少爺18 (已結業)

佢開張後我同啲同事黎食過2次lunch就一直冇再黎，因為食味偏甜，價錢又唔合理因為老公未來過，加上想喺14號前消費滿$8千，攞埋額外2千AM里數，又唔想搭車出去所以先再來（嘩！好大理由😂）喇沙$98只覚點點檔，湯底唔覺有蝦味，又唔覺辣味，只有椰汁味，加入埋鴛鴦麵就更連咸味都冇埋，因為俾啲麵吸哂，蝦冇挑腸，感覺幾核突，真係新加波嗰隻即食喇沙麵仲好過佢好多。串燒印尼炒飯$92，老公話想尋回回憶，所以點，結果，我相信佢嘅回憶係一片空白，因為啲飯乜味都冇，冇乾蔥、冇香料味、只有豉油味，串燒亦一般般最差係個蝦柚子沙葛沙律$52，沙律汁唔知係乜橙味糖精，得嗰幾粒沙葛、柚子淡又乾，最離譜係用玻璃蝦，當晚反應慢，一見到就應該退貨，因為玻璃蝦根本唔食得！用啲咁嘅食材好冇良心，最後一粒蝦都冇食過蕃薯喳咋$48，乜喳咋唔係豆咩？一粒都冇嘅？！碗已經唔大，仲要得半碗，蕃薯得2舊仔加4粒芋圓，係唔係要改名做蕃薯芋圓西米露先啱？依碗係咁多樣比較好味，但$48仲要加一，成$53得半碗，喺葵涌廣場買只需$30碗！到底依家開食肆嘅有冇良心？有冇用啲真係食得嘅食材？每次煮好有冇試味？有冇定期做品質監權？真係一啲heart

今次第一次來，晚上6點幾，冇訂坐直入。入座前被要求快食，因為要交台，到7時許眼見滿坐兼有人等位，終知其所以然。點了海南雞飯，炒貴刁走辣，還有滷水雞腳。雞部分幾滑，皮冇毛，近骨處不帶血，皮下透明脂肪層，由青瓜芯墊著上碟。味道算幾好，難怪食客不少。跟一盎湯，有蘿蔔味卻「拿」喉，是否落太多鹽呢？炒貴刁有走辣，果然不辣，貴刁是有麵有河的摻摻，創意產物罷。材料有臘腸片是驚喜，蝦冇雪味，整體味道不錯。滷水雞腳不過不失，喜點是配角花生，入口生香。整體經驗而言，算是不錯，價錢方面是中價，晚上來說不算過份。

近月因工作關係,時不時到葵芳,來過少爺18好幾次,從午餐吃到晚餐,以下包括了日與夜的意見。ㄧ些菜式在午市和晚市的餐單都有,但晚餐份量較大,材料較豐富,價錢較高。日 - 星洲滷水四寳飯 ~$82夜 - 星洲五色滷水拼盤~ $108午市的四寳晚間改為五色,晩市份量較大,多了鳯爪。流心鴨蛋總是令人垂涎! 軟滑的豬手夾著凝脂香,豆腐、鳯爪都很入味,加花生、酸菜,口感層次豐富!滷汁美味而但不太咸!日 - 馬來西亞肉骨茶配飯 (藥材)~$92夜 - 馬來西亞肉骨茶 ~$128在星、馬吃過幾次,最喜歡還是這裏的肉骨茶! 晩市的肉骨茶,份量較豐富,可惜没有拍照!湯㡳美味夠火喉,雖然體質偏熱,喝了這個有紅棗及葯材的湯,不但不"燥",反而很舒服,長長的排骨肥瘦適中,腍滑又入味,超贊!巴東牛肉飯~ $92濃稠的醬汁,咸、甜、微辣而帶花生香,很惹味!招牌海南雞半隻 ~$178肉質嫩滑,伴雞油飯吃,齒頰留香!香脆腐皮卷 ~ $62外皮香脆,饀料以蔬菜為主,爽口!午市餐牌室內環境舒適,座位之間十分寛敞。印象最深刻是這個綠草如茵的外園,旁邊設有花圃 。還有個奇觀,午後有些市民面向花圃坐著閉目小憇,非常休閒,悠然神往

