小紅館 (已結業)

今日中午去左小紅館食午餐點知中左伏.. 點左個茄湯墨魚餅烏冬.. 跟餐有杯珍珠奶茶.. 原本個賣相都馬馬地.. 其實本身個茄湯都還可以.. 仲有埋茄肉.. 不過配料日式魚蛋就完全無味.. 原本食物鮮味都無.. 烏冬夠彈牙似係稻庭烏冬.. 不過望埋個墨魚餅就真係啞左.. 勁多醬汁係面不在話.. 仲要唔多夾墨魚餅.. 到整走左食落口完全無墨魚味連墨魚粒都無.. 似魚餅多啲.. 不過都係無味架.. 不得不提呢杯珍珠奶茶.. 成層泡係面而且啲奶粉仲係晒面.. 望到已經唔想飲.. 我未飲已經係圖咁嘅樣.. 只係好在可以少甜.. 飲落奶茶同珍珠味道都一般.. 不過我地食完收野服務員態度都幾差.. 所以食完今次真係無下次..