尖沙咀凱悅酒店咖啡廳

今個假期還未完，等緊12月媽咪生咗就隨時開工，雖然休息咗2星期都係好忙，返去陪啲媽咪去醫院抽血，有時啲媽咪塞奶又去睇下，又參加百日宴，又去上下堂，今個星期就食食食，早二日先同家姐細妹食韓燒，今日又約咗好耐無見的舊同事食自助，今次同事搵咗間超抵環境好食物多多的酒店，每人都係200左右，好少午餐有長腳蟹，魚生都有4款選擇，印度咖哩的檔都好大還有燒雞串，熱暈就唔太多，但就連菜都喺大廚即炒後出爐，燒味都有齊雞，鵝，燒豬同义燒，又有鵝肝炒飯，淥粉麵菜，同丸，還有西湯，薄餅，燒羊脾燒雞，甜品檔更大，雞蛋仔，葡撻，豆腐花，雪糕同不同種類的蛋糕有大有細，真係每樣食少少都不得了，今早諗住搭巴士唔洗小巴轉地鐵一程過，點知塞車塞咗個幾鐘，12點開始去到都差唔多1點，搞到食得好急太多美食都試唔哂，就分享同事攞回來的食物，因為時間關係大家又傾下好快又2點叫埋單先，才知道好快完，就拿拿淋出去攞多些少，真係開心時間過得特別快

囡囡今日生日，想食自助餐，上網check下，見到尖沙咀有間自助餐，食新鮮嘅龍蝦，好似好好味咁喎。咁就book左今日是去，滿懷歡喜，抱住好大期望，去食呢個自助餐，但點知去到見到食物款式唔多，仲要大部份的食物完全食完一輪之後，就沒有再更新了，有一啲熱門啲嘅食物完全係唔再出，例如呢個油甘魚刺身（7:25pm去到已冇晒，唔會再有，但食都未食過），而威靈頓牛柳食咗2片，已沒什麼冇，都唔會再出。唯一值得讚嘅就係新鮮嘅龍蝦，同埋燉湯燉湯，我覺得用$700一位，去食呢一餐自助餐，完全係唔值得嘅，成個感覺比我覺得呢間自助餐好孤寒

話說今日係我同🐷的結婚5週年紀念❤️老公搜尋左好耐最後有位自助餐達人同事介紹食呢間酒店Buffet😋經Open Rice預訂仲有7折添！🐷二話不說就預訂了～～～我地預訂左12:30pm的時間，食兩小時；職員特地預留左四人座位的卡位比我地，座位寬敞又舒適。自助餐種類超多！我都係選比較有特色又少機會食的食物...個人感覺甜品種類頗多，開心果蛋糕同紅桑莓蛋糕最好食👍🏻蛋糕口感有層次、少甜，岩哂唔食得太甜的我😆Parma Ham同蜜瓜都好食，蜜瓜很甜！鵝肝炒飯好食😋牛舌都唔錯🐮刺身厚切又新鮮🍣埋單$540/2人💸💸💸總括嚟講食物質素很好👍🏻值得encore👏🏻消費完憑收據仲可以七折訂蛋糕🎂我會介紹比朋友食！

用信用卡買ㄧ送ㄧ優惠去食下午茶自助餐,每人只需$141。當日接近滿座,但不會出現排隊等拎食物情況,食得很悠閒。整體食物都好味,但想不起有那款是必食的。比較喜歡燉蛋白、海南雞飯、芝士撻。

坐落未夠一個鐘，叫我叫定咖啡茶雖然只係自助餐，但係話晒都係酒店自助餐，原價仲係七百幾蚊一位，同JW Marriott 嘅brunch差不多價錢，同intercon 都差不多，但係冇一個食物counter嘅廚師嘅服務係正常嘅，除咗甜品counter個廚師服務好好。新鮮即煮龍蝦係賣點，但係次次都要出去等一輪，然後到九點問咗幾次，次次都話仲煮緊，根本無心俾你食。甜品counter最有heart,甜品種類係算多，味道都不錯。其他真係唔覺得食物種類多，又唔係好好味，唔知點解咁多人食。大概九點，雖然有一半嘅食客可能都差唔多走咗，但係作為一間聲稱食物提供到10點嘅自助餐餐廳，出面好多食物都已經收晒，個廚師亦都唔喺度啦！一句講晒，俾咁嘅價錢，建議大家都係去金鐘JW Marriott或者尖沙咀intercon. 我係用咗OpenRice七折優惠，我都嫌佢貴。其他酒店原價俾錢，我都覺得值得。

