小雨天 (葵涌廣場)

营业中

休息中

四月二十一日(一)今日去左接老婆收工，老婆提議去近D葵芳度行順便可以去小雨天度食野，尼間舖第一次係老婆帶我黎食，o念起聖誕節後都好耐無去，於是收工就過左去~尼間野係商場一角有成四五間舖位，閒日都差唔多坐滿人，但上黎先知原來食評只係一般，比較奇怪。尼間舖個人覺得幾掂下，特別係湯底，而且米線用鍋上，幾有特式，冬天時亦特別保暖~今次叫左:豬軟骨米線($29)、骨湯雲吞($19)、鹵水雞翼($20)、鹵水豬大腸($20)、凍檸茶(+5)豬軟骨米線湯底有濃豬骨味，甜甜地，有胡椒味，加上黃芽白更清甜，非常美味，配合本身味淡的米線更顯出湯美味。豬軟骨尼度老實講好普通，唔夠日式炆淋晒入晒味既好食，食落有D似滾湯豬肉味，今次D豬"軟"骨有D仲硬到咬唔開咁滯... 下次都係試下鍋仔揀餸唔要豬軟骨~骨湯雲吞同豬軟骨米線同一湯底但無鍋上，可加$5配粉麵。因記得上次叫四樣野多到食唔晒，所以只係我鍋分米線過去就算。雲吞方面層皮黎時候已經硬左，應該似煮定等上碗，共四粒。皮唔算突出，上海舖雲吞白色果隻皮。饀就韮菜加豬肉，個人唔太喜愛。但算足料。鹵水雞翼$20有六隻，幾抵。雞翼鹵得好入味，就算浸係湯度都唔會唔夠味，但齋

足球比賽前走去食個小雨天暖下個胃當時4點幾幾易搵位..地方都算乾淨..我見到好多侍應無野做叫左個酸辣鍋仔米線小辣$20加送金菇$4 招牌雲吞$4成個餐都算好味...酸辣味算ok但是雲吞皮太薄...d 咸必晒出來~.~大大破壞左賣相...貴的確幾貴...但係算是大碗tea TIME FREE DRINK 凍熱都係平時+5蚊

有次我同家姐一齊去小雨天到食,,一入到去,,坐底左之後,,唸好叫咩果時,,叫呀姐埋黎落野,,佢話等陣之後完全5見左人影間黎桌果個男人仲慘,,佢同個呀姐講話佢叫左個雞翼, 冬茹, 貢丸的米線, 但係冇俾到雞翼, 呢個呀姐叫佢等等...之後就行開左去幫人落單...落完單之後就行左去條走廊到企,,同其他呀姐係到傾計..咁埋另一個呀姐行過,,我就叫左佢埋黎落單,,叫左個滑雞小鍋米線大辣同雞翼小鍋米線小辣,個男人亦都同呢個呀姐講話佢碗米線欠雞翼但仲味黎...冇耐呢個呀姐話行開左,,話咁快就補返d雞翼俾人啦!呢間店俾我既感覺係得一兩個呀姐做野low,,其他果d都5知係5係請返黎傾計既!!

呢間野..初初開果時都ok既..都會成日去食..但係發現左第2間好食之後..就覺得好唔掂..我比較喜歡現在於neway樓下的那間米線店!!超讚!!小雨天實在..唉= =..同埋有fd係果度發現有昆蟲的出沒..

大約2年之前17蚊+ 3蚊一款加料到而家20蚊+ 4蚊自己幾鍾意食米線，所以好多米線舖頭都去試下，因為呢間近屋企，比較多去，基本上味道OK，不過唔加辣唔好食而家越來越大，由1間小店開到而家成5個舖位，不過發大反而質素下降，丸類好可能係烚定，上檯無晒味，以前D排骨幾好味，而家唔同左，仲要越來越骨，無肉食既，蠔仔泡飯越來越蠔仔...仲有佢請好多好似係賓賓既侍應，唔識落單，叫佢佢又叫另一個，所以好慢。

食過小雨天好多次，想寫寫佢既食評。我好多年前開始食呢個小雨天，好好味，由其係佢辣辣地..可能我鐘意食辣野啦!!!我通常叫既中辣，飲埋d湯，香噴噴....好味道呀!!!!最抵係7點鐘都仲係下午茶，有野飲送!!!豬骨湯麵既豬骨味好濃，但d豬骨我嫌佢唔係太夠"林"，如果再"林"d會好d。

小雨天,在店外經過無數遍,又看過幾十篇好壞參半的食評,好吧!還是親自去試一次比較實際!!要個招牌豬軟骨湯麵,上枱的不是一碗麵,而是一鍋!以女生的食量,可算是二人份(我自問出名大胃,都吃不完~)強勁黑椒味的湯,雖我一向不愛黑椒,但尚可接受。而且湯很濃很甜。$29,超足料,豬軟骨大小合共七八件。連肉帶骨一起吃,爽!啖啖肉,只吃豬軟骨已飽了一半。至於麵呢~ 麵質一般,但還算ok,一大鍋,可抵三餐。總之,必再幫趁!!!<*tea time 2-7pm, free drinks>

我覺得真係幾好味，所以以前讀書成日去食。尋日再去食，星期日多人我都預左，但入到去真係感覺好差~1) 太逼，坐都坐得好唔舒服，只係不斷叫人入去...2) 太慢，叫左好耐先有野飲，食物更耐.......3) 服務太差!!早幾年都唔係太好，估唔到依家仲差，乜禮貌都無...收銀連句多謝都無....但鬼叫我鍾意食佢的米線咩....p.s. 唔知點解次次叫中辣就唔辣，小辣就好辣....

