小魚兒 (金馬大廈)

营业中

休息中

深色的裝潢　和朋友聚餐很適合桌子挺寬的　就算2個人也坐得挺舒服餐單上能提供幾款的有基本的烤魚爐　酸菜魚和雞煲另外串燒類和涼拌菜也有所以品項挺豐富的鮮花椒豆花江團魚湯底有點鹹口　需要加湯去調淡口味裡面用花椒　辣椒　香料去調味鍋內有少許的菜　豆腐　洋蔥和寬粉魚質很鮮嫩　肉質偏比較有嚼勁魚本身應該有煎炸　再放到鍋爐內烹煮也可以再涮點蔬菜和肉類去煮寬粉質地很煙韌　豆腐嫩滑另外也叫了2個串燒燒白膳白膳用醬燒到入味魚邊都燒到焦香的　還會帶脆醬的味道會帶甜甜的是日式醬燒的口味蒜香牛油燒扇貝扇貝調味用切碎的蒜蓉和牛油肉質挺嫩的把蒜蓉的香氣吸收了在社交平台訂桌有優惠和大群朋友一起吃　方便很多.

＊呢一站尖沙咀＊😋爆醬鳳梨香辣豆花烤海鱸魚(8/10)＊海鱸魚份量多，原條大概係2至3人份量＊魚肉肉質厚實，啖啖肉，偏少油脂＊鳳梨份量多，又香甜又多汁，可以解辣及油膩感＊魚是先煎再放入湯滾，煎得唔夠太香口＊湯底越滾越濃郁，越食越鹹＊配料種類多，但份量太少：寬粉、豆花、芽菜、木耳。寬粉煙韌掛汁；豆花嫩滑不散；其他正正常常😋黃金組合(土豆、金針菇、海帶結、蓮藕)(8/10)＊全部都好掛汁，係食烤魚嘅配料組合＊無咩特別，味道正正常常

小魚兒 (金馬大廈) (尖沙咀)📍尖沙咀金馬倫道16號金馬大廈1樓🔹老壇酸菜豆花 配江團魚 $308叫左BB辣，江團魚肉汁嫩滑，配菜豆花，豆芽同寬面，湯底偏酸，最好食係寬面，好似薯粉咁煙銀，整體普通正常 5.7/10🔸燒牛舌心串 $38牛舌好大舊，但係食頭一舊係林身，其他都燒得好硬，完全咬吾開，孜然咪好淡，味道普通，吾推薦 4.4/10🔹蒜蓉牛油燒金菇 $38賣相幾令，金菇上面放左勁多蒜蓉粒，食落得牛油蒜蓉味無其他調味，味道吾難食但有啲單調，牛油超多超邪惡，食到底會好油 5.6/10✏️今次經openrice bk免費升級魚😜

約左朋友食烤魚，尖沙咀唔知邊間好食，呢間係朋友介紹，我又無咩所謂😆😆兩個人，諗緊食雞煲定烤魚好，但見到烤魚好吸引，最後叫咗個黃金特濃蒜香豆花江鱸魚！好大條好香，好彩無叫錯到😂😂條魚啲肉厚、實，啖啖肉飽肚👍🏻👍🏻兩個人食一條魚其實都有啲飽，因為入面仲有好多配菜😋😋我哋叫咗鮮腐竹，滾一陣就要食喇，我哋掛住傾計滾耐咗，已經有啲散。鴨血反而唔夠滑，但份量多，抵番晒😆😆鵝腸值得推介，好大碟，一啲都唔腥，清潔得好乾淨，無咩肥膏，值得一讚👍🏻我哋係見到OpenRice 訂座有折，去到舖頭見到原來社交平台訂座享有更多優惠😮😮，大家記得去社交平台訂枱呀！🤩🤩

