尖沙咀凱悅酒店咖啡廳

燒牛肉是苦的，三文魚有筋，唯一讚的只是甜品，結論我不會再去，怎可對自己食物味道無要求的，真的很失望。之前食過dinner buffet，當時是很好味的，印象很好的，但今次食完之後，真的印象很差

尖咀酒店大都試得七七八八有日突然醒起有間漏網之魚...一間我一直想試但苦無機會原因在於佢只限一至五供應 ..酒店本身又冇乜宣傳所以大部分人未必會諗起佢更莫講話會諗到佢有下午茶又怕且得我咁無聊先會諗到..食方面又出奇地好食喎咸甜比例均勻又多香口嘢所以佢嘅咸點簡直深得我心但同款鳥籠層架見太多了..Being normal is boring換個別的 成件事會提升返反正環境不錯 空間感也足但服務水平實在有待提升..連埋我得果二三枱但視線範圍內經常無人又多甩漏 連埋張單都要特登走出去嗌人入嚟埋..但價錢以尖嘴嚟講 算唔錯要知道出面好多去到成六七嚿但我今日用卡折咗都係500蚊

經openrice即日book位，仲要有折扣，十分方便。第一次到呢間酒店食自助餐，環境唔錯，好舒適。折扣後價格合理，雖然款式不算多，但食物質素唔錯。成晚最滿意，食得最多係龍蝦🦞廚師會即煮，人多可能要等下一轉。無任何調味，就咁烚熟嘅龍蝦，食到龍蝦嘅鮮甜彈牙，好滿足！好似係油甘魚我都唔太確定，每晚會有大概兩次到，原條即場劏，平時我都唔太會食呢類刺身，見好似幾新鮮就試下，都真係唔錯。即焗榴連撻，新鮮熱辣，唔錯。雖然無影太多相，但整體黎講呢間我係會再黎（淨係食龍蝦都抵啦）

因為太抵，所以無唔試嘅理由，我講緊嘅係 Visa infinite ＆ Visa Signature 做緊嘅周末下午茶買一送一優惠，半個月前响網上做預訂，$382為兩個人價錢，以自助餐嚟講真係超值，就算之前响網上見食評一般，我哋都想一試😁下午茶3:30-5:30，安排了舒適卡位，未夠鐘已經見人排隊拎嘢食，我就一貫作風兜一圈睇睇，以下午茶嚟講都算ok多選擇，食物refill得快，每樣試少少都夠飽。冷盤：魚生(三文魚❤️、吞拿魚、𩶘魚)、凍蝦、藍青口、芝士❤️(Brie、Emmental、Edam)、沙律、煙三文魚、三文治、芝士火腿卷、鵝肝醬多士、蜜瓜巴馬火腿❤️熱盤：燒牛肉、pizza三款、煎䱽魚❤️/秋刀魚/漢堡扒❤️/雞肶菇❤️/燒油甘魚、可樂餅、雜菜炸蝦天婦羅、風乾火腿流心蛋多士、印式薄餅、羊肉咖喱❤️/蝦咖喱、避風塘三文魚、煎蘿白糕、海南雞飯、港式粉麵、炒飯、炒麵、老樹黃瓜湯甜品：限時焗芝士撻、梳乎厘班㦸、窩夫❤️、燉蛋白❤️、多款蛋糕、雪糕六款、多款生果備註：❤️為必食項目二人共消費：$382 (信用卡優惠)

寫就有好多也吃，實際上沒這麼多選擇，款式可算系少之又少，照片中有龍蝦，跟本就冇，除左有冷盤蝦，好咸的長腳蟹的蟹腳和壽司，其餘的都系主食，牛排好似橡筋般，而且帶有窿窿地味道，沒有免費氣水之類提供，只有每人一杯咖啡或奶茶，如果以高級酒店的食物來講，真系麻麻，講明自助餐，但系有部分食物他們不會整好放系度俾大家自動拎，而系你想要他們才整好拎上來，價錢相約的情況下，不會再有下次光臨，服務就還算可以，不時都會帮你很快的把桌子上冇用的碗碟收走，