好開心Openrice 有特價8折比我book 到，成人$583全包，呢個價比起之前慳$130價錢平咗但食物一樣咁高質，特別係龍蝦，真係無得輸，同其他Buffet 嘅龍蝦無得比，之後有鵝肝，又係大大件唔會慳住慳住，再加埋即開魚生，雖然無蠔，但有以上嘢真係已經可以回本有咗呢d 咁新鮮嘅嘢食後，蟹腳呢d 就無乜人食了

呢間餐廳都算系性價比比較高嘅自助餐餐廳嚟架啦，今次同同事一齊過嚟食，自助餐就梗系有好多揀擇啦，海鮮同其他熟食都有好多，威靈頓牛扒真系唔錯，牛扒嘅肉質好細膩，入口即溶，仲有波士頓龍蝦可以食回票價！

每樣掛名叫做即煮即食！但係變成你想食嘅時候就話未得！每樣野都係煮少少之後排完隊攞完又話冇晒！最離譜就係軟殼蟹天婦羅！我六點入座，問佢問左三次！每次都話就嚟出！我6:40忍唔住同佢講，你究竟幾時先有得比我食？我驚我下次出到嚟你又話俾人拎晒！跟住就話5分鐘出嚟，再出到嚟又係冇再等多10分鐘跟住先得兩舊，其實佢哋係咪有難言之隱唔能夠拎出嚟俾啲客食，呢樣野令我好激氣我俾幾多錢食？你俾啲咁嘅服務我？唔可以拎出嚟！就唔好有個牌寫住軟殻蟹亦唔好擺碟軟殼蟹出嚟啦！羊扒又係咁，我阿爸出嚟問佢攞佢又話未煮好，出到嚟又話未有畀晒啲客！魚生冇乜款揀，芝士又唔新鮮，總括來講只係龍蝦最好但係都係每次限額咁樣俾你，不過都會即時再煮咪又係果句你手快佢果批你攞到，你手慢咪又係冇又要再等！

first time there, nice decor, service was very attentive, naturally the main draw was boiled live lobsters and whole fish sashimi, fresh soft shell crab and many other items, will definitely go back again and pace myself better. will try the curry and Chinese seafood dishes next time

見到有活龍蝦就試試先不說龍蝦， 其他食物種類同質素都差不多不合格涷海鮮只有沙白青口螺細蝦同長腳蟹，仲要系差不過全晩都冇refill 過.. 其他食物 刺身熟食選擇也很少，有嘅都只是很普通的嘢食。唯一驚喜 威靈頓牛，肉質鮮嫩。有些攤位長期沒有人，差不多九點已經開始清洗。可能是因為節省成本用於龍蝦，但問題是龍蝦每次只煮一定數量，你要去排隊等，仲要唔一定等到，試過有幾次排咗5到10分鐘結果攞唔到， 又要10幾分鐘之後等佢重新煮過一輪再嚟過，又唔會提早截龍， 要排到先知有冇佢個攤位其實有三四個煲，明明每次都有好多人排隊，但每次只用一個煲去煮龍蝦，俾人嘅感覺係拖慢拖得好明顯...🤬話哂都五星級酒店自助餐，唔使咁孤寒。龍蝦質素不錯，新鮮，是真的，但是要人排隊等咁耐仲要唔一定等到，真係好l寒酸囉！

話說今個月有兩位同事生日，所以公司請食lunch buffet。生日既同事左揀右揀，又要兼顧獨愛蟹腳既我最後揀左呢間唔算貴，係K11既buffet。一上到去就比佢個蛋糕櫃吸引啦！！！可惜，buffet係唔包既！唔緊要，望下都開心～～～放得幾靚，不過無行番出黎裝呢個試哈哈。有即煮既麵檔，感覺唔錯，但本人個胃空間有限，係唔會試呢啲既！先講相入面既食物，佢啲蜜瓜好香甜，綠色個款我都夾左，都好甜！巴馬火腿同煙三文魚都係正正常常。蜜瓜旁邊既配菜佢煮得幾好食，夠入味。上面塊牛肉雖然細細塊，但係好香牛肉味，而且都幾新鮮。雖然我呢塊佢燒得稍為過左火，但係牛肉本身質素唔差救左佢！然後就係蟹腳！！！啲質素係有啲唔穩定既，我大既同細隻既都夾過黎試。有啲唔太新鮮既夾雜左係入面，但係呢，佢新鮮個啲真係好甜！！！我覺得唔過300蚊有呢啲質素已經好難得！！！細隻個啲都好新鮮好甜！絕對唔係得死咸個啲貨仔！我足足食左兩大碟然後到甜品，有哈根大師，蛋糕類同水果，種類黎講都幾多。不過哈根大師口味比較少，都係啲普通既味。。。只有一個紅桑子雪芭特別少少。切餅類好普通，只有一款突出，個名好似係黑白朱古力伯爵茶蛋糕。佢面頭既朱古力

