小火焰韓式咖啡廳 (觀點中心) (已結業)

大件夾抵食！超人氣韓國甜品咖啡室小火焰喺觀點中心開咗一段時間終於有機會嚟食下午茶餐啦！原來可以做到咁平🤩🤩真係要讚一讚～全部$30-$40就有交易，而且質素非常高！👍🏻😍叫左「芝士牛扒吐司」、「柚子雞翼迷你芝士湯烏冬」、「五花肉鍋飯配茶碗蒸」、「泡菜餃子伴淮山麵」、「芒果雪糕吐司」同「熱檸茶」。「芝士牛扒吐司」「柚子雞翼迷你芝士湯烏冬」湯烏冬大大碗，有少少甜甜嘅粟米，仲有三隻柚子雞翼，性價比相當高！「五花肉鍋飯配茶碗蒸 」熱辣辣嘅石鍋裏面有辣口嘅五花肉。茶碗蒸另上，蒸蛋實在太滑啦～😜「泡菜餃子伴淮山麵」泡菜餃子用油炸過，裏面啲餡辣到噴火焰呀！🔥要狂飲嘢先掂🤣🙈淮山麵爽彈軟，感覺清新，淮山卡路里較少，食落更健康。「芒果雪糕吐司」剛剛焗好嘅吐司加埋一球芒果雪糕，冰火交融，口感甜絲絲😋😋成餐飯加埋都只係$200，同朋友每人平均$100食到咁多款嘢食實在非常抵食！

出觀塘對屯門人來講絕對唔係易事🙈相信好多人都同我一樣俾個芝士拉絲吸引而黎😂好怕要排隊所以特別簡平日book位去食😆.✨熔岩芝士炸雞麵包（$148）打卡之選🌟雞炸得夠乾身，雞肉夠嫩滑。法包有烘至金黃既芝士鋪面，而內裏裝住滿滿嘅熱熔淡芝士。炸雞沾上芝士拉絲，既邪惡又美味😍最後食埋個吸曬芝士既包，朋友表示好滋味！墨西哥脆片沾上芝士醬雖然唔錯但係唔覺特別（可能係現成食物嘅關係）🙈.✨牛肉水冷麵（$78）食左個咁邪惡嘅嘢當然要個水冷麵下火啦！面條好彈牙，湯幾清甜仲食到啲雪梨絲添☺️但牛肉上面既醬同湯底唔係好夾，仲有啲過熟同稍韌。🥺.✨韓式蟹子卷蛋（$78）卷蛋同韓式紫菜包飯Crossover❗️面頭加咗沙律醬同微辣醬配埋蟹籽食幾得意🙈不過我始終鍾情於傳統紫菜包飯😂.✨糯米糍3.6牛奶雪花冰（$58）糯米糍煙煙韌韌，綿綿既雪花冰有牛奶嘅味道，唔係一般泡冰只用水打淡茂茂😅 朋友表示好感動可以食到韓式嘅刨冰仲要唔貴，成晚最開心就係食甜品😂.✨青蘋果熱情果梳打（$52）冇化學藥水味🧪甜度適中，夠曬fresh!

最近追緊大熱既《哲仁皇后》～ 集集都咁好笑～ 係咁沉重既社會氣氛底下，有時真係需要放鬆一下。除左睇韓劇，韓國菜我一樣鍾意❤️炸雞！泡菜！年糕！ 講起都流口水🤤 不過呢d菜式既份量通常比較多，而今日我就食咗個韓式輕食～呢間✨小火焰韓式咖啡餐廳✨既下午茶餐款式非常多～ 有吐司拼盤、鍋飯、麵食等等，最正係佢哋追加小食有十多款，而每款都係加$10-$18就有啦！睇見menu真係樣樣都想加😋😂最終我都好貪心咁order以下咁多野食😛👇🏻野菌🍅蕃茄吐司拼盤🍞由吐司、芝士夾餅、薯條、太陽蛋同沙律菜組成。吐司有半塊，上面係滿滿既菇菌、芝士、粟米，好鍾意佢墊底的茄醬，好juicy, 平衡返個口感～ 芝士夾餅外層酥脆，內裡的熱溶芝士好yummy!小食：泡菜涼拌海帶吉列炸蠔甜辣韓式炸雞辛辣小杯年糕3.6牛乳奶凍呢度d小食一d都唔馬虎ga！👍🏻Kimchi同海帶絕對係必點前菜la~ 炸蠔同炸雞都係即叫即製脆卜卜~ 年糕細細條、辣醬好惹味~ 奶凍奶味濃又滑！另外跟餐叫咗杯蜂蜜生薑茶，飲完個身暖返好多！我竟然一個人食得晒咁多嘢😹 要努力做運動先得la⋯⋯Haha! 又多個新食點la～而且係觀塘市中心, 非常就腳呢

