小火焰韓式咖啡廳 (觀點中心) (已結業)

呢間位於觀塘區嘅韓國料理餐廳一直係我心目中嘅頭三甲，食物有水準之餘價錢又合理，每次經過都會嚟幫襯。今日幫左朋友黎食lunch, 點左炸魷魚鬚同韓式餃子做前菜。兩碟分量都多，魷魚鬚夠脆口而且咸度適中，食唔停口。韓式餃子就一如既往keep到水準，餡料都算多，仲有兩份醬汁任君選擇。煮食方面我哋叫咗牛肉石鍋飯同半份炸雞。石鍋飯食材新鮮，用石鍋熱力煮熟又有少少焦味道，好惹味！而炸雞都好大件，香脆得黎肉質又滑嫩。另外仲叫咗朱古力沙冰，朱古力味好重，值得推介！