小草十八怪石鍋米線 (已結業)

📌 小草十八怪米線📍 旺角今日黎到親民嘅米線小店食佢地出名嘅石鍋米線!! 🪨 但係發現原來明爐烤海爐都好出色🤩 同朋友兩個食到超滿足!! 鐘意食米線薯粉嘅唔好錯過😋✨餐廳周圍環境都好舒服,有好多植物嘅掛飾🍃💐 坐落好舒服💕 -(👑爲推薦) 石鍋米線套餐 (六餸) $73明爐烤爐魚 $177 👑 -❥ ❥ 石鍋米線套餐 (六餸)有超多餸可以選✨ 我揀左鯛魚片, 五香辣豬軟骨肉🐟🐖十八怪照通炸醬, 香辣番茄牛肋條🦴最後蘿蔔同蛋餃🍳個人最鍾意鯛魚片💕 魚味十足👍🏻湯底係馬來肉骨茶!!! 🦴 湯底濃郁香醇!!😋最得意嘅係客人可以自選自己煮石鍋米線🤣可以按住隔離牌嘅指示煮!!🤩 都幾好玩🤣❥ ❥ 明爐烤海爐海鱸魚大推!!!🐟🤩 兩條超大 仲係有煎過!! 浸落湯底食更加惹味💕湯底係濃郁嘅沙爹湯!!! 有其他選例如香辣金湯🤣必嗌薯粉!! 掛曬沙爹汁一齊食好鬼正😋附送有豆卜粟米🌽 好貼心✨另外我地嗌左響鈴🔔 掛曬沙爹汁!!鍾意沙爹嘅人唔好錯過每一啖真係好滿足😍-▫️味道：9.5/10✨▪️賣相：8.5/10 ▫️環境：7/10▪️價錢：9/10▫️服務：9/10▪️Overall：9.3/10-🔍#CY米線

幾好食六餸石鍋米線（$68）賣相好特別，可以揀湯底同餸。我叫咗肉骨茶湯底，而餸就有五香辣豬軟骨、十八怪照通炸醬、香辣蕃茄牛肋條、北海道帶子、花膠、鯛魚片。一次過試到咁多嘢真係好豐富。準備嘅過程仲好好玩添～首先放入韮菜同芽菜入個熱辣辣嘅石鍋入面，再放入生肉係上面再倒入湯底都煮一分鐘，然後加上米線同熟食，就食得喇。朋友揀嘅沙嗲湯同公仔麵都唔錯，幾濃味。餐廳仲有串燒供應～串燒椰菜仔（$15）- 好少地方有得食，好爽口。孜然羊肉串（$22）- 個羊肉又腍又入味，仲一啲都唔騷金菇串（$13）原條茄子（$28）- 加埋蒜蓉去燒真係好入味，必食。佢哋嘅巨飲都好解渴，仲可以走甜走冰。芒果凍頂烏龍茶（$25）青檸薄荷梳打（$25）

放假去咗依家最Hit嘅恐龍🦖打咭之後，去咗女人街搵食，嗰度真係好多嘢食呀🫢見到呢間有得食石鍋米線幾正咁，就入去試吓先！🥢食物🥢1️⃣石鍋米線（九款）$88:揀咗火腿瑤柱肉骨湯～湯底味道好鮮味😋可以揀自己煮或店員幫你煮，我哋梗係揀自己煮先過癮啦😆唔洗擔心唔識煮，店員好有耐性會喺你旁邊教你㗎！材料好新鮮，特別推介係北海道帶子、鯛魚片、花膠👍🏻有四十幾款材料揀，真係令人花多眼亂😂2️⃣金瑤柱粉絲鯛魚片荷葉飯$48: 上邊有少少炸蒜加埋粉絲食一流，鯛魚片好滑，荷葉飯好清香！整體個味道係偏淡嘅，鍾意濃味D嘅朋友就可以要加啲豉油啦🫶🏻3️⃣檸檬炸雞$15: 好抵食，有成6-8粒！炸粉唔會好厚，咬落去有肉汁，唔會炸到好乾👍🏻我自己就鍾意加多啲檸檬汁更正。不得不提特大檸檬茶😆真係超大杯，食完咁大碗熱辣辣米線，歎返杯檸檬茶～爽🫢

