尚廚

营业中

休息中

自助午餐款式多，除了沒有中式蒸魚及長脚蟹外，其它食品款式跟晚餐差不多，燒牛肉，牛仔骨，白切雞，咖哩雞，燒鴨，中式炒飯，干燒伊麵，三文魚剌身，多種壽司，日式冷麵，美國生蠔，凍蝦，凍青口，凍大螺及凍蜆，還有個自制班戟幾有趣，整體不錯，還有openrice折扣7折付款值得一讚。

早上11時半已經到達將軍澳地鐵站內等待朋友一起到附近將軍澳酒店尚廚食午餐，早到了15分鐘到了酒店，在招待處附近已經有10多位食客等待進入食店，入內後感覺地方大，食物擺放位置唔差，食物質素算好，多款不同冷凍美食，最喜歡食松葉蟹，大大仔腳仔，好多肉食，味道鮮味，值得推介！

自己住東九龍 想食自助餐 附近 選擇不多諗住酒店的自助餐 有一定的水準 點知 選擇少 質素又麻麻地 我地有BB 車 事前有通知 都安排左個幾好的位置俾我地 但真係接受唔到自助餐可以少野食到咁 真係有的失望 😞選擇少到 食完係感覺唔飽

食自助餐可以玩？？你沒有看錯，是真的。剛剛同家人享用一個非一般的自助餐，就是這間👇 位於將軍澳，可由Popcorn商塲通往的酒店，今天美食之旅正式開始~。美味馬拉星自助餐，星期一至五價錢與六、日只是相差$40，如經Openrice訂座更可享有7折，如此優惠，不得不立即行動。食物款式多不勝數，凍食有生蠔，長腳蟹，凍蝦，黄金螺，味道鲜美。中西式當然有燒鵝，羊扒，肥牛，燒茄子，燒魚柳，鮑魚海南雞飯及雞肶菇等等，香脆多汁。至於日式方面，略為遜色，只有五款壽司供選擇，不過最為别緻的是雞胸肉壽司甜品有娘惹鮑魚沙律，斑蘭椰子芒果卷，榴槤Pancake，還有很多細細件迷你型蛋糕。每枱食客手持食物领取咭到自助區"花膠肉骨茶"，侍應生隨後會把一碗熱騰騰花膠肉骨茶送上。每吃一口，膠質濃厚，配上濃濃的肉骨茶，感覺有點兒喝着北芪杞子湯，身體也强壯起來。至於玩什麼？一般自助餐添加熱盤時，都是靜悄悄的，"尚厨"卻有它獨特風格。"鈴鈴鈴鈴"鈴聲响起，甚麼一回事？7時30分，7時40分，8時正，鈴聲分別响起了，食客即時停止手上動作，箭步如飛的走到自助區有秩序地排成一行，也好像看誰跑得最快一樣，領取"售完即止"的特色食物

酒店級，環境當然有一定水準，不用多说。食物方面，午餐有生蠔吃，真不错。冷盤是本人首選。熱食就無特色，牛排真係好原始~4成熟，牙力少就吃不了。服務態度方面，真有禮貌。總结最驚喜是，生日有紅酒送，一般是晚餐才送，現在午市送，真係好開心。

七月開始星馬 Buffet 見到佢話星期日有龍蝦就試下、但係龍蝦長期供應不足每次出10隻左右就等好耐先有 ⋯ 咁不如慳返百幾蚊食 Weekday 算啦。鮑魚海南雞配黑豉油幾好味、花膠肉骨茶好大舊花膠一開始好好味，之後就越飲越淡！海鮮方面有即開生蠔、大約食咗10隻但係有兩隻係臭嘅，長腳蟹龍蝦冇乜味 ⋯ 魚生時好時壞有時簿切有時厚切唔知佢想點。有港式凍奶茶凍檸茶任飲算係加分！1830開始如果早啲安排人入去坐低等會好D、全部人塞喺 Lift 附近又冇人講排邊有少少混亂。總括嚟講裡面所有侍應都好好禮貌收碟好快 ⋯

今晚朋友請食自助餐，帶我來到將軍澳既尚廚，這裡地方不算大，但環境格局算寧靜寬敞，食物款式不算太多，但質素尚可，一般既冷盤、海鮮、熟食、各款中西式食物都有，唯一可惜既係沒有生蠔!而最特別既係中段時間有侍應搖玲的時候，就要立時出去排隊攞既 '份子雪糕' 和 '火焰雪糕' ，味道唔錯，食完可再攞，但派晒就沒了。呢度有水牛芝士及其他不同款式既芝士，啱晒喜歡食芝士既朋友。最後來到食甜品既時候，已經飽了一大截，但非食不可，實在太多款式及太吸引了

今日父親節，爆滿，也很多長者。侍應們服務超滿意。食物不停添加。今日很多怪客人生客也殷勤招待。見到佢地都辛苦。對長者小孩也特別留心照顧。見到有個師奶明明係香港人無釐頭同人講港式英語成間餐廳無人聽得明，最後佢自講返廣東話人地先明佢講乜。侍應仍然耐心照顧佢。超有耐性👍🏽