今日好想食生果同埋燒味，但係朋友又想食午餐有海鮮，經過一連選擇都未align 到，最後選擇去食buffet，因為呢度都有我地想食嘅嘢，其實你問我係咪真係咁多嘢食buffet，我會答你buffet 最重點係人人都會搵到自己想食嘅嘢，唔使煩一定唔會有投訴⋯⋯去到食咗生果同燒味之後，見到刺身好新鮮同我招手，有意外收穫呢度嘅粟米湯非常出色，我應該飲咗三碗，食完生果之後，見到有木桶豆腐花，我想皮膚白白滑滑，咁一定要食多兩碗。

好失望😞少咗好多食物款式，冇點心，車仔麵檔選擇少，丸類得得墨丸+魚餃，我只要淨餸，廚師只比一粒墨丸🙄熱暈只有幾款，賣相一啲都唔吸引，款式冇轉換過，明白點解餐廳有好多空枱剩，我唔會再黎除非有改善。天婦羅都係整黎整去得3款，曾經黎食好多人排長龍，如今唔駛排。冷盤都得三款,翡翠螺已經冇咗，魚生都係一般😕甜品bar 都少咗食物款式但尚可接受，柚子杧果蛋糕🍰都幾好味，雪榚都有數款味道比你揀，竟然有蕃薯糖水，唯一驚喜！

方便照舊，app訂檯，酒店會再覆電話confirm時間人數。喜歡比較寧靜及不太迫（寬敞），有老人家食既燉蛋白、都有年輕流行梳乎pancake,今次都有保持水準，定時去聚一聚，不過提下；建議偶然改改食物款式。今

知道酒店做緊海膽同龍蝦主題，加上經openrice 訂位有85折，當然要黎食啦。海膽任食!! 係任食!! 海膽蒸蛋，海膽壽司.....好鮮甜，又唔腥。最重要係無限量供應。唔似其他自助餐要等好耐先出第2輪。不過海膽雪糕就麻麻，不過自助餐食同唔食都比左咁多。都可以試下既原條吞拿魚即開，超新鮮！師傅喺你面前表演劏魚，師傅手之餘，拎吞拿魚既人都同樣咁快手😂不佢地好快會開另一條。仲有龍蝦同鵝肝都好好味！可以encore

如果五星級大水準嚟講佢算幾麻麻，只係甜品上比較出色。如果想食海鮮嗰啲 或者日本魚生， 咁大家就可以考慮去第二間。 佢每樣嘅款式都好少， 例如日本嘢叫做有但係得嗰兩三款。但係值得一讚， 服務非常周到

今日有朋友生日就揀咗同佢嚟呢間buffet度慶祝生日， book枱時記得同餐廳講有朋友生日，佢會送一個迷李蛋糕俾你免費拎走！呢間buffet果然冇令我失望，最欣賞係佢嘅即灼嘅龍蝦🦞同埋限時供應嘅即切油甘魚！即灼嘅龍蝦保留着鮮味，龍蝦肉非常彈牙，同平時食開嘅凍龍蝦大有不同，好食好多！即切油甘魚十分肥美，令人食完又想食，但當想在排隊拎嘅時候已經差不多冇哂！所以想食多d嘅，記得拎完一碟再拎多次，先坐低慢慢食！另外都好欣賞佢嘅鵝肝同埋牛扒，都係即叫師傅即刻煎俾你食！鵝肝配多士真係好正嘅配搭，不過呢啲油膩野都係食一件就夠啦！牛扒煎得啱啱好，食落有肉汁，仲有多款醬汁比你自己揀！最後食埋佢嘅甜品，有好多款蛋糕揀，而我最欣賞就係個榴槤芝士撻，榴槤味好重，再加埋芝士真係一絕！

話咁快，我同老公就結咗婚五年啦，我係一個超級為食嘅人，老公話今年俾個驚喜我帶我去食自助餐。第一次嚟Hyatt食自助餐，環境裝修得好好呀，夠豪華，我地7點鐘到，當然即刻醫肚先龍蝦，鵝肝多士，海膽壽司，係必食嘅，新鮮唔再話，仲要食物流量非常快，仲可以睇到廚師嘅表演服務員非常主動，會幫我加水同埋收碟，又非常之有禮貌，有熱誠又細心，會幫我放好手袋，又幫我推櫈當然，甜品就少不免，我最鍾意食果撻，甜品款式非常之多，今日真係過咗一個好開心嘅結婚周年啊