朋友係要見，所以每隔幾個月都會見下班朋友～～對於食有要求，但又要坐得舒服既餐廳真係冇乜，所以諗唔到食咩都會揀呢度做聚腳點雖然食物種類好似十年如一日咁，但勝在質素有保證～～刺身、凍海鮮、冷盤、沙律都好新鮮；熟食都好多野揀：印度咖哩、燒烤類、中式燒味、粉麵檔、日式天婦羅～～當然唔少得甜品超多選擇Lunch buffet 由 12點去到2點半～～午聚時間短但都可以互相交流下近況～～世局動盪，但無阻大家出黎一聚既心By the way, 用OpenRice 訂位仲有8折優惠～～計番都係每人$370左右，價錢都算合理丫

上星期日男朋友生日，揀左Hyatt Cafe 慶祝。一黎即去排龍蝦，師傅係一輪一輪咁烚熟龍蝦的，師傅手起刀落，兩刀搞掂一隻，每人每次限拎半邊。其他酒店buffet的龍蝦都係凍食的，Hyatt呢個熱食很好，烚完出黎熱辣辣即食好新鮮，凍食果啲食少少就個肚仔凍冰冰，好少想再食多幾件咁，同埋凍嘅啲肉實啲乾啲，呢度就好juicy，係最鍾意的地方。另一賣點係煎鵝肝，鵝肝好食，外脆內軟咁。最值得提及的係果位煎鵝肝的師傅，好好禮貌，好好笑容，會同每位客人講「唔好意思要你等咁耐，多謝你」。雖知道做服務業，對住咁多客，要長期有笑容唔係易事，仲要個師傅嘅笑容同對話會感受到佢係真心，唔係假笑。呢位師傅值得拎最佳員工！熱食呢，Wellington beef 係驚喜，冇諗過會有，仲有即燒羊架、西冷扒咁等等。日食果邊，睇其他post話有玻璃蝦，但我果日冇，都幾失望。另一賣點係即場劏魚，果日劏果三條冇乜特別，係認識左條新魚叫「平政魚」😛。有一個大遺憾，話說睇post見到有榴槤芝士撻，超想試，但最尾太遲過去食甜品，師傅話係限量... 大哭！！ T_T 最後甜品剩係食了雪糕.. 最後一樣好值得提嘅野食係 — 生日蛋糕！估

慶祝結婚週年，見到有七折就 book咗呢個午餐buffet 同老婆食， 又可以帶埋女，因為6歲以下免費， 雖然冇蠔食， 其他款式都好多 甜品款式超多 又靚又好食， 又新鮮 值得推介！

最近食飯都會先考慮到地區位置問題, 因為要照顧囝囝週全。而尖沙咀一向都比較安靜, 而且有好多好酒店, 真係花多眼亂, 最後係因為這間有一個賣點吸引了我, 就係新鮮龍蝦(之前仲有海膽主題, 可惜無緣一試)。宜家好多酒店都有龍蝦, 這個主角通常都係冷冰冰無温度, 有時都覺得食咗浪費咗個胃空間﹗安排坐位都幾好, 一對完名同電話, 就有人帶你入坐；當天都有好多小小朋友, 但無話好嘈, 又準備好小朋友餐具；而且小朋友亂跑, 待應同廚師都會主動閃避, 值得一。最重要係無乜國內人﹗主角當然要第一時間去排, 每人每次可以取半隻, 都唔係要等好耐, 廚師一煲接一煲, 約15-20分鐘就出一 輪。新鮮真係好食好多, 唔洗落醬汁, 肉同羔都好鮮甜(不過唔係隻隻羔都甜)。返而其他主食仲要等得耐, 比如煎鵝肝, 排咗2次, 以為第一次多人, 有一邊面煎得比較淋, 試多一次都係咁, 而且好油下﹗等咗第二輪先食到威靈頓牛扒, 都幾好熱熱的, 只係菇醬比較咸。羊架係煎定, 再加熱, 老公食咗都無乜嘢講﹗刺身有帶子, 三文魚, 吞拿魚, 劍魚, 而每晚有2場即劏油甘魚, 可能因為派部位比較瘦, 老公話唔好食, 我就覺正