小草十八怪石鍋米線 (已結業)

收工之後就同朋友去食米線。黎到小草18怪石鍋米線，坐低之後先發現原來佢哋除咗米線仲有荷葉飯同埋啲串燒，所以我同朋友每樣揀咗一啲share黎食。石鍋米線我哋揀咗黑毛豬，封門牛柳同埋鯛魚片，湯底揀咗火腿瑤柱肉骨茶。鯛魚片好新鮮，黑毛豬同牛柳亦同樣爽口彈牙。另外叫咗個蟲草花蒸雞荷葉飯，蒸雞嫩滑，荷葉飯入邊仲有少少瑤柱同蟲草花，食落更鮮味。串燒方面我哋叫咗牛舌，孜然羊肉串同埋雞軟骨，未上到枱已經聞到佢嘅香味遠遠傳黎。檸檬炸雞同埋扇貝都不過不失。另外叫咗杯凍檸茶，同埋一支1664，埋單$254，性價比都幾高，坐得又舒服，下次同朋友黎旺角聚又多個選擇👍🏻