烤魚🐟🐠烤魚🐠🐟好耐無食過烤魚喇！喺社交平台訂枱有更高嘅折扣優惠，咁一定要訂定枱先得呀！😆😆⭐️黃金特濃蒜香豆花江鱸魚 (不辣)一條魚價錢唔平，但絕對抵食！👍🏻好大條，江鱸魚肉質細嫩，厚、實😋好有好多配料！勁香嘅蒜頭🧄、芫茜、紫洋蔥🧅、雲耳、寬粉、豆腐等！初頭以為揀咗唔辣湯底會好淡味，但原來唔係，個湯好濃郁，好香😋😋⭐️椒鹽豆腐呢個估唔到份量咁多😮😮啱啱炸起，好好食😋⭐️炸雙皮奶呢個真係必點！！好好食！好脆，奶味好香！🤤🤤⭐️寬粉初頭唔知配料入面有寬粉，所以點咗，不過寬粉索晒入面啲汁又真係好好食，食多啲都唔夠喉😂😂

突然心血來潮好想食雞煲，數數手指都有成年冇食，男朋友就帶左我去試呢間小魚兒。本身入到門口仲以為佢玩我😂原來呢間舖除左烤魚好出名外，仲有惹味抵食既雞煲，今次算佢揀得幾好😌>半隻雞煲：因為得兩丁友，就揀左半隻雞份量，雞件大舊又多肉，肥膏唔多，咬落口啖啖肉，而且煮到好入味，好開心面頭仲有好多好多芫茜，啱晒我呢個芫茜控，呢款都幾足料，食完個雞煲飽飽地。之後可以叫侍應幫手加水，就可以開始打邊爐。>滑牛肉：呢個牛肉雖然係最平，但係質素都有返咁上下，牛肉肉質軟淋又夠滑，好似都有十幾塊，抵！>燒茄子：呢款絕對係必試，茄子面頭有好多蒜蓉，蒜味十足之餘仲要夠鹹香，同埋我估佢應該係焗/拎錫紙包住燒，因為見到個底完全冇燶，茄子肉仲要多汁軟嫩。>稻庭烏冬：食到差唔多就煮烏冬，烏冬順滑又彈牙，吸哂湯底既精華，味道當然係冇得彈啦。>田園蔬菜拼盤：覺得呢個好似最正，皆因每款菜+菇都會有少少，啱晒我呢啲心大心細嘅人，啲菜翠綠色好新鮮，菇類份量多，當中金針菇最好味😄

今日約左朋友去尖沙咀行街，shopping 之前去左~小魚兒~食個午餐先。雖然小魚兒係主打食烤魚，但見到啲鑊氣川菜流哂口水，所以無食到烤魚。餐廳都幾大又寛廠，坐得舒服。麻辣涼拌魚皮 68呢度竟然有出面好少食到既涼拌魚皮。魚皮爽囗，少少辣，好開胃。辣子雞 108見到好似辣死人咁，但食落都唔算好辣。雞件炸到脆卜卜好香口。手撕包菜 78椰菜脆爽，酸酸辣辣，好惹味。炸香芋地瓜丸 43外層脆口，入面好煙韌，仲有香芋蓉係入面😋。下次再黎試烤魚先。

