小火焰韓式咖啡廳 (觀點中心) (已結業)

芝味炸雞🧀🐥 (一份) ($178)一份炸雞嘅份量真係有啲太多😥，上次兩個人食半份先勉強清得晒，今次兩個人一份炸雞都仲淨返兩三隻炸雞😣。呢排咁凍嘅天氣去食隔住即棄膠手套都會感覺好暖手😚，但之前冇咁凍就會覺得係燙手♨️。雖然個炸皮夠脆但就厚咗dd，小編好鍾意佢除咗有一條條嘅芝士醬喺面之外仲有落到芝士粉😁😍，芝士粉甜甜哋食落真係會上癮✨。雞嘅肉質放凍咗去食嘅時候個味有啲似KFC嘅雞味🤔，不過熱食又係又一種味道。😆辛辣小杯年糕 (跟飯+$10) 辛辣年糕入口唔算太辣，一入口會先感覺到甜味😋，之後辣味先會開始慢慢湧現😏，感覺甜味同辣味配合得幾好!😜 份量又唔算太少，兩個人食啱啱好!  熱比利時朱古力🍫 ($32，跟飯+$10)評分: 7/10呢個價位嚟講絕對算大杯，可惜整杯熱朱古力都好重泡沫感，入口比較淡朱古力味而整體奶味偏重, 不過每一啖都飲到少少朱古力味嘅餘香。😋

芝士海鮮菜餅🧀🥬 ($78)第二次食呢個芝士海鮮菜餅👍🏻，好多配料，有章魚🐙、泡菜、蜆肉、蝦🦐、蘑菇🍄、粟米🌽、紅蘿蔔絲🥕、椰菜絲同羽衣甘藍等等，個層次真係好豐富，唔會話淨係得辣味而蓋過咗其他味道例如芝士🧀。煎餅嘅口感係薄薄嘅一層，今次端上檯嘅時候雖然冇上一次咁仲係微温而且邊位仲係脆，但食落去都係軟身嘅，勁似食緊章魚小丸子咁!😆😋 拉絲芝士烤豬肉伴泡菜炒飯🧀🐖 ($78)最鍾意嘅就係佢嘅芝士汁😙，份量慷慨之餘又做到拉絲效果味道又好出👍🏻，同啲泡菜炒飯一酸一甜咁真係好配合。豬肉食得出係烤過嘅，質感好特別😳，同一般豬肉唔同，比較腍身似係漢堡扒嘅感覺🤔。飯嘅份量適中，兩個人食都唔會話太少，整體上有驚喜!🤩熱比利時朱古力🍫 ($32，跟飯+$10)熱朱古力好大杯，好重泡沫感同奶味，每一啖都飲到少少朱古力味嘅餘香。😋

太太掛住韓國味道 想食炸雞 冷麵 泡菜係公司 附近 有間成日排好多人晚韓式餐廳今日就試試佢真章😌雖然好想好想食炸雞 但晏就menu 冇見到所以就冇點到😞同朋友一人一間水冷麵 一個點北寄貝水冷麵 一個點魷魚水冷麵北寄貝好似X 鮮 ，新鮮程度一般😐麵底冇乜味道 係韓國食既會好彈牙 但喱到冇😢要後期勁加芥末醬😳😳😳魷魚比較好 又燒烤過 味道出色🥰 有點燒焦嘅味道 唔錯晏晝lunch排隊人數真多！如果要食嘅就要早啲嚟排隊😬

住左係觀塘區咁多年，真係有好多餐廳都未食過，今次就決定試吓E間好多好評嘅小火焰啦鰻魚燒蕃茄濃湯烏冬（$78）好大塊好肥美嘅鰻魚啊冇諗過e個價錢竟然有e個份量定味道！超級抵食同超級飽肚大醬牛肉粉絲鍋（$62）天氣凍左啲，即刻好想食啲熱辣辣嘅嘢叫左個大醬牛肉粉絲鍋，發現都唔算好辣～好感動！而且味道又唔會好濃，lo飯岩岩好！追加小食（每款$10）卡邦尼小杯年糕、泡菜、涼伴海帶再加上蜂蜜紅棗茶同柚子茶，暖笠笠，好舒服～總括而言，係一間性價比好高嘅餐廳

為咗有飯食，大胃要將自己晚餐嘅時間推前到6點前搞掂，今日直頭4點幾已經食晚飯，咁早食當然要食好啲食多啲啦佢地上菜勁快，落單冇耐已經有嘢飲到仲要飲落唔係hea沖，又快又有質素前菜竟然有醬油蝦揀，仲要入味又新鮮食韓國嘢，泡菜點都走唔甩呢間嘅炸雞好食過好多出名嘅炸雞店，爽身又嫩口豬手撈沙律第一次食，仲撈咗啲雪梨，口感唔錯開頭以為呢個鍋得牛肉，原來⋯仲有粉絲同年糕，湯暖身又好飲卡邦尼年糕保證飽肚撈蛋食好好味，年糕唔會好難嚼，煮得啱啱好甜品最正係個雪糕，撈蛋糕同奶凍都好食呢間有口罩套提供，夠晒貼心

