小紅館 (已結業)

拎住小紅館之前喺荃灣廣場派嘅COUPON入去食嘢，到期日係6月30日，點知落單時個靚女話唔用得，MENU上已經冇咗呢樣嘢。唔關食物差事，亦都唔關環境唔舒服事，而係經營手法有問題，欺騙顧客就點都唔會再入去。

白老鼠又去試館今次係咁岩係荃灣路過 咁岩想食台灣野先行入去小紅館一試今次試左牛肉金菇蕃茄湯烏冬 $48 評份：5/10整體材料尚算新鮮，只不過不知道為何金菇變成了草菇。蕃茄湯也不錯。烏冬的量偏少，男生完全不夠吃。所以當天有加了一份滷蛋，但滷蛋淡而無味，扣了很多分。

Lunch身處喺荃灣大壩街, 沿住呢絛街行都有好多餐廳俾大家揀揀今日lunch食咩好?? 而今次就揀咗台式嘅小紅館!呢間嘅午市套餐大約$46-$56, 有台式風味嘅肉燥或滷水食物, 亦有健康風味嘅蕃茄湯烏冬可以揀!照燒章魚餅蕃茄湯烏冬 ($46), 先試另上嘅章魚餅, 上面吱滿蛋黃醬和照燒醬, 可能啲醬太多, 坦白講係有啲鹹. 至於湯烏冬嘅味道呢?! 蕃茄湯底幾濃郁, 入面仲搵到唔少茄肉, 仲配有日式魚蛋同粟米, 單睇碗湯烏冬都算豐富, 而烏冬係稻庭嗰種爽口彈牙, 以呢個價錢唔hea喎! 下次可以試下其他配搭嘅湯烏冬🤔肉燥滷蛋干拌麵配紫菜飯團+海帶湯 ($48), 呢碟望落去已經覺得吸引, 尤其嗰兩隻半熟蛋 😋 干拌麵口感煙煙靭靭, 配埋肉燥好香濃, 會忍唔住一食再食.  不過食到底啲麵滲滿肉汁有些少鹹, 呢個時候飲返啖海帶湯舒緩一下鹹味.食完碗干拌麵其實已經有啲飽, 但都要試試個紫菜飯團! 飯團帶有啖啖醬油味, 配埋紫菜碎嚟食, 不知不覺間成個飯團食哂, 所以揀呢個餐係會超飽肚!食到飽飽講返杯飲品先, 最欣賞係呢度嘅台式飲品唔駛加錢, 仲有好多選擇😍我就揀咗基本款嘅珍珠奶茶,  杯飲

無意間經過就入左去試下，初頭想叫外賣，但睇睇下個晚餐，都幾抵就入左去試啦。我叫左個菜肉雲吞蕃茄麵，前菜揀左個醋汁沙律，飲品係熱蘋果紅茶😋個蕃茄麵食落都幾開胃，同埋個麵底都係蕃茄味，第一次食幾特別，再加上肚餓食咩都好食ge👍🏼菜肉雲吞雖然唔知係急凍定自家，但都好食！杯野飲還可以啦，有d蘋果粒加紅茶咁lor🤔你明架啦😅不過賣單果時呢🤔個店員見我地想拎卡片，就親切地講多幾句話，遲d鋪頭裝修會改名架啦，但都係賣台灣野食，好似叫'全知'？！唔多記得，佢仲親手寫左出黎🙈失憶忘記左人地一番心意

喺荃灣區來講，一到假日幾乎好食少少嘅餐廳全部都要排隊，有時真係好煩！！！😖今次介紹小紅館，幾乎每次都唔使排隊，最重要係價錢合理，環境OK，食物質素都唔差！！！可能位置比較偏僻，少啲人知道，睇返小紅館餐牌，選擇都好多，又有甜品食！！！ 最好嘅地方係，有晚市套餐，好抵食！！！沙嗲豬頸肉飯，超多豬頸肉兩個人都食唔晒，而且有湯、有沙律、有小食！！！呷醋木耳 真係好好味！！！番茄拉麵，湯底濃郁，大大碗！！！最緊要環境舒服唔會太多人迫！！！