食buffet最好就因為無限時坐得舒服又乜都有得食，甘就可以同朋友慢慢食同傾計啦。。。呢間buffet我覺得係貴精不貴多既。其實係連住K11，由於大門吾顯眼，我吾識去圍住K11行左一個圈。。。。入面食物區好大款式亦好多，分佈係吾同位置，甘客人拎食物就吾會堆係同一個位搞到好迫。。。呢間自助餐重點係海膽！龍蝦🦞鵝肝！三大必食！龍蝦🦞即恰龍蝦勁生猛！見住廚師放入去大煲入面，之後拎出泥開邊，每次可以拎半邊，食完再拎。龍蝦肉好鮮甜，肉又彈牙超新鮮，原汁原味，仲有好多膏添！鵝肝廚師不停煎，大大件鵝肝，入口甘香無一陣味，好滑，食落又吾會成口油！可以配蘋果片，味道好清新咖！忍吾住食左2件😍海膽餐廳有好多吾同既海膽菜色。必食一定係海膽壽司！好大pat海膽係面，飯吾算太大舊。入口甘香鮮味！可以瘋狂食海膽好爽！仲有海膽燉蛋白，都好食😬😬沙律🥗有好多吾同既沙律，全部都好新鮮咖凍盤有長腳蟹，不過真係好咸！凍蝦就太細隻同霉。青口同螺都正常既。。燒烤類可以燒羊架，西冷，魚。。。不過廚師已經預先燒好，有客人要再燒既，但個碳爐好似有點污糟，食入口有陣燶味。。。甜品🍮種類好多。。一定要試下海膽雪糕，限量供應咖，不過真心我

紀念日，上網訂枱有88折，5歲以下小童唔收錢，話哂係Hyatt group，就黎試試啦。座位都唔迫，野食算多，而家做緊龍蝦同海膽既主題。龍蝦就得一款，係即灼既，每次半隻，佢一轉灼10隻左右，冇哂就要等7分鐘左右。而海膽有軍艦，蒸蛋同雪糕3款。冷盤冇生蠔同龍蝦，所以今次我地主攻熱食，佢有另外一度係即燒肉食，有西冷，羊，魚同魷魚等等，唔使等好耐，水準都唔錯。特別既係有d野食佢地會打鼓去叫人即刻排隊，我地個晚有原條即開即切既油甘魚刺身同海膽雪糕，兩樣都唔錯。甜品選擇都唔少，老婆話有個蛋糕整得好靚，叫我影低。食飽飽埋單，連埋折都係$1270，絕對可以encore。

好期待呀老公為我慶生，去食靚buffet~~~~喺全港咁多間酒店之中揀左尖沙咀凱悅，只因有生猛龍蝦新鮮即煮任食，海鮮海鮮，如果唔係即煮就冇左果種鮮味，完全唔係果回事啦咁每人每次可以攞半隻，其實可以無限攞第一轉水準最高，肉質剛剛好，好彈牙呀之後果幾次就好似煮過龍左少少。。但可能太多好味嘢，就算爆場滿座都基本上唔洗點排隊~咁啱遇著佢做緊海膽主題其實任食都冇諗住話有咩要求，但睇住佢真係成板海膽即開，而亦唔吝嗇，係逐格成格咁放上每一件食物上面，而且仲要真係食到海膽嘅甜味，嘩，真心開心到嘩嘩聲呀推介海膽蒸蛋白，反而海膽壽司冇咁充分發揮出佢嘅鮮甜，唔知係咪因為有紫菜味掩蓋左仲有仲有，好耐冇食嘅鵝肝真係對唔住d鵝仔喇…但既然有供應，我就破戎一下，食左2件。。。。好滿足嘅油份~中湯係虫草花燉豬展湯，超好飲~但原來係手快有手慢就無羊架同西冷扒都唔錯，只可惜肚仔已不能再放太多其他熱食如燒味呀，咖喱呀都冇乜試到最後到甜品，值得一讚係有個靚仔廚師專人serve你，唔似多數酒店任客人拎到亂七八糟咁，保持住精美樣子，款式亦算多，品質直情係高水準呀~~好難得咁食左成10件都有雪糕就只得6款，試左拖肥同tiramis