尖沙咀 - 小魚兒一諗起川菜，必定會有烤魚、雞煲、串燒等重口味嘅嘢，係鬧市間就有一間專食碳火風味烤魚，烤魚種類選擇共有3款，包括海鱸魚，特色肉細嫩，厚，實；而江團魚則是淡水魚，肉質肥美，油份重，含膠原蛋白；凌波魚肉質嫩滑肥美，油份重，無泥腥味。更有十款口味選擇，有辣有吾辣，任君選擇🤣鮮九葉花椒BB豆花，海鱸魚（🌟96.44/100）💲308小編今次叫咗中辣中麻，面頭舖滿青花椒、辣椒、芫茜、紫洋蔥，四角都有嫩滑嘅豆腐和青瓜片，色彩鮮艷🥰而且張枱夠大，食都比較舒服，中間仲可以放好多嘢食添🤭魚肉勁厚實，而且嫩滑，越煲都吾會越鞋，骨少仲要係大骨，吾識食魚嘅人就吾怕會哽親呢😍中麻辣係越煲越辣，但又吾會搶過魚嘅鮮味💕係呢個咁熱嘅天氣，開住大大嘅冷氣食住辣辣嘅烤魚，係一大享受😎黑毛豬腩片（🌟93.89/100）💲108身為外貌協會嘅小編，點嘅時候已經畀佢外貌吸引住，一嚟到果然冇令我失望，係黑毛豬腩片山，圍住勁多豬腩片，望去係肥瘦相間，真係有五層肉🤤係麻辣鍋煲過，除咗食到麻辣嘅香味，豬腩片肉質嫩滑，肥瘦適中，而且每一啖都食到豬肉鮮味👍🏻依家係小魚兒嘅社交平台訂位更低至7折，海鱸魚更會升級至江團魚，真係

Save咗呢間烤魚好耐，少有嘅黃店烤魚❣️我哋提早係Openrice 訂咗位，如果嗌海鱸魚嘅話會免費升級做江團魚，同埋嗌正價配菜、小食個啲會有discount 🤑 💛免費升級江團魚，鮮九葉花椒BB豆花口味 ($308)呢個湯底唔洗加錢，嗌咗 bb辣bb麻🌶 食到最尾都唔算好辣，幾舒服🥰 個魚餐廳形容為「肉質肥美、油份重、含膠原蛋白」，大致上都係嘅，有冇膠原蛋白就唔知🤣🤣 不過冇話特別滑，不過不失👌🏻本身條魚嘅配料有少量寬粉、木耳、芽菜、青瓜、白豆腐、芫荽🌿 因為條魚個size係for 2-4人份量，本身個兜如果四個人食就唔多，但兩個人就應該適中或者嗌多少少就夠💛 配料 ($睇最後個餐牌)寬粉好正，有咬口之餘又索汁😋 佢提供嘅size幾好，唔會太長好難進食👍🏻 不過就要小心食耐咗會痴底仲嗌咗風琴豆腐、油麥菜、金菇、芋絲呢啲索味嘅嘢食😋 大路嘢唔多講，都新鮮唔臭嘅💛香蒜燒茄子 ($48)🍆雖然睇落好似冇咩色咁，但係食落都算入味，搭埋蒜蓉食都唔錯🧄💛燒雞中翼3隻 ($58)💛鹽燒牛肉串2串 ($48)雞翼嗌咗孜然味，正常水準👍🏻 鹽燒牛肉串隻味唔錯😋 係有時遇到一粒有筋難咬啲💛焦糖燒菠蘿 ($

今日同幾個friend去尖沙咀食烤魚~魚的價錢都偏中等，不過配菜就收費有啲貴~食物如圖所示， 預咗千零蚊埋單😂建議唔夠飽的話，寧願一個雞煲一個魚再加配料抵食啲🤭🤭因為朋友唔食得辣，所以我哋都叫咗小麻小辣 ，如果可以重味D應該好D🤭我覺得烤魚質素中等啦， 未算係好好食嘅烤魚，不過都唔算差， 就係覺得佢淡口味咗啲😆配菜嘅話都夠食，啲肉類都幾大份，百幾蚊碟係咁上下，比得少又會唔爽😂覺得最好食係竹笙❤️肥牛都係普通牛，豬腩片麻麻地~炸雙皮奶一般，野飲都一般😅覺得平時普通的烤魚店有風味啲，仲平啲，呢度環境好啲，但唔夠火喉😈