婆婆八十大壽提早慶祝咗，老人家都好重視生日正日，所以我們幾個當天又陪佢，今次帶去屋企附近新都會，體驗吓未食過的星洲菜，一於試吓少爺18。見佢有兩款肉骨茶，我哋人多又心多，兩款都各叫一個。新加坡肉骨茶連爐仔一起上枱，可以保持溫度，湯水顏色比較淡，有帶點胡椒香，成個蒜頭响度，材料豐富，有排骨、豆卜和蘿蔔，仲有油炸鬼及醬油另上。味道清淡，比較偏好多些胡椒味。馬來西亞肉骨茶無影相，顏色比較深，帶點當歸香，也有個蒜頭、冬菇、排骨...等味道都OK嘅星洲五色滷水拼盤流心蛋香、豆腐滑、雞腳腍、咸豬手夠味、花生腍、咸菜爽。星洲炸蠔餅相比起潮州蠔餅，星洲式蛋比較多，蛋和蠔仔比例不同，芫茜、蔥沒混合蛋漿一起煎。所以祇聞到蛋香，見識了。雞胸肉6串雞胸肉唔鞋，OK。星洲滷水咸豬手咸豬手食味跟平常的吃不出不同，肉質軟度適，咸菜爽口，整體OK啦。奶油肉鬆夾酥餅呢個唔錯，酥脆可口香蔥肉碎撈手工麵吃了一箸，印象不深。香脆腐皮卷脆卜卜，熱辣辣沙茶牛肋肉米線無食，睇落唔錯，無話唔好食。新加坡椰香海鮮喇沙顏色幾靚，聞落幾香，無投訴。魚蛋湯米線魚蛋爽口彈牙一家人熱鬧吃個飯，嘻嘻哈哈又一餐，無邊款食物特別深印象。

閠蜜話要請食生日飯，找一間近大家屋企的，成日行過見到好多人排隊，今次一於試下海南雞飯，飯比較油，雞比較乾，南骨茶，無乜藥材味，當普通湯飲都可以，菜都比較油，小食併盤可一試

遲來的生日飯,有人話想食肉骨茶,結果就選擇左少爺18,平日晚7點幾去到,無booking,唔洗等。全程服侍周到,見到一無茶就即時有人加水,茶有桂花茶,唔錯講返食物先:

無意中發現新都會有間新加坡菜，諗住試下，最愛東南亞菜系，決定一探究竟.由於係4點幾用餐，5點半前都有下午茶餐可以點，直接當晚餐又可以減肥環境很舒服藍色➕粉色的拼色感覺新潮又典雅.連碟子都是一個系列的顏色有抱枕可以挨住坐都幾舒服我地叫左一個下午茶餐 炒貴刁➕一杯特色飲品 55蚊 感覺幾抵，份量唔係好大不過女生吃ok，裡面有河粉➕粗麵同臘腸、魚片頭珍多冰一杯係下午茶餐裡面揀嘅.見到有特色藥材肉骨茶決定試下，湯頭偏甜，排骨唔夠腍，咬得好辛苦！不過豆卜很優秀，裡面有豆腐的口感，值得俾分.吸曬d湯！沙爹雞腿肉串有d失望！65蚊得4串，重點係咬落去好似食緊雞肉乾！太乾身好失望！一共食左268 渣打卡有8.5折定8折優惠

今日放假，同太太回娘家後請外母食晚飯。最後決定試試葵芳新都會廣場少爺18。約6時入座，限時90分鐘，心想星期五都有此限制，定必多食客幫襯。叫了4個餸:👉星州鹵水花生豆腐😐豆腐頗滑，但沒有什麼驚喜。👉海南椰子雞湯🙂味道尚好，但奇怪雞件全屬翼之部位。份量屬2人份，3人就只得每人一碗。👉生死戀😀個餸名嚇人一跳。其實係鹹魚蓉蒸鮮鱸魚。另加薑粒同炸魚仔乾在魚面上一同蒸，有點化學作用，味道不錯。👉沙茶牛肉炒芥蘭🙂芥蘭不老，沙茶牛肉味濃，但肉有小小靭。待應服務不錯，有禮貌及上菜快。因有信用卡優惠，85折後3人盛惠$446。整體來說，味道中上，價錢可接受。

星期日同朋友響葵廣行完街，全日都冇食過嘢，之後又趕住走，想搵個地方坐低舒舒服服，見唔使等位又好耐冇食過星加坡野就入咗去講下啲裝修先，好色彩繽紛，感覺良好加上入去嗰陣五點幾六點冇乜人，坐咗靠窗位置，有啲私人空間最後揀咗一個海鮮喇沙湯粉，朋友就揀咗三文魚撈起沙律。個人好鍾意個喇沙湯底因為好濃厚同埋入邊有少少香草嘅材料，加上有蛋面加米線兩種，口感唔錯。價錢偏貴但同$50蚊湯底勁咸個面有冇乜特別嘅喇沙係有啲分別 ，所以不過不失最後值得一提嘅係佢杯茶，一入到去就會好似飲茶咁擺埋係你枱面，飲飲下覺得幾好飲，忍唔住問其實係咩黎，原來係荔枝紅茶整體黎講不過不失,每人98加一

