小魚兒 (金馬大廈)

营业中

休息中

食過幾次小魚兒，覺得同出面食到的烤魚好唔同，今次同朋友試爆醬鳳梨香辣豆花味 👍🏻👍🏻同樣好好味😋最後仲加左薯粉索曬麻辣湯汁味道，超級正😛⋄⋄====—====—====—====—✦ 炭火風味烤魚 ✦步驟一：選烤魚種類🐟江團魚（$348）肉質肥美｜油分重｜含膠原蛋白主角來了 ，今次同樣揀左江團魚 ，肉質肥美細嫩、厚和實，油錫重，啖啖肉，嫩而滑，而且魚骨唔多😛步驟二：選烤魚口味🌶️🍍爆漿鳳梨香辣豆花🐟（+$18）中麻中辣揀左爆醬鳳梨香辣豆花味，中麻中辣，有勁多菠蘿係中間，勁吸睛👀 菠蘿酸酸甜甜，食幾啖魚肉再食舊菠蘿好正😜鍋內仲有嫩滑豆花、芽菜、洋蔥、雲耳、青瓜、芫荽等配料，相當豐富🤩江團魚魚好大條，吸收左香辣味道又香又惹味，魚肉嫩滑，超級好食👍🏻⋄✦加選配菜 ✦🥔圓薯粉（$28）寬粉條煙煙韌韌，索曬辣汁味道好正😝⋄✦ BBQ燒烤 ✦🧄🧈蒜香牛油燒扇貝🐚（$38/2隻）即叫即燒牛油燒扇貝香噴噴，大量蒜香牛油蓋住元貝，超惹味😝⋄✦精選特飲 ✦🍋‍🟩🍋龍鳳檸樂🥤（$28）龍鳳檸樂就係將新鮮檸檬切片，然後加入一粒小小的醃漬咸檸檬，再加入冰凍的可樂，檸檬的清香及咸檸檬嘅鹹酸感，冰涼爽口🧊====—=

難得同朋友出嚟食飯，打邊爐係不錯嘅選擇，可以一路食，一路慢慢傾偈。今次點咗濃湯花膠雞（半隻）、黃金組合（金針菇、土豆、蓮藕、海帶）、炸響鈴、米線和涼拌海蜇（小辣）。餐廳環境算整潔，服務亦有禮。1）濃湯花膠雞火鍋 - 招牌菜之一。湯底較濃但不會太油，雞肉滑嫩、花膠分量適中，質感偏爽，感覺好滋補。雞湯散發住郁香氣，整體感覺溫和！2）黃金組合配料豐富，有晒打邊爐必備嘅蔬菜。金針菇和蓮藕保持爽脆，薯仔都係好爽口，海帶帶有少少鹹味，材料都好新鮮，適合配湯或米線。3）炸響鈴有好多舊，炸得香脆，唔會好油膩，口感夠爽，沾落花膠雞湯可提升滋味。4）米線 - 散叫的澱粉質， 質感幼滑，同花膠雞湯配搭一流5）涼拌海蜇（小辣）酸辣適中，海蜇爽口，辣味比較溫和，配料簡單但開胃，適合用黎解膩。總結黎講，小魚兒菜式唔花巧同食物新鮮，濃湯花膠雞湯一定係必點雞煲湯底！

前幾日嚟到尖沙咀呢間人氣川菜餐廳「小魚兒」食lunch～～餐廳主打正宗川菜同炭火烤魚，最近仲推出了「藥膳花雕醉雞」同「濃湯花膠雞」等雞煲，望落好吸引呢😍😍-🥘藥膳花雕醉雞(半隻) $138✨店員會幫手將雞肉落鍋，然後等8分鐘就食得～～湯底濃郁入味，每啖充滿藥膳同酒香！雞肉份量好多🐥，肉質嫩滑，味道都唔錯😋😋🌊燒白鱔 $90✨佢地的串燒都好出名，叫咗兩款試試！！白鱔厚身肥美，外皮燒得香脆、魚肉鮮甜爽彈！配上秘製醬汁，甜甜地好惹味❤️❤️🍖燒安格斯牛肉粒 $78✨安格斯牛肉粒燒得外脆內嫩，入口鮮嫩juicy！加上孜然粉作調味，好開胃呢～～🍹竹蔗茅根 $38✨大大杯好足料，味道清甜解渴，飲完仲可以清熱氣👍🏻👍🏻