星期六同男朋友黎到觀塘食韓國野，午餐幾抵食又多選擇，亦唔需要加一。我地最後揀左大醬黑豚粉絲鍋同明洞餃子炒粉絲，跟餐加$10要甜辣韓式炸雞同卡邦尼小杯年糕，飲蜂蜜紅棗茶同蜂蜜生薑茶，再要個雪花冰。明洞餃子炒粉絲好夠熱，食到尾都係熱架。有三隻煎餃子，幾香口。炒粉絲略油，但有好多蔬菜配料一齊食可以中和返。大醬黑豚粉絲鍋除咗有粉絲，仲有一碗飯。大醬湯辣辣地，冬天飲好適合。黑豚肉亦夠軟腍。甜辣韓式炸雞$10就有三舊，好抵食。卡邦尼小杯年糕煙煙韌韌，卡邦尼汁撈飯食都好夾。糯米糍3.6牛乳雪花冰磨到勁幼滑，入口即化，糯米糍好煙韌，我好鍾意，仲有球朱古力雪糕添。最後飲蜂蜜紅棗茶同蜂蜜生薑茶暖暖身。

因為疫情嘅關係六點之後冇堂食，所以今日生日正日就改咗食lunch慶祝🎉🎂首先餐廳好貼心咁安排左有口罩套入場前用酒精清潔左雙手才安排入座👍叫咗一份午餐泡菜醬燒黑豚肉拌飯跟即磨凍咖啡即磨凍咖啡好好味喎，口感香濃幼滑😋醬燒豚肉好爽口一d都唔覺肥👍加埋泡菜拌飯👍正😋炸紫菜卷而個係我食韓國菜必食既小食👍👍好味，入面包住大量既粉絲炸到脆口😋芝味炸雞（半份）上面鋪滿芝士醬再加芝士粉😋雞肉炸得外脆內軟，仲有肉汁👍炸得岩岩好唔會老。

去開APM行街行到有d累，隱約記得附近有間韓國野就去小茶聚一下🥞位於觀點中心的小火焰🔥430 左右去到😅原來445就last order. .....我們快手選左就落單😎鹽酥魷魚🦑好快就上台但熱lala 而且好脆口😋草莓沙冰超大杯🍓🍹兩個人都飲唔晒~仲配埋草莓粒粒~仲有甜品朱古力🍫糯米糍綿綿冰🍧~超大碗Q彈的糯米糍配上可可粉，仲加埋超大球朱古力味雪糕磁去開APM行街行到有d累，隱約記得附近有間韓國野就去小茶聚一下🥞位於觀點中心的小火焰🔥430 左右去到😅原來445就last order. .....我們快手選左就落單😎鹽酥魷魚🦑好快就上台但熱lala 而且好脆口😋草莓沙冰超大杯🍓🍹兩個人都飲唔晒~仲配埋草莓粒粒~仲有甜品朱古力🍫糯米糍綿綿冰🍧~超大碗Q彈的糯米糍配上可可粉，仲加埋超大球朱古力味雪糕

唔係第一次食小火焰，其實係幾有保證嘅，對上一次食都好耐之前啦，唔係疫情嘅時候係需要排長龍，有後生仔幫襯又有中女幫襯振卡，佢嘅芝士拉斯食物係幾正嘅，而且佢嘅菜色同其他韓國餐廳都幾唔同，佢係頗為新派嘅。 今次叫咗個二人餐，三人食，完全夠食喎，芝士拉斯bb豬肋骨飯水準依然，第一次食佢嘅炸雞同牛骨湯煱，炸雞不油，湯煱濃味。 因為係叫套餐，所以最後嘆埋個甜品，如果唔係又點會食個lunch都好似食大餐咁嘅樣吖！ 弘大二人套餐 $438，係抵食嘅

之前嚟過小火焰， 但嗰時未開始寫食評。今次再同好友嚟食，故寫番篇補返條數 🤣。柚子明蝦水冷麵呢度嘅水冷麵麵底比較淋，蕎麥麵唔夠彈口，蝦肉亦都唔夠爽口。雖然加咗幾塊柚子肉，但毫無甜味可言，隨着冰塊嘅溶解，成碗面嘅甜酸度亦都溝淡晒，比較失色。石鍋蟹子彩雲拌飯呢個拌飯材料豐富，有好多種蔬菜，同埋粒粒飽滿嘅蟹子，口感清脆，加埋微辣嘅拌飯醬，味道不錯。韓風滷豬手同韓式煎雜菜蝦餅蝦餅應該係即煎嘅，但上到枱已經唔太熱，而且餡料都唔係好多，餅底比較軟身，已豬手滷水味一般。