呢排追緊驅魔麵館就想食韓國菜🇰🇷1. 大醬餃子粉絲鍋 $62熱辣辣 食落暖笠笠 仲有三大隻餃子 入面係豬肉餡 仲有好多菇同其他蔬菜配料 小小辣嘅都 但係大醬味都幾濃郁 撈飯唔錯2. 脆香牛油雞翼 +$10咁多樣最鍾意係呢個 炸到好似平時食開個隻脆香雞翼 只係呢個多左牛油香 唔辣 啱哂我食3. 韓式甜辣年糕炸雞 半份 $98呢到嘅炸雞幾好食 甜辣醬勁多 勁入味 年糕又煙煙韌韌 半份有四大舊 食左兩件都有7成飽 4. 炸紫菜卷 $38入面包左啲粉絲 炸衣都香脆 正常發揮Overall推介指數：4/5以前中學成日同班fd過黎食 事關佢地勁迷韓星 呢到又成日播啲oppa嘅mv 估唔到隔左咁耐黎 生意衣然咁好 menu仲多左好多選擇 真係係呢到食多左份回憶哈哈

豬五花炒粉絲 62元 +10元 泡菜餃子  1. 韓式粉絲爽口彈牙,配合辣醬及豬肉確實是非常好的開胃菜/主食2. 10元2粒的泡菜餃子熱辣辣,是一道好值得推介的小食魷魚水冷麵  68元 +10元 卡邦尼年糕1. 韓國冷麵絕對有首爾的水準,3條大大的魷魚令你忍不住不停進食2. 沒想到卡邦尼醬可以與韓式年糕談上一場驚天動地的戀愛,哈哈!蜂蜜提子脆米炸雞(半份)  98元4款炸雞中最具特色,上桌時好熱,附有手套,將炸雞沾上蜂蜜醬汁和提子脆米是一種完全有創意的配合芝士海鮮煎餅  78元最後才上菜的煎餅,相信是太多人選擇吧?幸好芝士不是太多,不會掩蓋煎餅和海鮮的味道,跟我在韓國吃過的不相伯仲糯米滋3.6牛奶雪花冰  68元飽滿嫩滑的雪花冰,有3粒朱古力糯米滋,作為最後一道甜品為這餐劃上完美的句號~飲品:熱蜂蜜生薑茶(跟餐) & 凍岩鹽焦糖咖啡(+13元)1. 暖胃健康的生薑熱茶2. 提神又止辣的微甜咖啡總結:餐廳的環境寬闊,店員的服務態度正面,上菜速度高及有求必應。每道菜的份量都頗多,而且是熱辣辣,可見即叫即做有保證。價錢公道,加入了西式菜的口味,令人更容易接受韓國菜,非常不俗的一次體驗。

呢間韓國菜係觀塘區已經有一段時間, 岩岩開業黎食過dinner, 隔左甘多年黎食lunch估唔到咁耐冇食水準都依舊咁好!Lunch time時間去, 餐廳都好full, 好彩岩岩入到唔洗等位平均$50-60就有個餐，份量都好多淮山麵有驚喜，份量夠, 肥牛同翠玉瓜都有好多件, 成個麵都炒到好入味, 淮山麵煮得岩岩好唔會太淋, 口感唔錯, 成碟好香口好好味海鮮鍋入面都算多海鮮, 青口, 鮮魷, 蝦, 蜆, 帶子，而且熱辣辣上台食完成個人暖笠笠, 岩晒冬天食! 仲跟左碗白飯, 食完真係好飽跟餐可以+$10有一款小食, 叫左3款吉列炸蠔有兩大隻, 幾好食, 唔會好厚粉, 脆口多汁, 抵食甜辣韓式炸雞有三件, 雞肉炸到好入味, 而且仲好juicy, 配埋甜辣醬一流涼拌海帶佢既海帶係細細塊既, 而且個醬都好特別, 好開胃最後跟餐送埋野飲, 叫左熱峰蜜柚子茶同埋熱峰蜜紅棗茶, 味道都唔錯整體cp值十分高, 一份正餐連埋三碟小食, 人均只係$80左右，抵食之選