今次帶大家去咗間超地道嘅川菜打邊爐，佢哋除咗食烤全魚之外，仲有雞煲打邊爐，選擇夠晒多，適合男女老少嘅朋友！🍲 **🐔濃湯花膠雞（半隻）** 個湯底濃到可以黏住嘴唇！奶白色嘅湯汁用老火熬而成，花膠厚到有成隻手指公咁厚，煮到超淋超入味～雞肉嫩滑到一啜就離骨！建議飲啖湯再食雞，飲完成個人都暖笠笠，皮膚即刻覺得滑咗～💖 **🥩滑牛肉** 🐮 輕輕淥幾秒就食得，肉質嫩滑到不可思議，仲有陣陣牛油香～吸收埋花膠雞湯嘅湯底果，惹味到停唔到口！ **🐷黑毛豬腩片** 粉紅色嘅肉片捲到似玫瑰花～🌹 肥瘦均勻，淥完完全唔會韌！最正係個豬肉香超濃郁，配湯底特別夾，而且大大盤份量十足～ **🥟鳳城水餃（四隻）** 每隻都包到脹卜卜！薄薄嘅餃皮入面包住滿滿蝦仁同豬肉，仲有少少筍粒增加口感～一咬開熱辣辣嘅湯汁即刻湧出嚟，鮮味爆棚！💥 #打邊爐 #花膠雞鍋 #少女食評 #打卡餐廳 #冬日必食 小魚兒 (尖沙咀)尖沙咀金馬倫道16號金馬大廈1樓

今日同事報名參加一個活動在尖沙咀，因天氣惡劣主辦方延遲開始，有時間決定食好啲，尖沙咀金馬倫道一間主攻烤魚雞煲嘅火鍋店，一於慢慢享受。藥膳花雕醉雞（半隻）半隻雞一大碟，份量超足料，用花雕酒浸雞加薑片及杞子，加入藥材湯中，店員會幫助計時，提示最佳食用時間，好香藥材味道，酒味及藥材味道非常適中，唔存在過於濃烈味道，雞肉嫩滑有彈性。鳳城水餃係傳統原味道，有蝦仁豬肉，加入木耳增添口感。韭菜水餃係豬肉韭菜餡料，好香韭菜風味。牛丸拼香菇丸，兩者都彈牙有肉味，肉汁豐富，特別推介牛丸超好食。炸響鈴一份有八條都幾多，豆味濃郁浸一浸吸收藥膳雞湯好好味。圓薯粉入口煙煙韌韌又夠滑溜。田園蔬菜拼盤，蔬菜最緊要新鮮，有金菇、娃娃菜、唐生菜、油麥菜，新鮮爽脆無得彈。

尖沙咀美食林立，在尖沙咀想食雞煲就搵咗一間幾出名既小魚兒藥膳花雕醉雞煲雞肉非常入味,但有少少酒香，半隻新鮮雞掉咗落去，煲8分鐘就食得，如果太耐雞肉就會變得過熟，所以職員提示我們8分鐘就要食啦，果然肉質仲係好嫩滑！加埋個鳳城水餃同埋稻庭烏冬已經好夠飽，仲有好多嘢食想叫不過真係眼闊肚窄，叫埋啲小食就夠啦！椒鹽魷魚鬚🦑呢度嘅小食都好出色，即叫即炸十分鬆脆鮮味！鹽燒封門柳牛肉比較少脂肪，肉質有口感，而且牛肉味香濃，簡單用鹽燒就已經好好食！燒茄子🍆茄子有大量蒜蓉，細火慢烤，惹味非常！草莓荔枝梳打味道正常，好夠氣！今次食完雞煲，下次想試吓食烤魚，見好多人都叫

之前同朋友黎過呢間烤魚雞煲專門店食烤魚，味道有驚喜，另外佢地仲有唔同烤串食，大滿足! 餐廳闊落，坐得舒服，店員服務都好好，值得一試今次再訪見倒佢地有個藥膳花雕醉雞好似好吸引，一於叫黎試下藥膳花雕醉雞（半隻）湯底本身係奶白色，店員會幫手落新鮮雞肉，等8分鐘就食得！滿滿精華變成好吸引嘅金黃色，雞肉鮮嫩，湯底濃郁，可以飲幾啖湯先!黃金組合（金針菇，土豆，蓮藕，海帶）鐘意食素菜既朋友不能錯過，另外佢地亦有好多火鍋配料選擇豆花滑溜溜吸曬湯汁大滿足椒鹽鴨血椒鹽豆腐食得多，估唔倒椒鹽鴨血又幾好食，外皮香脆，鴨血嫩滑，可以沾上醬汁一齊食更香口草莓荔枝梳打青檸梳打叫左兩杯梳打清新解膩，酸酸甜甜好開胃燒茄子另外佢地仲有BBQ燒烤食，茄子軟嫩多汁，面頭鋪上蒜蓉香口惹味