冬天嚟臨，每次都想去食下韓式鍋物暖身！！逢親去韓國餐廳，一分鐘我就去落單😎有口罩套，同埋酒精係枱上面，nice！大醬海鮮粉絲鍋 $78餐牌上寫住辣度有兩粒辣椒，不過完全唔辣～ 海鮮份量都幾足，有青口、八爪魚、蜆、蝦⋯ 粉絲都好有彈性，配既仲係珍珠米添！🍲黑松露炒淮山麵 $58淮山麵有啲似意粉，天使面嗰隻🍝 價錢好抵，味道幾好，係我鍾意嘅creamy taste，不過冇乜黑松露味🙈脆香牛油雞翼 $10甜辣韓式炸雞 $10吉列炸蠔 $12三個炸物都好好食，似即叫即炸～ 雞翼牛油味好足🧈 炸雞甜甜辣辣，內部好juicy！ 炸蠔好creamy，入邊仲要熱辣辣🔥

喺APM附近行街，Search左下附近有咩食，見到呢間餐廳，嚟到門口見到餐廳入邊已經好多人，諗住食物質素一定唔會差，所以決定去試吓。職員安排我哋坐下，見到兩本厚厚的Menu，睇到眼花撩亂，樣樣都想試，諗咗好耐先決定到食咩😂炸雞combo呢個set有炸雞軟骨、芝士薯條同埋甜辣炸雞。三款味道都好正，炸雞唔太辣醬汁甜甜地，雞肉有咬口。薯條幼身又夠脆，加埋芝士醬，簡直食到停唔到口🤤芒果布朗尼3.6牛乳雪花冰表面佈滿芒果粒，同一球芒果雪糕，造型吸睛。食落啖啖奶香味，忍唔住一啖接着一啖，食落唔太漏，大碗得黎又好食😋曲奇冰沙曲奇冰沙非常大杯，我地就兩個人share一杯，最上面有成塊既曲奇同雪糕🍦，仲有曲奇味嘅冰沙，曲奇味香濃，賣相味道都一流🥰

觀塘有間好出名的韓國餐廳小火焰，諗住係呢間食完野再同朋友去APM行街。Menu有好多選擇，lunch set 、二人餐、或甜品都有。由於晏晝唔想食得太Heavy，所以今日主要試下甜品。炸魷魚鬚魷魚鬚熱辣辣上枱，味道勁正，表面炸到金黃，食落卜卜脆，又不失魷魚嘅鮮味。誠意推介大家嘗試。🥰溫馨提示：炸魷魚鬚需時製作，想食嘅朋友記得早啲嗌啦。凍朱古力咖啡朱古力咖啡好正，本身以為會好漏但飲落覺得啱啱好，咖啡味濃再加上滿滿嘅朱古力口感，雪糕溶咗後再撈勻飲口感更佳。🤣🤣芒果布朗尼3.6牛乳雪花冰賣相吸引，分量十足。配料亦非常多，有香濃嘅芒果雪糕同埋新鮮芒果粒，表面佈滿糖霜，朱古力醬忌廉同芒果粒同大大嘅芒果雪糕，奶味香濃入口即化，雪糕口感幼滑。真心好食🥰❤️

由於疫情既關係, 午巿都冇乜人堂食, 個個都外賣, 加上好多餐廳都推出外賣有折, 所以大部份打工仔都外賣返公司食, 而我當然唔會留公司食啦, 點都要出去抖一抖氣既, 呢間多年前晚巿有食過, 午巿真係第一次試食, 今日去到唔駛等位, 午巿餐牌都叫多種類揀既, 價錢都係一般 香燒牛扒蕃茄湯烏冬 - 賣相真係一般, 蕃茄湯底好濃, 烏冬都不差, 可惜牛扒太熟, 有啲鞋口, 麻麻地好食, 但牛扒份量都算多醬燒豬頸肉蕃茄湯烏冬 - 賣相還可以, 豬頸肉都爽口, 份量好多, 加上少少韓式醬汁有少少辣幾惹味朱古力咖啡 - 額外加錢試下杯特飲, 賣相不錯, 味道還可以熱柚子蜜 - 味道還可以, 柚子味唔太濃總結 : 試一次還可以, 但未有意慾想再去多次食其他嘢

韓國菜唔一定係石頭飯/kimchi呢d的傳統韓食~新時代加入左好多新元素令到韓國食品有更多新鮮感小火焰就有好多不同種類的食品令到對韓食有新體驗先來一個韓式燒美國安格斯牛小排~配埋蒜蓉牛油汁超惹味仲有勁大碗重量級朱古力綿綿冰加糯米糍。。。。。。岩晒大食量的韓國人，如果hk食必定要share當然唔少得同樣係重量級杯裝的青蘋果梳打絕對係一個價錢double份量的食物岩晒情侶sweet sweet share