啱啱轉咗工又翻返嚟觀塘做嘢，同同事講起，其實觀塘食嘢一啲都唔平，如果要食好啲的話！今日我向大家推介呢一間我舊同事成日幫襯嘅餐廳，佢喺觀塘都開左好幾年，面對社運同埋疫情下，眼見好多餐廳執笠，但係佢依然每日都好多人幫襯，仲要等位，原因就係佢性價比高🤪今日12:40嚟到，餐廳已經有啲人喺度等緊位，好彩我等咗10分鐘到就有位，仲好好彩坐到卡位😁午餐來講佢其實真係有好多款菜式，冇正式統計過，但起碼有幾十款俾你揀，連埋嘢飲，粉面飯炒粉絲咩都有，總有一款會啱你😉價錢都只不過係大約$50至$70，只不過係比茶餐廳貴少少嘅價錢但係就食到韓國菜同埋坐得舒舒服服，疫情下非常注重衛生既我好少去幫襯茶餐廳，但又冇可能日日食成百蚊嘅lunch，所以就吸引咗好多係附近番工既人士啦😎新一年第一次幫襯佢，所以食好啲😁今日叫咗兩個午餐再加兩個小食：燒汁蜜桃🍑豬扒焗泡菜炒飯 （$68 set lunch)點解我話呢度性價比高呢？因為佢啲碟頭好大碟，就算係男人都一定夠食😌呢個焗飯其實都有少少西韓fusion菜，因為如果淨係去韓國餐廳無唔會有呢款食囉，講多少少背景，呢間餐廳名係「韓色咖啡廳」😍明洞餃子炒粉絲 （$62 set

依間係觀塘嘅一間好出名韓國餐廳，好耐之前食過一次，今次再去食，同之前嘅味道差唔多，野食又平又高質。之前食過大醬黑豚粉絲鍋，大醬湯都幾正，今次試下佢嘅豬骨湯，湯底都幾甜，同飯一齊食都幾好，特別係依家咁凍嘅時候，食一啖熱辣辣嘅泡飯好暖胃。黑豚肉幾好食，唔會煮到好鞋，肥瘦啱啱好。牛扒溫泉蛋焗泡菜炒飯令人好驚喜，比想像中更加好食，特別係塊牛扒，雖然佢係薄薄地，但牛肉味都幾濃，食落唔會有好多筋。而焗飯最重要嘅芝士佢都有，芝士、溫泉蛋同炒飯一齊撈非常美味，佢食落唔會太辣，酸酸地嘅泡菜令人幾開胃，而飯嘅份量都幾多，依個飯幾值得點。佢有好多種小食可以揀，大部份都係加$10，每份嘅份量都唔算太多，唔洗做大嘥鬼。甜辣韓式炸雞一份都有3舊，佢嘅醬係比較甜，辣味唔太濃，炸雞都幾香脆。涼伴海帶係最鍾意嘅韓國小菜，每次都會點依個，食落唔會太辣，咬落去好爽，口感非常正。脆香牛油雞翼都唔錯，香脆嘅雞翼係最好食，牛油味都幾濃，整得幾好。卡邦尼小杯年糕都出面買嘅差唔多，估唔到兩者都幾夾，唔會差過傳統辣年糕，年糕食落都彈牙，唔會太淋。涼拌大豆芽係比較辣，佢處理得幾好，食到大豆芽嘅fresh。天氣太凍，冇膽飲凍飲，就點左兩杯

讀書時期其中一間我最喜愛餐廳🥰，性價比極高，事隔多年舊地重訪，質素仍然keep得咁好😋👍🏼。.🥬炸紫菜捲💲38外層炸到脆卜卜，驚你唔飽入面仲捲住啲粉絲🤣。素食者之選🌱.🥩吹脹水牛芝士牛肉野菌沙律💲128賣相出眾😍，唔知點解可以將水牛芝士層皮吹到咁漲，薄牛肉口感比較硬和乾，沙律菜配黑醋酸酸甜甜好開胃。打卡呃like之選📸.🍗蜂蜜提子脆米炸雞(半份)💲98半份大概有5件炸雞，外皮炸得超香脆可口😍，每件肉質嫩滑有彈性，咬落仲有肉汁同油香咇出黎😋，蜂蜜提子既份量完全唔手軟，配炸雞一齊食真係好夾💯。————————————————價錢：💲290 / 2pax味道：😋😋😋😋環境：✨✨✨✨✨服務：💁🏻‍♂️💁🏻‍♂️💁🏻‍♂️💁🏻‍♂️💁🏻‍♂️賣相：📸📸📸📸📸等待：0 mins (2pm)回頭率：90％📌 繁忙時段通常要等位

泡菜醬燒黑豚伴飯💲68本身驚個泡菜醬都會有啲辣， 點知嚟到嘅時候好香一啲都唔辣口。 黑豚 淋身juicy， 再配埋炒椰菜 同埋韓式泡菜。 撈埋一齊食非常之好味！ 我老婆望住我唔捨得放低隻匙羹🤣蒜香牛油雞翼兩份💲20雞翼炸得香脆， 外皮好香蒜油味， 質感有啲似出面啲黃金雞翼脆皮質地， 可能係我食過最香蒜油味嘅雞翼。韓國醃牛蒡 💲10同平時日本餐廳食嗰啲唔同， 比較淡口 但係開胃。炸紫菜捲💲38外面炸得出色， 本身以為有啲似素菜捲或者腐皮卷嗰啲餡料， 咬開完之後發現入面係粉絲， 但係味道依然咁濃郁， 未食過嘅都可以試下