老婆成日話台灣啲嘢好好食，咁就聽佢講今晚貢咗入去一間主打台灣嘅舖頭睇下喺香港嘅台灣嘢食係咪好似台灣嗰邊咁好食。裝修就唔係太精緻， 又未至於到普通茶餐廳。我哋點左一個鯖魚定食同埋個吉列豬扒麵定食。味道一般啦，個豬扒炸得好油。攞出嚟都唔太熱， 係咪應該炸過籠 ,啲肉好乾。碗麵同豬扒係分碟上但都唔夠熱。同埋湯底冇特色。條青魚味道都係一般般，得舊檸檬唧檸檬汁。冇其它汁點，唔夠味。最後要講講杯胚芽奶茶， 一啖飲落去非常之甜，飲咗兩啖之後我都已經唔想飲。以後應該會好少機會再幫襯

今次來了荃灣搵食，成日經過這間小紅帽都想入來試試，今次終於可以試下。一入到來店員全在好後面係度傾計我自己拎個餐牌坐低啦唯有。睇得出餐廳想打造大自己感覺，不過仲未足夠阿。以食材同葵青區來說價錢確實有點偏貴。餐廳了解到台灣最出名是小食，但種類未夠特色。菜肉餛飩什菇蕃茄面，還送了個小沙律。作為蕃茄湯面愛好者的我覺得湯底夠香，也是蕃茄面，面質有咬口，菜肉餛飩不過不失，整個也很不錯，唯一敗筆是再上一張圖放下時的賣相。另外叫了一份鹽酥花枝丸，調味粉嚴重不足，完全不夠香只好直接放入蕃茄面當加餸了。蘋果鮮打綠茶，綠茶來的時候底下有微暖，也有新鮮蘋果肉以整體來說尚算可以，但沒有台灣的感覺。花枝丸更令我大大失望。如果下次再經過再試試炸雞和肉燥飯吧！

今日中午去左小紅館食午餐點知中左伏.. 點左個茄湯墨魚餅烏冬.. 跟餐有杯珍珠奶茶.. 原本個賣相都馬馬地.. 其實本身個茄湯都還可以.. 仲有埋茄肉.. 不過配料日式魚蛋就完全無味.. 原本食物鮮味都無.. 烏冬夠彈牙似係稻庭烏冬.. 不過望埋個墨魚餅就真係啞左.. 勁多醬汁係面不在話.. 仲要唔多夾墨魚餅.. 到整走左食落口完全無墨魚味連墨魚粒都無.. 似魚餅多啲.. 不過都係無味架.. 不得不提呢杯珍珠奶茶.. 成層泡係面而且啲奶粉仲係晒面.. 望到已經唔想飲.. 我未飲已經係圖咁嘅樣.. 只係好在可以少甜.. 飲落奶茶同珍珠味道都一般.. 不過我地食完收野服務員態度都幾差.. 所以食完今次真係無下次..

其實香港嘅台灣食物水平應該好成熟，可惜呢間「小紅館」真係麻麻，性價比唔太高。呢碗《紅燒牛筋面》賣相還OK，湯底用牛肉、牛骨淆成，而且飲落有陣好似藥材味。不過佢過份放太多味精，食完碗麵好鬼口喝...同好鹹...

味道雖然不錯,炸雞亦都很脆,但對他們的服務非常失望⋯我和同事的午餐時間只有大約一個小時,但等待上餐已經用了25分鐘,所以我地食得很匆忙，但飲品遲遲都未到，到到50分時我們已經要離開，所以就叫職員包起攞走，但職員話要收回一蚊的外賣費用,但同他們理論是因爲出飲品慢先至要打包,但佢地只講話外買點都要收一蚊,真係對佢地既服務非常失望，所以如果大家的午餐時間唔多，就唔好選擇去呢間食

大壩街有好幾間餐廳都食過了，今晚黎到呢間試下。都幾多款式選擇，仲有甜品吐司。鹽酥肉排蕃茄麵，牛肉干拌麵，凍水果茶，香芋珍珠奶茶，鹽酥雞。兩個炸既野食都唔錯，好香口，如果加啲辣粉更惹味。牛肉麵既牛肉好淋。水果茶好大壺，好多蘋果粒粒。唔覺意叫左兩樣都係炸野添。2人埋單172，晚餐都算係合理價。

