影片
更多
2018-11-19
11549 浏览
臨時決定嚟呢度食，尋日先喺網上訂位，今日仲要係假期，咁易訂以為好少人，去到見到基本上坐滿。呢間餐廳五年前嚟過食Lunch Buffet，味道係中下，過咗咁多年睇過吓食評有好有唔好，都想再試吓。餐廳全晚有三至四次摇響鐘，示意有特別食物，不過我唔鐘意逼同排長龍所以無排過。其中一次係我拎緊甜品，咁啱係出份子料理雪糕，我見職員一時叫客人呢間，突然又叫人排另一邊，跟住又另一邊，一大條人龍跟住佢指示移動三次，到我拎完甜品，排後少少嘅人都唔知係排咩。另外開生蠔嘅職員係我食咁多次自助餐開得最慢嘅一次，其實唔算多人排隊拎蠔，就算唔係好快手正常速度都唔使點等，但呢間只得三幾個人排隊都要等五分鐘。其實除咗蠔，龍蝦都無點refill，刺身亦切得慢。如果呢個價錢連呢幾樣食物都要就住就住分配，咁唔值得呢個價，因為其他食物種類幾少又普通，味道又唔係驚喜，不過服務都幾好。生蠔新鮮，味道唔錯，但開蠔職員真係慢到一個點，所以無再拎。煙三文魚有啲淡，唔夠香。蟹腳好味，幾飽滿，又唔太鹹。龍蝦都唔錯，一啲都唔韌，基本上一出就比人拎，不過極少Refill，剩係會擺龍蝦蚶，全晚我見過一次擺咗幾件喺度。蜆完全無味。翡翠螺同蝦都幾好，
生蠔新鮮，味道唔錯，但開蠔職員真係慢到一個點，所以無再拎。
煙三文魚有啲淡，唔夠香。
蟹腳好味，幾飽滿，又唔太鹹。
龍蝦都唔錯，一啲都唔韌，基本上一出就比人拎，不過極少Refill，剩係會擺龍蝦蚶，全晚我見過一次擺咗幾件喺度。
蜆完全無味。
翡翠螺同蝦都幾好，肉質爽口。
刺身新鮮，壽司細細件。
鰻魚同椒鹽骨唔錯，雞無咩味。
天婦羅炸漿有啲硬，都可以。
蒸比目魚好味，又滑又大條。
因為太鞋所以食唔到，如果無記錯應該係燒牛肉同豬髀，豬髀係新一隻，比燒好面嗰件比我，但係嗰件應該係唔要。
羊架入口幾香羊騷味，芝士龍蝦汁通粉同伊麵都幾好。
湯有兩款，一款係蕃茄忌廉湯，一款係中湯。
豆腐花幾滑。
網上預約喺聚餐主題填咗生日，大約八點餐廳會送上一個小蛋糕。
即焗梳乎裡做得幾好。
甜品種唔算多，不過幾精緻，味道幾好。
Haagen Dazs雪糕有7種味，其中花生味最特別，唔止雪糕有花生香味，入面仲加咗好脆口嘅花生。
张贴
