小火焰韓式咖啡廳 (觀點中心) (已結業)

前日約咗個好耐冇見嘅朋友嚟到觀塘呢邊食個lunch～我哋揀咗呢間韓國餐廳，佢嘅午市套餐都幾抵食蕃茄鰻魚湯烏冬鰻魚幾香甜，醬汁幾好，一大碗蕃茄湯烏冬，酸酸甜甜嘅湯底，烏冬幾爽口雜菜炒粉絲配餃子有三隻韓式餃子🥟皮薄餡多，幾好味😋雜菜炒粉絲幾香，有好多粉絲，仲有椰菜翠玉瓜等等，感覺幾健康～卡邦尼年糕好creamy嘅卡邦尼年糕，煙煙韌韌嘅年糕，仲有啲煙肉等等～幾好味😋芝士脆餅兩塊香脆嘅芝士脆餅，脆卜卜，幾正芽菜凍凍地酸酸地嘅芽菜，作為配菜唔錯柚子蜜幾香甜嘅柚子蜜Cappuccino $5有好多泡沫喺面嘅泡沫咖啡☕️仲有啲咖啡粉喺面～

經常見很多年輕潮人在門口排隊，我都年輕，排埋一份。🤪看過食評才點餐，首先點韓式原味炸雞，原味才能食出食物的真髓。果然是真才實料，炸雞塊多汁美味，香脆又不會太多脆漿，餐廳又提供手套，食得滿嘴👄油香，蘸上芥末醬，更加美味。👍第二樣點芝士蘑菇雞翼，4隻炸得金黃色的雞翼，豐滿香脆，裡面是芝士漿和蘑菇，外香脆內香滑，難怪個個讚👍。食完炸雞，要食些另類食物，韓式蔬菜餅不錯，有蔬菜又有炭水化合物，平衡了營養需求。 蔬菜餅薄薄一塊，上面有些泡菜，很惹味，又可飽肚。😘覺得蔬菜不夠，又要了碟小食大豆芽，揀錯了，越食越辣，好彩細細碟，不致太浪費。🤪這裡服務熱情，員工溫和有禮，還有一排大電影，播映韓國綜藝節目，難怪會吸吸了不少青春潮人來幫襯。🤗

今日去觀塘搵野食，黎到觀點中心呢間小火焰韓底咖啡廳。小火焰算係一間性價比高既餐廳，選擇又多，猶其係lunch，真係值得一試。我地一行兩人見食晏咁抵就叫左好幾樣食物，先講下食韓國一定要試既炸雞先，韓式甜辣醬炸雞+年糕。炸雞炸好脆入面又juicy，加埋個醬甜甜地易入口，脆雞加軟棉既年糕，兩種口感同時擁有。再黎就係泡菜豬頸肉蓋飯，燒豬頸肉香脆可口加上泡菜同埋燒汁，送飯一流，真係一邊大口食飯一邊大口吃肉，另外午餐可以加小食，我地就叫左一個牛油雞翼，另一個就係韓式年糕,，後要講既就係牛肉大醬泡飯，暖笠笠既肉湯加上大大塊牛肉同其他配菜，簡直係冬天既恩物。小火焰絕對係值得推介既餐廳，而且地方闊落唔驚坐得迫迫夾夾。

呢間韓國餐廳近地鐵站，行5分鐘就到Menu菜式選擇都好多不過如果想搵正統韓國食物，呢間就唔係太岩價錢係幾平，叫左2個主食同1個小食試下泡菜醬燒黑豚拌飯份量足夠，醬汁好惹味，拌飯一流黑豚就無咩特別茄子牛肋蕃茄湯烏冬番茄湯底足料，牛肋炆得好淋身，唔會韌不過茄子得一片😅😅😅芝士夾餅整體份量偏少，芝士味道岩岩好，唔會太淡或太濃菜式整體味道唔算出色，如果咁岩行經附近，想平食韓式菜可以試試