同朋友嚟到旺角嘅“小草十八怪石鍋米線”，首先揀咗個石鍋米線，除咗米線仲可以揀公仔麵或者薯粉，今次揀咗薯粉上到嚟先知道嗰薯粉係有曲線嘅，QQ彈彈又幾得意，呢個係六款餸嘅米線套餐，揀咗牛柏葉，墨魚丸，花膠，豬肚，肥牛同埋北海道帶子。total有成四十幾款式可揀，超豐富。另外一個就係“瑤柱蒜蓉海鮮荷葉飯”呢個亦都係一件好開心嘅事，瑤柱魷魚圈同埋魚片，扇貝啲海鮮鮮味加埋啲好香嘅蒜蓉入曬每一粒飯，非常之好食。值得一提嘅仲有大大杯嘅青檸梳打比平時舖頭飲嘅大兩至三倍，飲得好爽，而且一點半打後先至有嘅串燒亦都好正，例如扇貝，雞豬大腸，墨魚頭都好香口入晒味，而嗰碟小食韭菜豬紅喺正餐未上時已成為我1人“獨吞”的前菜💚

收工之後就同朋友去食米線。黎到小草18怪石鍋米線，坐低之後先發現原來佢哋除咗米線仲有荷葉飯同埋啲串燒，所以我同朋友每樣揀咗一啲share黎食。石鍋米線我哋揀咗黑毛豬，封門牛柳同埋鯛魚片，湯底揀咗火腿瑤柱肉骨茶。鯛魚片好新鮮，黑毛豬同牛柳亦同樣爽口彈牙。另外叫咗個蟲草花蒸雞荷葉飯，蒸雞嫩滑，荷葉飯入邊仲有少少瑤柱同蟲草花，食落更鮮味。串燒方面我哋叫咗牛舌，孜然羊肉串同埋雞軟骨，未上到枱已經聞到佢嘅香味遠遠傳黎。檸檬炸雞同埋扇貝都不過不失。另外叫咗杯凍檸茶，同埋一支1664，埋單$254，性價比都幾高，坐得又舒服，下次同朋友黎旺角聚又多個選擇👍🏻

小草十八怪曾經喺米線關注組嘅討論度幾高，隔咗段時間終於有機會試啦🥹。原來除咗米線，佢哋嘅小食表現都幾出色，仲有荷葉蒸飯(雖然今次冇試🤣)，唔食米線都可以試其他食物😍。🌟香辣金湯米線 配 九餸米線係用石頭鍋盛載，可以揀自己煮米線/店員幫手煮埋米線🍜(朋友話唔係為咗比👧🏻打卡，一定會叫點員幫心煮，佢太懶🤣)，有兩個安排夠曬貼心❤️。店員就教路要先落菜，再放生肉/海鮮，再放麵同湯～今次👧🏻就睇過其他食評都係推介，叫咗香辣金湯，金黃💛嘅原料就係南瓜🎃！南瓜嘅鮮甜配上少少辣呢個組合幾新鮮，配上米線都幾掛湯。至少配料，就揀咗：鯛魚片、五香辣豬軟骨、香辣番茄牛肋條、北海道帶子、響鈴、封門牛肉、雲耳、鳳尾虎蝦仁同蛋餃🍳。➡️鯛魚片🐟夠曬彈牙冇腥味，好過平時食嘅鯇魚片多多聲！➡️豬軟骨就炆得極腍，配上五香汁，真係以為食緊五香肉丁🤣。➡️香辣番茄牛肋條脂肪同肉比例平均，番茄🍅甜甜地，配上牛肉唔錯👍🏻。➡️封門牛肉係薄切重牛肉味🐮。➡️鳳尾虎蝦仁就係原隻有殻蝦🍤，比佢呃咗添🥲不過蝦肉都夠爽口鮮甜。➡️蛋餃係蛋皮包住鮮肉，出面比較少見，幾得意！🌟極品蟹黃湯薯粉 配 九餸朋友就叫咗蟹黃湯，味道比較清淡，仲有少少蟹肉，唔建議重

