居廬 (已結業)

忙碌工作一天後，想和朋友靜靜的輕鬆的聚聚，想起Cafe。認識Heysonuts的朋友都不難留意到旁邊有間小小的餐廳。今晚就試試。雖然餐廳小小，但枱沒有擺得滿滿，食客之間有足夠距離，感覺舒適。點了一個蝦的凱撒沙律，生菜新鮮爽口，不會太多醬汁，還加上蕃茄乾，顏色豐富，酸酸的有能作調味，不錯。之後的是龍蝦汁海鮮扁意粉，送上時不是扁意粉，是圓那種。沒關係，兩種意粉我都愛吃。賣相挺吸引，海鮮的份量比意粉還要多，有青口，魷魚，蝦等等。意粉軟硬度適中，對澱粉質怪的我來說，如果意粉的份量多一點就好啦，哈哈。龍蝦汁的味道也可以更濃。最後試試麻糬鬆餅，我們點了綠茶味，味道都真是不令人失望，難怪大家都在Openrice力讚。窩夫賣相吸引，好像四個心心堆砌而成。味道不會太甜，窩夫𥚃面夾麻糬，外脆內軟，雪糕上放了薄荷葉，清新。

Cafe一向予人的感覺都是恬靜，優閒，令人可放空一下心靈。本以為在土瓜灣找到一間台灣fu的cafe《居廬》，可以得以輕鬆，點知..食食吓無端端傳來一陣嘈吵聲。先講講那杯咖啡，揀咗最隱陣嘅hazelnut latte ,以為唔出事，點知都是失望而回。賣相是有，那拉花還可以，可惜味道太差，首先太甜，榛子味完全過火，似榛子奶多過似咖啡，完全無咖啡味，等我一心仲諗住嘆下咖啡，扮一下文青。令人最失望的，都是那個草莓鬆餅，那塊鬆雖然暖暖地，但切落很硬，亦不鬆軟。賣相亦和餐牌上的相差甚遠。 草莓很酸，加上那忌廉，也沒有幫助。每一口鬆餅，都要沾上忌廉汁，才沒有那麼孤寡。一個人吃，除非只求飽腹，否則難以吃下全部。食食吓突然打破了恬靜，原來是另一枱食客與女店長有些少爭拗，內容不知道，但整個和諧氣氛頓時劃破。遠望那女店長的聲勢，也顯得相當懾人。既然如此，和諧寧靜的心已毀掉，還是回家看ViuTV吧，文青之路，似乎不屬於我。

放低左小寵物係動物診所 諗住食個快快午餐 諗住去heysonuts 冇位 退而求其次去左隔離間cafe. 餐牌既相好靚。叫個龍蝦汁海鮮意粉。真是慘過自己煮。份量少得可憐 收人$96。所謂海鮮既墨魚仔 蝦 蜆係急凍貨色唔緊要 麻煩處理得好點 勁大雪味兼腥味 點食？意粉 寫明扁意粉 又變左普通意粉。龍蝦汁 完全食唔到 成碟意粉無一可取。最嬲係食個意粉成舊水 唔叫飲品仲要俾個矮仔帶眼鏡既侍應白眼 咩料？食到成肚氣 咪洗旨意有下次。完全理解唔到點解咁多人like呢間餐廳。

侍應(戴黑框眼鏡那位)的態度很差，我在落單時說食物號碼是想方便他入單，怎料他竟然很囂張地回應"講中文"三個字，又說他不懂聽英文！任何客人聽到都會很生氣！希望老闆注意一下貴店員工的態度，食物再好吃也沒用，因為你的員工在趕客！

