尚御潮滷居

营业中

休息中

終於。。。有人話我再同佢試伏伏食店。。。又平又好味，竟然無加一。菜菜有湯浸過，好好味。廚師朋友食第一啖，問：嘩，用乜浸，好好味馬友皮脆肉滑。鹵水鵝件其實都起左肉，份量足。湯。。。堅無味精。臨走見到有好多人點蔥薑魚鍋，細細碗鋪滿蔥薑，下次要試。

對於甚少食“飯”的我，今午心血來潮想食滷味，咁食得滷味如果配麵始終差啲，所以好吧，來個大碗飯🍚。.認真，我唔識品評這裡的滷味是否特別出色，不竟我平時少吃。但，主觀地我覺得好好好好食😂 豆腐非常滑，好似豆腐花咁；滷水鵝肉每塊都切得厚薄一致，滷水味恰到好處，不會太鹹或太淡。而且鵝片有10塊咁多，一點也不吝嗇呀！就連那些酸辣芽菜的點綴都很出色。所以，下次想食飯，我會encore。😎.另，值得一讚，環境好乾淨，中菜餐廳保持環境如此潔淨光猛都係好難得。食得安心。

朋友平時成日去尚御潮滷居開飯，本身好早之前約好，但因為晚市禁開所以取消，最近晚市重開當然要立即約飯局！位於少少隔涉的大角咀，店子小小位置不多，所以想食就要預先訂位。今日個菜單由朋友發辦，完全唔駛煩惱，每一樣都好味到想開獨立post呀，再次感謝朋友帶路先有留到好嘢食！龍蝦炒飯 單看賣相夠哂氣勢，廚師將龍蝦起肉炒飯，龍蝦肉彈牙又鮮甜，炒飯粒粒分明又夠乾身，仲有菜脯同蔥，幫炒飯加色又加味，色香味俱備！醉鮑魚切片上，每一片都鮮嫩又傳來獨特酒香，佐酒一流。煎鷹䱽店員同朋友介紹有鷹䱽，一睇就見到份量十足又夠厚身。切片煎至金黃色再上桌，魚肉實淨又有魚味同鮮味，雙重滿足。滷水鵝滷水店都可以唔點鵝？鵝肉甘香味美又入味，食到滷水汁的香甜，食多幾件都唔膩。鵝腎入口食到滷水味，口感又爽口，食到停唔到口。炸大腸一睇個樣就知好食，炸至皮脆香口，記得蘸埋秘製醬汁吃。入口脆卜卜，充滿油香，而秘製醬汁仲有減膩，超正！酒醉鵝肝將法國鵝肝浸白滷水與醉汁製成，切片單看外表已經好滑，入口即融，鵝肝的甘香中帶酒味與滷水香，忍唔住一片接一片放入口。白灼墨魚店員話有好味墨魚，立即加單！墨魚鮮甜到不得了，仲keep到好爽口，加埋蔥和芝

晚市重開，昨晚和幾位老同事再去光顧大角咀的新派滷味店尚御潮滷居。六人分坐兩枱，要把食物互傳交換有些不方便。店不太，但清潔企理，招呼殷勤。先点條鵝頭頸吃住等人齊淡淡滷汁，肉質細嫩，不咸入味。今日重點推薦菜，酒香鵝肝跟傳統潮州鹵水不一樣的做法，淡白鹵水配上黃酒，肝肥粉嫩，入口即溶，餘韻留香。千層豬耳，做到好似淆肉凍感覺，中間應該放了豬頭肉，軟硬適中，有少少嚼頭。.海蜇墨魚片，墨魚大隻，海蜇爽脆，不過不失。花甲蒸蛋，可能下水不多，蛋味濃，但不滑，花蛤汁液也沒融入蛋中。脆炸大腸，新鮮大腸制作，肥油處理乾淨，乾身皮脆，女仕也會喜歡。金柚咕嚕肉，配柚子清新，肉脆，水準之作。香煎馬友，分件半煎炸，咸香皮脆肉有質感。薑絲大地魚豬油撈麵，薑葱撈麵多了些豬油大地魚，58元一客做單尾也不錯。

