尚廚

营业中

休息中

6 年前酒店新開張來食過一次 dinner buffet, 當時已經不太吸引。早排見屋企人 book 左枱, 又預埋我, 所以再來吃一次 dinner buffet!生蠔每人每次只限取兩隻, 即開, 但開得慢, 蠔亦不肥美。我不吃所以沒有試。家人取了海南雞飯給我, 拎左雞脾部位, 而且上面放左一隻鮑魚, 呢個反而有驚喜, 飯很香軟雞得滑。旁邊的牛腩麻麻地。後面果鍋肉骨茶就淡而無味, 排骨唔香且有雪藏味。更精彩的是這開邊龍蝦, 明顯是急凍龍蝦, 解凍解得不好, 很重雪藏味, 又韌又鞋又老, 而且每次只出十幾隻。食到無乜心機也沒影相了。後來再拎幾隻龍蝦也是同樣的難食。旁邊的羊排是後來出的, 不過很厚的肥膏也很酥, 只能說難食。唯一較好的是自助凍檸茶, 奶茶, 咖啡。最後只吃了少量甜品, pancake and ice-cream (不知牌子)!只能說, 永不會再來了!

聖誕蟹肉大餐，期待已久！真係好多款！食材好新鮮！款式好多！在聖誕節正日黎食價錢相對其他酒店價錢算是相宜！場內很有聖誕氣氛，周圍除有聖誕佈置外，還有聖誕老人同聖誕女郎與客人拍照！桌上還放置大量聖誕派對🥳用品供客人玩！用品很特別，本人都算是第一次見，比起其他酒店款式算特別同多！限量既食物需要排隊！而且出完唔會再出一樣款式！自助餐時間都算短，好快無得食！😭本人食5:30-7:30時段，未到7:30已有職員提示7:30直情要離場😱食得要好急！食物還算好多，fill野唔算好快！風乾火腿無晒，淨番配料，都無fill！但味道大致全部都不錯！很創新！特別係蟹肉既菜式！看得出廚師的用心！有一個海蔘花膠龍蝦湯（下面有一張相）很特別！味道很濃！有點驚喜！就算非蟹肉都很出色！

咁既價錢比d咁既野，d蟹好似好多好吸引咁，但係所有蟹都係冇味，好似隻隻一樣咁，得蟹腳比較好係有蟹味同鮮味，熱食咩叉燒蒸魚牛肉全部都唔得，炒飯其實幾好食既但係太咸，除左羊架比較好，甜品方面豆腐花都ok，其他好普通，馬卡龍又淋又太甜，有哈根大師雪糕幾好，之前係Facebook見到，睇落好吸引，去到發現其實冇咩食，好失望，所謂既聖誕氣氛只係一d細路仔玩具，好多餘，比咁多錢汽水都要再加錢好寒酸，不過可以自己整凍檸茶，反正呢餐十分唔值

首先入到座位有聖誕🎩、槌子、手掌拍拍等，然後聖誕老人逐枱合照及送小朋友禮物，頗有氣氛，食物種類都多，但拿食物排隊有點迫。有5種蟹，生蠔不算肥但新鮮，有鵝肝，有磯燒飽魚，三文魚也新鮮，花膠湯加海蔘是推介之一，唯一不足是甜品，如果再多一、兩款更正，有Haagen-Dax’s 我透過open rice訂，要全付款先才有8折，包加一，4大1小共2888，正正聖誕節這個價錢是超值，食物質素不差，食兩小時，食了個半小時還在加食物，這餐感覺超值

真係好足料好足料好足料好足料好足料好足料好足料好足料好足料好足料喎，冷盤乜有蟹有龍蝦有蠔，熱食都有多款蟹甜品有齊雪糕，豆花糖水，間中仲有餘興節目添。唔錯唔錯蟹面豆花