今日黎到觀塘Hea 行行下見到間韓式餐廳一於去體驗吓正唔正宗先 餐牌有好多款式 真係要諗吓先可以叫到餐😂叫左2個主食 大醬粉絲牛肉飯 天氣凍凍地最啱就係叫呢啲嘢食㗎啦 暖身呀嘛~~~大醬湯底濃郁 牛肉唔會過熟 yummy 🤤 另外個個就係燒豬頸肉飯 哩個真係無得頂 豬頸肉燒得非常之香口豬頸肉份量多 仲有紫菜碎 韓式辣醬 撈埋嚟食非常之好味 😋小食方面加$10就有韓式炒年糕 同埋 炸雞翼 食韓國餐點可以少得過炒年糕呢年糕煙un…雞翼炸得香脆一啲都唔油膩小食方面叫咗半份甜辣炸雞🍗炸雞份量都起碼有五舊以上 仲要係大大嚿雞髀 & 雞胸位醬汁方面一啲都唔辣 啱晒唔食得辣嘅朋友仲有豬手豬手就配沙律一啲都唔會太肥膩 中和返豬手配麻醬好似係第一次食呢個配搭幾新穎

呢間位於觀塘區嘅韓國料理餐廳一直係我心目中嘅頭三甲，食物有水準之餘價錢又合理，每次經過都會嚟幫襯。今日幫左朋友黎食lunch, 點左炸魷魚鬚同韓式餃子做前菜。兩碟分量都多，魷魚鬚夠脆口而且咸度適中，食唔停口。韓式餃子就一如既往keep到水準，餡料都算多，仲有兩份醬汁任君選擇。煮食方面我哋叫咗牛肉石鍋飯同半份炸雞。石鍋飯食材新鮮，用石鍋熱力煮熟又有少少焦味道，好惹味！而炸雞都好大件，香脆得黎肉質又滑嫩。另外仲叫咗朱古力沙冰，朱古力味好重，值得推介！

泡菜燒牛扒拌飯($68)好大碗，擺盤賣相都幾靚，牛扒偏瘦偏薄，撈埋泡菜同埋紫菜調味啱啱好，唔會太鹹或者太辣👍🏻天氣咁凍梗係要試吓成煲熱辣辣咁上嘅大醬海鮮粉絲鍋 ($78)，大醬湯底微辣，暖粒粒送飯真係一流呀🥰小食方面就追加咗韓式小魚餅($13)、忌廉蟹肉餅($13)、香脆牛油雞翼($15)同 甜辣韓式炸雞($12)🙈蟹餅酥脆亦好足料，雞翼好重牛油味，炸雞都唔會太乾，可以一試🐣最後跟餐送嘅嘢飲就叫咗杯熱即磨咖啡同埋熱柚子蜜，可以揀少甜，熱咖啡仲送曲奇送口添☕️

又去觀塘搵嘢食，今次呢到小火焰韓式咖啡廳，朋友講過好好食。唔算等好耐就可以入去啦，店員服務都好好，會介紹自己，又會介紹menu推介美食，食物都多元化，炸雞，韓式薄餅，石鍋飯等等，最後揀左蟹黃炒淮山麵$108，很特別咁，上碟外觀都好靚，而且味道好好食好有驚喜！！ 淮山麵好滑又有咬口嘅， 除咗有蟹肉同埋蟹黃之外，仲有唔少菇菌同埋翠玉瓜，夾起來又好好食， 而佢嘅醬汁甜甜哋咁幾好食，應該幾岩女仔食，另外仲有同朋友分左個雪花冰$88，揀左芒果布朗尼3.6牛乳雪花冰，份量好多，上面有芒果雪糕同鮮芒果，好甜，好味，仲有d朱古力餅仔，好脆增加口感，感覺吾錯，滿足的一餐。