同朋友行經呢間cafe，被餐牌既相給引住，諗住有圖有真相，食左個出名既美國牛肉漢堡竹炭包，同點左杯紫薯latte ，點知...中哂伏。美國牛肉漢堡竹炭包賣相都幾好，點知一食，牛肉漢堡冇牛肉味，質地好乾，而且好"鞋"口，而且個竹炭包好厚，，好似食包多過食漢堡...諗住飲返啖紫薯latte 濕下口啦，點知好甜，而且一d紫薯味都冇，好似飮緊糖．水，甜到飲左一啖都要飲水沖一沖，咁諗住叫個侍應幫我加水...點知叫左幾次，佢都唔理我。。。總括，呢間餐廳食物已經一般，仲要請左d偽．聽障侍應生．．．不得不要寫一寫

早前有朋友推介呢間居廬嘅麻糬鬆餅同紫薯latte, 專程搭車入嚟一試, 果然好正!!! 紫薯latte 一嚟到已見到靚靚拉花!!! 聞下好香紫薯味, 一飲, 嘩~~~好濃紫薯味!!!! 不過可能紫薯味太濃, 反而蓋過咗咖啡味, 飲唔出呢杯係咖啡, 反而有D 似紫薯奶! Haha~~~ 但我都覺得好好飲~~~跟住等咗大約10分鐘, 個紫薯麻糬窩夫就出爐啦!!!! 冇想像中等咁耐, 其實等緊嘅時候已經聞到好香曲奇味~~~ 個窩夫賣相100分!!!! 一食更加不得了!!!! 外邊焗到脆口, 中間舊麻糬煙煙韌韌, 個窩夫本身同舊雲喱拿雪糕又唔會太甜, 一齊食口感好豐富!!! 本來覺得價錢唔算平, 但質素咁ok, 就算位置有d 遠, 都肯肯定會再嚟!!!!

平日好少去土瓜灣，咁岩放低架車係十一街換油，等緊無野做就去左搵野食。餐廳座位寬敞，感覺都好舒服。香煎美國牛肉漢堡配竹炭包最近好鐘意叫漢堡，貪佢份量十足。呢個漢堡既竹炭包有輕輕烘過，中間既牛肉漢堡夠厚身，而且煎得好香，焦香既外層，咬落去仍然充滿肉汁，美中不足係蕃茄同生菜唔夠新鮮，而且薄薄一片，份量太少，欠缺左清新既感覺。食埋旁邊既薯條，再飲杯咖啡，心靈好滿足，咁又過左一個星期六既下午。

今日難得經過土瓜灣，係肚餓嘅情況下，就去左食呢間cafe，因為cafe內播住音樂，可以休息一下！一坐底，當然即刻睇食咩好啦。睇完一輪之後，就叫左燒焗雞中翼配蜜糖芥末子，煙三文魚意式簿餅，黑松露野菌意大利飯，芒果沙冰，同埋當然唔少得甜品嘅芒果麻薯鬆餅啦。首先，燒焗雞中翼配蜜糖芥末子上枱先。一咬入口，脆口嘅外皮十分吸引，加上小小嘅蜜糖味，又甜又可口。而且，雞翼嘅肉亦都唔會話好乾，有些肉汁。然後，煙三文魚意式簿餅亦都上枱了。一塊塊完整嘅三文魚係簿餅上，賣相很不錯。簿餅嘅餅底一啲都唔厚，食落仲幾脆，加上冇乜油嘅感覺，所以都幾好食。之後，就到食黑松露野菌意大利飯。賣相都尙算可以，加上一睇就係意大利飯，絕對冇呃顧客。食第一啖嘅時候已經食到好濃郁嘅黑松露味，果然真材實料。而杯芒果沙冰就正正常常，芒果味幾濃。因為佢係沙冰，所以我可以由頭飲到落尾。最後，當然到芒果麻薯鬆餅啦，賣相非常之靚。而一咬落去，'煙煙unun'咁，唔知係咪自己比較鐘意食麻薯嘅關係，好鐘意食呢個甜品。但提醒返，因為呢個甜品都比較大份呀，所以最好同人share一齊食呀！如果大家黎到土瓜灣，呢間cafe都係一個休息嘅好地方，值到去試下！

