還加了這個蘑菇辣腸pizza，系薄底的pizza，啱曬我鍾意食薄底，個底都幾脆，pizza料都幾足，好多蘑菇同腸仔，但對於我來講有點不夠辣，整體味道還不錯！都說女人系有兩個胃，

土瓜灣一個不起眼的街角，有車房之外，仲有一間休閒cafe小店。門面不大，都有室外同內的位置。天氣咁凍，坐室內是常識吧？入面都好有feel, 適合傾下計的小cafe. 燈光不強，能比人一種休閒的感覺。有好可愛的擺設架，呢個好得我歡心。好得意！食物主打輕食，咖啡同甜品。有lunch set, dinner set, 唔想咁多可以食個甜品加杯咖啡又得！香煎美國牛肉漢堡配竹炭飽 ($116)呢度賣少有既竹炭麵包，並且以漢堡形式推出是比較新鮮的做法。就個人以言，雖然竹炭包比想像中淡味，但勝在夠軟熟，可以襯托出漢堡扒的味道；很久没有嘗過有肉汁的漢堡扒，配上醬汁就更加滋味；作為配菜的薯條若果能更熱可以為整個meal加分。整體而言，$116有一個新鮮、價錢合適既，係邊搵呀？甜品就試左:草莓麻糬窩夫 ($78)一上枱真係嘩嘩聲，好大份都只係$78. 呢個真係必點！個窩夫入面加左好多麻糬，好煙韌，窩夫蛋味好夠，而且熱辣辣整起，冬天食都好幸福啊。加埋個大大球好milky的雪糕，夾住食真係好正！咩角度映都靚，好大份架千祈唔好自私食呀，啱哂三五知已開心sharing。每一格都有粒草莓，真正足料啊！草莓好甜啊！呢

今日同同事試下新野，呢間cafe喺土瓜灣開左三個月，原來太子都有分店，叫居廬take a break cafe，lunch hour雖只得一個鐘，都要黎take個 break嘅！一入去，小店不是太多人。可能新開，大家仍未察到吧？飲品試左紫薯latte ($40) ，好濃既紫薯味，有少少甜，不過算係喺出面小有的飲品，值得推介喎！之後試左All day breakfast! 好豐富阿，男仔食都夠飽！要讚下個炒蛋好有口感，加埋黑松露，的確喺出面難食得到，仲有特別推介塊「火腿扒」，厚度睇落似似午餐肉，食落好彈牙！薯角都炸得好脆！ 加埋個牛角飽，份量十足啊！最後散叫左脆炸薯條配海鹽酸忌廉($66)呢個薯條不得不推介，太好食了，除左大份之外，即炸，而且不油膩，食落有少少香草味，加埋d辣粉，茄汁同酸忌廉點黎食，心心眼！

土瓜灣既隱蔽抵食cafe，主食甜品款款齊，價錢實惠，環境亦好適合傾計。 香煎美國牛肉漢堡配竹炭包 ($116)黑色既竹炭包鬆軟，不過無咩竹炭味。包身搽上牛油，焗得香口，半溶芝士好滑溜好惹味。漢堡扒厚得驚人，肉質鬆軟得黎又唔會散哂，牛肉味香濃。配上清新既蕃茄同生菜，整體唔會太膩。薯條亦炸得香口又脆身，整體幾抵食。 龍蝦汁海鮮扁意大利粉 ($96)意粉煮得軟硬度適中，做到Al dente。龍蝦汁味道較淡，更濃郁會更好。配上大蝦等海鮮，整體幾清新。 草莓麻糬鬆餅 ($78)熱辣辣焗起既花花形鬆餅。鬆軟牛油味又濃，唔止。鬆餅中間仲有軟糯既麻糬夾心，煙煙韌韌咁口感好正。士多啤梨雪糕配上果肉香甜度滿分。灑上糖霜好甜膩，食食下會覺得好甜。不過多人share就剛剛好，好滿足呢。

又到食甜品時間，叫了朱古力香蕉鬆餅(HK$68)，送上來時已覺不妙，Waffle軟身，不脆，一面啡色，另一面是白色，食落完全是香港的夾仔餅，有衝動叫店員給牛油，煉奶，花生醬及沙糖，好失望。

土瓜灣近來開左好多新店，食都食唔切。今日食飽晚飯，就去試甜品。這店位置雖在北帝街，但遠離其它密集的餐室，但也不算難找。看了一下Dinner Set.........都幾肉下，其中兩個都係 Steak。不過沒關係，我重點係甜食。點了一個朱古力香蕉Waffle ，另外想叫一個芭菲，居然餐牌上三款芭菲也沒供應，真係滴汗。便點了一個伯爵Chesse Cake。先來了個伯爵Chesse Cake，其實唔係好想點佢，因為個子不太，但收得唔算平，在土瓜灣區，這少少一個蛋榚已算高價。賣相一般，但係口感有少少軟硬，怕是雪得久了，不過即日鮮做貨色，伯爵味還算突出。再來Waffle，見食評好似不錯。不過，這Waffle 非常港式，整個軟身但不香脆。擺盤亦久心思，香蕉切片放在一個放汁料的小碗上，小家不雅觀。唯有食下個朱古力雪榚…

黎到小cafe居廬飲翻個玫瑰花普洱茶放鬆下先先點左個煙三文魚凱撒沙律 清下腸胃先！主食：燒南瓜雞肉意大利飯 $86 呢個risotto相當唔錯Creamy得黎飯粒好分明 唔會過熟面頭仲有片芝士 好濃香不過唔會溶所以就咁咬 哈哈！ 海鮮pizza就味道一般… 整體感覺有d失準草莓麻糬窩夫 $78 呢個非一般既窩夫真係冇得輸！有咩咁特別？食一啖您就知窩夫別出心裁 入面有煙甄既麻糬真係驚喜度新鮮度爆燈而且賣相咁精美 食到人心花怒放重點係咁既價錢已經食飽兩個人正呀 真係必試！ 地址：土瓜灣北帝街147號地舖