影片
更多
2018-05-11
2512 浏览
因为临近母亲节，所以特登请妈妈食自助餐。岩岩好经openrice订有6折，所以拣左呢间。但要注意一下，我午餐订1点半食先有6折，但佢2点半就截左，变相得1个钟食，提提大家可以俾75折既价钱早少少食。虽然平日黎，但人都好多下。一开始先食冷盘，去左刺身吧同海鲜吧揾食。但整体海鲜唔算太新鲜。生蚝冇肉唔鲜，我同妈食左一round已经唔想再攞，佢有专人开蚝，每次每人限攞3只。其他冷藏海鲜得4款，蚬，青口，螺同虾，我只攞左蚬同青口，妈食左虾同螺，唔要求好高其实就ok。刺身种类唔多，只有3-4款，有专人切俾你，我只食左三文鱼同希灵鱼，味道还好，唔算最新鲜。妈妈食左立鱼吓亲，雪到冇哂味除左海鲜吧，前菜整体冷盘前菜仲有沙律吧，有经典沙律菜罗马生菜，火箭菜等等可以拣，仲有啲配料如粟米，红腰豆，腌三文鱼同两款腌肉等等可配，酱汁有3款，千岛酱等等，沙律吧整体算干净。我只推介下面呢样，三色豆磨菇沙律，有营养高既鹰嘴豆混合入蘑菇，粟米同红腰豆入边，有先调味，香草味唔太浓岩岩好，有营之选。前菜，仲有汤同面包区，但我完美无视，记得有南瓜忌廉汤同冬瓜煲唐排。面包直头冇望，食自助餐冇理由食一埋包去削弱自己个胃既战斗力。野
虽然平日黎，但人都好多下。
一开始先食冷盘，去左刺身吧同海鲜吧揾食。但整体海鲜唔算太新鲜。生蚝冇肉唔鲜，我同妈食左一round已经唔想再攞，佢有专人开蚝，每次每人限攞3只。其他冷藏海鲜得4款，蚬，青口，螺同虾，我只攞左蚬同青口，妈食左虾同螺，唔要求好高其实就ok。
冷盘
35 浏览
0 赞好
0 留言
刺身种类唔多，只有3-4款，有专人切俾你，我只食左三文鱼同希灵鱼，味道还好，唔算最新鲜。妈妈食左立鱼吓亲，雪到冇哂味
刺身
45 浏览
0 赞好
0 留言
除左海鲜吧，前菜整体冷盘前菜仲有沙律吧，有经典沙律菜罗马生菜，火箭菜等等可以拣，仲有啲配料如粟米，红腰豆，腌三文鱼同两款腌肉等等可配，酱汁有3款，千岛酱等等，沙律吧整体算干净。我只推介下面呢样，三色豆磨菇沙律，有营养高既鹰嘴豆混合入蘑菇，粟米同红腰豆入边，有先调味，香草味唔太浓岩岩好，有营之选。
三色豆磨菇沙律
38 浏览
0 赞好
0 留言
前菜，仲有汤同面包区，但我完美无视，记得有南瓜忌廉汤同冬瓜煲唐排。面包直头冇望，食自助餐冇理由食一埋包去削弱自己个胃既战斗力。
野饮区系自己调制，有得自己整冻柠茶，甜度可以自己拣。
到熟食区，有大类肉食，岩哂meat lover。妈妈每样攞左一旧试，普遍肉类味道正常，唯独三文鱼头好咸，仲有鸡件好鞋口，其余ok。
熟食，肉类
28 浏览
0 赞好
0 留言
好彩有妈妈试食完，我就可以重点出击，众多熟食只推介下面呢样，野菌黑椒牛柳粒。有几种菇同青红椒炒，黑椒味唔会太辣，咸度岩岩好，牛柳粒炒得仲有肉汁，上枱菜式仲有热度。
野菌黑椒牛柳粒
41 浏览
0 赞好
0 留言
另一样我拣左既熟食系烧肉眼，但我极度失望，肉眼烧得过老，冇哂肉味，而且系好鞋口，咬唔开。反而旁边既蔬菜好食，鸡脾菇同翠玉瓜烧得岩岩好，食落仲有蔬菜既水份同甜度，亦冇过分调味，食得出只系落左少少盐。
烧肉眼，烧鸡脾菇及翠玉瓜
31 浏览
0 赞好
0 留言
熟食吧仲有车仔面档，几款点心同粥档，但我都无视左。因为冇特别值得推介。妈妈攞左款鲍鱼粥，试食一啖，味道相当清淡。
去到甜品，款式都算唔少，有唔少西饼类既甜品，但本人唔太食甜品，所以冇试好多，但妈妈攞左一大堆，话唔算好甜，几好食，但生果佢就觉得唔新鲜。有朱古力喷泉，可以拮黎点既有两款生果，蜜瓜同菠萝，一款手指饼同绵花糖。
最令我惊艳系自助pancake，有得食又有得玩，一个制就可以自己整出黎，出黎既pancake甜度刚好，够热同软，仲可以自己加配料。
自制左两次，两次都伴雪糕。雪糕有5款拣，士多啤梨，抹茶，朱古力，温呢嗱，曲奇口味，我食左一次抹茶一次士多啤梨。两次都拣左草莓酱，另外有普通糖酱同朱古力酱。仲有一大堆软糖可以加，我冇加到。
自制pancake伴雪糕加朱古力手指
41 浏览
0 赞好
0 留言
至于服务方面唔错既，员工换碟率快，基本上一食完你出左去攞野返黎就会帮你收左碟，虽然唔太环保，但可避免生熟食物混埋而引致交叉感染。但出到去食物枱，如甜品区，要等一阵先会有人理你，帮你攞野，尤其雪糕都等左几耐下。
整体黎讲我觉得最好有折先黎食，原价食唔推介都唔抵。因为一食物款式唔多，二有好多回本食物都唔太新鲜，如生蚝同刺身类，三冇特色推介食物，料都系一般自助餐有既菜式或食物。系甜品区水准同出边一样，自助pancake亦系亮点所在。
张贴