同屋企人慶祝生日🎂被佢哋帶咗嚟大角嘴喱間滷水店據聞班底師承「阿鴻小吃」生意火紅，唔訂位係要喺門口「罰企」門外不時有人斬料加送舖頭細細有啲逼，但環境乾淨企理，服務亦算唔錯法國鵝肝浸白滷水同花彫，甘香嫩滑無渣、入口即溶乳鴿用威士忌、花彫、糟露同白滷水去浸，充滿酒香，入口細嫩，加上胸肉起骨，食起嚟乾淨俐落鵝片唔老唔鹹有藥材香豬大腸乾淨冇異味，但稍嫌唔夠入味同瘦咗啲唔用滷水豆腐用白菜墊底「有點意思🤔」鮮馬友夠肥，以半煎炸方式烹調，淋上甜豉油，食落皮脆肉嫩Order煎魚菜式送白飯一碗上湯蘿蔔入味無渣整體嚟講～師傅刀功幾好，食物有水準，份量大方，價錢合理...Value for MoneyP.S. 全日免收加一，自携酒水唔收開瓶費，仲可以預訂唔喺Menu嘅菜式

我一向都好少上openrice留評，留評一係難食都嘔，一係好食到無得彈，睇過片介紹尚御呢間滷水店，今晚就跟朋友去試，首先必然要試就係推介既鵝肝啦，真係試過之後回味無窮，鵝肝好甘香，滷水鵝片，鵝翼都係水準之作，仲有其他小食都非常好食，至於中菜，啫啫鱔煲，芥蘭炒牛肉，蠔餅，亦做得相當出色，真係無諗過滷水，中菜2種模式既食店都做得咁好，同樣出色，店員相當有禮貌，店內忙碌都仍唔會忽略客人，所以必然會再次幫襯，仲會介紹朋友，食過返尋味

超旺場潮洲小店 • 必吃酒香鵝肝繼續 系列，多謝友人安排，終於可以一嚐呢間超旺場小店。每晚訂位分兩輪，建議大家一定要訂早輪，如果唔係到時咩都俾人食晒。😭先來幾款酒香冷盤，出色到不得了！酒香鵝肝是暫時吃過最好的，酒味香濃，粉嫩程度根本冇可能用筷子將一整片夾起，大家訂位時候，一定要預留。酒香鮑魚+乳鴿擺盤好靚，非一般小店級數，鮑魚彈牙入味，乳鴿好好肉地，只略嫌肉質唔夠嫩滑。基本上呢度嘅酒香菜色全部都做得好好，大家可以放膽點。去到滷水，千層豬耳夠晒大件爽脆，骨膠原十足。滷水掌翼夠大隻，入味不會死鹹。鹵水墨魚爽口得來不失軟熟。去到大家最鍾意食的鵝片，先要讚刀工一流，厚薄大細均勻一致，賣相極靚，美中不足是鵝肉不夠滑，帶有嚼勁。至於滷水的味道，始終不夠醇香，個人認為不夠滷水味。潮洲煎魚亦係名物，慢火煎香，絕對係心機之作。我們吃了煎倉魚以及煎馬友，前者香脆，配豉油汁一流；後者香口得來亦保留魚油香。單尾的臘味煲仔飯都做得唔錯，飯粒算分明，亦有飯焦。我們一行六人，每人埋單$360，已經可以食到鮑魚、魚(兩條)、墨魚以及大量滷味，個人認為非常抵食。

這間潮州小店離家不遠，又有朋友推介，於是找了一個平日的晚上，做一對無飯夫妻，兩口子去吃了一頓晚飯。「節瓜章魚西施骨」（原價$18，跟餐$12），沒下味精，湯味自然，甚有家常的味道。「海蜇拼雞腳筋」（$70）兩者都是可口的小吃，佐酒下飯皆宜。下了芝麻的海蜇爽，下了芥末的雞腳筋是昔日「阿鴻小吃」的招牌小食之一，這兒的水準或許沒有昔日鴻師傅做的那麼好，可仍開胃好吃。「鹵水鵝片撈麵」（$75）有不少鹵水鵝片在裡面，鹵水汁也頗有水準，入味的鵝片啖啖肉的感覺挺好，撈麵沾上了鵝油與鵝汁，也比一般的撈麵更加好味。「鹵水豬腩肉湯麵」（$53）的豬腩肉肥瘦比例適中，不會過於肥膩，配以青蔥青菜清湯，也不錯。

雖然大角咀嘅地理位置唔算特別方便，但係真係有好多美食！一行八人食晚餐最抵讚係可以自攜酒水，佢仲可以幫你雪住多人嘅好處就係可以試多啲唔同嘅嘢食不過掛住食，其中有好多碟都唔記得咗影相墨魚彈牙有咬口，滷水汁好入味，送酒一流燒鵝皮脆肉嫰，而且份量好大好抵食！最後呢碟都拼盤，入味❤️其實當日仲好奢侈地叫咗鵝肝不過平日好少食所以唔記得咗影相就急不及待食咗不過咁高膽固醇嘅嘢都係少食多滋味🥳🥳——————-鋪仔細細就算多人都好適合傾偈！🙆🏼‍♀️