天氣驟冷，真係好想去食個暖笠笠嘅午餐，趁午市仲有堂食，就落去搵個石鍋料理嘆下。家姐上完zoom就去APM隔離嘅觀點中心食韓國嘢(係，我哋係韓國菜fans，今個星期再encore😝) 佢近排好喜愛食鰻魚，所以一坐低就話要食鰻魚蕃茄烏冬，而我當然要食熱辣辣嘅牛肉石頭鍋飯😋鰻魚都幾肥美，雖然唔係一整條，但厚身好夠份量。家姐話烏冬好煙煙韌韌，係佢最喜歡嘅質感。最後佢讚個湯底好濃郁，我試左兩啖都想成碗飲😂到我個牛肉石鍋飯嚟嘅時候，店員好細心咁問我需要幫忙攪拌(因為上碟時牛肉係生嘅)👍🏻中間加左隻生蛋，撈完之後，蛋汁加埋辣醬、紫菜，伴飯真係無得頂，愈食愈開胃、成身都暖晒😚而啲牛肉响個石鍋裡面煮左4分鐘後就食得，啱啱好見到變咗色！呢個石鍋真係不得了，我食完嘅時候都仲feel到佢熱辣辣😉

可能近來疫情關係，外賣自取八折，今次冇試到其他主菜而係試叫左兩樣半份既炸雞(88-98)。如果想叫外賣既朋友希望比到參考你地，每樣有四大舊咁但都係類似Jollibee或者係KFC既質素，其中一份係年糕炸雞但年糕極幼細。雖然拎完已經半小時內食但都係凍哂，充滿改善空間。但有另一個亮點就係員工服務態度係超好，由一開始協助落單直到拎外賣個一刻都好好，途都唔小人陸續入座而員工都有預先提last order既時間。

下午茶時間總是想吃點東西的，去了位於觀塘道的觀點中心覓食，這裡地理位置方便容易找到🤭。店舖環境不算很大，但坐得挻舒適。下午茶餐有很多選擇，由咸食到甜品也有不少選擇🤤。💥野菜牛肉迷利芝士湯烏冬 HKD$42，跟餐還有火腿煎蛋，雖然是下午茶但份量十足😍。牛肉肉質腍身，烏冬湯底味道香濃惹味🤤，這個套餐吃到很飽🙈。💥辛辣小杯年糕 HKD$10，這個是跟餐加購小食，份量不過不失。年糕口感煙韌，醬汁味道帶點辣很惹味，這個價錢算是不錯的。💥綠茶雪糕吐司 HKD$38，當天沒有抹茶雪糕，所以選擇了曲奇雪糕，另有有很紅豆包圍著雪糕🤭。吐司裡面有花生醬和煉奶，熱辣辣吃口感很棒🤤。💥爐板燒布朗尼 HKD$78，這個用小爐子上挻特別的，令到布朗尼保持熱熱的口感😆，朱古力味道濃郁還帶點甜。雪糕是黑松露雲呢拿口味，雪糕的黑松露味較重，挻喜歡吃這個雪糕😋。下午茶套餐跟餐有飲品贈送，我們分別加了HKD$10/ HKD$13升級飲品。點了熱烤杏仁咖啡和凍岩鹽焦糖咖啡，咖啡味道濃郁☕，凍飲味道帶點甜。食物質素不錯，價錢一般🙈。

小火焰晚餐時段食過幾次，今日4點左右，便進去食番個早飯先。#鰻魚烏冬🍜（番茄湯底）鰻魚肥美，番茄🍅湯底夠熱，味道濃郁好飲，烏冬麵質滑嘟嘟。#海鮮炒淮山麵有蝦、青口、魷魚....的海鮮，醬汁Creamy掛汁，喜歡淮山麵夠健康而且有咬口，份量多夠晒飽😋。-泡菜加$10便有碗泡菜，味道正宗，我十分滿意。-炸雞件（3件）加$10便可嘗到炸雞，雞件帶上甜辣醬，炸得香脆唔覺油多，夠香口😋，價錢都很合理。午餐包餐飲，抵食🥳。

係1點幾去食小火焰，雖然仲係午餐時間，但比起12點嘅時段已經少人好多，加上疫情，所以唔需要等位就可以入內食午餐。我點左一個泡菜炒豬肉飯，其實味道不錯，但係就越食越鹹，可能因為泡菜本身就已經好濃味，加上醬汁，所以就變到好鹹。即使呢個係午市套餐，但係份量都唔算少，一個人絕對夠飽。希望小火焰可以見到呢篇食評，餐點嘅鹽/味精可以落少啲。對比我同朋友之前係小火焰食過嘅冷面，酸酸地開胃，呢個飯真係遜色同有啲小失落，下次唔會再叫。