今次朋友推介嚟試呢間上過大眾點評「必吃榜」嘅川味烤魚店，一入門就感覺到裝潢偏工業風格，有啲內地品牌感覺，但整體環境乾淨整齊，牆上霓虹燈幾打卡able 📸🍴 今餐最驚喜係「爆醬凰梨香辣豆花烤魚」🔥 魚夠晒嫩滑，配料有豆花、鳳梨、木耳、芽菜等，辣中帶甜，味道層次豐富～豆花吸哂辣汁非常過癮，推薦選中辣，唔會嗆但有刺激感！再嚐咗「金湯花膠雞絲翅撈飯」🍲 金湯夠晒濃厚，打得順滑，真係飲得出有膠質！花膠唔會腥，湯撈飯超級入味，好滿足～最後加咗「香蒜燒生蠔」🦪 大隻肥美、蒜香十足，好新鮮無腥味，烤得岩岩好，口感creamy。店員服務有禮貌，介紹辣度詳細。價錢合理，建議三五知己一齊share，點多幾款小菜更抵。適合約會、朋友聚餐，特別推介畀辣味控朋友們！

整體份量蠻足夠的。而且地點位置也方便。-濃湯花膠雞（半隻）雞湯湯底很濃。建議飲啖湯先。不吃辣的這個湯底很友好～雞肉蠻嫩的～而且當面幫你落入煲度，差唔多得就同你講可以食。-唐生菜-寛粉這個火鍋必點！糯嘰嘰好吃😋-白牛柏葉份量蠻多的。切得蠻大塊的。-江團魚配老壇酸菜豆花選了不辣不麻的。酸菜蠻好吃的。裡面也有寬粉、豆腐。-蒜蓉燒生蠔（6隻）大大顆～ 配蒜蓉好吃😋不過最低半打起叫～ 十蚊粒抵食-鮮腐竹飲料選了咸檸7～

今天中午，我和朋友到尖沙咀金馬倫道的小魚兒食店聚餐。這間店以其地道的海鮮和創意菜式聞名，讓我們充滿期待。我們點了幾樣美味的食物。首先是濃湯花膠雞煲，湯頭醇厚，花膠軟滑，真是一道滋補的好選擇。接著是田園蔬菜拼盤，色彩繽紛，讓人眼前一亮，每一口都充滿新鮮的味道。然後是鳳城水胶，口感滑嫩，搭配醬汁更是美味無比。最讓我驚喜的是牛丸拼香菇貢丸，牛丸彈牙，貢丸鮮香，與香菇的搭配完美無瑕。最後，我們還點了甜點：焦糖燒菠蘿，外脆內軟，甜而不膩，真是完美。整體而言，小魚兒的食物讓我們大快朵頤，氣氛也很輕鬆，值得再次光顧。

平時嚟呢度通常都係食雞煲或烤魚，出咗濃湯花膠雞，一定要試吓先，果然冇失望😎 膠質豐厚的花膠與嫩滑雞肉，湯汁綿密鮮甜，半隻雞份量適中，花膠入口即化，滋補養顏 朋友仔就喜歡食串燒，滿足晒兩個願望，無論鍾意食火鍋定串燒嚟呢度就啱晒🤣🤣**椒鹽豆腐** 外酥內嫩的豆腐裹上薄脆椒鹽外衣，鹹香微辣，表層撒滿炸蒜末與辣椒碎**燒茄子** 茄子烤至軟糯，表皮微焦，搭配芝麻與蔥花提香，口感綿密帶炭火香。 **蒜香燒扇貝** 扇貝彈牙鮮甜，蒜香濃郁卻不嗆喉好惹味**醬燒鮑魚** 鮑魚以濃稠醬油慢燒，醬汁甘醇滲入肉質，口感Q彈帶嚼勁，表面油亮誘人，鮮味與醬香完美平衡。 **麻辣燒雞中翼** 雞翼燒至外皮酥脆辛香花椒與辣椒刺激味蕾，肉質嫩滑多汁，後勁麻而不燥。