因為見到雜誌有介紹呢間香港九龍東皇冠假日酒店尚廚的「極品冬蟹」自助晚餐，講到「廚師搜羅五個國家及蟹種，包括任食松葉蟹腳，愛爾蘭麵包蟹，北海道毛蟹，青島肉蟹和三點蟹」咁，又話「特色滋味菜式如鱈場蟹肉鵝肝慕絲，香葱蟹肉三文魚籽脆鍋巴，牛肝菌白酒忌廉焗麵包蟹及北海道毛蟹炒年糕等，包羅萬有，讓你品嚐各種鮮甜的蟹肉，體驗奢華的自助滋味」。而且做緊八五折，咁自己本身好中意食蟹，就一於去試試佢啦！我一開始就拎蟹食，啲蟹個樣好肉酸，少膏又少肉，仲有少少臭。蟹腳淨係補左幾輪，越出越幼，幼過手指！全部蟹整體來講都好一般。熱食方面，條蒸魚都ok既，炒飯好咸，整體來說冇邊個熱食講得上好好味。甜品方面唔算多，有豆腐花，都幾滑。總結就係唔好食⋯出去拎野食途中遇到個執碟的職員行路唔睇前面，成個撞落我度

老友一大班相聚，其中之一選擇係食自助餐，除左可以滿足大家不同食欲，吾需要為點餐而傷腦筋外，仲可以坐得舒舒服服嘆慢板，人生一樂也！今次揀將軍澳皇冠假日酒店，雖然熱葷吾算太多，最基本豬、牛、雞、羊、蔬菜、飯、湯同麵都有。我哋最欣賞嘅係冰鎮海鮮區。生蠔肥美creamy，凍蝦鮮甜彈牙。而螺頭同長腳蟹同樣受歡迎。食多幾轉已值回票價。刺身區係另一個必供之區，刺身同壽司件件新鮮，橙色、白色、紅色、黃色顏色鮮豔，樣樣都想試。自助餐當然吾少得甜品同糖水啦。甜品款式多，中西式都有，無限量供應。H字頭嘅名牌雪糕，我就一次過食左三種味。每次大飽口福之時，都係果句。

臨時決定嚟呢度食，尋日先喺網上訂位，今日仲要係假期，咁易訂以為好少人，去到見到基本上坐滿。呢間餐廳五年前嚟過食Lunch Buffet，味道係中下，過咗咁多年睇過吓食評有好有唔好，都想再試吓。餐廳全晚有三至四次摇響鐘，示意有特別食物，不過我唔鐘意逼同排長龍所以無排過。其中一次係我拎緊甜品，咁啱係出份子料理雪糕，我見職員一時叫客人呢間，突然又叫人排另一邊，跟住又另一邊，一大條人龍跟住佢指示移動三次，到我拎完甜品，排後少少嘅人都唔知係排咩。另外開生蠔嘅職員係我食咁多次自助餐開得最慢嘅一次，其實唔算多人排隊拎蠔，就算唔係好快手正常速度都唔使點等，但呢間只得三幾個人排隊都要等五分鐘。其實除咗蠔，龍蝦都無點refill，刺身亦切得慢。如果呢個價錢連呢幾樣食物都要就住就住分配，咁唔值得呢個價，因為其他食物種類幾少又普通，味道又唔係驚喜，不過服務都幾好。生蠔新鮮，味道唔錯，但開蠔職員真係慢到一個點，所以無再拎。煙三文魚有啲淡，唔夠香。蟹腳好味，幾飽滿，又唔太鹹。龍蝦都唔錯，一啲都唔韌，基本上一出就比人拎，不過極少Refill，剩係會擺龍蝦蚶，全晚我見過一次擺咗幾件喺度。蜆完全無味。翡翠螺同蝦都幾好，

Reception 個staff 冇笑容，禮貌亦冇乜餐廳內staff 都ok 食物方面，生/熟食好一般生：長腳蟹，龍蝦好似配級咁.....長期都吉，手快🈶️手慢冇咁生蠔得一個人開，又排哂隊熟 ：冇乜太多選擇唯一慶祝生日係good 有件cake +一支紅酒/白洒送但洒店洗手間沒有小童設施

