尚膳坊 (已結業)

上一次食完之後，就約了一大班朋友去幫襯。食物質素依然高，可是十分受氣。我們一行七個人在沙田踏完車後，專誠返回西灣河試一試。我們點菜時正談著食什麼有乜好食的時候，有個黑面阿姐大聲鬧我地咪嘈住。問佢點解餐牌前後唔同價，佢又話唔知道，佢唔理幾錢。又鬧番我地轉頭。我叫佢唔好嘈寫就快的走。佢仲係度ee哦哦。我朋友終忍唔住問佢邊個係老闆叫佢出來。佢自己話自己係老闆。吹脹~!!!真係食到一肚氣~!!

寒冬之夜，老友相約，機緣之下到了這間餐館進餐。由於友人因事稍遲，到達餐館時已是八時多，與友人稍等一會才有位。不知是否家庭式經營，店員服務態度非常友善細心；由於此店是新開業及供應部份懷舊菜式，店員均樂意詳細解說餐牌上每一菜式。經店員介紹下，點了3道菜。1. 玫瑰香薰雞 2. 煎咸魚肉餅 3. 茄子牛腩煲玫瑰香薰雞：店內每一台食客均有點選，不出所料，實為出色之作；每口雞肉都有淡淡幽香，亦保留了雞肉的鮮味，肉質非常之嫰滑。推介之選煎咸魚肉餅︰咸魚本身是上等貨色，混上新鮮肉餅一併下鑊煎，簡單的食材，卻能製作出如此精巧美味的菜式，盡顯廚師的手藝及此店店主對食材貨源的認真及審慎。茄子牛腩煲：牛腩本身不是我杯茶，但友人欲欲一試，就點了這道菜。主角，牛腩煮得入味，反而配角　茄子本人極之欣賞，不像坊間一般煮得爛，而是甚有咬勁且保留鮮味。汁的調較亦為精彩，不濃不淡，恰到好處。附送的湯品及甜點，亦是精心製作，不是一般坊間的味精水。全單總數，約１９０元。總括而言，用這價錢享受到這樣水準的食物及服務，超值！

街坊話這間正野，一定要來試，西灣河又多了間私房菜了。本來想試艇仔粥及腸粉，原來晚上沒有。為要試菜，沒叫套餐，散叫。看一下菜牌，懷舊名菜甚多，分類清楚：玫瑰花煙薰雞、寶鴨穿蓮(京蘇鴨)京蔥乳鴿 蝦兵蟹將 蝦子百花釀柚皮　鴨汁魚唇扒柚皮野山椒蝦米鮮淮山　百花釀花菇 芝心黃金百花球 肝膽相照 (鵝肝醬炒芥膽) 咸魚煎肉餅羅漢上素 什菌紅燒豆腐 雪裡生根豆腐 蝦子生根豆腐 黃金肉崧炒涼瓜 黃金肉崧脆肉瓜 金銀蛋浸涼瓜皮 魚肚浸涼瓜皮 欖菜肉崧四季豆 欖菜肉崧脆肉瓜 欖菜肉崧炒涼瓜 瑤柱蒜子扒時蔬和味香醋骨 鳳梨香醋骨 蜜桃香醋骨 五味骨 涼瓜炆排骨 鳳眼炆排骨 波蘿咕嚕肉 日本芥末牛柳粒 蒜片牛柳粒 金沙脆豆腐　涼瓜馬友菜上來了，先來雞。1. 玫瑰花煙薰雞是這裡的招牌菜，台台都點，也叫了半隻，好好味呀! 雞肉又嫩又滑, 唔使點汁ｏ架 原味已經爆分!果然色香味皆全，只欠圖中的玫瑰花沒放在碟上，否則更美。真是不可不試。2. 寶鴨穿蓮也叫做京蘇鴨，以前聽得父老講，但未試過，未悉是否正宗，鴨滑而香。鴨內藏了寶，也很與眾不同。3, 野山椒蝦米鮮淮山這個是家常菜，店主推薦，反沒什麼特別，淮山硬而無味，