好日都唔入嚟土瓜灣 估唔到呢邊開咗咁多新食店 有好幾家環境氣氛都唔錯 今次揀呢間係因為比佢既英文名吸引到 take a break 的確作為都市人既我哋真係應該休息下 同朋友兩個人分別叫咗一份意粉 一份意大利飯同埋一個麻糬甜品 仲有一杯野飲 奧利奧曲奇沙冰 $50賣相同同圖係一樣嘅 唔會太甜 食到碎冰嘅口感 如果可以濃返少少會更加好 其實＄50一杯野飲我會希望上面有曲奇雪糕 可惜得一塊Oreo 黑松露野菌意大利飯 ＄116呢個意大利飯真係好好味 意大利飯啱啱好唔會太林 唔會太硬 而且佢切左啲洋蔥粒 混埋啲飯一齊食好有口感 汁同飯既比例啱啱好 成個飯都好高質 龍蝦汁海鮮扁意大利粉 $96我平時麻麻哋食扁意粉 因為通常都會用fettuccine(寬麵) 口感唔好 但今次廚師係用Linguine(意大利細麵條) 扁平但窄狀的意大利麵 有普通意大利粉既煙韌質感 食既時候又唔會掛太多汁 very good ar! 調味都唔錯 唔會蓋過海鮮嘅鮮味～ 芒果麻糬鬆餅 $86好大份 不過食左個主菜已經飽左一半 大家如果叫呢個記得留肚 芒果雪糕係好普通個啲無咩特別 反而個鬆

第2次黎食。呢到earl gray好好飲!all day breakfast好好味。炸雞著條都唔錯!不過唔好叫set dinner。西冷超中伏明明叫五成熟變左全熟食落好似大家樂早餐牛排咁。不過其他野真係水準唔錯。仲有樣野好就係唔會特登找散錢迫你比tips

食完鹹食，一定有啲甜食落肚先滿足到既，最後揀左窩夫，開頭真係唔抱期望，都係一舊窩夫加雪糕啫。 點知食落口，真係非常出奇地好食，個窩夫做得好脆，雖然蛋香不足，但口感上非常好，就算加左雪糕都唔會浸稔左。

上次明明說紫薯之旅暫告一段落，才相隔沒多久我又再吃了，女人果然是善變的。今次到位於土瓜灣的居廬 。紫薯拿鐵 $40粉紫色的拿鐵充滿浪漫的感覺，白色奶泡去拉出心心拉花，雖然圖案較鬆散，但至少帶有誠意。紫薯的甜味搶去咖啡風頭，不過點這杯飲品時早就不介意，紫薯香甜，奶味香濃，正是我想要的。龍蝦汁海鮮扁意大利粉 $96龍蝦汁味道不算濃郁，反而跟忌廉的味道一半半，但最喜歡是醬汁不會過稀，是剛剛好掛在每條扁意大利粉身上，意大利粉軟硬度適中，而材料都豐富，有帶子粒、青口、魷魚、八爪魚等，新鮮爽口，絕對是意想不到的美味。紫薯麻糬鬆餅 $86麻糬鬆餅絕對是是日主打，灑上淺紫糖粉的鬆餅放在黑色盤子上，欠缺伴碟，感覺有點太過簡單。窩夫蛋香不足，中間夾著的麻糬味道偏淡，而且欠缺那種煙煙韌韌的口感，感覺結實，最後雪糕反成為主角，大家都搶著吃。我個人建議用紫薯蓉伴碟去增加甜味，再配上生果去增加豐富度，現在太單調了。專誠去品嚐的鬆餅的確有點失望，希望餐廳可以改善一下，畢竟這餐廳是以鬆餅成名的，下次希望點普通的鬆餅會更好。