琴晚奶奶生日，我就搵左呢間尚廚同佢祝慶祝，雖然遠咗少少，但食物質素又真係幾好，生蠔好新鮮只是細隻少少，同得一個人開排隊比較耐，但最驚喜嘅係蟹腳只係有少少海水味仲係好鮮甜嘅，我同老公都食左好多😋，燒牛肉同羊都好味，不過忙了影相，花生味雪糕好特別有點像吃花生醬但係又無咁杰身，其實餐廳值得一讚，好多即煮的食物，感覺食物好新鮮，仲有一個女侍應非常有禮貌，老爺問洗手間在那，一般侍應都只係會話比佢聽係邊但她怕我老爺聽唔明親自帶他去，我地搵佢幫手影大合照時～～她還留意了我們桌上有點亂怕拍照不好看主動幫我們整理完先幫我們拍照。

本來打算全家人一齊去食自助餐慶祝生日，點知中伏中嘅中伏魚生：冇味兼有筋，放題仲好食過佢生蠔：有一隻係苦嘅，其餘冇味凍海鮮：全部冇味天婦羅：層炸粉厚過我屋企個主力牆熱食：牛扒 豬扒 羊架全部硬到咬唔開，連普通嘅脆皮腸都可以硬到食左3份1條就放棄，唯一比較好嘅係辣炒海鮮同迷你甜薯甜品：蛋糕非常一般，雪耳糖水太甜，奶凍幾好食但等左好耐先有員工行埋黎拎比你總結就係食物好差，選擇亦唔算多，必定冇下次唯一抵讚嘅係員工服務態度幾好

Tea buffet 算好抵食，$178全包小食都ok, 但嗰盆好大嘅關東煮我見到有條頭髮燒賣都ok, 好食過意式肉丸呢個有三文魚、菇同豆腐嘅湯，個石碗好重，又熱！但出奇地碗湯唔係好熱北海道毛蟹雜炊，都ok啦⋯⋯不過不失綠茶冷麵都ok, 有蟹柳、蛋絲、紫菜...重有最香口嘅芝麻我好後段先飲蘑菇湯，已經凍哂，㷫住嘅火都熄咗，但去到最尾嗰半個鐘又見個火著返沙律菜算多選擇，啲菜好新鮮甜品算高質，蛋糕鬆軟，而且啲小小甜品杯有放燕窩芒果拿破侖好好食！好脆！呢款蛋糕最好食雪糕味道有大概八款，係Haagen dazs 豆腐花未成型，一畢就散...茶都任飲咁嘅價錢，又坐得舒舒服服，都算抵啦

其實之前已經好想試哩間餐廳，遲遲都未去食過，咁啱朋友生日，其他朋友又夾到時間就嚟食吓，今次主題係［燕窩 北海道 ］，睇落都幾吸引呀，食落唔錯添呀有芒果布甸，但係似楊枝甘露多D,紅豆抺茶布甸我最鍾意...有兩款甜品係有燕窩㗎，就係巨峰提子🍇奶凍同埋燕窩桃味奶凍有好多甜品，H字頭雪糕🍦都有7款，仲有豆腐花有壽司🍣同卷物，仲有冷面🍜食，不過壽司D飯好似麻麻地米通脆脆地，唔錯巨峰提子🍇雜果米紙卷同蘋果沙律🥗牛角酥麵檔自己揀完材料俾職員煮熟，有四款麵俾大家揀，仲有生菜同芽菜...隔離嘅蒸籠係奶皇包、燒賣同珍珠鷄大大盤關東煮，我未見過呀⋯⋯西班牙🇪🇸飯咁大盤就見得多窩夫呀⋯⋯其實仲有好多熟食，章魚🐙小丸子、意大利🇮🇹肉丸、豬扒、翡翠苗、椰菜花、串燒、北海道毛蟹海鮮粥、椰子鷄湯、蘑菇湯、煙三文魚...等等，真係不能盡錄呀⋯⋯

生熟食物種類唔算太多.海鮮有六種refill得好慢.好快俾人拎晒Book個時講左我媽生日但去到又話我地無通知餅房預留蛋糕空歡喜一場.但見隔離台個個都有生日蛋糕服務一般般.

今日黎到食 諗住自助餐都係一般般 無諗過入到黎咁多元化 我同朋友望到場入面都幾唔錯 食物加環境簡直係配搭佢有海鮮 甜品同埋啲熱食 雖然我好鍾意食蠔 其車無生蠔係唔會開心 蠔皇是也 不過就算呢到無都一樣有咁大滿足既感覺