普通啦小雨天既米線真係唔算太好不過如果有一餐突然想要d 口感刺激咁一吃都無妨既辣油味太唐突又唔夠酸不過加5蚊野飲算幾抵如果唔食小鍋米線建議食豬軟骨米線真係幾好味坐得唔舒服員工服務態度唔多掂不過好難怪間鋪實在太大啦實會分薄左既

上年十二月尾，我的「交叉盒」終於出現三紅問題，跟「M記」預約維修後，要一個月後才可換取新機。今天剛好是換機的日子，於是便跟啤梨來到久未踏足的葵芳。早於上年年初，朋友阿康已帶我來此店吃晚餐，當晚一試「豬軟骨湯麵」後，即時驚為天人。雖然不是甚麼上等食品，連未吃完已萌生「翻兜」之心。大半年後，終於再來葵芳，當然要帶啤梨一試。取機後於十二時左右來到，當時人便未算多，發現此店比我上次來時，已擴充多一個鋪位。坐下後等了一會才有服務員來落單，已隱約感覺此店人手不太足夠。直到後來更加出現有客人因等得不耐煩而離開。我點的當然是「豬軟骨湯麵」，啤梨則點了「椰菜豬肉餃子大麵條」。今次上菜時間頗久，等了十分鐘左右才送來。如以麵店的製作速度來算，算是十分慢。先來的是「豬軟骨湯麵」，水準跟之前沒兩樣，湯底仍舊有一種「黑胡椒」的味道，麵的份量很多，如跟一般麵店比較，起碼多上一半。碗底有大量的「黃芽白」，再加上三件又大又焾的豬軟骨，實在太令人感動了。啤梨的「椰菜豬肉餃子」也是水準之作，餃子餡料有肉香及菜香，外皮夠薄。湯底加入了酸菜及冬菇，啤梨尤其喜愛當中的冬菇。只可惜她覺得「大麵條」較硬身，扣了一些分數。其實我也試了

以前自己0向葵興讀中學, 成日都會特登行過去食, 就算而家大學就畢業, 呢3 年我有時都會特登帶男朋友去ge....呢度環境同服務唔得的, 坐得唔舒服, 招呼一向都無又唔得, 以前試過明明無位佢都話有, 叫左你入去入面企之後好似焗你走唔到, 但係又唔會再理你.....d 面就真係愈來愈貴, 以前淨面17,而家睇住去一路加, 之前都仲係19, 尋日去, 無喇喇變左20 喇d 餸又要4 蚊一款, 順帶一提, 唔好0向呢度食貢丸, 試過唔熟的, 入面凍的, 又少wor尋日再去食, 叫中辣, 加雞翼, 但係個面黎ge 時候, 雞翼唔見左, 個侍應見到張單之後即刻用碗拎黎, 同題目一樣……算係咁喇.....叫了檸茶.....唔好飲ge, 又少檸檬..啖到好似無乜味.....清潔方面, 如果你唔介意d 米線個窩好多時都係崩ge 話就無問題ge......之但係個面d 辣真係好正....雖然好味.....真係好貴囉....20蚊面, 4蚊一個餸, 加埋5 蚊要野凍檸茶, 一人成30幾蚊........

今日去葵涌廣場, lunch就食米線相連幾間鋪, 摺硬木, 地方唔算坐得舒服, 待應算係快手快, 禮貌一般叫金菇雲耳小鍋米線, 小辣($28)湯底一般(食完有少少口渴, 可接受)好多芽菜, 肉碎, 酸菜,good米線&金菇ok(都好難整得難食), 雲耳有Ｄ硬我無加飲品, 覺得價錢唔抵若果唔要求地方好坐, 服務水準, 只求快手快腳食一餐麵, 呢度都ok

講真米線唔係d咩高難度先煮得出既食物,呢間野都可以煮得咁求期,湯底夠晒清(冇味),食物賣相我比-負分,重要餐具大部份都唔衛生,服務就一般!唯一可取係地方夠方便,最岩d趕時間又冇食求的人

果d醱辣米線真係好好食呀!!d辣油好鄭!不過份量就大得仔!價錢又貴...果d餐\具就好似好5清潔lo...部分員工就冇咩禮貌!!

假期裡的工作日午餐,由二老闆一句"食小雨天呀?"下拍板。公眾假期的葵涌廣場竟然比平日更清靜,起碼小雨天也沒有那麼多人,跟同事各自點了小鍋米線後,見到有過橋餃子吃,吃豪點的念頭又興起,來個六隻份量吧。吃著米線不久餃子才到,樣子跟旁邊一泡而紅的很相似呀!甚至味道、口感也很相似,碎得不能再碎的椰菜絲和肉末和軟軟的餃子皮都很似曾相識,相信都是向鄰店取經而來;味道不算很出色試過算數。跟樓下食友經驗一樣,這款餃子不能跟米線相配,雲吞卻可以!另外到這天才知道,同一款餸菜只可點一份,不可以點兩份,事關我們幫老闆點外賣米線時想加兩份豬腸,怎知遭阿姐拒絕-_-a 不忿氣的同事問她相熟的店員才知道因為每碟小菜取價$20,兩份餸菜等於一碟小菜份量,所以店方不允許同款食物點兩份,原來如此!!