屋企人咁啱有幾張優惠券， 於是成家人就去呢一間酒店 ，試下佢嘅自助餐下午茶 。假日嚟講人能唔算太多， 而食自助餐嘅 座位 幾多 ，而側邊嘅就係廚房，同埋 拎嘢食嘅位置，食物選擇都唔少嘅 ，都幾多鹹食同埋小食選擇。我覺得咁多樣嘢食入面串燒同沙律都唔錯，串燒燒得夠乾身，細細串咁， 而且都幾重香料味， 不過食落有少少油。 沙律都有幾多選擇，有唔同嘅菜，都有唔同嘅芝士同埋火腿等等 。下午茶嚟計，不過不失啦，同埋價錢唔貴，呢個質素係可以接受嘅。

曾聽聞這間酒店「性價比」高，光顧過後，十分認同。食物種類多元化、一般自助餐有的，這裡也可找到！味道不錯甜品種類多，個人喜歡她的日式芝士蛋糕昨晚很多人，座位安排略嫌擠迫！酒店地點非常方便，以這個價錢來說，很不錯！

因為臨近母親節，所以特登請媽媽食自助餐。岩岩好經openrice訂有6折，所以揀左呢間。但要注意一下，我午餐訂1點半食先有6折，但佢2點半就截左，變相得1個鐘食，提提大家可以俾75折既價錢早少少食。雖然平日黎，但人都好多下。一開始先食冷盤，去左刺身吧同海鮮吧搵食。但整體海鮮唔算太新鮮。生蠔冇肉唔鮮，我同媽食左一round已經唔想再攞，佢有專人開蠔，每次每人限攞3隻。其他冷藏海鮮得4款，蜆，青口，螺同蝦，我只攞左蜆同青口，媽食左蝦同螺，唔要求好高其實就ok。刺身種類唔多，只有3-4款，有專人切俾你，我只食左三文魚同希靈魚，味道還好，唔算最新鮮。媽媽食左立魚嚇親，雪到冇哂味除左海鮮吧，前菜整體冷盤前菜仲有沙律吧，有經典沙律菜羅馬生菜，火箭菜等等可以揀，仲有啲配料如粟米，紅腰豆，醃三文魚同兩款醃肉等等可配，醬汁有3款，千島醬等等，沙律吧整體算乾淨。我只推介下面呢樣，三色豆磨菇沙律，有營養高既鷹嘴豆混合入蘑菇，粟米同紅腰豆入邊，有先調味，香草味唔太濃岩岩好，有營之選。前菜，仲有湯同麵包區，但我完美無視，記得有南瓜忌廉湯同冬瓜煲唐排。麵包直頭冇望，食自助餐冇理由食一埋包去削弱自己個胃既戰鬥力。野

酒店自助晚餐，以甜品種類為主，喜歡吃甜品糕點會合適，日式壽司種類較少，刺身都不多，生蚝有三種，因要即時開，所以排隊等候越10分鐘！西冷是肉眼扒，不算好，僅一般！果汁汽水要加錢，性價比不足，旺角，尖沙咀的洒店通常包的。糕點質素比較好，女士們可能比較喜歡，熱葷都不算種類多和豐富，但食材質素就不錯！因星期六客人較多，服務員就好像不够，执拾吃完的碗碟比較慢，以五星級酒店來說這就好像未達標，枱位空間不算足够，要改善！

年會抽中Crowne plaza嘅雙人dinner buffet，住係黃埔過來算好方便，一出C出口直行大概200米就到咗crowne plaza啦… 行旋轉樓梯上到1F，就會見到chef。禮拜六驚多人食，所以就提早咗一個禮拜book 6:30位。來到餐廳服務生態度好熱情～介紹咗餐廳嘅用餐區分別有咩啦同埋好sweet咁提醒埋洗手間位置～ 6:30一開波就大家即刻出去攞嘢食～大家排隊都有禮貌，廚師亦好熱情介紹食物～見到食評都介紹海龍皇湯，於是我又要咗碗試試。 💕海龍皇湯: 料非常足，湯很濃。不過有啲腥，有少少減分。 💕牛肉:體落好嫩嘅肉，食落去十分柴皮，不過好濃牛肉味。 💕生蠔: 供應得非常快，生蠔好新鮮！不過就削咗啲囉… 💕魚生區: 三文魚厚切㗎，不過就長條型囉。速度都算快，唔洗排隊等好耐。 💕其餘熟食區好多選擇！而且味道都好唔錯～ 💕甜品區: 有手指泡芙，豆腐花有驚喜！仲有涼粉。雪糕都係例牌牌子嘢，好味道。😊最驚喜係仲有每晚一次嘅分子雪糕，榴蓮味我最愛！第二round仲有火焰蛋糕，呢個就略甜，鍾意前者多D。整體來講算很Ok！服務態度係最滿意！希望越做越好啦！

餐廳做緊生日優惠，4人惠顧，生日的1人可半價，仲有红酒送，所以選呢間試下。餐廳地方不大，食物算多元化，但生蠔真的偏細隻，無蠔味，反而鵝肝幾好，無油膩感，其他食物味道一般，甜品亦無驚喜，餐廳不時有特别食物推出會響鈴，今晚有榴槤雪糕及火焰雪山，而制作即焗梳乎厘pancake職員求其，pancake外型不討好，好彩味道尚好。一讚係職員有禮，收碟又快。價錢3大1小，有1大人半價，埋單1660，在將軍澳區算貴。

近近地同屋企人食生日飯，就試左呢間，五大一細，折左二千二百幾，比想像中少野食，同埋蟹腳同海鮮好快就無晒，熟食同刺身都麻麻地，啲甜品都OK……不過下次都唔會再食，太少選擇……