雞煲控必試尖沙咀小魚兒🐠原本以為佢只有烤魚，上到去留意到佢餐牌有雞煲，叫咗全隻重慶雞煲（小辣、中麻），真心夠晒麻辣又濃郁，每啖都辣到出晒汗但又停唔到口，絕對過癮！蔬菜加咗娃娃菜同土豆片，吸晒雞煲汁好惹味。出前一丁就更加邪惡，丁麵唔使落味粉，直接用雞煲湯掛汁，濃味到爆，麵條完全吸晒精華，食完真係冇得輸！新出的牛展（200g）只係$28一份，超抵，不過牛展偏韌啲，建議大家可以煮耐少少會更入味同腍身。燒烤類推介蒜香牛油燒金菇，上枱見到滿滿蒜蓉即刻聞到香味，鍾意食蒜嘅朋友一定要試，牛油同蒜香完美融合，送雞煲一流。小魚兒雞煲麻辣得嚟唔會太死辣，配料選擇多，價錢合理，無論朋友聚會定宵夜都岩晒！

今日同朋友相約喺尖沙咀聚餐，揀咗小魚兒開餐🍽️ 之前嚟過幾次都係食烤魚，不過呢個朋友完全唔食得辣，今次就決定叫半隻濃湯花膠雞滋潤下身體🙈 濃湯花膠雞原本啲湯係奶白色，落咗雞件之後，雞嘅精華完全滲曬入湯中，變成誘人嘅金黃色～啲雞肉好鮮嫩，4條花膠份量亦相當足料，每一啖都係滿滿嘅膠原蛋白！建議大家落料後等佢滾起咗，之後熄細啲火食啲雞同飲幾啖湯先👅 火鍋配料方面，叫咗稻庭烏冬、鳳城水餃、皇帝菜，仲有魚腐！稻庭烏冬煮完後質感煙韌有咬口，完全吸收咗花膠雞湯嘅精華，令每條烏冬都帶住濃郁嘅雞湯味🍜 鳳城水餃皮薄餡多；皇帝菜都幾爽脆；魚腐吸曬湯汁，煮到最後每個都脹卜卜，一咬就爆汁👀最後都叫咗兩個小食，個人認為椒鹽豆腐係一大亮點🧈皆因每次嚟小魚兒都會叫佢哋嘅椒鹽系列 （真係好出色）豆腐整到好乾身，點醋食更加惹味😋 面層仲有啲炸蒜添香，層次豐富但唔會過咸！蒜香牛油燒金菇就真係份量驚人！錫紙盒裝住勁大份嘅金菇，海量蒜蓉鋪曬喺面，要用筷子摷先搵到啲金菇🤣

之前喺小魚兒食過烤魚，味道好正，今次滿心期待試吓佢哋嘅濃湯花膠雞煲。餐廳喺尖沙咀中心地帶，超方便，位又闊落，服務主動，食物種類多，仲有唔同烤串，等火鍋嗰陣都唔怕悶親個嘴！ .🌟濃湯花膠雞（半隻） 一上枱就見到筒形花膠同份量十足嘅新鮮雞肉，店員會幫你落鍋，等8分鐘就食得！金黃湯底超濃郁，花膠厚身軟糯，索晒湯汁！雞肉嫩滑又厚肉，花膠同雞油香暖胃又滋補，連飲三碗都唔膩！ .🌟蒜香牛油燒扇貝 扇貝肥美飽滿，煎到金黃微焦，蒜蓉同牛油香噴噴！一咬落去鮮甜爆汁，蒜香夠濃但唔會搶咗扇貝鮮味，牛油奶香包住彈牙貝肉，正到爆！ .🌟精選美國肥牛片 油花均勻，淥三秒就熟，肉質嫩滑牛脂香濃，每片厚薄適中，有咬口又唔韌，配花膠雞湯底，層次即刻升呢！ .🌟稻庭烏冬 烏冬吸晒花膠雞湯精華，每條都滑溜彈牙，仲有膠質黏唇感！湯頭鮮美，食完飽肚又滿足！

#🐒😋已經唔係第1次去小魚兒到食飯今次都係食 #烤魚 不過就食 #海鱸魚原來海爐魚嘅肉質會實好多感覺上無咁滑同嫩口 但味道都係好食湯底揀咗黃金蒜香 (不辣) 鍾意重口味嘅我 見到滿滿嘅蒜粒已經覺得好吸引加埋必點嘅豆卜 索哂啲湯底真係好正烤魚仲配有小量薯粉 / 洋蔥等配料 細食嘅人可以留意返而我就另外再叫咗碟椒鹽豆腐 啱啱炸好熱辣辣 外脆內嫩食唔停口── ✦── ✦ ── ✦ ── ✦ ──ʚ #海鱸魚 + #豆卜ɞʚ #椒鹽豆腐 ɞʚ #金桔檸檬百香果茶 ɞ── ✦── ✦ ── ✦ ── ✦ ──