去咗旺角食嘢～依間喺女人街嘅米線店，鮮黃色門面好sharp，入面裝修都幾舒服～用咗一啲植物做牆身裝飾～晚市坐滿晒，好有人氣。本來想嚟食依度主打嘅石鍋米線，但係見到佢嘅明爐烤海鱸魚套餐好抵食，所以轉咗呔😆🔶明爐烤海鱸$148套餐包括咗明爐烤海鱸，一份米線/白飯/薯粉，一杯特飲。湯底有7款可以選擇，我地就揀咗沙爹口味，味道好濃有點偏甜。而海鱸魚肉質結實啖啖肉～烤過之後再浸湯好惹味。入面仲有藕片和粟米。我地配咗米線～入口好滑順。另外，可以加配其他配料，有成幾十款選擇，每款一律$9，我地加咗美國肥牛丶皇帝菜，而飲品點咗特大凍檸茶～真係極大一杯，特別解渴。🔶檸檬炸雞 $20炸得好酥脆～雞肉嫩，入口一啲都唔油，食之前再唧少少檸檬汁，減輕膩感，口感更清爽。🔶燒墨魚頭 $15下午1:30後呢度仲有串燒供應，選擇都多，有20幾款，落單時可以選擇辣度。墨魚頭燒得好惹味香口～入口彈牙。🔶青檸薄荷梳打$25同樣極大一杯！目測是一般份量嘅雙倍～夏天又真係啱晒！清甜解渴。

喺女人街有間人氣爆燈嘅米線舖，小草·十八怪石鍋米線，佢哋嘅食物CP值好高。石鍋米線揀咗沙嗲湯底同6款心水配料六款餸加埋韮菜芽菜等配料整齊排列，啱哂打卡。石鍋好高溫㗎，有200度以上所以特別小心。店員都好熱心友善介紹做法先炒一下韮菜及芽菜 再將全部材料放入倒入湯底，最後落米線焗3 分鐘就煮成。新鮮滾熱辣，加上沙嗲湯底超濃，啲配料入哂味，米線條條都掛滿沙嗲湯，勁惹味。瑤柱蒜蓉海鮮荷葉飯：入面嘅海鮮包括有扇貝、鯛魚片、蟹柳和魷魚等等，啖啖飯都有荷葉清香味，亦有海鮮嘅鮮味，整體賣相不錯，建議加入豉油更能突出海鮮嘅鮮甜味。仲可以試埋其他串燒小食，呢度嘅串燒選擇都有20多款，價錢都只係由＄10至＄25，我最鍾意呢度嘅光原條茄子，啲茄子夠哂厚肉，價錢親民，有滿滿嘅蒜蓉，香口非常。特色小食都有10多款㗎我哋呢次就蝦膠釀豆卜，即叫即炸，入口勁香脆，蝦膠夠哂彈牙。 又平又抵食。

♨️小草·十八怪石鍋米線旺角亞皆老街36-38號龍飛大廈地下3-4號舖💜落好大雨路經女人街見到門面幾靚，突然間又想食石鍋米線就走咗上去試吓，地方寬敞乾淨，性價比好高，六個餸大大碗熱辣辣，杯飲品大過啤酒杯想點啊🤣食晒成碗都仲係出哂煙熱辣辣唔怪之要咁大杯嘢飲👍🏻🔷石鍋米線六餸套餐酸辣魚湯底。辣辣地夠出色封門牛肉。好食但要快食鯛魚片。好多片夠爽口美國肥牛。好食但要快食鳳尾虎蝦。新鮮爽囗花膠。兩大舊立即覺得好養顏北海道帶子。食得出係日本貨🔷芒果凍頂烏龍茶 唔使多講，底夾爽食物：8/10抵食：8/10環境：8/10。。。#小草十八怪 #食在旺角 #旺角美食 #mongkokfood #石鍋米線 #米線關注組 #米線 #熱辣辣 #封門柳 #日本北海道帶子 #花膠 #美食日記 #美食推薦 #香港美食 #香港美食指南 #hkig #foodie #hkfoodie #foodiehk #hkfood #foodhk #foodporn #foodphotography #foodblogger #foodstagram #hkfoodblogger #hkfoodlover #hkfoodpic #hk

整體來講普普通通，冇乜特別。柴火麻辣湯底同酸菜魚湯底都唔掂。不過個柴火麻辣湯底係夠辣嘅。個沙嗲湯底都好普通。就係一間普普通通米線餐廳。價錢合理。不過唔會去第二次。

🍜六餸十鍋米線 （$68）黎齊D嘢後只需依次擺入石鍋 等幾分鐘 就可以開餐咯➡️酸辣魚湯🐟 & 極品蟹黃湯🦀️‼️以下是重點‼️酸辣魚🐟湯底幾不錯 酸酸辣辣 夠頂癮～極品蟹黃🦀️湯試落就好淡 得好少嘅蟹黃味 略失望…而米線就過硬影響口感 至於配料 除左豬軟骨夠入味之外 其他通通都同街市買返黎嘅原材料一樣 原味無添加🙂 麻辣小龍蝦雖然係一早整好的 不過味道都係差小小 建議大家如果叫配料 都係叫返D佢本身有醃製過嘅 味道可能好D鋪頭係位於樓上 尚算易搵 係花園街轉角位 座位都幾多 Dinner時間唔需要等位 除左米線配料選擇多同幾特別外 整體而言留不住Sa妹的胃 （雖然酸菜魚湯底係幾不錯）不過大家可以一試自己親手Dum D材料落去煮嘅趣味

