影片
更多
2008-04-25
19 浏览
四月二十一日(一)今日去左接老婆收工，老婆提議去近D葵芳度行順便可以去小雨天度食野，尼間舖第一次係老婆帶我黎食，o念起聖誕節後都好耐無去，於是收工就過左去~尼間野係商場一角有成四五間舖位，閒日都差唔多坐滿人，但上黎先知原來食評只係一般，比較奇怪。尼間舖個人覺得幾掂下，特別係湯底，而且米線用鍋上，幾有特式，冬天時亦特別保暖~今次叫左:豬軟骨米線($29)、骨湯雲吞($19)、鹵水雞翼($20)、鹵水豬大腸($20)、凍檸茶(+5)豬軟骨米線湯底有濃豬骨味，甜甜地，有胡椒味，加上黃芽白更清甜，非常美味，配合本身味淡的米線更顯出湯美味。豬軟骨尼度老實講好普通，唔夠日式炆淋晒入晒味既好食，食落有D似滾湯豬肉味，今次D豬"軟"骨有D仲硬到咬唔開咁滯... 下次都係試下鍋仔揀餸唔要豬軟骨~骨湯雲吞同豬軟骨米線同一湯底但無鍋上，可加$5配粉麵。因記得上次叫四樣野多到食唔晒，所以只係我鍋分米線過去就算。雲吞方面層皮黎時候已經硬左，應該似煮定等上碗，共四粒。皮唔算突出，上海舖雲吞白色果隻皮。饀就韮菜加豬肉，個人唔太喜愛。但算足料。鹵水雞翼$20有六隻，幾抵。雞翼鹵得好入味，就算浸係湯度都唔會唔夠味，但齋
今日去左接老婆收工，老婆提議去近D葵芳度行順便可以去小雨天度食野，尼間舖第一次係老婆帶我黎食，o念起聖誕節後都好耐無去，於是收工就過左去~
尼間野係商場一角有成四五間舖位，閒日都差唔多坐滿人，但上黎先知原來食評只係一般，比較奇怪。尼間舖個人覺得幾掂下，特別係湯底，而且米線用鍋上，幾有特式，冬天時亦特別保暖~
今次叫左:
豬軟骨米線($29)、骨湯雲吞($19)、鹵水雞翼($20)、鹵水豬大腸($20)、凍檸茶(+5)
豬軟骨米線
湯底有濃豬骨味，甜甜地，有胡椒味，加上黃芽白更清甜，非常美味，配合本身味淡的米線更顯出湯美味。豬軟骨尼度老實講好普通，唔夠日式炆淋晒入晒味既好食，食落有D似滾湯豬肉味，今次D豬"軟"骨有D仲硬到咬唔開咁滯... 下次都係試下鍋仔揀餸唔要豬軟骨~
骨湯雲吞
同豬軟骨米線同一湯底但無鍋上，可加$5配粉麵。因記得上次叫四樣野多到食唔晒，所以只係我鍋分米線過去就算。雲吞方面層皮黎時候已經硬左，應該似煮定等上碗，共四粒。皮唔算突出，上海舖雲吞白色果隻皮。饀就韮菜加豬肉，個人唔太喜愛。但算足料。
鹵水雞翼
$20有六隻，幾抵。雞翼鹵得好入味，就算浸係湯度都唔會唔夠味，但齋叫就有D唔夠熱，可能佢預左黎做米線餸，浸一浸熱D會更好食。老婆就話D雞翼唔夠淋似鼓油雞翼多D。
鹵水豬大腸
份量真係好多，不停咁食食到最尾都食唔晒。同雞翼一樣非常入味，個人認為比雞翼出色，因食落真係好香又夠淋夠味，是非常出色的一味~
凍檸茶
用高杯容量都幾大下，幾抵飲，味道唔太甜，甜番D會更好，但可接受。
個人覺得尼度最好就係個湯底、豬腸同雞翼，下次就叫尼個鍋仔啦=)
张贴