尖沙咀凱悅酒店咖啡廳

package $1100 包一晚住宿連自助早餐之前聽hyatt 評價好高，都抱有期望咁去食，可惜結果好失望早餐由6:30至10:00早餐款式係超豐富既，中式，日式，印度，西式，cold cut, 仲有生果，點心，yogurt, 麵包蛋糕等等讚一讚佢d 菠蘿好新鮮，好甜cold cut 煙三文魚係半透明，口感同平日食開既唔同，味道偏鹹egg benedict 冇乜味，蛋唔香，唔係太做到流心三文魚大阪燒好乾，味道麻麻奄列煎到好實冇咩味，不過做到芝士拉絲煎蛋做到燶脆邊，呢個唔錯芒果奇亞籽布甸，唔會太甜，幾香芒果味西蘭花炒燒肉，又係冇味的，燒肉好'鞋'麵包唔鬆軟，味道偏甜煎pancake 好乾麵包布甸正常水準整體食物水準屬水準以下而且侍應態度冷淡，人手嚴重不足，收碟只收過一次以呢個價錢，相信有好多更好選擇😐😐

見到OpenRice訂位有八五折。book咗星期日下午茶自助餐。自己本身最主要係想食甜品，所以下午茶平啲就抵玩啲啦。雖然係下午茶，但係都有唔少嘅鹹點。例如quiche, curry, dim sum, mini burger, calamari, chicken wings, 三文魚刺身，日式燒雞扒，日式蔬菜天婦羅，魚蛋粉麵，海南雞，中式春卷，炒菜，糯米飯等等。佢哋嘅自家製鵝肝醬好好味。唔會太油膩又唔會有腥味。查麵包一流。食下午茶當然會有一啲沙律同埋三文治。不過覺得太飽肚我自己冇食到。佢亦都有少量凍海鮮例如青口同埋蝦。最鍾意就係佢哋甜品嘅蛋卷雪櫃。入邊有六款。本身最期待係食原味嘅蛋卷，但我去嗰日冇。有榴槤，栗子，同芒果。亦都有三款唔同嘅酥皮千層蛋糕。但我自己最鍾意就係食蛋卷。佢哋嘅蛋卷蛋糕係比較紮實同埋濕潤。係比較西式嘅蛋糕。所以我終於明白點解好多人網上都話佢哋嘅蛋糕唔好食。其實唔係佢唔好食只係唔啱香港人口味。香港傳統嘅餅舖，蛋捲嘅質感會好似紙包蛋糕咁好乾身同埋鬆軟。我唔鍾意食嗰種蛋糕。就係鍾意食呢間Cafe嘅dense and moist rolled cake. 我見到佢仲可以成條

今次staycation package包左自助晚餐同早餐，滿心歡喜好耐無食過自助餐，上網睇都唔少好評，應該都ok。點知中左個大伏，由於無乜嘢好食，賣相都唔靚，所以無影相。個晚餐時間分左兩個時段，分別係6-8, 830-1030。首先，去行冷盤，海鮮得幾款，無生蠔長腳蟹蜆，得凍蝦青口同唔記得左乜共四款，見到都無胃口，隻隻都係細細隻。佢晚餐主打即煮新鮮龍蝦，呢個係ok, 由於我去係平日唔多人，基本上唔使點排隊就攞到。我只係攞左兩次半隻，因為只係白烚，唔係特別好食。到熟食，真係失望到不得了，又係得幾款，連飽飯都無得食，得我唔食嘅臘味飯，菜都係得西蘭花。同埋個相樸鍋都係難食。成餐飯都無乜好食，我見身邊嘅人都係，係無想再攞嘅意欲。最後到甜品，呢個就ok，有好幾款蛋糕，有班戟,有芒果糯米飯,有雪糕水果。比起冷盤熟食叫好好多。總結，如果唔係package包千祈唔好俾錢食，性價比極低，好伏。而第二朝個自助早餐就好好多，至少食得飽，又多啲choice。

Hyatt話晒都五星級，收費唔平，但lunch buffet奇差。餐廳唔算大，擺野食地方都細，所以款式都好少。冷盤嘅凍蟹，紅花蟹肉淋同霉嘅，仲好開心以為有蟹食，拎左幾隻返黎，食少少都冇再食。 魚生吞拿魚好似啲膠咁，冇魚味，唔知食緊乜。中式燉湯又好咸。熱盤選擇好少，都唔記得有咩食了。 基本上個buffet食個半鐘都食完走得。冇咩野係好食，冇野值得encore。可能唯一燒味係叫好食啲。 甜品睇落好靚，但啲酥皮淋嘅，好似擺左好耐。楊枝甘露都幾好飲。成餐buffet都冇咩野食過，因為款式真係好少，野食又唔突出。如果食buffet唔會揀hyatt。十分後悔黎左食。