第一次食潮州鹵味～直入正題，我未試過禁樣食中式鵝肝！ 做得有水準的滷水鵝，首先要色香味俱全。靈魂當然是滷水汁，裏面有超過十種材料，包括香葉、桂皮、八角、花椒及小茴香等等。鹵味入味到難以形容，令我瘋狂叫飯黎食，d鹵水汁送飯簡直係至高既享受。我地叫左個鹵味拼盤份量ok(4個人食剛剛好)我人生完全無想像過食鹵味可以配紅酒香檳🍾️，完來係好夾！服務員態度非常好，有賓至如歸既感覺。下次期待再幫襯！

疫情之下，這間潮州小店仍然有不少捧場客；外賣就更加多了。無它的，以相宜價錢換質素不錯的食物，隔涉一點也能吸引區外人光顅。蓮藕章魚綠豆煲西施骨無味精靚湯，分量不但可供二人享用，且味足料多，必叫。馬友是我最喜歡的魚種之一，這兒的煎馬友做得非常好，幾乎是逢到必點，外層香脆、肉細滑；魚油豐盛，一口白飯、一口魚肉，樂呵樂呵！豬油撈麵以粗為佳，麵條彈牙、容易掛汁；油香+鹹香，誰不愛？雙併中的鹽香雞嫩而帶嚼勁，墨魚口感彈性；滷汁香卻不過鹹，反倒是底層的豆腐不太入味。尚御潮滷居地址: 大角咀杉樹街2-16號金基大廈地下5號舖電話: 23383119

讚1. 滷水專門店，滷水大腸同豬蹄好味道！大腸入味腍滑，豬蹄好惹味，滷水幾香，撈麵非常香，豉油味非常鮮2. 服務好，姐姐笑容好，又問啲野合唔合胃口又問要唔要辣辣油3. 價錢真抵，份量又大彈1. 滷水鵝片係鞋左啲，實在要進步

朋友介紹這裡的大廚是米芝蓮食府出來的，一嚐之後，果然功架十足。今晚吃了以下菜式：墨魚片、千層豬耳、滷水鵝肝、醉鵝、凍魚、上湯蘿蔔、滷水鵝片。全部菜式也很滿意！特別是墨魚片和滷水鵝肝，外面根本吃不到！上湯蘿蔔看似簡單，卻做得清甜沒有渣！順帶一提，這裡的自家炒辣椒醬，好味極了，愛吃辣的一定要試。店面位置不多，會比較迫，也能聽到鄰桌對話。看見熟客很多，要有排隊的準備呢，但還是很值得的，有米芝蓮級數，卻是平民價！

又係呢間潮式小店，今次多啲人試左好多新菜式，碟碟有驚喜。事先預留左醉乳鴿同鵝肝：🐦🐤炸乳鴿就食得多，以酒入饌就第一次見。肉質嫩滑，酒味都幾出但唔會好烈。鵝肝入口即溶，滑到好似浸入左酒入面，再係舌上融化出鮮美味。呢兩樣預訂特色菜式，一轉對乳鴿同鵝肝既睇法，係新既刺激！上湯蘿蔔：🥕蘿蔔入口完全冇渣，都吸收左金華火腿上湯嘅精華，鍾意食蘿蔔嘅朋友一定要試。烏頭：🐟潮式既蒸烏頭，冷而鮮，用鹽調出鮮魚嘅味道已經唔錯，略嫌肉質可以更滑就更好。滷水鵝同埋滷鵝頭：滷水味保持一貫嘅水準，滷水鹹甜味調味得宜，食極唔膩。

係一間新式潮州野既食店，不過地方較為細，只係可以容納10張枱，大概只可以坐到20個位左右。-滷水鵝拼雞翼：🐦🐤叫左雙拼，不論係雞或鵝，佢地既表皮都好夠色水，滷水味好入味。鐘意滷水汁咸咸甜甜既味道。而且肉質唔諧口，係鵝既肥膏有啲厚。-芥末雞腳筋：雞腳筋份量偏少，不過第一次食用芥末調味既雞腳。有少少似點燒肉既芥末醬，個人黎講都覺得兩個味道係夾既，可以試下。-新鮮馬友件：🐟煎香左既馬友食落好香口，呢味馬友件既調味就似家常小菜。