叫米線三送加個蘿蔔（總共四送）肥牛得一片整碎墨魚頭變墨魚腳煎粒蘿蔔未熟透同一舊響鈴湯底幾乎無味好似洗碗水咁超淡份量離譜地少qr code 落單系統錯誤呆坐十分鐘，要追問先知原來落唔到入面環境普通，但人煙稀少氣氛奇怪，另外一檯食客，一樣食剩非常多佢嘅荷葉飯除左面頭嘅送完全無食過員工散漫，總之整體都係劣評。好耐無係旺角食到咁難食嘅嘢，佢能夠生存到都係奇蹟食野期間聽到伙記話好少生意大佬因為真係好難食唔會再去

女朋友講左好耐話想試呢間小草，咁我對呢間小草都唔係咁大期望，因為一直係米線谷都聽聞好多人廣告，野食就一般，前排3，4月左右嚟過摸門釘，門口又冇講幾時會開，開飯就寫住營業中，咁冇辦法啦，到前日搭巴士經過見到有開喎，仲有幾枱人食緊，咁就落車試試佢，仲見佢好大張banner寫住下午1515-1700所有野食都85折，上到嚟環境都舒服既，幾好坐，要左一碗封門牛肉炸醬同蕃茄牛肋條金湯米線48蚊， 另一碗就黑毛豬梅肉片紅燒牛肚同豬軟骨酸菜魚湯米線48蚊，仲要左2個小食，一個檸檬炸雞20蚊同一個烤茄子28蚊，仲要左杯凍檸茶兩碗米線一嚟到比我感覺係唔錯喎，石鍋熱辣辣咁，好有特色，不過奇怪既事就出現喇，明明一碗係封門牛肉同另一個係黑毛豬肉，但係2碗既肉片，都唔可以叫做肉片，係肉碎嚟，係一模一樣，完全都冇豬肉片同封門牛肉既，我果碗個湯先係最奇怪，我要既係酸菜魚湯，湯入面冇魚唔緊要，連酸味都冇，夾上嚟果d好似雪菜多過酸菜，飲淡湯直頭就係連鎖快餐店早餐果種雪菜肉絲湯既味，真係打左個突，雖然冇乜期望，不過都唔係咁掛，除左呢幾樣野，其他野都正常既，牛助條，豬軟骨都唔錯，牛肚我同女朋友覺得係好食既，檸檬炸雞上面係有

關注這間米線很久網上見到啲圖片📷覺得好得意 一格一格睇起來超舒服 🙃滿足曬強逼症的人今晚特登過來試下～位置都好找 係馬路對面就見到大招牌行樓梯上二樓 環境一般 吃的人不是特別多配料係自己選擇3款 6款 定係9款我們兩個女仔叫左9款的套餐薯粉湯底係👉🏻香辣金湯配料係👉🏻豬紅 響鈴 美國肥牛 麻辣小龍蝦 牛丸 大腸 炸醬 豬軟骨 牛柳兩杯特飲👉🏻青檸薄荷梳打👉🏻檸檬茶兩杯都超大 飲唔曬😂係好抵吃 又得意 今次叫的湯底唔夠辣 下次應該會再來試下其他湯底😁

上到去店面有好多位，揀左個卡位坐，落單係自己掃QR code 自助落單既，方便快捷今次叫左個三餸，牛肚，麻辣炸醬同金菇米線，湯底就揀左香辣金湯，湯底好香濃，係金黃色既，本身我覺得唔係好夠辣，所以叫個麻辣炸醬加埋落去就過癮好多喇👍🏻👍🏻😂朋友都係叫三餸，叫左牛柏葉，雞腎同埋肥牛，湯底就揀左酸菜魚湯，但可惜個雞腎好似變變地，好彩老闆都好好人，即刻話可以轉個第二個餸，就轉左要金菇，老闆仲叫啲夥計清左啲腎👍🏻呢間餐廳我已經幫襯第三次，因為本身鍾意食米線，而且呢間餐廳既湯底正，重中之重係佢用石鍋上，食到尾都熱辣辣，真係好正😍🥰三餸米線$48,飲凍檸茶加$6