之前上網見到都幾多Foodies介紹呢間餐廳，趁今日放假就諗住同朋友黎試下～呢到雖然交通唔係幾方便，不過全靠GoogleMap好快就搵到呢間野可以take a break裝修幾有特色，好岩同朋友坐低傾下計～另外，餐牌仲有好多選擇，飲品都有好多頁，岩晒唔同人嘅需要係openrice見到呢個煙三文魚紅菜頭意大利（＄96）飯幾特別，一於試試佢啦！不過就些少許失望啦，首先賣相也唔太好睇味道方面，紅菜頭味唔係好出，似普通嘅意大利飯配上幾粒紅菜頭。煙三文魚份量正常，鹹度亦適中，不錯～個人建議飯入面嘅洋蔥粒份量可以減少一點，太少會影響了意大利飯的口感。另外，我們還試了這個朱古力香蕉麻薯鬆餅（＄86）！賣相不錯，加上薄荷葉作點綴，感覺很清新。未食已經可以嗅到好香嘅香蕉味，食落仲好香添！鬆餅外層好鬆脆，而入面嘅麻薯好煙韌，唔會太軟身整體而言，成個麻薯鬆餅嘅味好夾，但有點貴呢～還叫了玫瑰花普洱茶（＄45）茶壺好特別，可以一邊加熱一邊飲，就算傾計傾得耐都唔怕凍左～相比之下，普洱味無玫瑰花味咁突出。但環境很好，令我可以好輕鬆地和朋友聊天，好舒服的一個中午！

位於太子花園街的居盧，可說是Cafe界的始祖，不過因為店面不大，自己又喜歡無聊Hea 坐幾粒鐘的，經過幾次都太多人等位，失去hea 坐的雅興，所以至今一直都無緣一訪！知道土瓜灣開了分店，空間大啲人流少啲，啱晒我呢啲鐘意hea 坐燒時間的朋友，呢日約埋朋友齊齊攞AL 落嚟食Tea.....星期二的下午好靜，無咩人，啱晒我呀！朋友未到先叫Hazelnut Latte 邊飲邊等，熱奶泡上畫左熊仔公仔，線條分明，真係靚到唔捨得飲佢，淡淡的咖啡味同公仔一樣咁易令人接受。朋友點左呢個美國頂級牛肉漢堡配竹炭包，一上枱我們就後悔了，實在太巨型了吧！我們說好要狂吃甜品，吃完戰鬥力應該大減.....漢堡大概五吋高，包括有成吋厚的牛扒，芝士蛋洋蔥及蕃茄片等，叠到成座山咁，主角牛肉口感軟淋，雖然略為熟左少少，但都無損肉汁，至於黑色的包皮，質感鬆軟，氣孔平均散落在包身上，不過就無咩竹炭味了，其實我不肯定竹炭是什麼味才對吧！因為飽了一半，所以甜品只點了一客草莓鬆餅，注意這個是鬆餅，不是窩夫喔質感比較Fluffy 厚身，台式口感吧，微暖的Waffles配合冰凍的士多啤梨雪糕一齊食都幾爽皮，整體來說不差的，但個人覺得

土瓜灣開了越來越多西餐和cafe，這家cafe太子店好評也很多，這天放工便和同事來試試。 小店的裝潢也乾淨舒適。 前菜選了焗芝士什菌薯皮，薯皮剛剛焗好，非常酥脆，薯皮內滿滿都是芝士，很正。 焗芝士什菌薯皮 $52我和朋友都想留肚吃甜點，所以點了較light 的牛角包，黑松露很香，本來以前只會有粉量蟹肉，食下去啖啖肉，而且炒蛋也有蛋香味，這個牛角包有驚喜，下次再必定再點。 焗黑松露蟹肉炒蛋牛角包 $68甜點我最喜歡吃waffle，這兒也有很多選擇，吃慣了士多啤梨味，這次選了較特別的紫薯麻薯鬆餅。waffle 香脆，而裡面是煙韌的麻薯，配雲尼嗱雪糕味道不錯，可是紫薯味不算太濃，沒有想像中特別。幸好沒有點太多主食，不然一定吃不完了。 紫薯麻薯鬆餅 $86來cafe必點一杯cappuccino，喝下去奶味和咖啡味配合得好，不錯☕️ Cappuccino $36