今次已經係第三次來食，掛住佢嗰啲新鮮既即灼龍蝦！對上一次嚟食已經係講緊疫情前，知道佢出番即灼龍蝦，就即刻同老公過嚟食。不過今次真係對佢好失望囉！價就加咗，但食物種類就少咗好多好多！而且全場除咗龍蝦之外，冇一樣食物係會令我留下深刻印象！龍蝦係每隔約15分鐘灼一次，係手快有手慢冇嗰隻，而且每次只可以拎半隻，所以基本上我同我老公每人最多只係食到二至三隻完整龍蝦，記得以前龍蝦出得多啲密啲，而家似係酒店刻意安排，等人哋食唔到咁多，慳得就慳嗰隻。所以今次嘅buffet戰，我宣告輸咗畀hyatt，完全回唔到本，而且啲嘢食又少，味道又普通，應該冇下一次啦。

我和朋友很喜歡去這間酒店吃自助餐的，因為這裡食物款式種類繁多又吸引。但近年再去感覺就一般，但甜品蛋糕這裡還是做得很出色的。法式火鍋第一次吃，牛腩燴得頗腍。蛋糕選擇有許多，朱古力蛋糕、芒果蛋糕、拿破崙蛋糕、栗子蛋糕、士多啤梨蛋糕，最驚喜這裏竟然有榴槤蛋糕，口感很棉滑濃濃的榴槤香味很吸引。件裝的也很好，有芝士蛋糕、香蕉蛋糕、鮮果撻等。冷盤海鮮有青口、蟹、海蝦同蜆。還有驚喜的就是這個燉湯，很夠火候味道鮮甜濃郁。扒類還有牛扒和脆燒腩肉卷。但天婦羅就有點愕然，因為只得粟米芯同冬菇，平常吃的蝦、魚柳、南瓜、蕃薯、茄子等均沒有。

疫情前，食過dinner buffet ，也食過lunch buffet，印像唔錯，服務好，食物款式唔多，但品質都好。但今天一行四人光顧自助午餐，訂位前看過OpenRice，最近食評很差。但因之前經驗幾好，諗住差極有個譜。點知，原來5星級酒店嘅buffet，都可以咁差。冷盤啲蟹仔，蝦仔，青口仔，全部唔新鮮，又細又霉，燒味是平價街市貨式，熱葷係幾盤大鑊而不精嘅關東煮，水煮魚，豬骨煲，燒豬腩皮靱全肥膏，連甜品旦糕都唔新鮮，拿破倫嘅酥餅直情淋嘅。唯一比較好嘅係燒牛肉，食了兩塊填肚。埋單85折，每位$425，唔算貴，但完全唔值。咁嘅質素，如無改善，應該唔會再有下次光顧。

小時候一家8口蝸居在花園街地舖的一座閣樓，情況就像今天的劏房，夏天尤其悶熱得令人發瘋，只有在打風的日子，才會有清新的空氣從那個直徑兩尺半圓的通花窗戶吹送，說起來並不是薄涼，而是兒時最深的回憶。同樣是一個8號風球下的下午，很平靜，出門亦未有踫上狂風驟雨，一連兩天撇下小朋友，先前一晚去了大班樓，而今日就跟太太去了尖沙咀Hyatt Regency（吸引度不足亦不會8號風球下跑出街吧！） ，一試港式秋日下午茶（Autumn in Hong Kong Afternoon Tea Experience）。8球風球下的酒店，依然有過半入座，可能與地鐵站比鄰有點關係，餐廳不單裝潢典雅，樓底高而寬敞，空間感強烈，客人都不自覺地壓低聲浪，也好，份外覺得寧靜，可以與太太靜靜的二人世界。要提提，Afternoon Tea 是由星期一至星期六下午三點至下午五點供應（兩位/$488），（假日除外）。鹹點或者「港式鮑魚撻」真係只有香港先搵到，鮑魚口感Q彈，加上撻皮鬆化，或許是香港獨有的風味。至於「經典芝麻蝦多士」又係香港特色，在麵包件放上原隻大蝦去炸，咬落鬆脆可口，油又瀝得清，灑上芝麻味道更香，其實放在中餐上都是一