間餐廳主打川式烤魚🐠仲有雞煲同其他川菜 燒烤 🐣辣度由唔辣到大辣都有🌶️好耐冇食過雞煲就簡左雞煲一試🌶️🌶️見到咁多芫荽好開心👍🏻因為我好鍾意食芫荽叫咗小辣嚟試吓先🌶️D芫荽仲要吸曬D辣汁 幾惹味下😋 正！D雞細細件 🐣好易食 同好嫩滑連雞胸肉都好滑食完雞就加湯開始打邊爐🍲叫左貢丸同埋牛丸 生菜同埋打邊爐必備既公仔麵🍜大滿足 埋單兩個人都係三百幾蚊左右性價比好高 岩曬一大班朋友一齊食👍🏻

極品鮑魚雞煲 $258 都幾大煲，調味都惹味，鮑魚都唔鞋，食完可加湯打邊爐黑毛豬腩片 $98 兩個人食完雞煲都飽，所以加多個豬肉淥下，都正常份量，底有菜絲可以淥埋黎食

夜晚又唔想食太多嘢，但係又想開胃小菜，尖沙咀有間烤魚專門店叫小魚兒，一入餐廳就已經有好濃烈辣烤魚味，餐牌食物好多選擇，烤魚種類同口味好多，基本有辣到唔辣都有，啱哂無論食辣或者吾辣嘅朋友仔，包括仲會有川式小食、BBQ燒烤、甜品🍡想食開胃小菜，叫左酸酸辣辣嘅老壇酸菜魚鍋，湯頭酸辣香濃，魚片滑溜，然而用香料有、花椒、辣椒乾🌶️相當開胃，配料有薯粉同金菇菜一定夠哂飽肚酥炸雙皮奶唔會太油膩，入口奶香四溢，作為飯後甜品黎講都唔錯！✔️

💁🏻‍♀️Openrice 見到小魚兒有訂坐優惠，5:30pm入座有75折，即刻book咗去試吓，餐牌選擇豐富，主打烤魚同雞煲，仲有多款🍢🍢BBQ燒烤，有鑊氣同香口小菜等，我哋忍唔住揀咗多款唔同嘅嘢食：🥘雞煲$168半隻 $268一隻雞煲醬汁香濃惹味，有唔同麻辣度可以選擇，肉質嫩滑，兩個人叫半隻剛剛好。食完湯打邊爐一樣夠味，叫咗蘿蔔同烏冬吸晒啲精華。🦪🦪🦪蒜香牛油燒扇貝$38香蒜燒生蠔$88蒜香牛油燒金菇$38三款BBQ燒烤食物都即叫即燒熱辣辣，最鍾意佢鋪滿蒜蓉，夠曬味！蒜蓉控表示好滿足😌🌟 椒鹽魷魚鬚$98食雞煲之餘可以食埋小菜真係好！椒鹽魷魚鬚酥脆可口，火候十足，食唔停口。⭐️ 黃金魚皮$88忍唔住叫咗呢個咁邪惡嘅小食，滿滿嘅鹹蛋黃醬包住每塊炸魚皮，好完美嘅配搭！小食份量比預期大碟，足夠四個人食。🤤好滿足嘅一餐，餐廳上菜速度快，食物選擇多又有水準，唔怪得知咁受歡迎，我哋大概7:30pm左右離開已經要排隊入座，建議大家先上網訂位，唔好錯過訂座優惠啊！

尖沙咀都好多美食，行開呢邊都見到好多唔同類型嘅食肆。烤魚我都好中意食，不過成日食到都好細條嘅魚。今次食呢間小魚兒，D魚一D都唔小呀!呢間係單點形式，每款單叫，價錢就略嫌少貴。不過有個早鳥優惠，係社交平台訂座可以免費由海鱸魚升級到江團魚。仲有全單25% OFF添!可惜我就冇book啦!!最後叫左海鱸魚 - 黃金特濃蒜香豆花(不辣) HK$308 係超爆多粒粒大蒜，好香口。肉質厚實好新鮮，又冇咩骨，正呀!有寬麵係魚底，好滑好咬口，索曬魚汁好濃好正。除左單叫魚，仲有套餐揀，雞煲都好似好抵食。📍小魚兒 (金馬大廈)尖沙咀金馬倫道16號金馬大廈1樓