尚御潮滷居

营业中

休息中

友人返日本之前食餐飯(咁遲先叫我😂) 就好好彩咁多左間飯堂😍一入座就送上碗老火湯，好滿足又暖心❤️先要左前菜豬耳拼海蜇，我由細到大都叫佢做橡筋🙈，但一d都唔靱好有彈性，調味岩岩好，豬耳超薄但有嚼口👍🏻再黎滷水鵝肝，哇入口即溶果種感覺仲勁過西式煎既做法，我喪食停唔到口❤️鵝片併墨魚+ 鵝片併鵝腎，每樣都係切到薄薄一片墨魚爽，鵝腎腍中帶彈鵝片越食越滲出鹵水既陳香，要啪哂一碟真係無難度🤤另外一早請老闆留左瀨尿蝦，痴線我未見過咁大隻架！成隻前臂咁長啊😱我一向唔食瀨尿蝦(因為我一向覺得佢唔炸過呢個灰紫色既樣超似發霉既異形😰) 但我都忍唔住食左兩啖，多膏！啖啖肉！真係覺得老闆好勁點解可以揾到咁大隻❗️ 炒條菜都好食過人，白菜仔完全無草青味菜心都嫩過人，仲要係有火腿味一定有下次，同好多好多次😍

尚御潮滷居 Comfort food鵝片豬頸肉撈麵。中規中矩既滷味 滷水味唔會太重 鵝片唔太肥 豬頸肉也不錯 不過都未算係重點呢間我最欣賞係佢地自己炒既辣椒油。每次都會唔停咁加黎撈麵食。滿滿辣香既撈麵加一大碗粉葛湯就係我既comfort food.

大角咀近年小店來去如風，個個月有新開亦有執笠，聽街坊講呢間新開的鹵水專門店好得，所以要拿拿林趁消失前試下。店面好細，廿個客都坐唔到，招呼幾周到，整體環境都乾淨企理，但係迫囉。。。當日都好旺場，要等位。試左例湯，鵝片拼大腸，豬油撈面，鮑汁娃娃菜。主角鹵水個味幾特別，好重五香藥材味，有點似肉骨茶，個鵝片最正，薄切，入味，軟稔又有鵝味，大腸就正正常常好肥下。豬油撈面同娃娃菜都係水準以上，個赤小豆粉葛湯亦足料清甜無味精。唔知係邊樣送有師傅，食完有少少口渴。味道同質感都好好，而且整體唔太咸，啱老人家食，但要小心因爲地方真係好窄。

服務態度差、食物好難食差、做嘢勁慢差係門口等位已經無人理你，話等一張枱，但等咗超過十分鐘，係因為無人執枱，坐下叫咩無咩、出名鵝片無，只有鵝肉，等咗超過20分鐘都仲未有得食，於是問店員，佢話整緊，再等咗一陣，有人入嚟，店員表現興奮呀咩生有嘞，隻鵝整好，再等多十分鐘佢話現正整，人哋仲遲過我哋嚟都成隻鵝攞走，足足攪咗45分鐘但一粒飯都未食到！

今日情人節，又適逢春節將近，到處到人山人海…所以，就選擇了較偏門既地區：大角咀覓食~等了大概五分鐘就入座，餐廳地方較少，約只可容納二十人，裝修清雅簡潔~共叫了以下四款菜食：是日老火湯 $12 無味精，足夠二人享用海蜇拼墨魚片 $55好爽口，好夠味侍應姐姐好細心，見我地有叫XO醬撈麵，估記我地都可以食辣，建議我地可以點辣醬食，真的更香更好味！尚御特色XO醬撈麵 $48好香，又唔會過咸，份量又多滷水鵝片鹽香雞湯麵 $65鵝片軟硬適中，好入味雞好滑，有驚喜總結：侍應服務好，每樣食物又好味，價錢又平，又唔洗等位，CP值高！一定會再光顧！

住佐大角咀咁多年，一直都好想食潮洲「打冷」，回想N年前有一間在大角咀道，不太好味，最後仲「執笠」埋⋯⋯⋯近來，從「大角咀街坊美食谷」看到得多谷友介紹這間潮洲滷水店，評價都幾正面，所以今天一於要去試下。店鋪位於「御金・國峰」隔離⋯⋯店鋪小小，只得二十個位我們點了一個「滷水鵝肉飯」同 「滷水鵝片撈麵」這兒是比較「慢功出細貨」，雖然三點幾，店內沒有太多客人，但都等了大約10分鐘⋯⋯⋯這碗「滷水鵝肉飯」來了⋯⋯HK＄55 的飯，鵝肉鋪滿飯面，鵝肉已去骨，而且一點都唔肥，仲好嫩滑有咬口，滷水味不太濃，我覺得味道適中剛剛好，不會蓋過鵝味(不過喜歡濃味的免必太好)再過多5分鐘，我的「鵝片撈麵」來了究竟「鵝肉」同「鵝片」有什麼分別呢？！為什麼會貴些呢？！原來「鵝片」比「鵝肉」切得更薄，很巧師傅手藝⋯⋯⋯這師傅的刀功很好呵，厚薄剛剛，塊塊一樣厚度，鵝片肥廋適中，沒有「鵝肉」咁有咬口，但多了一股「甘香」的感覺而且HK＄65碗撈麵，「鵝片」竟鋪滿全碗，看不到麵撈麵都煮得很牙！！碗湯就沒有太大驚喜了。侍應介紹了這間店的老闆師傅，原來是位八十後年輕人我覺得這老闆做滷水很有誠意，而且價錢唔貴，份量十足！！一定「有

新開既滷味餐廳，聽講厨師係某大集團出黎自己開既。即管試下lunch...~滷水鵝片+大腸飯:份量多，鵝味及滷水味完全食唔到，要叫多個滷水汁點住食。~鵝件飯:一樣份量多，擺碟靚又整齊，刀功唔錯，肉質鮮嫩，但滷水味真係食唔出。下次有機會試下其他另外醬汁放係收銀旁，收$姐姐收完錢就裝醬，感覺有點不衞生