約左好朋友傾結婚D野, 大家揀左間近屋企既店見呢間個裝修都幾靚咁就被吸引左入去中學時期去朋友屋企, 聞到好大陣肉骨茶味, 一直都想試呢果然好大陣既藥味, 入口好似好鹹, 但又唔係死鹹, 好得意, D肉都好軟, 點果D好杰既醬油幾好食但成煲野好夠熱...叫左個好似係撈起沙律既物體, 調味都正常, 有三文魚, 芽菜, 青瓜絲之類, 佢地係為下一道菜吊命的!我咁講係因為呢個黑白胡椒脆鱸魚球真係鹹到_街...好似用生命黎食呢餐飯咁..我地追加左碗飯去食呢條魚, 都仲係覺得好鹹我本身係重口味人士, 我話得鹹真係唔講得笑

夜晚諗住食飽晚飯再去葵廣血拼，於是今次試下新都會既少爺18。我地被安排左坐係室外位置，觀景都唔錯，幾舒服自成一角咁，我地叫左招牌海南雞飯，馬來西亞肉骨茶，兩樣野都幾好味，幾地道，個肉骨茶飲完之後暖笠笠，岩曬涼涼地既天氣！依度環境都幾舒服，係到同朋友食飯傾計都幾正～

星期六晚喺新都會廣場食咗呢間少爺18，我哋去嗰時大約6點唔洗等位，食完7點幾門口有好多人等位，建議大家早少少去。餐廳裝修幾靚，坐得都幾舒服。我地三各人嗌咗海南雞飯、喇沙、手抓餅同蝦餅，落單15分鐘後食物已經全部到齊，超級快！四樣食物中最推介嘅係海南雞飯，啲飯好香而且配雞嘅醬汁幾好食😋其他三樣食物就不過不失啦。

唔記得呢個叫咩名，但就同油酥餅既外形好相似。入面有餡料，有肉碎加少少洋蔥。食既時候要小心，太大啖會跌到成張檯肉碎，最好襯熱食，凍咗就會俾肉碎既油令餅變軟，唔脆。星洲蠔仔餅，蛋多過蠔仔，但值得一讚既係好香口同脆。蠔仔雖然同蛋比例唔平均，但係蠔仔都算大隻。愛海南椰子雞湯，椰子煲到好腍，可以食埋湯渣，成個湯雖然落咗好多椰子但湯冇椰子味。單骨雞翼，一睇就知係油炸。但冇油益味，單骨好容易食，唔會整到成手油，不過不失！

自從這商場大肆裝修後，感覺煥然一新， 多了不同的餐廳供選擇， 今日揀了 一試。室內裝修也頗有心思， 長長的餐廳有一排長長的沙發， 其中一面的牆身有很多人造花和草， 亦有不同款式的碟掛在另一面牆上，  對面就是落地玻璃，自然光射入餐廳，很舒服的感覺。 看見戶外亦有一些座位， 如果秋天坐在外面一定很愜意， 整個感覺十分配合餐廳的主題， 就是 星加坡！必選的是星洲花生雞腳 ($28)， 我是雞腳控，這裡的雞腳很入味，醬汁很濃郁，雞腳的皮充滿膠質， 那個醬汁配白飯十分開胃。 放涼後，醬汁已經變了啫喱狀，證明真的充滿骨膠原。這一道菜是今餐之最愛！半隻海南雞($186)，黃油雞大件厚肉亦頗嫩， 皮肉之間有一層啫喱， 黏口但不油膩。有數件青瓜墊底，脆口清爽有口感。香芒白飯魚沙律($78)， 是最失望的一道小菜，油炸的白飯魚外層很硬，一點也不脆，食了數件便要放棄。 香芒也只有數粒，細細粒，不吃也不知原來是香芒。 感覺白飯魚已經炸了一段時間所以不新鮮, 口感亦不達標。生菜包肉碎內有秋葵粒 ($68)，秋葵並不是人人接受到，本人的媽媽就十分之討厭，說很難入口，但我就很喜愛。我覺得肉碎內有秋葵，能夠增加口感

今日系葵芳揾食,行過見呢間環境不錯,嘢食都選擇多,決定試試。由於不太餓，两人只選了海南🐔飯及滷水🐷✋。🐔味道不錯很滑,配的🐔湯都ok。🐷✋肥肉多瘦肉小,份量小。