去咗觀塘食呢間小火焰韓式咖啡廳， 氣氛都好韓國feel，有好多電視播住韓國嘅MV， 地方都好舒服坐位都好寬敞。Menu都好多嘢食揀，最後嗌咗泡菜鰻魚燒拌飯（$128）同芒果布朗尼3.6牛乳雪花冰（$88）吾洗好耐就上碟，熱辣辣石鍋咁上碟，天氣凍嚟食好正，而且鰻魚份量都好多，泡菜吾算太辣，另外配上辣醬，可以自己調教辣度，幾好食。另外，都嗌左芒果布朗尼3.6牛乳雪花冰$88，佢整作需時20分鐘，所以食到差不多就要嗌定，一上碟好大碗，可以2至3人食，好抵食，芒果好甜，牛乳雪糕都好香濃又香滑，好正！整體感覺好好，又好食服務都好，會再來。

觀塘出咗名多嘢食，今日比我發掘左呢間食韓國菜既韓式餐廳，餐牌上既選擇非常豐富，花多眼亂。二個人食飯，叫左炸魷魚鬚同韓式煎餃子做前菜。魷魚鬚好鬆脆，份量又多。餃子嘅包法都好特別，而且餃子皮薄，餡料好足。仲有個牛肉可鍋飯，店員會幫手炒埋，食材都好新鮮主菜方面，叫左芝味炸雞，雞件大大件，而且炸到好香口，肉連皮唔會散開晒，雞肉咬開都好滑。加上芝士醬，十分yummy~總括來說，係觀塘區一間性價比幾高既韓國料理餐廳，價錢唔貴，食物有一定水準，推介比中意食韓國菜既朋友仔！

溫泉蛋野菜牛肉蕃茄湯烏冬 $58份量好多，烏冬係彈牙嘅日本稻庭烏冬，蕃茄湯惹味。原來另上嘅野菜牛肉更加惹味， 以燒汁 打芡嘅野菜牛肉 好惹味。 整體嚟講，性價比超高。韓風石板炒野菜$78鐵板上，超有鑊氣，好大碟菜，有椰菜，翠玉瓜，小玉米，蘿蔔絲，菇，等等。全部切片切絲。加左燒汁煎香。 顛覆咗我對韓國野嘅印象，唔係只得泡菜食。幾好食。菜控必點。芝士海鮮菜餅$88一個用蛋漿煎嘅薄餅。面頭加上海鮮同芝士。最後舖上菜絲。海鮮都算彈牙唔霉。拉絲芝士係成個薄餅嘅靈魂。呢個係飽肚之選小食有驚喜，每樣小食平平地，細細碟，但質素唔差。忌廉蟹肉餅 ＋$16外脆內creamy脆香牛油雞翼 ＋$15有2隻，似係氣炸鍋嘅出品，唔油，面頭脆loklok, 但肉質juicy卡邦尼小杯年糕＋$10

全部食物都垃圾，簡直暴斂天物！石頭鍋飯係微暖，吾係熱嘅 重點係一啲熱到出煙嘅反應都冇 入面個茄子重係係冰！所謂韓式炸雞粒仔，只係加咗小小薯片嘅芝士醬咗微波爐叮熱返拎出嚟比客牛油雞翼，食吾到牛油味，食到大陣油億味嘅油炸雞翼飲品又係垃圾凍朱古力真係一杯朱古力粉加熱水再加冰，沒差別，姐係室溫嘅朱古力水囉熱紫薯那鐵，係熱奶泡加幾吓紫薯粉黎，正確黎講係暖吾熱🙃最後重點！全間餐廳啲員工連經理真係吾知佢哋係咪返緊工，個牙姨係咁走過黎望住人食飯等有吉碟就走過黎收，重點我未食完野，問都吾問直接插隻手入黎收吉碗同碟，一啲禮貌都冇！我食那完 放枱邊 又吾會走過黎收！個經理重搞笑，辦公時間打電話比屋企人重要好大聲傾電話行黎行去。食完成肚氣，講晒粗口真係！