之前已來過3次，龍蝦是不斷供應，行埋去就有得攞，今次要每隔十幾分鐘先可取一次，每次都要排長龍，每隔十幾分鐘去一次排隊，還有人插隊，排得後的人攞唔到，成個buffet條龍冇停，隔離枱投訴根本冇時間食其他食物，燒乳豬配给每人2件，還有食帶子食完就冇，不像以往不斷添加，八五拆後都收$600幾，唔值！

早兩年食過都仲好好食，起碼對得住個價錢。但今次再食真係覺得被騙，諗住有即煮龍蝦好正，點知要每15分鐘先出一次，每次倒數5分鐘就會好多人開始排隊，基本上如果唔係倒數嘅時間去排隊都唔會有得食！我見到佢有一隻乳豬,問個staff係咪有得食,點知佢話7:00pm先有得食!以上次嘅經驗，如果佢有特別嘢食，會打鼓。見有打鼓就即刻出去睇吓有咩食，點知就係得嗰一隻乳豬完全唔夠分！以前去食係會切一條即劏吞拿魚，今次全部魚生壽司都好流。熟嘅海鮮冷盤都好過分，得三款，青口，蝦同埋好細隻嘅蟹！燒味吊到乾爭爭，睇到都唔想食！基本上係得一兜撈左沙律醬嘅菜！就算熱盤都冇乜嘢好食，所以都不值一提！總之今次之後我哋已經Blacklist左呢間自助餐

疫情前,這間是我最喜歡食的自助餐,無論食物種類,食物味道及質素都非常好. 但今次自助晚餐無食物種類,質素,味道都大不如前. 唯一可取的是有龍蝦,我出了三次去排隊,結果都排不到. 乳豬更加過份,諗住小人啲先出去攞,結果淨番隻豬腳,服務員說今晚唔會再有乳豬.總結：喺屋企食公仔麵應該會開心好多

疫情緩和了一段時間，staycation慢慢多了起來，我地今日一行5人約左係呢間餐廳慶祝生日。由於疫情關係，分開2張枱坐，枱與枱都有一段距離，唔可以一齊傾偈，但都預咗。出去攞野食的時間，感覺食物選擇唔多，好大路的自助餐食物，沒有特別印象深刻的美食，味道都中規中距，沒有大驚喜。基本上每樣野都有試少少，甜品方面是一個個大蛋卷，要侍應分，呢樣唔錯，免得自己切到一舊舊，剩下的變得好難睇。整體而言，環境舒服，食物ok，可以一去

放半天假，book左Hyatt high tea,地方唔算好大，但人唔太多，都係算幽雅舒適嘅order完二份下午茶，基本上係已經set晒，淨係飲品可以選擇,港式冰鎮奶茶，紅豆冰或桃蜜茶。沒有什麼特別的樽仔奶茶🥺⋯⋯總括來說,款式看似精巧，但食物末算突出，咸點又唔夠熱，例如炸物就一般。迷你菠蘿包有一片菠蘿喺裏面,但味道真係唔係好夾,西多士半熱，相信茶餐廳好似澳牛個D會好食過佢，如果要擇好食又想encore 嘅食物就數唔出，最突出應該算係蜜瓜雪糕，用半個蜜瓜加啲軟雪糕在瓜中間，蜜瓜又甜又多汁，唯一缺點嘅係蜜瓜多根，但如果二百幾蚊一個人頭，酒店下午茶就唔可以講得貴。

因為本人十分喜歡食龍蝦 見到hyatt佢有新鮮煮龍蝦就同朋友即刻book咗呢度試一試我哋早入場所以已經可以食到兩至三轉龍蝦已經好滿足, 食到慢煮牛扒同新鮮烤乳豬刺身軀帶子同三文魚都好新鮮熱盤方面就比較失色少少,唔算好多嘢食 有鴨肝多士,重慶烤魚同羊腩煲為有特色而甜品櫃對比其他酒店我覺得有趣, 算好多款甜點,細細仔,同offer 返四到五款呢度既signature cake 俾大家 總結有discount weekday 我都覺得值得一試

嚟呢度食過幾次，唯獨今次係最失望。 好多嘢食一閃即逝，食完就唔再 re-fill，所以食到一半就會發現出面愈來愈少嘢食，剩低可以揀的就只有燒味、印度咖哩同麵檔。呢餐 lunch 直頭衰過tea buffet ，起碼嘢食會 re-fill，唔駛怕見完一次就見唔返佢，最過分係燒牛肉只係開頭出現過，到想拎嗰陣已經見佢成張切肉枱吉咗😫。呢餐 $448+1，我食咗碗麵，燒味，一碗湯同少少熱食。 奉勸大家嚟呢度食buffet 一定要密啲出去拎，一見到 target 就即刻拎咗先。