朕既隨從今日約左人行街，所以朕今日就自己出左荃灣睇影畫，睇完之後就行左去後面揾食，睇到呢間小紅館，朕就試下新野先！朕叫左個鹽酥雞扒肉燥飯配凍巧克力珍珠奶茶，鹽酥雞扒肉燥飯上枱，睇落塊鹽酥雞扒都幾大塊，肉燥都幾多，仲有半隻鹵蛋，份量都幾足，件鹽酥雞扒夾起黎都幾乾身，啲雞皮都炸得好脆，不過佢連啲雞肉都炸乾埋，同埋件鹽酥雞超咸，係超咸，係超咸，因為重點所以講三次，朕知道鹽酥雞係咸既，但係佢超過左一個點，係咸到條脷會大反應既就真係過左啲囉！最後朕就唯有剥左佢層皮，同埋肉燥餸飯！凍巧克力珍珠奶茶，巧克力味比較淡，珍珠又痴埋一舊，唉！！！－－－－－完－－－－－

荃灣廣場行街果陣收到張宣傳單張，原來係間台灣小店，宣傳單張仲可以送珍珠奶茶，加上個肚餓餓地，就決定過去試下味…間店應該係新開無耐，燈光夠光猛，冷氣都唔錯，不過店內得3個店員，服務要等耐少少…晚市價錢都唔算貴，6~70蚊有沙律，主菜同飲品，但台式飲品要另加6蚊由於我好想吃牛肉麵關係，套餐得牛肉干麵無湯麵，唯有放棄套餐啦，加上有得換珍珠奶茶，感覺都抵過吃套餐介紹下我碗牛肉麵先，(半筋半肉麵)麵類係地瓜麵，但吃唔到地瓜味，比平時d幼麵仲好味，仲好易斷，湯底有少少辣同吃到有少少藥材味，重口味但又唔咸，唔錯最驚喜係塊牛腩肉，共2塊，2塊都係厚牛肉，又夠淋，牛筋又好味，老人家都啱吃…珍珠奶茶都幾香， 珍珠唔係硬果款，有d淋身，而且份量都唔少…鹽酥雞排干麵，朋友話個干麵勁咸，我偷吃過塊雞，炸到脆卜卜，但有少少硬，d雞肉唔算太乾身，不過真係好多油…最後輪到朱古力吐司，足足等左25分鐘先有得吃，麵包夠脆，易切，朱古力醬夠多夠濃

黎依度食左個肉燥滷水蛋拌麵，隨餐還有一個紫菜飯團和一碗紫菜湯。我先喝一口湯，紫菜份量是頗多的，湯的味道真較為一般，冇乜特別。送湯吃一口飯團，咸味足夠，飯也很緊密，不容易散開，但紫菜味道就不是很濃了。最後才是重點的拌麵，滷蛋是正常滷蛋，所幸幾入味。肉燥的份量也很多，肥瘦相間，十分之香，唯一的缺憾是麵真的不夠勁道，有少少太軟，對我黎講就不是十分滿意拉。

今次嚟到小紅館搵食！住嘅荃灣咁多年都好少去大壩街食飯～今次放棄各大商場食肆～但換來嘅係失望晚餐有set揀但選擇不多而且個沙律佢都冇問我要咩汁就擅自俾咗醋我我想試芝麻醬個醋好濃好酸...鹽酥雞排肉燥飯($69)個皮好脆！但舊雞好乾又冇味！夾起件雞仲見到成個碟係油....難道佢係油浸雞...?香蔥牛肉干拌麵（$65）鹹！鹹！鹹！個拌麵非一般的鹹～落埋雲吞個湯都依然係鹹不過佢唔係牛肉係牛餞就幾好味！但呢個拌麵都係油！香芋珍珠奶茶(跟餐+$6）嘢飲不錯～不會太甜但珍珠比較淋～可能係浸咗好耐朋友叫咗蘋果紅茶仲有真蘋果喺入面！好飲！可能呢間嘢係甜品類為主正餐就不會再考慮了！