經朋友介紹才知道這間門面簡單的鋪有著不簡單的味道。今次叫了一個最平的$168二人餐，入面包括兩個沒有味精的湯，煙燻雞，京䓤牛肉，娃娃菜及甜品。份量夠，味道又好。這個二人餐實在足夠三個人食，我和女友都食到想嘔，好抵。招牌煙燻雞實在正到想食多半隻。

早前去過尚膳坊同男友慶祝聖誕節星期日晚上8點鐘, 依然有唔少客人, 不過我地留咗位, 即刻可以坐低男朋友叫咗個168套餐~首先侍應, 捧上熱騰騰老火湯 感覺都幾特別~ share咗啲俾男朋友飲, 大家都讚好~男友跟餐o既玫瑰花煙雞都好新鮮, 保持一貫o既水準!等咗一段時間, 香醋骨終於來, 酸酸甜甜好好味......全部嘢都好熱辣, 我諗要花好多時間去預備, 其實再等多陣都係值得!碟上每一款都咁好食, 男朋友鐘意食玫瑰花煙雞, 我覺得老火湯又健康, 無味精, 非常滋潤享用完豐富o既食物, 再嘆埋糖水- 分甘同味, 呢個餐真係好享受~我地臨走前再去櫃台問洗唔洗俾加一, 佢地都係話唔需要~ 不過禮貌上或者我地都好樂意咁留低咗啲小費, 先至離開~ 尚膳坊, 真係又要讚多你一次, 有機會一定再嚟幫襯~~

今晚約左朋友們O係屋企附近食飯~ 見倒有間新開O既野就入~~ 其實係被個大電視吸引~~ 慣左邊食邊睇電視!! 估唔倒被隻玫瑰雞吸引住!!! 超好味~~~ 我霸住黎食! HOHO~~ 同埋無味精例湯超讚, O岩晒唔得閒煲湯的香港人~ 冇味精!! 夠健康!!仲有我至愛的牛, 蒜片牛柳粒~ 都幾好味~~ 炸大腸CROSS OVER糯米飯!! 一向唔鍾意炸大腸, 但MIX 埋糯米飯的味道又OK喎~~~齒伶俐最後仲有糖水送 ^^ 女仔至愛!!! 當晚又有電視睇, 同朋友又傾得開心~ 雖然坐滿晒人, 但都唔趕人走!! 好好坐~~ 飯局聚會一流!特別一讚... D伙計幾細心~ 見倒我地D揸單反機的人好大袋野, 自動自覺拎多張凳比我地擺野~ 食得舒服!! 醒目!!!

２人 -見倒招牌 - 私房菜 , 好, 於上星相約左人入去試下waitress 好有澧貌甘介紹了幾款招牌菜, 望落都吸引又好特別煙熏玟瑰雞 - 好好味呀! 雞肉又嫩又滑, 唔使點汁架 原味已經爆分! 蒜片牛柳粒 - 哇! 正過正宗上海店 - 最後汁都放過肝膽相照- 鵝肝抄芥胆菜! unbelievable Taste 我不嬲都唔食有怪味嘅菜, 但真係要贊下個廚. 加好細好細(細過米)嘅薑粒一齊抄, 另到D鵝肝完全唔腥!仲好香Tim ! 芥胆菜又脆 又唔老! 醒胃 配做一流 * 留意芥胆菜 is not 芥菜$188 套餐, 3送2湯2飯2糖水....超班私房菜 去邊揾?( 套餐仲有 多款送可送,任意配

下午茶餐至6時, 到達時還來得切叫下午茶餐 叫了二款粥-艇仔粥及碎牛粥, 完全有別於大牌檔的, 粥底很清,很雪白. 艇仔粥有豬肚, 豬皮, 水浸魷魚等, 碎牛粥是用鮮牛沒有炸米粉的。大大碗, 加$5可選擇2件蘿蔔糕, 芋頭糕或馬蹄糕, 或腸粉。除了蘿蔔糕外, 都全試過了。芋頭糕很不錯, 腸粉的豉油很好味。再加了雪裡山根豆腐$48 + $10有一碗飯, 一盎很燙老火湯 及 糖水(是晚合桃奶露)一小碗。真的不錯。尚膳堂的餸菜都是少油的, 他們的懷舊菜包括玫瑰香薰雞, 蝦子柚皮, 2款排骨。下次要將他們一一試勻。