話說近排係我半個阿哥生日⋯⋯🙊既然依家冇夜晚堂食，咁就唯有食個birthday lunch~😎😎 關於食咩都諗咗一段時間，而我決定同佢食啲平時一齊好少食嘅嘢，就喺韓國嘢。·海鮮炒淮山麵🥘海鮮都非常之多，有蝦有青口，仲有啲菇菌類嘅，食落亦都好新鮮。至於啲麵，食落真係好似有少少淮山味🤏🏻。感覺好得意，亦都好似好健康咁～～🙊 加埋佢獨特嘅汁醬，阿哥表示幾好味喎～☺️·泡菜燒鰻魚拌飯🍱呢個組合好fusion菜！先係韓國嘅泡菜，再配上日本嘅燒鰻魚，咁我覺得夾埋又幾好食～😋 泡菜有少少酸酸辣辣，再加上有燒鰻魚味汁甜甜嘅燒鰻魚味，連埋傳統韓式椰菜拌飯一齊食，我覺得都係夾嘅！！😆·韓式魚餅 / 忌廉可樂餅係兩款我哋覺得比較吸引嘅小食。忌廉可樂餅係我哋兒時回憶，雖然係日本嘢嚟⋯⋯不過脆皮炸得好脆，忌廉嘅味道亦都好好。韓式魚餅我哋覺得夠晒魚味，煎得好香口又唔太鹹，幾好幾好。·Green Tea Latte🍵 綠茶味夠，又唔太甜，飲落亦都好creamy！！好彩佢嘅少冰真係少冰，唔太飲得凍嘢嘅我，表示非常滿意～😆😉

之前黎試過二人餐覺得唔錯，本來諗住嚟回味下，原來午市餐都好抵食。韓式煎雜菜蝦餅同平時食開成塊都好香脆嘅煎餅有啲落差，我覺得似蛋餅皮多啲，勝在好足料，有好多隻新鮮蝦，如果可以配韓式醬油就更好喇。凍冰冰忍唔住叫返個湯飯，大醬餃子粉絲鍋就係平時韓劇見到熱辣辣出晒煙嗰種，大醬濃味得黎唔會太咸，逐啖飯撈湯食好爽。 唔小心小食都叫埋餃子，好彩兩款係唔同味，同樣係脹卜卜好足料，食幾隻已經飽飽地。泡菜餃子 (+$10)要讚吓係熱辣辣唔係整定，味道同想像中差唔多，泡菜味好出，肉餡都扎實。脆香牛油雞翼 (+$15)基本上就係呢度散叫炸雞咁嘅質地，可惜牛油味唔係好濃，當係原味炸雞嘅話觀感會fit d。辛辣小杯年糕 (+$10)味道好奇妙地係平時腸粉齊醬嘅混醬味，輕鬆清碟，好夠惹味刺激。

小火焰係其中一間觀塘居民帶我黎食過幾次既餐廳，雖然定價親民，但每次都好有驚喜。辣炒豬腩肉拌飯 ($68)超級超值好食，首先豬腩肉份量係多到唔慳住食，最後一啖都仲有幾塊。 豬肉嫩滑有肉味，翠玉瓜同彩椒熟度啱啱好，調味濃得嚟唔會太咸，好啱口味。 平時我慣咗少飯，但啲汁撈撈下真係唔覺意食晒，比起正宗韓國舖頭嘅石鍋拌飯更加惹味。大醬餃子粉絲鍋 ($68)其實明知係急凍餃子我係唔會叫嘅，但朋友好想食，估唔到好有驚喜。 雖然餃子唔係親手包，但質素媲美餃子店出品，大大隻皮薄煙韌，菜肉餡清淡樸實，仲有畫龍點睛嘅韓國粉絲，絕對唔會有用幾十蚊叫碗辛辣麵嘅搵笨感覺，反而好似食咗個百幾蚊嘅main咁滿足。芝味炸雞 ($108)每次嚟小火焰其實我都係想食芝味炸雞，炸雞本身做得唔錯，香脆唔會油膩，大部份都係嫩滑嘅雞髀雞翼位置，同朋友share都唔使鬥快爭食。 重點當然係淋滿咗芝士醬同芝士粉，咸咸香香，芝士控絕對收貨有突。